ليتك تعرفين الحال؛ ويش هي نواياي

اربع وعشرين

صلو ع نبينا محمد قبل تبدون البارت
لاتنسون تضيفوني انستا | llzix_2
..
| عند سلمان |
جالس يشرب شاهي ومسرح وكانو لسى ب المخيم جاءهم نايف ووقف ونزل
نايف : ي عمه
ام سلمان : هلا ي عيوني
نايف : اسمعي انا عارف سلمان م بيرضى بس انتي تكفين ي عمه اعتبروها دين بس م ارضى والله اني اخليكم هينا ف المخيمات خل استاجر لكم بيت تكفين ي عمه
ام سلمان: يولدي
قاطعهم صوت سلمان من وراء
سلمان : نايف متى جيت
اخذ نايف شماغه ورماه ع سلمان
نايف : انا طالبك يولد العمه م تردني
سلمان: امر انفداك
نايف : نروح نستاجر لكم بيت واعتبرها دين ي اخي
سلمان : نايف
قاطعه نايف : والله العظيم م تردني علي ب الطلاق لا استاجر لكم لو انا م راح توقف معاي كذا ؟ انا اخوك ي سلمان
سلمان بيأس ولان نايف حلف قال : بس دين وانا بسدده لك
نايف : دين دين يلا خل نسلم المخيم وناخذ الشقه
وقفت سياره مطلق ومعاه ريتاج وشهد
نايف : ارجع سيارتك ي مطلق والحقنا
مطلق : وش السالفه " شاف سلمان يحط الاغراض ف السياره "
علمه سلمان وركبو كان نايف ف المقدمه وسياره سلمان وراه وفيها الاغراض واخذ امه معاه وسياره مطلق وراهم ومعاه ريتاج وشهد
شهد وهي تهمس ل ريتاج : قسم م قصر نايف
ريتاج ببتسامه : اي والله الله يعطيه العافيه .
...
| في المركز |
طلعو نواف وسلطان من المركز وكان اذان العشاء ركبو وتوجهو للمسجد الي عند بيتهم ونزلو يصلون وكان الجد ثنيان وابوه وعمانه والعيال كلهم ف المسجد
الجد ثنيان ببتسامه : هذول عيالي اي بالله حتى لو انت مشغول تسمع الاذان وتجي كل شيء ناجله ونقدر له بس الصلاه ابداً ابداً م ناجلها هي التواصل بين العبد وربه وهي واول طريق للنجاح هو صلاتك
نواف : تعلمنا منك كثير ي جد وصرنا رجال بس والله العظيم اني للحين اتعلم منك وبستمر اتعلم منك " راح وباس راس الجد ثنيان"
ابتسم الجد ثنيان: انشهد اني مخلف ذيابه جابو لي ذيابه
ابتسمو الكل ودخلو المسجد وصلو طلعو كل من ف المسجد الا نواف
سلطان : بتطلع ؟
نواف : لا بصلي لي ركعتين وبقراء لي قران
ابتسم سلطان : الله يقبل
نواف : منا ومنك
طلع سلطان من المسجد وقام نواف صلى له ركعتين سلم وجلس وتكى بظهره ع الجدار اخذ القران بين يدينه وفتح ع صفحه عشوايه وقال في نفسه بضيق وبتعب من الي صار له ويبي رساله من الله " بفتح صفحه عشوائيه والآيه الي تطيح عيني عليها ابي احتسبها رساله من الله " فتح الصفحه وطلع له "{فَاصْبِرْ كَمَا صَبَرَ أُولُو الْعَزْمِ مِنَ الرُّسُلِ وَلاَ تَسْتَعْجِل لَّهُمْ...} [الأحقاف: 35].
ابتسم وحس انها فعلاً رساله له من الله وانه لازم يصبر ومايصير من بعد الصبر الا الفرج رجع لسوره البقره وبدا يقراء فيها لين خلصها قفل القران ورجعه مكانه وقام طلع وركب سيارته وراح لسوق اشترى ملابس وشويه اغراض وتوجه لبيت ام عز نواف وهو يحس بشعور الذنب بشعور ان هو السبب بكل الي صار قاطع افكاره صوت عز الي جاء وحضن نواف بدون اي كلام بس حضنه نواف وضرب ع ظهره
نواف : كيفك ي اسد
بعد عز عنه : ماشي الحال ، راحت عيوني ع الطريق انتظرك
ابتسم نواف : هذاني جيت ، تعال تعال جبت اغراض نزلهم معي ي الذيب
ابتسم عز وراح ينزل الاغراض معاه ودخلو البيت وجت ورد تركض ل نواف وحضنته
نواف : اوبا جت الاميره
ورد : انت تقراء قصص الاميرات ؟
ضحك نواف من لطافتها وجلس وجلسها ف حضنه
نواف : كفايه انتي اميرررره ليش اقراء
ابتسمت ورد : الله يعني انا مثل سندريلا ؟
نواف : تعقب سندريلا تصير مثلك انتي اجمل
ضحك عز : بس اخوي نواف لاتكبر راسها
ضحك نواف : خله خله يكبر ، تشوفين الاكياس ذي ؟
ورد هزت راسها ب الايجاب
نواف : ذي مليانه هدايه كثيررررره لك و ل ماما وش رايك تاخذينها وتروحين تورين ماما؟
وافقت ورد وراحت تاخذ الاغراض
نواف : اي ي عز كيف الحال معك كيف اهلك
عز بضيق : جرحي م يبرى ي نواف احاول اني اكون قوي عند امي بس والله اني ضعيف ضعيف بالحيل
نواف : الضعف بكسرك في ابوك مهو بعيب ي عز بس قوي نفسك لان ابوك يبيك قوي
ابتسم عز يضيق
نواف : بكره نروح انا وياك ونوزع الماء ع روح ابوك وصدقه له تمام ؟
فرح عز مره وقال : الله يسعدك ي خوي
ابتسم نواف : يسعدنا جميع ، وتبيني ادخلك تحفيظ ؟ تحفظ القران
عز ببتسامه : تقوله صدق ؟
نواف ببتسامه : اي بالله اقوله صدق
عز : والله مدري كيف اوفي حقك
نواف : مافي حق ينوفى ، بكره نوزع الماء واسجلك ف التحفيظ
قام عز من مكانه وحضن نواف وهو حس ان نواف عوضه ف الحياه ومحد بسانده مثل نواف
...
| بيت الجد ثنيان | عند البنات
إيفان : والله ريتاج مو عاجبتني ابداً
ملك وهي تاكل شبس : ليش وش صاير
علمتهم إيفان
إديم : صدق والله خايفه عليها
قاطعة سوالفه مي الي دخلت الغرفه وخرعتهم
مي : وشششش تسوووون
فزو البنات
مجد : خرعتينيييي
مي بضحك : تعيشين وتاكلين غيرها
إديم : ارحبييي
مي : البقى حبوباتي
ملك : والله غريبه تجينا ذا الوقت
مي وهي تسوي نفسها بتطلع : يعني اروح
ملك بضحك : تعالي تعالي
مي بضحك وجلست معاهم : عندي لكم خبر
تجمعو البنات حولها
مجد : قولي ي بخور السوق
مي : وجع من بخور السوق
مجد : محد يروحي قولي
مي : تعالو تشوفون بعيونكم يلا يلا
قامو البنات بحماس ولبسو عباياتهم وطلعو معاها وقفو عن بيت جنب بيتهم
مجد : ليكون بنسرق بيت الجيران وانا مدري
إيفان : وجع خلي البنت تتكلم
مي : اول شيء ذاااااا صارررر بيتناااا
إديم ببتسامه : يعني صرتي جارة بيت جدي ؟
مي بضحك : يب
مجد بفرح : يلعن ابو الفله
فجر : بنت العن مطرود من رحمه الله
مجد : استغفرلله استغفرلله
مي : يلا يلا دخلنا اوريكم البيت
ابتسمو البنات كلهم ودخلو وبدت مي تجولهم ع البيت
إيفان : يجنن ماشاءالله
إديم : اي حبيت
ام مي : حياكم الله ي بنياتي
ابتسمو البنات : الله يحيك ي خاله
ام مي : بسوي لكم قهوه ونتقهوى
راحت ام مي تسوي قهوى وجلسو البنات في الصاله يسولفون ويضحكون
مي : إيفانن من زمان م سمعنا صوتك غني لنا
إديم بخبث : راح زمنا ي بابا تغني ل نواف بس
ضربتها إيفان ع راسها : وجع إديم ، " وغمزت لها " نشوفك بعدين
إديم وفي تحك راسها بالم : امزح
ضحكو البنات
فجر ببتسامه : يلا إيفاااان سمعينااا
إيفان تنحنحت :
يحيى عمر قال قف يزين!
سالك بمن كحل أعيانك
يحيى عمر قال قف يزين!
" بدو البنات يصفقون لها ويدندنون معاها "
سالك بمن كحل أعيانك
من علمك ي كحيل العين
من ذا الذي خضب أبنانك
من علمك ي كحيل العين
من ذا الذي خضب أبنانك
من شكلك حرز في حرزين
وشك لولك ومرجانك
من شكلك حرز في حرزين
وشك لولك ومرجانك
عليت يانقش الكفين
سالك بحسنك واحسانك
عليت يانقش الكفين
سالك بحسنك واحسانك
" صفقو البنات ويصفرون ضحكت إيفان وقالت : لاداعي لاداعي
راح اليل كله ضحك وفله وسوالف وتاخر الوقت ورجعو للبيت دخلت إيفان الغرفه وشافت نواف جالس ع الكنبه وحولينه اوراق والابتوب قدامه
رفع نواف نظره عليها وقال : وين كنتي
إيفان : مي انتقلو جديد جنب بيتنا ورحنا حنا والبنات لها
هز نواف راسه وكمل شغله وكان مركز مره دخلت إيفان للحمام " وانتم بكرامه " اخذت شور وطلعت بدلت ملابسها وكان شعرها مبلل وجلست جنب نواف
إيفان : شفيه وجههك كذا تعبان
نواف التفت عليها : مضغوط ب الشغل
إيفان : اسوي لك قهوه تبي ؟
نواف وهو مشغول ب الابتوب : م اقول لا
ابتسمت إيفان وراحت للمطبخ سوت دله قهوه وجنبها تمر وكان في حلا ب الثلاجه وحطت منه واخذته له جلست مقابله وصبت له فنجال قهوه اخذها منها وبدا يشرب مدت له التمر والحلا واخذ منها شوي وكان مركز مره ع الشغل التفت عليها شافها سانده راسها ع الكنبه وكان شعرها مبلل وغرقان مره ونايمه
ابتسم نواف : حتى حركاتك طفوليه " قام وطفئ المكيف عشان م يعورها وشعرها كذا قرب منها وبعد شعرها عن وجهها تحركت إيفان بنعاس وهي تبعد يد نواف ابتسم واخذها ع السرير حطها عليه ولحفها "
نواف : نوم العوافي
راح وجلس ع الكنبه وبدا يكمل شغله وكان يراقب غزل ويشوف المعلومات عنها ويبحث اكثر عن حياتهم قبل ومن ذا الامور اذن الفجر وهو لسى صاحي قام وصلى ورجع مكانه كان بيكمل شغله بس غلبه النوم ونام ع الكنبه
...
|عند غزل |
صحت ع الساعه ٦ الصباح بدلت ملابسها ولبس عبايه بيضاء وطرحه ع الكتف " معلومه غزل م تتنقب " ونزلت وكعبها يهز البيت هز من صوته شافت فيصل جالس ف الصاله
غزل: وش تسوي
فيصل : اناظر مستقبلي الباهر
غزل : فيصلللل وش قصدكك ؟
فيصل قرب منها وقال: ابد اختي العزيزه اناظر شركم انتي وابوي ومع الاسف كل مره اندهش
غزل : فيصلل الزم حدودك ازين لك وابوي لايسمع ذا الكلام م يخلي عظم صاحي فيك
فيصل ب استغراب : ليش الحين انا عندي عظم صاحي ؟
غزل : مثل م انت م تتغير من وحنا وصغار وانت ع ذا الحاله ل متى؟
فيصل بصراخ : انتممم الي ل متى ع ذا الحاله طول مانا عايش م اعرف وش معنى العائله ل متى ي غزل ل متى ؟
غزل : فيصل استهدي بالله واسكت ازين لك
فيصل : وانتم تعرفون الله ؟ انتيي م تعرفيننن شيء انتم اصلاً م يحق لكم تنطقون ب اسم الله م تحسون ب عضمه الاسم بس بنطقه ؟ انا عصيت الله والسبه انتم كل يوم اعاني مع احلامي كل يوم اعاني مع ندمي مالي وجهه اطلب من الله شيء وكل ذا بسببكم انا امشي وراء عصيانكم لله " يجي اوقات يكون الانسان معمي فيها ويبي شخص يرشده لها بس الشخص الي يتبه ويقتدي به يكون هو الشخص الغلط ويدرك مع الوقت ان طريق ذا الشخص سم ونار جهنم وممكن يدرك ع يد شخص يرشده ويلعمه الصح ويكون صديق له ويعرف كيف ان الصحبه الصالحه غيرته ووجته ل الطريق الصح "
غزل : اسمع انا ماني واقفه لك واسمع اعتابك انت لو تخلي ابوي بس يوثق فيك ولا عاندته م بيصير لك كذا
" فكت باب البيت وطلعت"
فيصل يضحكه كلها استهزا : عشان اكون مثلك
طلعت غزل وشافت ابوها
زايد : تلمعين
ابتسمت غزل : دايم المع
زايد : ابيك تبرقين ولاتخيبين ضني
غزل : N'aie pas peur, ta fille est là, papa, bye " لاتخاف ابنتك موجوده ي ابوي بايي "
ابتسم زايد وقال : bye" باي"
ركبت غزل السياره وتوجهتت للمركز عند نواف
..
| في غرفه نواف & وإيفان |
صحت بانزعاج من نور الشمس الي تسلل للغرفه قامت شافت نواف نايم ع الكنب وكان شكله مرهق وشافت الساعه ٧ الصبح بيتاخر نواف ع دوام راحت تصحيه صحى بصداع براسه وقله النوم م نام الا ساعتين
إيفان : بتتاخر ع دوامك
قام بدون م يكلمها دخل الحمام واخذ شور وطلع وكان مصدع مره وهو اذا صدع اخلاقه تقفل ويفضل محد يكلمه
إيفان : ليش نمت متاخر ؟ مو من عادتك ؟
نواف غمض عيونه ولا رد عليها لبس بدلته العسكريه
إيفان تضايقت من حركه انه م يرد عليها : ليش مطنشني ؟ ضايقتك لاسمح الله
نواف بصراخ في غير وعيه : ايييييي مضاااايقتنيييي
انخرعت إيفان من صوته : شفيكك م قلت شيء
نواف وهو الصداع مشتد عليه : لا اسمع صوتك
بدت عيون إيفان تلمع وتتجمع دموعها
م ناظرها نواف وفك الباب وجاء بيطلع وقال : محمد يوديك الجامعه " طلع ولا قال كلمه بعدها "
حست إيفان بغصه وهي يراودها سوال وش سويت انا عشان ضايقته كذا ؟ انقهرت منه وجلس ع السرير وبكت قامت بسرعه ومسحت دموعها من سمعت باب الغرفه يدق
إيفان : ادخل
دخلت ام سلطان عليها : شفتك م جيتي ع الفطور ي بنتي وخفت انك تكونين تعبانه
ابتسمت إيفان ابتسامه مجامله : الله يعطيك العافيه ي خاله بس مو مشتهيه
ام سلطان ببتسامه وهي حست ان إيفان متضايقه : فيك شيء ي بنتي ؟ " ام سلطان شافت نواف معصب يوم طلع وخافت يكون مسوي لها شيء "
إيفان ببتسامه :لالا ي خاله م فيني الا العافيه
ام سلطان : دايم ان شاءالله انا بطلع دامني تطمنت عليس
ابتسمت لها إيفان وطلعت ام سلطان تنهدت إيفان وراحت للحمام " وانتم بكرامه "
| في الحوش |
كانو العيال جالسين ومر نواف من عندهم وهو معصب
محمد جاء بيتكلم ومسك فهد فمه
فهد : صاحي انت ! م تشوفه معصب وربي لاياكلك بقشوره
سلطان : انا بروح اشوفه
محمد : ي خي اذا عصب وش يسوي ؟
ضحك فهد : والله تبي اذكرك ؟
فلاش باك |
كان نواف مصدع وكانو ف الديره ومن الشمس صدع جاء محمد
محمد : نوووواف قم شف لك صرفه مع الراعي
م رد نواف عليه وهو يستغفر
محمد بصراخ زاد صداع نواف : نووووووووووواف ورع ترا اكلمك
بحركه سريعه من نواف مسك يد محمد ولواها
نواف: كم مره اقول اذا صدعت لاحد يكلمني تفهم انت ولا م تفهم لاتخليني اجرحك
فك يد محمد وراح مسك محمد يده بالم
محمد : اههه حشى وش قلنا
سلطان ناظر محمد : كم مره يقوله لكم حتى انا م اكلمه هو كذا اذا صدع يعصب ولا يمسك عصبيته
محمد بشعور بالذنب : زدت صداعه صح ؟
فهد : والله شوف ي عمي الحلو انت انا م اتحملك كيف نواف يتحملك
ناظره محمد وقام عليه هج فهد وقعدو يتطاردون
انتهى الفلاش باك |
محمد : ي خي انسى والله
ضحك فهد : لاتنسى والله انت الخسران
طلعت إيفان وهي لابسه عبايتها شافت محمد مع فهد و م حبت تزعجه اخذت جوالها ودقت ع نايف
نايف : ارحبي ارحبي ثم ارحبي ي اطلق صوت يمر علي ب الصباح
ابتسمت إيفان : الله يخليك لي ي اجمل اخ
نايف : امريني يعيوني انتي
إيفان : بغيتك توديني الجامعه اذا مشغول عادي
نايف : شدعوه ي عيوني من متى اخوك ي نشغل عنك ؟ ، بس نواف وينه ؟
تحنحت إيفان : تاخر ع دوامه هو وراح عشان كذا
نايف : ابشري خمس دقايق وجاي
إيفان : انت وينك ؟
نايف " كان في بيت ام مشاري معاهم " : كان عندي شغله ورحت لها
إيفان : تمام
..
|في المركز |
دخل نواف وهو مصدع مره ومعقد حواجبه كانت غزل تنتظره عند الباب قامت عشان تكلمه بس هو سحب عليها ودخل مكتبه وقفل الباب
غزل ب استغراب : السلام عليكم كنت بقول ، مقبوله منك ي نواف
فكت غزل الباب وكان نواف جالس واخذ حبوب صداع ويشرب قهوه
غزل ببتسامه: بالعافيه " م رد عليها نواف جلست وهي تتامله وتناظره وتتبسم زي الغبيه دخل سطام عليهم "
سطام : جبت الاوراق ي نواف
نواف : هاتها جلس سطام معاهم
غزل : هو انا م عندي مشكله انتظر لبكره دامي اناظرك بس ممكن اعرف اذا توظفت او لا
سطام رفع حواجبه باندهاش من جراءتها وهي كانها فعلاً تغازل نواف بس نواف م اعطاها وجه حتى م رد ع سوالها وكان مشغول ب الاوراق
غزل ببتسامه : يعني من اول م دخلت م سمعت صوتك ممكن اعرف وش فيك
نواف وهو م يناظرها : اسكتي
غزل : اوكي ، دامك تبيني اسكت سكتت
قعدو نواف وسطام منشغلين ب الاوراق وهي تراقب نواف ببتسامه وكانها بنت احلامها بنظرها له
نواف : انا قبلتك ب الوظيفه هاتي اوراقك اوقع
ابتسمت غزل وقامت من الكرسي وكعبها يهز المكان لين اعطته اوراقها وقع نواف ع اوراقها بدون م يناظرها قالت بنفسها " لازم اصير زوجتك عشان تناظرني يعني ؟ ليش لا "
نواف : تقدرين تبدين دوامك الحين تفضلي يرشدك معاذ
ابتسمت وطلعت
سطام : فيها وقاحه
نواف : اشوف اخرتها معاها " تنهد وهو صداعه يزتاد وكانه م اخذ مسكن رجع واخذ مسكن ثاني "
سطام : تبي ازيدك قهوه يمكن يروح الصداع
عطاه نواف كوبه وراح سطام يسوي القهوه وعطاه وبدو يشربون دخل معاذ
نواف : كيف الاوضاع ي معاذ
معاذ : كل شيء تمام
نواف: تحطها بين عيونك ي معاذ اي حركه تسويها اي شيء تسويه تكون انت داري فيه
معاذ : سم طال عمرك
نواف : تقدر تطلع
طلع معاذ وقفل الباب وراه
سطام : خلصت الملفات الي ارسلتها لك ؟
نواف : اي خلصتها كلها وارسلتها
سطام : تمام ، انا بروح عندي شغل في بعض الملفات
نواف : تمام
طلع سطام وجلس نواف وتذكر إيفان
نواف : اوفف الحين مدري هي ف الجامعه ولا وينها " اخذ جواله ودق ع إيفان "
| عند إيفان |
كانت ب المحاظره ودق جوالها شافت المتصل نواف وهي مقهوره منه وفي غير وعيها قفلت ف وجهه
| عند نواف |
ناظر الجوال بصدمه
وضحك ب استهزاء : انا تقفل ب وجهي ؟ " دق ع جوالها وطلع مققل "
نواف بقهر من فعلتها اخذ جواله ودق ع محمد يساله عنها وقال محمد انه م وداها للجامعه ولا قالت له استغرب قام ع طول واخذ المفتاح وطلع من المركز وكانت غزل تراقبه لين طلع وهي مستغربه ركب نواف السياره وتوجهه للجامعه وصل ووقف وهو يدق ع إيفان وكان مغلق انتظر لين فكت جوالها ودق وردت لان شافت له ٢٠ مكالمه فاتنه
نواف وهو يتمالك اعصابه : اطلعي لي برا الحيننن
إيفان : عندي محاظره مقدر اطلع
نواف يصراخ : تطلعيننن الحيننن
خافت إيفان وبلعت ريقها : طيب
طلعت له وشافت سيارته وركبت
إيفان : وش تبي؟
نواف وهو شاد ع يده : انا تقفلين بوجهي ؟!
إيفان : كنت ب المحاظره
التفت نواف عليها: واذا ؟ تقدرين ترسلين
إيفان : اهمك انا عشان ارسل لك ؟؟؟؟؟
نواف : وش تقولين انتي من الي جابك للجامعه
إيفان وهي بدت تصرخ : اقوووول لك اهمككك انا ؟؟؟؟؟؟
قفل الشباك الي كان مفتوح ومسك يدها وقربها منه : لاترفعين صوتك م تشوفين فيه رجال برا
بدت دموع إيفان تنزل : م جاوبت ع سوالي ذا الي يهمك؟
نواف برفعت صوت شوي : اي ذا الي يهمني محد يسمع صوتك غيري فاهمه وتسالين سوال تافه
إيفان ببحتت صوت : سوال اني اهمك تافه ؟ " بدت تشهق وتبكي "
نواف : اي تافه لانك " سكت شوي " انتي كل شيء بحياتي انتي قلبي الي ينبض وتقولين تهميني ؟ انتي عذبتي قلبي " بدا يمسح دموعها الي من ورا النقاب بعدت يده من وجهها "
إيفان : عشان كذا قلت لي الصباح اني مضايقتك؟ " بكت " لو انك تحبني صدق م قلت لي لا اسمع صوتك والحين تقول م يسمع صوتك غيري انا فاهمه يعني اصير بكماء؟؟؟؟؟
نواف ضحك وهو يناظرها وهي تعاتبه
إيفان بقهر منه وهو يضحك : لاتضحكك م يضحك حتى م اعتذرت جيت بس عشان تهاوش
نواف : احبك وابي اسمع صوتك كل دقيقه واسف ع الي حصل اليوم رضيتي؟
إيفان سكتت وهي دق قلبها من بعد م قال احبك وناظرت الشباك ولا ردت عليه
نواف تنهد : إيفان انا اذا صدعت اعصب واذا احد كلمني اطلع حرتي فيه ذا شيء مو بيدي انا كذا م بغيت اذيك عشان كذا قلت اي ضايفتني ولا اسمع صوتك
ناظرته إيفان : طيب
نواف بضحكه : بس طيب ؟ بعيد السوال عليك انا اهمك ي إيفان ؟
إيفان ناظرته وسكتت شوي وقالت : لو انك م تهمني كان م سالتك ذا السوال
نواف ببتسامه : وضحي اكثر م فهمت " هو فاهم "
إيفان بصوت خافت : اي تهمني وكثير
ابتسم نواف : م اسمع
إيفان بصوت عالي : اييي تهمنيي وكثيررر بعد ، عندي محاظره لازم اروح " نزلت ولفت ع نواف وقالت وهي تقلده : انت القلب الي ينبض " وراحت "
ضحك نواف ويقول : انشهد انك استوطنتي قلبي وانشهد م يهزم الشجاع غير عيونك " يقصد عيونها هزمته "
شغل السياره ومشى وراح ل بيت ام عز اخذ غز وراحو يتصدقون وكان عز يوزع الماء والابتسامه شاقه وجهه وكل من ياخذ الماء يدعي ل ابوه خلصو من توزيع الماء
نواف : اوه ي بطل خلصنا باقي ؟؟
عز: التحفيظ
نواف : بالضبط كفو عليك يلا اركب
ابتسم عز وركب مع نواف وراحو ل لتحفيظ سجله
...
| عند سلطان |
كان مشغول مع محامي ثاني وكان اليوم يوم تدريب الطلبه دخلو الطلبه مكانهم المعتاد الي يلتقون فيه مع سلطان بس سلطان تاخر عليهم مرا
وحده من الطلبه : بروح اشوف وين المحامي سلطان
إديم : هووب انا بروح اشوفه انتي خليك ي عسل " م تدري ليش حست بغيره لما قالت البنت بروح اشوفه "
راحت إديم وهي تدوره ب عيونها شافته معقد حواجبه وهو يكلم محامي ثاني ومنشغلين ب الكمبيوتر رفع سلطان نظره وشافها وعرفها وهو يميزها بين خلق ربي كلهم تلاقت عيونهم مع بعض تهربت عيون إديم بسرعه
سلطان وهو يكلم المحامي : عندي شغله كمل انت
المحامي : ولا يهمك خذ راحتك
راح سلطان وكل م اقترب من إديم قلبها يدق وماتفرق عن سلطان الي يحس قلبه بيطلع من فمه ولا يدري هي كيف سوت فيه كذا بس سبحان الله القلب يحب كذا بس
إديم بصوت خافت وكله حيا : ينتظرونك تاخرت
سلطان : جاي
راحت إديم وهي تتسارع ب خطواتها
ابتسم سلطان لا يرادياً وراح وراها ودخل وقال : اعتذر ع التاخير
وحده من الطالبات وهي تبتسم وبدلع: لا عادي اهم شيء انك جيت
ناظرتها إديم بنظراته قرف من صوتها
سلطان: يلا دخلنا ؟
دخلو الكل وراء سلطان وبدو بتدربون
...
| عند محمد وفهد ومهيار |
كانو راكبين السياره مع بعض وحاطين اغنيه ل بلقيس
تقول فيها : مجنون احب غيرك انا
وكانو يغنون ويصايحوه ويضحكون وكان فهد يصور
مهيار : من قاااللك اناااااااا م بيككككككككك اصلاااً انا اموتتتت فيكككك لو تطلعع انت للقمر اجيككك انا والله اجيك
كان محمد يضحك ويرقصون وفهد يصور للعيال وقف عند البيت وكان مطلق ونايف واقفين عند الباب فك الشباك محمد وقال : مجنوونن احب غيررررك انا
ضحك مطلق : عاشووو م لقيتو الا بلقيس
محمد وهو يهز رقبته
ضحك نايف : مهو بصاحي
فهد بضحك : وش هي رده فعليك ي اخ نايف ؟
نايف بضحك : هذا تصرف غير لايق
فهد وهو كاتم الضحك : افيدنا برايك ي مطلق
مطلق تنحنح : الموضوع زاد عن حده صح هو عمنا بس لازم مصحه نفسيه
محمد طفى المسجل : بالله عليك
مطلق وهو يرفع كتفه بمنعى م ادري
محمد : اسكت لاحطك تحت الكفر الحين
مطلق وهو يدق له تحيه ويضحك عطاه ظهره ومشى
فهد بضحك مو قادر يتكلم قال : يمشي ولا همه م كانه شايفني
انفجر مطلق ضحك ومهيار معاه ونايف ميت معاهم
محمد بضحك ومكمل الغنيه مع فهد : جيبولييي هالمجنون
سكتو ع طلعت الجد ثنيان
الجد ثنيان : وش تسوون
محمد : ابد يبه بندخل البيت الحين
ناظرهم الجد ثنيان وراح
ضحكو كلهم شافو كان الجد ناقد عليهم
...
| في المركز |
دخل للمركز شافه سطام
سطام : م شفتك ف المكتب وانصدمت
نواف : كان عندي كم شغله
ضحك سطام وقال : مع ام العيال ؟
ضحك نواف : مهوب شغلك
ضحك سطام ومشى وراه سمعت غزل كلامهم
غزل : ام العيال!!! ع خبري مهو متزوج " وقالت بغيره " حتى لو متزوج اموت ولا اخليك لها " راحت وهي تاخذ جوالها من المكتب وتدق ع ابوها "
غزل : ابوي ؟
زايد : ها وش لقيتي
غزل بقهر : نواف متزوج ؟
زايد بصدمه : متزوج ؟ من متى م عندي خبر بعدين وش اسوي له ي بنتي اروح ابارك له ؟ ركزي ع شغلك
غزل وهي م تبي تبين ل ابوها قالت : يمكن تفيدنا
زايد باستغراب : زوجته ؟
غزل : اي الزفت ذي
زايد : ابوس مخك ي شيخه ببحث واقول لك انتي ركزي عليهم بس ولايشكون
غزل : تمام " وقفلت "
| في المكتب عند نواف وسطام |
نواف : كيف اوضاعها
سطام : حاطها بين عيوني بس تمثيلها قوي تعرف تمثل
نواف : موب علي تمثيلها
سطام تنحنح : تبي الصدق ؟
نواف : وش ؟
سطام : احسها تبي شيء غير القضيه وهدف ابوها
نواف : كيف يعني
سطام : مدري بس عندها هدف ثاني لازم نعرفه
..
| في بيت مي |
كانت جالسه تاكل بسكوت وع الكنبه وامها جالسه جنبها تناظر التلفزون
مي : ابوي بيجي ؟
ام مي : اي كلمني بيجي بغيتي شيء منه يعيوني ؟
مي : اي بغيت اوصيه شويت اغراض " اخذت جوالها وكلمته ووصته ببعض الاغراض "
صدمهم دخول شيماء وهي معصبه وقفلت الباب وما كان معاها غير بنتها الصغيره لدن
ام مي : بسم الله ي بنيتي وش فيك ؟
شيماء: تهاوشت معاه
مي وهي تاكل وتتكلم وبفمها الاكل : زوجس ؟
شيماء : ابلعي الاكل الي في فمك وبعدين تكلمي
ام مي: وش صاير ي بنتي ؟
بدت شيماء تعلمهم وتقول الي صار وشش سبب الهوشه
_____
ننهي البارت لين هينا ابي دعمكم ي حلوين عشان استمر وضيفوني انستا عشان تعرفون كل شيء عن الروايه 🤍