أنا والمسيحي

بارت27

● انا والمسيحي ~

بقلمي : سجى الزيدي 🌺

حساب الانستا: Saj_a7677

لاتنسون التصويت + التعليق بين الفقرات 💜

● ------ ( 🖤 ) ------ ●

نور: ( والله حال ساهدة يقهر صارت لاتحجي لاتسولف بس تشتغل وهي ساكتة تكمل تروح يم احمد بغرفتة تنام فحيل قهرتني صرت اخذ ابني وابقة يمها زهراء تجينا بين فترة وفترة هم ضاجت وانقهرت حيل علة ساهدة بس شنسوي الحجي ميفيد ، كاعدين بغرفة احمد نسولف اني وساهدة لحد ما رجعت هالة للبيت متخبلة من موضوع رزاق)

-هالة: لج ساهدة شلون تسكتين لج حطيها وكتليها هلسي شعرها وسوي خلع لرزاق ميستاهلج طلع

-ساهدة: ههههه جا مو انتي ردتي تزوجي صديقتج المحامية

-هالة: هاي شبيج ساهدة هوة وين يلكة مثلج والله هوة الخسران لو منج ما ابقة لحظة ويا السوا مو قليل ابد ما توقعتها منة ميستاهلج خيولي الحقير

-ساهدة: عمري هالة ميصير تغلطين علة حماج الكبير عيب منة وعيب من مسلم ميقبل ترة

-هالة: لا وتدافع عنة بعد ترة اكتلج انتي ومسلم هسة

-ساهدة: لا عمري ميستاهل ادافع عنة بس ما اريد أتجاوز بالحجي مو أخلاقي وعيب من اخوتة ذولة الي خجلانين مني علة سوايتة وهوة عادي عندة

-نور: الله يساعدج متساهلين والله

-هالة: زين هسة هوة وين ينام ؟

-ساهدة: اني عفتلة الغرفة بس ادخلها اخذ غراضي واجي يم ابني لا اريد اشوفة ولا اريدة ينام يمي خلي يروح يم مرتة الثانية

-هالة: اريد اروح اهلس شعرها عفية دكومن خلي نكتلها كتلة قوية

-نور: يمعودة عوفيها

-هالة: ها نويرة وتقبلين هيج يسوي بسهودة

-نور: ابد والله بس مو مال نروح عليها نعاركها ميصير وهوة اصلآ صوج رزاق مو صوجها

-ساهدة: صحيح والله هوة صوج رجلي الجابها وما وكفت اني بعينة هي شعلينا
ويلة نور هالة روحن صعدن نأمن عيب رجولتجن وحيدهم

-هالة: ونعوفج وحدج معلية انام هنا اريد

-ساهدة: روحي صعدي انتي وابنج يم رجلج لا اكتلج

-هالة: صوجي عود اصير حبابة

-ساهدة: ههههه بس روحن نأمن حتة انوم حمودي وانام