ليتك تعرفين الحال؛ ويش هي نواياي

البارت العاشر

صلو ع محمد عليه افضل الصلاه والسلام
ضيفوني انستا ( llzix_2)

..
جالسه تقراء كتاب وتشرب قهوه
دخل ابوها وقال : إيفان يبه جيبي لي كاسه ماء
لفت عليه إيفان : اي تبشر يبه
قامت توجهت للمطبخ وجابت ماء ل ابوها
إيفان : تفضل يبه
ابو نايف : تسلمين يعيون ابوك
آيفان ابتسمت : اخذت دواك يبه ؟
ابو نايف : لا والله ماخذيته
إيفان : الله يهداك يبه رايحه اجيبه لك
هز راسه ابو نايف ب الايجاب
....
عند بيت الجد /
فهد : مالت عليك انتي وياها
مجد : انقلع وهات السماعه
فهد : حقتي
مجد : والله حقتي هاتها شوف فيها مناكير حاطتها انا
فهد : غشاشه حاطه في سماعاتي مناكيركم ذي
مجد : نلعب حنا هاتها لا اعلم ابوي
دخل سلطان عليهم وقال : وش تسوون انتم
مجد : سلطان شوف م يعطيني سماعاتي
سلطان : ورع عطها سماعتها
فهد : سماعاتي
ملك : كذاب حقت مجد
سلطان : كبر عقلك وعطها
لفت عليه مجد وهي رافعه حاجبها : وش قصدك عقلي صغير
سلطان ضحك وقال : لا والله فهد هو الي عقله صغير
فهد : وشدخلني انا
اخذت مجد السماعات من يده وقامت
فهد : هيييي هاتيها ابيها
.....
جالسين في غرفه الاجتماع
ابو سامي : وش تقول انت ي نواف
نواف : رايي من رايك
سطام : بنحميهم وونفذ ذا الشيء
نواف وهو يتكي بظهره ع الكرسي : دامه هو يبي يعرف من الي يطارده بنخليه يعرف
ابو سامي : انت قدها وقدود يا ابو تركي
ابتسم نواف لما قال ابو تركي
سطام : وانا معك اول باول
نواف وهو يضرب ع كتف سطام : انشهد انك صديق ما مثلك
سطام وهو يضرب كتف نواف : وانت بعد كذا
ابتسم ابو سامي ع صداقتهم
نواف : عن اذنكم بستاذنكم بدري
ابو سامي : خل نتعشاء مع بعض
نواف : والله ودي بس صاحب جدي عازمنا ع العشاء وان كان تخاووني للعشاء يامرحبا
ابو سامي : اي جتني عزيمه من ابو سالم
نواف : ها مشانا سطام قم
سطام : لا
قاطعه نواف قبل يكمل كلمه وقال : علي بالطلاق ل تقوم معي يلا
...
جالس في الحوش يطالع جواله جت من وراه وضربته ع راسه
مهيار : اهه عورتيني
إديم وهي تجلس : جبت لك فواكه تبي ولا ؟
مهيار : اي ابي
جاء ابو مهيار من برا البيت
مهيار : ارحب يبه
ابو مهيار : البقى يولدي
إديم وهي تقوم تبوس ابوها : ممكن طلب صغير جداً جداً ي ابوي
ابو مهيار : الله يستر اطلبي
ابتسم إديم وقالت : شدعوه ابي اروح ل صاحبتي اليوم تسمح لي
ابو مهيار : روحي ي ابوي انتي وانتبهي ل نفسك
نطت إديم بفرح وهي تبوسه ع راسه
مهيار وهو يطالع فيهم : كسرتي رقبت ابوي بشويش عليه
إديم : بسم الله على ابوي
ابو مهيار : مهيار يولدي اليوم فيه عشاء عند ابو سالم تجهز عشان نروح
مهيار : اي ابشر يبه
...
دخل نواف للبيت وشافهم جاهزين كلهم
محمد : يلا بدل نتظرك
نواف : طيب يلا
راح نواف يبدل لبس ثوبه الابيض وشخص الشماغ وتعطر وطلع
سلطان : وش ذا الكشخه يالعضيد
نواف : وش ذا الجمال ي العضيد
فهد : انا ولد الجيران
محمد بضحك : حتا ولد الجيران يمدحونه اكثر منا
نواف ابتسم وقال : امش انت وياه
ركبو سياراتهم وتوجهو للعزيمه الي كانت في استراحه وكانت عزيمه كبيره وصلو ونزلو من سياراتهم كان سلمان ومطلق توهم جاين
الجد ثنيان : ابوكم وينه ي عيالي
سلمان تنهد وقال : مشغول ي جد
الجد ثنيان : اي زين
ابو مهيار : السلام عليكم
الكل : عليكم السلام
( بقول لكم ملاحظه بسيطه الجد ثنيان من شيوخ القبيله وكل م جاء عزيمه لازم يكون عياله معاها واحفاده كلهم )
تقدم الجد وكانو عياله وراه ووراء عياله احفاده
دخل الجد بهيبته المعتاده وكانو القبيله اذا شافو ثنيان ينبسطون
ابو سالم : مرحبا والله ب ابو تركي نورتونا حياكم اقلطو اقلطو
الجد ثنيان : منور باهله
جلسو الجد وعياله وكانو احفاده بما انهم الشباب في كل عزيمه يقهوون ويساعدون الشباب اصلاً ابو سالم م عنده الا ولد واحد والي هو سالم قامو الشباب يساعدونه
سالم : م تقصرون ي عيال
ابو سالم : الا ي ابو تركي وين ابو نايف
الجد ثنيان : في الشرقيه ولا كان وده يجي
ابو سالم : اي معذور معذور
واحد من الموجودين : نواف
نواف بصوت كله هيبه وفخم : سم
: سم الله عدوك م ودك تعطينا وحده من قصايدك
( تعرفون نواف شاعر والكل يحب شعره وشعر نواف مامثله عندهم )
نواف تنحنح : اي تبشرون
بيني و بين الوقت حرب و تحاقيق
ولاقلت طالت حربنا قال توي
قواتي بريه وللجو ماطيق
واهوش بريه تحت قصف جوي

( القصيده ل الشاعر مصلح شافي الحارثي وممكن تكون اغلب القصايد الي ف روايتي ل الشاعر مصلح شافي الحارثي )

اختلطت اصوات الريجيل ب : صح لسانك
قعد الجد ثنيان يسولف مع ابو سامي وكل المجلس بدو يسولفون
سلطان : سطام وش اخبارك وش علومك
سطام : الحمدلله بخير
محمد : اي منت ناوي تتزوج
مهيار : انت زوج نفسك اول
محمد : الود ودي بس ماحصلت
مطلق بضحك : محد يبيك
محمد : والله اني مزيون
سطام بضحك : ادع في كل سجده
ماتو العيال من الضحك كلهم
نواف م ضحك مثلهم بس ابتسم وقال : خوفي يتزوج ثم نبتلش فيه وفي عياله
سلمان : المشكله انه بيعيش معاكم هو وعياله
فهد بضحك : نرميهم كلهم نطلعهم من السعوديه
محمد : لاتحكمون ع عيالي وانتم م شفتوهم
سطام : يحكمون ع الابو ههههههه
محمد بضحك وبمدح ل نفسه : م فيه اجمل من ابوهم
...
جالس وهو مانام صار له يومين وهو يبحث وكل طاقته راحت عشان بس يعرف من هذا الي يراقبه من هذا الي مو هين من ذا الي مو سهل
زايد بصوت عالي : احمدددد
دخل احمد بتوتر: سم ابشر يعني هلا
زايد : نواف آل ثنيان شوف لي من هو
احمد : ابشر
...
في العزيمه /
كان نواف واقف برا ويشم هواء ويسولف مع سطام جاءهم سلطان من وراهم
سطام : تمت المهمه
نواف :حلوين
سلطان : وش فيه وش صار
سطام: نواف قرر يفصح هويته ل زايد
سلطان : وعمي ؟ وبنته؟
نواف: بنحميهم انا لولاهم كان فصحت هويتي من زمان مافيه حل غير كذا ي سلطان
سطام وهو يشرب الشاهي : بنشوف وش يسوي الكندري
...
جالسين ف الصاله يسولفون
فجر : اففف لابتوبي خربان
ملك : هاتي اشوفه
فجر مدته لها
ملك : مره معلق
فجر : اي من يجي محمد بخليه يصلحه
ملك : اي صح بكره بتوصل العبايات
مجد : اما احس مره بدري بالعاده يتاخرون
ملك : م اعرف
فجر : اي عبايات ؟
ملك : العبايات الي خبرتك عنها الي من الموقع ذيك
فجر : اي من كثر م تطلبون عبايات انسى
...
زايد الكندري : تقولي ضابط
احمد : اي ضابط
زايد : بحثت عن اهله ؟ عمانه ؟
احمد : اي عمه عبدالمحسن ال ثنيان
لف عليه زايد وعيونه بتطلع من مكانها : هذا للحين م يتوب ماكفاه موت زوجته
....
يدق عليه وهو في السياره
نواف : نايف كيفك
نايف : بخير الحمدلله وش صار
نواف : فصحت هويتي وهو بحث عني انتبه ي نايف
نايف : لاتوصي بنتبه
نواف : اتصل علي اذا صار شيء
نايف : ابشر
..
ننهي البارت لين هينا

اعذروني اذا فيه اخطاء املائيه 💗