صلو ع محمد عليه افضل الصلاه والسلام
ضيفوني انستا ( llzix_2)
💗💗
....
طلع من غرفه تسجيلات الكميرا وهو معصب شلون كذا كيف راحت تسجيلات الكميرا
محمد : وين راحت تسجيلات الكميرا من دخل هينا
سيف ب استغراب : غريبه والله
محمد بتافف : انا قلت ل نواف نشوف التسجيلات الحين من وين لنا
سيف : برايي من صدفه
محمد : شلون مو صدفه
سيف : والله مدري يمكن احد دخل وحذفها
محمد بتافف : عطني قهوه
سيف : ابشر
..
ف بيت الجد ثنيان /
فهد وهو توه داخل البيت جاي من الجامعه ورمى نفسه ف الصاله
جت الجده منيرا وهي تشوفه : وراك يوليدي
فهد وهو يناظر جدته بعين وحده : تعبان
الجده : روح اخذ لك شور وتعال اكل
قام فهد وتوجه ل غرفته بياخذ شور وبياكل
..
عند البنات ف المدرسه /
في غرفه المديره
المديره بصراخ عليهم : ماشاءالله طولي وتسون حركات بزارين
الاداريه وهي تهدي المديره : مايقصدون البنات
المديره : ي لفلفون ف الساحات تحت وتقولين م يقصدون ! باقي لهم شهرين ويتخرجون وهذي تصرفاتهم ( تقصد ملك ومجد ومي وفجر )
لفت المديره ع شهد وقالت : وانتي وش يعرفك فيهم ؟
مجد : بنت خالتي
المديره : بنات ثنيان كلكم اجل
سكتو البنات
المديره : باستدعي اولياء اموركم وبكلم امك ي مي
اخذت المديره اوراق استدعاء ودقت ع ام مي
لفت ع بنات ثنيان وقالت : عطوني رقم ولي امركم
توترو البنات وخافو من جدهم ومن ابوهم
ملك بتصريفه : جدي وابوي مسافرين
المديره : اخوكم ؟ عمكم ؟ م عندكم كلهم اختفو
مجد : ****
طلعو البنات من مكتب المديره وجلسو عند الباب
فجر : الرقم الي قلتيه لها ي مجد لمين ؟
مجد : فهد
ملك : اي ازين فهد بيصرفنا
شهد : يوهه وش اقول ل اخواني ان رجعت
فجر: عادي فهد استاذن لنا كلنا
طلعت مي من مكتب المديره وراحو لها البنات
شهد : وش صار
مي : م صار شيء كلمت امي وجايه
...
رماه ع الارض وهو يكح والدم ينزل من خشمه
نواف : ها مو ناوي تعترف
وهو يكح : انا ميت كذا ولا كذا
نواف : براي لاتموت ع يدي بتكون موتتك شنيعه
جاه سطام جري وهو يمسك نواف
سطام : خلاص خله بكون معاه انا
نواف ناظر سطام ومشى وتركهم وراه راح للحمامات ( وانتو بكرامه ) شاف يده الي كلها دمان غسلها وغسل وجه وهو يناظر وجه وتوضى ومن عاداتهم دايم اي شخص يطلع من الحمام يتوضى عشان يكون طاهر طول الوقت معلمهم الجد ثنيان ع كذا وتربو ع هذا الشيء بعد م توضى وخلص طلع وتوجه ل مكتبه
..
كان ياكل ودق جواله رفعه وهو م يعرف من ذا الي يدق
فهد : الوو
المديره : السلام عليكم اخوي معك مدرسه بنات ثنيان
كح فهد وقال : سمي
المديره : نستدعيك لو سمحت البنات مسوين مشكله
فهد بصدمه : وش مسوين
المديره : اذا جيتنا نقول لك
وقفلت
الجده : وش فيه يولدي
ام سلطان : وش صاير
فهد بتصريفه : لالا مافيه شيء ذا واحد من العيال يبيني ضروري
اخذ شماغه ورماه ع كتفه وقام
...
خلص من قضيه وكان طالع من المحكمه طالع جرحه وشافه ينزف تنهد وراح للمغاسل يغسله
( ترا جرح سلطان مو بسيط )
: سلطان ؟
لف عليه سلطان : ارحب
: وين الدنيا فيك يولد معاد اشوفك
سلطان : اشغال تعرف
وسلم عليه
: وش فيها يدك ؟
سلطان : حادث بسيط المهم انا عازمك ع الغدا
: والله اني مشغول خلها مره ثانيه
سلطان : علي بالطلاق لنتغداء وع حسابي
: كثر الله خيرك ي سلطان مالها داعي الكلافه
سلطان : لا كلافه ولا شيء
..
في الشرقيه /
راجعه من جامعتها دخلت البيت وراحت اخذت لها شور ونازله تسوي غداء والبيت فاضي م فيه احد الا هي نايف ف دوامه وابوها راح يسولف مع الشيبان في القهوه
إيفان تنهدت وهي كارهه الهدوء ركبت الغداء ع النار وراحت تصلي الظهر
دخل نايف وهو يدورها : إيفااانييي
طلع ل غرفتها دق الباب
إيفان : هلا
نايف فك الباب : اناديك من اليوم
إيفان : م سمعتك وكنت اصلي
نايف : تقبل الله
إيفان : منل ومنك صالح الاعمال
نايف : ابوي وينه
إيفان : راح للقهوه عند الشيبان
نايف : زين بروح ابدل ملابسي ونازل لك ( لان كان لابس لبس التمريض )
هزت إيفان راسها ب الايجاب وراح نايف ل غرفته ونزلت إيفان تكمل الغداء
...
طلع من مكتبه وهو ينادي احمد
جاءه احمد :سم
زايد : كيف فيصل
احمد : لا كويس
زايد : لقيت الي قلته لك
احمد توتر وقال : تقريباً بس شاك في شيء
فار دم زايد وقال : انطق
احمد : احسه شرطي مو شخص عادي وبرضو احسه عدو
زايد : تحس اجل وش ابي بحساسك الغبي ها 'صراخ'
انقلع عن وجهي لاشوفك انقلع
جلس ع الكنبه وهو فاير دمه وعرف ان الشخص الي يراقبه مو سهل ويبي هو بنفسه الي يبحث عنه م راح يعتمد ع رجال اغبياء اخذ عكازه وطلع ركب سياره
السواق : فين اروح
زايد بعصبيه : امش وبس
توتر السايق وقال : تبشر طال عمرك
...
دق الباب حق مكتبه
نواف : ادخل
دخل معاذ : طال عمرك الفريق يقولون الكندري طلع من بيته
نواف : حلو يمكن يروح مكان نستفيد منه
معاذ : تبي شيء طال عمرك ؟
نواف : لا
طلع معاذ وكان نواف جالس وحاط رجل ع رجل وهو مصدع مو قادر يفك عيونه من الصداع ارخى راسه ل وراء وهو يفكر
عند سطام/
يضحك بكل صوته والدم مغطي وجهه
سطام : تضحك ع وش ضحكني
: وين الضابط المملوح ذاك كان بيذبحني
ضحك سطام وقال : بيذبحك ولا يهمك لاتستعجل ع رزقك
: لالا م اضن بيذبحني
ضحك سطام من كل قلبه : وجههك م ينشاف من الدم وتقول م بيذبحك
طالعه وعينه مو قادر يفكها كويس والنظر مشوش عنده وقال: ودني الزنزاه الشمس قويه
سطام : وش بعد ودك طال عمرك
حاول يقوم بس دفه سطام وجلس ع ركبته وقال له : بتقعد لين تحرقك الشمس ووعد مني كل م جاء الظهر يومياً طلعتك
اخذ الحبال وربطه ف العامود وكان العامود حاررر من الشمس
ناظر سطام عيونه وقال : زي الكلب تقعد هينا
ومشى وخلاه وراه توجه ل مكتب نواف ودقه ودخل
سطام جلس وهو يقول ل نواف : وش فيك
نواف : مصدع وينه هو
سطام : خليته ف الشمس
.....
ركبو البنات ل سيارته فهد
فهد : وش مطلعكم الساحات انتي وياها
مجد : شنسوي انغثينا
فهد : لا يشيخه رايحه المدرس ل وش
ملك : افف فهد خلاص
فهد : اقول اسكتي
وشغل سيارته ومشى اما فجر وشهد كانو ساكتات
مجد : خل نروح بيت خالتي شريفه نوصل شهد
فهد : طيب
وقف فهد عند كوفي وقال للبنات وش تبون
مجد : وايت موكا
ملك : انا نفسها وانتي ي فجر
فجر : اسبريسو
كانت شهد ساكته ولا قالت هي وش تبي
ملك : شهودي وش تبين
شهد بصوت خافت : عادي اي شيء
فهد : لا مافيه اي شيء وش تبين
شهد : سبانش لاتيه
طلب فهد وعطاهم القهوه واخذ هو نفس شهد سبانش لاتيه وهذي قهوه المفضله تقريباً
...
في البيت /
الجده منيرا : تجهزن ي حريم اليوم بنروح لام احمد
ام فجر : اي ابشري ي امي
ام سلطان : اجل بسوي حلا وقهوه ونروح
الجده : اي زين
دخل الجد : السلام عليكم
الكل : عليكم السلام
الجد : وين العيال
الجده : بيجون الحين بيجون
الجد : انا بروح اخذ غفوه تعبان
ام فجر : رتبت لك الغرفه ي ابوي خذ راحتك فيها
الجد : جزاك الله خير ي بنيتي
.....
في اليوم الثاني /
دخل البيت وهو يتوجه للغرفه فكها شاف الغرفه حوسه وحالتها حال بس مو هذا الغريب فيه ريحه عفنه
زايد : فيصللل
طلع فيصل من الحمام وهو توه ماخذ شور : هلا
زايد : وش ذا الريحه
فيصل بتوتر : اي ريحه ؟
زايد : ريحت غرفتك ريحت عفن وش شارب انت
فيصل : والله العظيم م شربت شيء
( شفتو كيف الحلف بالله يحسب انها عادي يقول والله وهو كذا فوق معاصيه ينطق ب اسم الله يعني هو يعرف ويشهد ان فيه الله بس م ينفذ كلام الله ولا يبتعد عن المعاصي )
زايد : البس وانزل لي تحت الصاله
فيصل : اي سم سم
...
قام من السرير وهو ملازمه الصداع اخذ شور ولبس بدلته العسكريه وطلع من الغرفه وجاه سلطان الي توه طالع من غرفته بعد ( غرفه سلطان ونواف ف وجه بعض يعني الباب ب الباب )
سلطان شاف نواف الي اخلاقه زفت وواصله معاه
سلطان : وش فيك
نواف : مصدع
جتهم ملك : اووو صح النومم حبيت اقولكم الفطور عند جدتي وجدي كلنا بنفطر هناك
سلطان : وانتي ليش مو لابسه مريولك
ملك : بغيب
سلطان : ليش ؟
ملك وتحاول تصرف الموضوع قالت : مالي نفس وبعدين كل البنات بيغيبون ليش اداوم ولاتتاخرون ع الفطور
نواف : طيب
ملك وهو ترسل بوسات لهم وراحت
سلطان : مهي بصاحيه
راحو نواف وسلطان ل بيت جدهم وطلعو للحوش طبعاً البنات والحريم ياكلون ف الصاله والعيال ف الحوش
نواف وسلطان : السلام عليكم
الكل : وعليكم السلام
جلس نواف وجلس جنبه سلطان
الجد : سمو بالله ي عيالي
الكل : بسم الله
ابو سلطان : اليوم فيه عزيمه عند ابو سالم عزمنا كلنا وكلكم لازم تجون
محمد : اي ابشر
طالع الجد نواف الي كان منفس ولا يتناقش معاهم باي حوار وقال له : نواف وش بلاك
لف عليه نواف وقال : راسي مصدع بس
الجد : اي سلامتك
نواف : الله يسلمك
....
ننهي البارت لين هينا
اعذروني اذا فيه اخطأ املائيه 💗💗
ورجاً ضيفوني انستا 💗
أنت تقرأ
ليتك تعرفين الحال؛ ويش هي نواياي
General Fiction(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
