ليتك تعرفين الحال؛ ويش هي نواياي

ثلاثين

صلو ع نبينا محمد عليه الصلاه والسلام🫶🏻

...
وكان سلطان ينتظره عند الباب ركب معاه وتوجهوو للديره مسافه الطريق ووصلو ل الديره ع الساعه 4 العصر طلع محمد من البيت وهو يشوفوه وقال : اووو ظلمت الديره يولد
نواف : مظلمه بوجودك
ضحك محمد من كل قلبه وقال : عريسنا الجديد
تضايق سلطان من ذا الكلمه وقال: يعني جدي وافق
محمد وهو يتكي بيده ع السياره : يمدح خال البنت
سلطان وهو يناظر نواف : راح الامل
محمد : ليش م تبي ؟
سلطان : لو ابي كان شفتي مستانس ولا ؟
نواف : م راح الامل ولاشيء
محمد : شوف ف موضوع زواجك يعني امي مره شاده حيلها عليك
سلطان : كله منك الله ياخذك
ضحك محمد : حريتي ي خي م ابي اتزوج هم
نواف وهو يمسح ع شاربه : جدي وينه ؟
محمد : كلهم جالسين ف الحوش ابوي واخواني وحريم اخواني وبنات اخواني وعيال اخواني
نواف : تمام مشينا
دخل نواف ووراه سلطان
الجد ثنيان : اي كنا ننتظرك ي ولدي ي سلطان
نواف : ليش
الجد : عشان نخطب له
| عند البنات |
وهم جالسين يسمعون كل شيء
ملك : شكل مافيه امل بيتزوج سلطان خلاص
إديم وهي قاعده تصارع مع مشاعر ف داخلها ولاتعرف كيف تعكسها ع وجهها
مجد : متحمسه اخوي الكبير يتزوج
إيفان وهي تضرب ملك ع بطنها
ملك : اهه
وتاشر بيدها يعني وش وضعكم ؟
ملك وهي تضرب فمها : سكتنا
| عند الجد ونواف |
نواف : سلطان مهو متزوج ذا البنت وانتهى
الجد ثنيان باستغراب : ليش ؟ وبعدين تكسر كلمتي ؟
نواف : محشووم ي جد كلمتك م تنكسر بس البنت ذي محنا م خذيناها ل سلطان
الجد منيرا : ووششوو
نواف : الي سمعتوه
سلطان : م تصلح لي البنت تكفون
الجده منيرا : شووووف ي سلطان اذا مو ذي البنت فيه بنات واجد بس زواجكك يكون قريب وانتهى ، وبنات الديره كثيررر ي سلطان
دخلت الجده البيت بزعل
اخذ سلطان نفس ودخله ل صدره وفي نفسه " الحين الي حولنا وش مقصرين فيه ؟ "
الجد : يولدي انا تعرفني م بضغظ عليك بالموضوع ذا بالمره بس كلام جدتك احترمه وانا جدك تبي تشوف سعادتك فقدت الامل من محمد
سلطان : يصير خير ي جدي 
ابو سلطان : لاتتضايق وانا ابوك جدتك تبي تشوف سعادتك وعيالك
ابتسم سلطان بحنيه ل ابوه
دخلو العيال المجلس
| عند البنات|
ملك : هيا ندخل نشوف وش قالت جدتي
شهد : اي اي امشي بسرعه
دخلو ملك ومجد وشهد وريتاج للبيت بقى إديم وإيفان برا ف الحوش كانت إديم تشرب شاهي وملامحها فيها البرودد الي م تتخيلونه
إيفان تنهدت وقالت : طار الزواج معاد فيه
إديم ببرود : بتزوجه جده وحده ثانيه فرقت ؟
إيفان : افففف ي إديموووه افففف " قربت إيفان من إديم وحضنتها بقووه وقتها إديم راح برودها وانفجرت بحضن إيفان "
|في المجلس |
كان سلطان شارد الذهن وهو يحس فقد الامل هو حتى م يدري إديم تبيه ولا م همها
جلس نواف جنبه ومد لها فنجال شاهي : قل لهم ي عضيدي انك تبي بنت عمك
سلطان ناظر نواف : خايف ي اخوك خايف انها م تبيني
نواف : ي اخوك انت تحكم من مخك ؟
سلطان : يوم اخذتهم ذاك اليوم من العزيمه ولا التفتت علي ي نواف احسني غبي يوم اسوي كذا
نواف : لا اله الا الله يولد مو شرط كل شيء فيه خير وخيره " وقال عشان يواسيه من تفكيره شوي " مشانا نطلع نفرفر بالديره
سلطان ببتسامه هز راسه بالايجاب طلعو وكانو البنات إديم وإيفان بالحوش سمعو صوت بكي ودخلو ع جمله
إديم ببكي : وشذنبي اذا بغيته لي
إيفان وهي تهديها : اففف إديميي انتي سلطان مقرود دامه م اخذك
إديم بضحك مختلط مع بكي
اشتعل قلب سلطان وانها كيف كانت تبكي
ابتسم نواف ونزل راسه وهو يحك شعره وتنحنح
التفت إيفان عليهم وشافتهم غاضين بصرهم الاثنين من رغم انهم كانو لابسين نقابات
شهقت إديم وكحت
سلطان ببتسامه شاقه وجهه قال : سلطان م هو الا لك وبس
طلع من باب الحوش ونواف وراه
ضحك نواف وقال : م تبيني هي م تبيني شفت علمتك كل شيء وله خيره
سلطان حضن نواف بقووووه وهو يضحك
نواف : خنقتنيي ، "وبطقطقه" سلطان م هو الا لك
سلطان بضحك : نروح نفرفر ف الديره؟
نواف : انتظرني دقايق واجيك " ودخل نواف للبيت " شاف إيفان عند باب البيت خلاص بتدخله مسكها وسحبها عنده إيفان صرختتت انخرشت م تدري وش الي سحبها سد نواف فمها وهو كان وراها ماسك يدها ويسحبها ويده الثانيه ع فمها وإيفان خايفه وتحاول تفك يده بس كان نواف اقوى منها اخذها وراء البيت وفك فمها
إيفان كانت تصارخ والتفت عليه
ضحك نواف وهو يناظرها
إيفان وهي تمسك قلبها من الخوف : مو منجدك بغيت اموت من الخوف
نواف بضحك وهو يشوف عيونها الي باين عليها الخوف
بدت إيفان تدمع عيونها
نواف بصدمه سحبها لحضنه: والله اسف انا
إيفان : خوفتني
نواف بضحك : بكايه انتي
إيفان ضربت صدره
ضحك نواف وهو يرفع النقاب عن وجهها : طيب اشتقت ٣ ايام بس المحك فيها !! وانام عند العيال وانا متزوج ؟ مهو بحاله ذي
إيفان ابتسمت : احسن " وضحكت "
نواف : تستفزيني ؟
إيفان بضحكه وتغير الموضوع: سلطان يبي إديم
نواف :عاش ومات وتقولين يبيها؟
ابتسمت إيفان : الحمدلله إديم م تستاهل كل الي صار
نواف ببتسامه من ابتسامتها قال : بروح سلطان ينتظرني برا بس لنا تفاهم بعدين بحاسبك
إيفان ضحكت : تحاسبني ع شو وش سويت
ضحك وهو يروح ل سلطان الي كان ينتطره برا دخلت إيفان البيت وهي تدور بعيونها ع إديم وشافتها جالسه وباين عليها ملامح الفرح جت إيفان ودفتها وجلست جنبها وقالت : سلطان م هو الا لك وبس " وضحكت "
دقتها إديم بضحك: وجعععع
سكتو ع دخول الحريم
....
| عند سطام|
كان التحقيق مستمر ع كل الطرفين وكلاً منهم يقاوم وينكر طلع سطام من غرفه وهو يمسك راسه من القضيه المشتته
دخلت غزل المركز شافها سطام وقام لها وقال: بغيتي شيء ؟ عندك قضيه
غزل ب استغراب : لا
سطام: طيب ليش جايه؟
غزل : بغيت الضابط نواف
بلع سطام ريقه وهو يقول في نفسه" ذي ليكون طاحت ومحد سمى عليها يويلي من نواف" : مو موجود الضابط نواف
بان ع ملامح غزل الزعل وقالت : تمام عادي انتظره؟
سطام عشان يحطها بالامر الواقع قال: م بيجي سافر هو وزوجته تعرفين عاد نواف يموت ف زوجته م يحبها تطفش " في نفسه " سطام وش م يحبها تطفش"
غزل بان عليها ملامح الحقد والحسددد
ناظر سطام السوار الي عليها والحمدلله للحين لابسته وقال : بغيتي شيء ي المباحث ؟
غزل بصراخ : لااااا
سطام : طيب م عندك قضايا ؟
غزل ناظرت فيه وسحبت عليه وطلعت
سطام : اعوذ بالله مثل ابوها " وقال بضحك واستهبال بينه وبين نفسه " شكل عندها قضيه مستعجله عليها
" ضحك"
ودخل الغرفه
..
| عند العيال | في العزبه
كانو متكين ودخلو عليهم نواف وسلطان
محمد : ارحبوووووووو ارحبووووو القهوه ي ولدد
نواف وهو برجله يدف محمد الجالس ويجلس مكانه : قم جب القهوه انت
ضحك فهد : عز الله يعزك
محمد وهو يحط يدينه الثنينين ع خصره ويناظرهم ب استغراب قال : عمك انا ي ولددد
ضحك سلطان : يليلل
نايف : الحين يقعد سنه م سكت
نواف وهو يناظره بحواجبه الحاده ونظراته قال : من الولد ؟ دقايق انا سمعت زين ؟
محمد تنحنح : ابشر بالقهوه ، الي قال ولد تراه مطلق قليللل ادب خيررر
مطلق بصدمه : كذاااب !
ضحك سلطان من خرشه مطلق
نواف : اقووول جهز القهوه بس
محمد : تبشر من عيوني
راح محمد للمطبخ يزهب القهوه
سلمان : اشوفك ي سلطان النفسيه متغيره قبل ساعات متضايق
مسح سلطان ع شواربه ببتسامه
ضحك نواف ضحكه خفيفه من سلطان
فهد وهو يشفط بالقهوه شفط : وراه حاجه
سلطان : اشرب القهوه زي الناس
ضحك نايف : شفاط النمل
قعدو كلهم يضحكون وسكتو ع جيت رائد
العيال :ارحب
ابتسم رائد : البقى
قامو العيال يسلمون عليه
رائد بيتسامه: والله ي عيال تذكرت زمان
ابتسمو العيال
وجاء محمد بالقهوه وصبها لهم
نواف : ناقص شيء الصراحه
ضحك رائد وهو يغمز له : بعد القهوه ي شاعرنا
ضحك نواف : تزهبو
مطلق وهو يحك راسه : انا الوحيد الي م فهمت ولا كيف
ضربه فهد ع راسه : قصدهم نتسابق ب الحصنه حقتنا
مطلق : اوووه وربي مدري وين راح حصاني 😭
ضحك رائد : م يحب الحصنه منكم الا شاعرنا وسلطان ونايف
ضحك سلمان: يخوك انا كاني سلحفاء فيه
( معلومه بسيطه عشان م تتلخبطون احفاد ثنيان كلهمم عندهم حصنه بس ناسينها ولا يجونها كثير معادا نواف الي م يقدر يفارق سحاب من صغره وسحاب يعتبر جزء من قلبه وسلطان م يفارق غيم بس مو مثل حب نواف ل سحاب ونايف بعد ترا يحب الحصنه بس انشغل عنها )
فهد : انت سلحفاء وانت تمشي كيف بالحصان
ضربه سلمان ع راسه
ضحك رائد : اجل بدق ع العيال عشان نروح الاسطبل ونطلع الحصنه ي شاعرنا ونتسابق ب الديره " وقال بضحك " واذا م تقدر مو مشكله نروح الاسطبل
ضحك نواف : بكسر غرورك واخلي كل اهل الديره تشهد
رائد بضحك : تم بس اذا كسرت غرورك ي شاعرنا وخليت كل الديره تشهد لاتزعل
محمد وهو يشفط بالقهوه : اقول اسكت نواف ياكل الحم ويعطينا العظام
ضحك مطلق من كله قلبه : ي حماااار مو كذا المثال
محمد : اهم شيء فهم
ضحك رائد : نشوف
سلمان : تمر ع الحصنه انت ي رائد
رائد بيتسامه : اي اوقات امر اشوف كل احصنتكم الا سحااب م شفتها الا ب السباق حق نواف " التفت ع نواف " والله ي شاعرنا كفو شفته ع الجوال ولا قدرت اجي ولا والله كان ودي اكون متواجد
ابتسم نواف : مهي بمشكله مثل م فزت ف السباق بفوز عليك
ضحك رائد : يولد النرجسيه من وين تجيبها ؟
ضحك سلطان : الا انت من وين تجيب الثقه ؟
قام رائد بضحك : اجل قم ي شاعرنا نتسابق تحدي بيننا
قام نواف وهو يمد يده ل رائد مسك رائد يده : قد التحدي ؟
رائد : قده وقدود
نواف : قدام الديره كلها من بقاله ابو طارق لين السوق الشعبي
رائد ضحك : جوي مسافات طويله
نواف بضحك : يلا روح جيب حصانك نتقابل ب البقاله
رائد ضحك: جاك
محمد : اصبرو نشتري من البقاله فشار وبالسيارات نشوفكم( يعني نواف ورائد يتسابقون والعيال بيركبون السيارات عشان يلحقونهم يشوفون من يفوز )
سلطان : يلا اجل
راح رائد يجيب حصانه وراح نواف وسلطان يجيبون سحاب وبيتقابلون ف البقاله
..
| عند البنات |
كانو جالسين مع بعضهم
شهد : ابوك ي الطفش وربي موت طفش
مجد : وحر يوه ي بنات موت بموتتت وش ذا الحر
ريتاج : صدق احس اني مكتومه هينا
إيفان : ي كثر حلطمتكم اعوذ بالله
إديم ببتسامه : تراهم صادقين خل نطلع نكلم امهاتنا ونطلع نروح للبقاله كذا ونجي
إيفان : طيب يلا مشانا نستاذن
قامو كلهم وكلموهم م كان عندهم مشكله لبسو عبايتهم وطلعو
...
| عند اصايل |
طلعت من غرفتها وهي لابسه عبايتها شافت امها ف الصاله وكانت زعلانه عشان باقي م جو اهل سلطان
التفت ع اصايل وقالت : طسي لام طارق جيبي من عندها القدر حقنا
اصايل هزت براسه ب نعم وطلعت وهي م ودها ترجع خلاص تحملت بما فيه الكفايه وتوجهت لبيت ام طارق