صلو ع محمد عليه افضل الصلاه والسلام
ضيفو حسابي انستا ( llzix_2) 💗
............
في الرياض في بيت ثنيان /
كانو مجد وفجر وملك مع بعض ف الغرفه وام سلطان والجده وام فجر في الصاله يتقهوون اما الجد وابو سلطان راحو عزومه دق الباب فجاءه
ام سلطان : ي بنات تعالو فكو الباب
جوو البنات وفكت الباب ملك
إيفان : ادخل ولا ارجع
ملك : تستهبليننن ادخلي واهه اشتقت لك
وحضنتها ملك
دخلت وسلمت ع الموجودين
الجده : وين نايف ي بنيتي بسلم عليه
إيفان : في المجلس
الجده : وابوك راح العزيمه ؟
إيفان : اي اي راح قابلنا عمي تركي وجدي وراح معاهم
الجده : اي زين
<<تقديم الوقت >>
جالس وهو يكرر الفيدوهات يبي يطلع منها ادنى شيء
سطام : صار فيه نقطه تفتيش بس م طلع منهم اي شيء مخالف
ضرب نواف يده ع الطاوله بكل قوته
ابو سامي : اهدى وتحكم ب عصابك
سطام : الي يقوله الفريق ان اليوم بيطلعون ع الساعه ٧ اليلل
نواف : اجل مشانا ي سطام بنروح للفريق
ابو سامي : الله معكم وانتبهو وتواصلو معاي
نواف هز راسه بالإيجاب وطلع وطلع وراه سطام ركبو سيارتهم وتوجهو للمكان الي فيه فريقهم
عند الفريق /
ف ١: الضابط نواف جاي
ف٢: وصلتك التعليمات ؟
ف ١: اي بنقعد ف السياره لحد م يجون
م كملو كلامهم الا سياره نواف وقفت جنبهم ونزل من سيارته بكل هيبته نزلو الفريق من السياره وضربو له تحيه
نواف : كيف الوضع
ف ١: كلشي ع ماهو طال عمرك
نواف : وين ثالثكم ( الفريق كانو ثلاثه بس الي شافهم نواف ثنين )
ف ٢: يراقب من قريب
نواف : متى يطلعون ؟
ف ١: بعد شوي
نواف شافهم تعابى شوي وقال : روحو انتم اليوم بيوتكم ارتاحو
ف ١: بس طال عمرك ابو سامي قال نراقب
نواف : انا عطيتكم امر انكم تروحون
طالعو ببعضهم وقالو : مشكور طال عمرك
راحو الفريق وقال سطام ل نواف : وش ناوي تسوي
نواف : نراقب جهز تفتيش في النقطه قدام
سطام : جاهز اول م يمرون بيجون التفتيش
( الكل راح يقول ليش نواف وسطام م يكبسون عليهم وياخذونهم ب الجرم المشهود ؟ زايد الكندري مو سهل ولو بيكبسون عليه بيطلع نفسه بسهووله ويدخل واحد بداله السجن ونواف ذكي مو غبي م يبي يطلع نفسه ل زايد الا لما يمسك عليه شيء والقضيه مخطط عليها من زمان بس هذا وقت التنفيذ والي يبي يسويه نواف يمسكونهم ف نقطه تفتيش وياخذون البضاعه والاشخاص الموجودين )
...
دخل الكوفي وسال عن محمد قالو له ان داخل دخل عليه
محمد : اوو شوفو من جاء حياك
سلطان رمى شماغه ع الكرسي وجلس
محمد : وش فيك منفس ي ولد
سلطان : واصله معاي لاخر درجه ومابي اروح البيت قلت اجيك الكوفي
محمد : اطلب لك قهوه ؟
سلطان : هات
طلب له محمد وايت موكا وجلس جنبه
محمد : وش فيك
سلطان : خسرت قضيه
محمد لف عليه : عادي القضايا فوز وخسارها
سلطان : ترا مو لعبه
ضحك محمد وقال : ي خي ابي اواسيك ذا جزاتي
ونقطع سوالفهم يوم سمعو هوشه ف الكوفي قام محمد وسلطان معاه يشوفون وش المشكله
الزبون : وين المدير ها انا ابي المدير
الموظف : انت الغلطان وشلون وين المدير
الزبون : ماشاءالله حتا الموظف ذا يرفع لسانه
محمد : ليش مو عاجبك ذا الموظف
الزبون : لا مو عاجبني وين المدريه
محمد : انا المدير
الزبون باستهزاز : شف حل مع موظفك يطول لسانه ع الزباين
لف سلطان وشاف شخص يصور الحدث وعرف انه صديق الزبون الي يهاوش ويبون يسوون محتوى وحفله راح سلطان اخذ الجوال من الي يصور وضرب الجوال ع الارض ومسكه من ياقته وقال بعصبيه ونفخه: اطلع قدامي برا اطلع
والزبون الي يهاوش يوم شاف انه كشفو صاحبه تجمد ومحمد اخذه وطلعوهم برا الكوفي وودفوهم ع الجدار
سلطان : تتبلون ع موظف عشان مقطع فيديو
ضحك واحد منهم وقال : م نتبلي حنا ولا لا ي خوي
وهو يناظر خويه
ضحك الثاني وهز راسه بالايجاب : قوود قودد
محمد وهو يناظرهم ويقول : مو من مصلحتك انت وياه
سلطان قومه وعطاه كف طلعو ع محمد وسلطان سكاكين
واحد من المجرمين : تعال تعال قرب شفيك
مسك سلطان واحد ومحمد واحد
سلطان : اترك السكينه لصالحك
المجرم ١ : نو نو
حاول انه يطعن سلطان بس سلطان كان يتفادى الضربات
مسك يده الي فيها السكينه وحاول يطرحها بس جرحت يديه
اما محمد اخذ شماغه وحاول يلف يده ويطرحه
كانو الكل متجمع عليهم والي يصيح من منظر السكاكين اما الموظف الي ف الكوفي يعرف محمد ويعرف اخوانه وعايلتهم يعني صديقهم يعتبر اسمه سيف خاف مره ع محمد وسلطان وع طول دق ع نواف قبل يجون الشرطه وياخذون محمد وسلطان
عند سيف /
سلمان : رد ي نواف رد
دق ع نواف مرتين وثلاث ومو راضي يرد بس اخر وحده رد عليه
نواف : هلا
سيف: نواف الحق ع اخوك وعمك
نواف بخوف : وش صاير وش فيه
سيف: علم نواف وهو يلهث من الخوف
نواف : خلاص قفل جاي
عند نواف وسطام /
نواف : سلطان ومحمد ف مشكله ولازم اروح وش الحل
سطام : خلاص انا اراقب الوضع وانت تشوف وش فيهم وتجيني
نواف ابتسم وقال : اعتمد عليك ي سطام
مشاء نواف وتوجه للكوفي وهو يمشي باقصى سرعته
...
عند الشيبان ف العزيمه /
دخل عليهم واحد من الشباب وهو يصيح ويقول : سلطان ومحمد انطعنو ف الكوفي ي ابو تركي
انصعق الجد ثنيان من الخبر وقامو كل الشيبان ف العزيمه يهدونه وهو م يسمعهم من صدمته قام بكل مواجعه وهو يستعجل بخطواته للكوفي قام ابو نايف الي يهدي ابو سلطان الي فكر انهم ماتو
ابو نايف : يبو سلطان اذكر الله مشانا نشوفهم يلا ي خوي يلا لاشوفك موجوع مافيهم الا كل خير
( طبعاً ذا الشاب بخور العزايم الي اول م يسمع خبر لازم يزود بهاراته وينشره ذا شغلته )
........
ESTÁS LEYENDO
ليتك تعرفين الحال؛ ويش هي نواياي
Ficción General(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
