● انا والمسيحي ~
بقلمي : سجى الزيدي 🌺
حساب الانستا: Saj_a7677
لاتنسون التصويت + التعليق بين الفقرات 💜
● ------ ( 🖤 ) ------ ●
-كيان:( كعدنا عل الجرباية ورة ماهدت هي ولفت روحها بلحاف من البرد واني رحت افورلها حليب تشربة بقيت منتضر دقايق من فار المي خبطتة وية حليب وشوية شكر وجبتة الها )
-: اشربي راح يدفيج
-ايلول: شكرآ
-كيان: تردين تسولفيلي شصار ؟
( اباوعلها دموعها بعدهن بعيونها فجاء فتحت ايدها الجانت ضامتهة حيل طلعت صورة مال طفل مشكوكة نصين باوعتلها وحجت وياي بخنكة )
-ايلول: شكوا صورة حبيبي
-كيان: صورة منو ؟؟
-ايلول: ابني سقراط
-كيان: ( نصدمت حيل متوقعت عدها طفل مدا افهم شي لان الاعرف هي مامزوجة فردت اعرف شنو صار وياها عاد كلتلها :-
-: سولفيلي عنج ايلول شنو صار وياج
-ايلول: من چان عمري ١٢ سنة چنت رايحة للمدرسة فاكو شاب شكلة محلو يخوف خطفني سد حلكي واخذني لسيارتة وداني لمنطقة بنايتها قديمة وشكلها وصخ وعبالك مهجورة من كبرت عرفت اسمها طلع البتاوين
-كيان: البتاوين ؟؟؟؟
مستحيل
-ايلول: اي هي نفسة فهوة حبسني بشقة مهجورة واغتصبني وچان يخليني اخذ حبوب مال مخدرات من ورا صرت حامل واني ما اعرف شنو حمل بس فجاء بدت بطني تكبر وصرت اتوجع حيل ما اعرف شسوي وهوة چان مختفي بس يجي يجيبلي اكل ومي ويروح
ردت حبوب منة مچان ينطيني طوف فترة حملي لان عرف حامل وما أكدر اسقطة وهم بدت تكبر بطني لحد ما ولدت وحدي واني عمري ١٣ سنة اذكر سميتة سقراط بس ناسية كلشي بخصوصة لان الخطفني رجع ينطيني حبوب
فما اذكر شلون كبر سقراط ما اذكر حضنتة لو لا وكلتة بچة لو ضحك لعبت ويا بستة خليتة بحضني ونمنا سوة شكد حاولت بس كلشي ما اذكر بس اذكر هوة موجود والوحمة مال وردة بأبهامة الأيمن
بس اني بقيت مدمنة ٧ سنوات وهوة وياي اني اذكرة موجود اي موجود وياي متأكدة بس من اخذوني اهلي يعالجوني كالوا لا سقراط ماكو عقلج هوة الي صنعة ماعندج طفل صدكوا كلام الطبيب النفسي وجذبوني بحجة اني مو بعقلي اني متخيلتة وعايشة بوهم
أنت تقرأ
أنا والمسيحي
Romanceشخصية مظلمة وقلوبآ منكسرة حياة لايعلم احدآ عنها شيئآ وماضي مملوء بالسواد طفلآ ينتحب وأم لاتعلم ماتفعل جروحآ عميقة وابتسامة رقيقة عيونآ ذابلة والدموع سائلة من هنا تبدآ الحكاية .......
