မစ္စတာရုန်၏ ချစ်မှုရေးရာဒိုင်ယာရီ

Part-53

Chapter 53

သူကမင်းကိုထားပစ်ခဲ့တာလား

ရုန်ယီခမျာ အနည်းငယ်သတိလက်လွတ်ဖြစ်နေသည်။

"အဲဒါက fan club ကအခမဲ့လက်မှတ်ပါ"

သူရိုးရိုးသားသားဖြေလိုက်သည်။

ထိုသို့ကြားလိုက်ရသည်တွင် မော့ယွီဖေးကခေတ္တခန့်ရပ်သွားသည်၊ ခဏကြာအောင်စဉ်းစားနေပြီးမှမေးလာသည်။

"သူကမင်းကိုငါ့ကိုမပြောဖို့ပြောထားတာလား"

"ဘယ်သူလဲ"

ရုန်ယီမေးသည်။

"မင်းကိုလက်မှတ်ပေးတဲ့လူကလေ"

မော့ယွီဖေးကပြောသည်။

"အဲဒါကတကယ် fan club ကအခမဲ့လက်မှတ်ပါ..."

ရုန်ယီ ရှင်းပြရန်ကြိုးစားသည်။

"အဲဒီအရံထုတ်ကုန်လေးတွေနဲ့အတူ ကျွန်တော့်ကိုပို့ပေးခဲ့တာ"

မော့ယွီဖေးကခေါင်းငုံ့ကာပြုံးသည်။ ပြီးနောက် သူမတ်တပ်ထရပ်လိုက်သည်။

"ခဏစောင့်...ငါမျက်နှာသွားသစ်လိုက်ဦးမယ်"

သူဘေးအခန်းမှရေချိုးခန်းထဲတန်းသွားသည်။

ဇဝေဇဝါနှင့်ရုန်ယီမှာ ထိုနေရာတွင်မရွေ့ဘဲရပ်နေပြီးရုတ်ချည်းသဘောပေါက်သွားသည်။

၎င်းက ရှောင်ကျန်းနည်းတူမေတ္တာလက်ဆောင်ပေးသည့်လက်မှတ်ပင်။ ထိုင်ခုံနေရာက ကွာခြားမှုအနည်းငယ်ရှိလျှင်ပင်ကွာဟမှုကမကြီးမားသင့်ပေ။ သူရခဲ့သည့်လက်မှတ်က သူ့ကိုအစောကြီးရောက်လာစေရန်အထောက်အကူပေးခဲ့သည်။

သို့သော် သူသည်အနှီလက်မှတ်ကိုသူ့ထံပို့ခဲ့သည့် မေတ္တာလက်ဆောင် ထုတ်ကုန်များအတွင်းရှာတွေ့ခဲ့သည်။

တစ်ယောက်ယောက်ကထည့်ထားခဲ့ခြင်းဖြစ်နိုင်လား။ လက်ဆောင်အိတ်ကဖွင့်ထားခဲ့ပြီး သူမှလွဲကာထိကိုင်မည့်သူတစ်ယောက်သာရှိသည်။

ရုတ်တရက် ရုန်ယီ၏နှလုံးကဒုတ်ခနဲခုန်သွားသည်။

ထိုအချိန်မှာပင် မော့ယွီဖေးကရေချိုးခန်းထဲမှပြန်ထွက်လာသည်။ သူ၏ရှေ့ဆံပင်များက ခေါင်းပေါ်တွင်ကပ်နေဆဲ၊ မျက်နှာကစိုနေကာမျက်လုံးများကမျဉ်းနှစ်ကြောင်းနှယ် ကျဉ်းနေသည်။ ရုန်ယီ မိတ်ကပ်ပြင်သည့်မှန်ရှေ့သို့တန်းတန်းမတ်မတ်သွားကာသူ့မျက်နှာကိုသုတ်ရန် စားပွဲပေါ်မှတစ်သျူးရွက်အနည်းငယ်ကိုယူလိုက်သည်။