အလယ်၌ရှိနေသော Rickyအမေက ခေါင်းကို လက်နှစ်ဖက်ဖြင့်အုပ်ထားရင်း ထိုင်ချကာ ကြမ်းပြင်ပေါ်၌ စူးစူးဝါးဝါး အော်ဟစ်တော့ သည်။
သူမကြည့်ရတာ သာမာန်အခြေနေနှင့်မတူ။ တစ်စုံတစ်ခုအား ကြောက်လန့်နေပုံပေါ်ပြီး လောလောလတ်လတ်က ဖြစ်ထားသော ပြဿနာတွေကြောင့် စိတ်ကစားကလျား ချက်ချင်းဖြစ်လာပုံပင်....
သူမ၏ ရောဂါက ချက်ချင်း ထဖောက်လာချေပြီ။
နာကျင်စွာ အော်ဟစ်ငိုယိုနေသော သူ့မိခင်အား Rickyမကြည့်ရက်နိုင်စွာ ချက်ချင်း ပွေ့ထူထားမိသည်။
"မား....ဘာမှမဖြစ်ဘူးလေ...စိတ်ထိန်းပါအုန်း....ကျွန်တော်ပါ..မား..ကျွန်တော့်ကို ကြည့်ပါအုန်း...."
အသိစိတ်မဝင်သော သူ့အမေက သူ့အား ငြင်းဆန်ကာ အတင်းရုန်းလေ၏။လက်သည်းရှည်များဖြင့် သူ့အသားထဲနစ်ဝင်အောင် ကုတ်ခြစ်လာသည့်တိုင်..Rickyနာသည်ဟု မခံစားမိတော့ချေ။သူသာ လွှတ်ပေးလိုက်လျှင်...သူ့အမေက ဘာတွေလုပ်မိမယ်ဆိုတာ Ricky မသိဘူး။သူက ဆွဲထားနိုင်သလောက် သူမကိုဆွဲထားမှာ...
အဲ့ဒီ့လူ...သူ့ဘဝမှာအမုန်းဆုံးလူတစ်ယောက် 'လုပ်သလိုမျိုး'...ဘယ်တော့မှ ပစ်ချထားခဲ့မှာမဟုတ်ဘူး.....
"မင်းအမေကို ပင်မအိမ်ကြီးမှာပဲ အခုလောလောဆယ်ထားလို့ရတယ်။အဲ့ဒီ့မှာ မိသားစုဆရာဝန်နဲ့ nurse တွေကိုလဲ အနီးကပ်ပြုစုဖို့ ငါစီစဉ်ပြီးပြီ..."
"ကျုပ်အမေက ခင်ဗျားဂရုစိုက်မှုကို မလိုအပ်ဘူး!!! မားကို ကျွန်တော်ကိုယ်တိုင် ရအောင်ကုမယ်....."
အခုချိန်မှာတော့ မဒမ်Qiက Ricky ရင်ခွင်ထဲမှာ ရှိုက်ငိုရင်း ကလေးလေးတစ်ယောက်လိုမျိုး ကြောက်လန့်တုန်ရီနေပြန်သည်။သူမရောဂါဟာ အစိုးမရချေ....ရုတ်တရက် အချိန်ကာလတစ်ခု၊မှတ်ဉာဏ်တစ်ခုထဲ၌ပင် ပိတ်မိနေတတ်ပြီး တစ်ခါတစ်လေ လောကကြီးကိုပါ မေ့လျော့သွားတတ်ပြန်သည်။အယ်ဇိုင်းမားရောဂါက အသက်အန္တရာယ်ကို ထိခိုက်စေသလားဆိုရင်....မေ့လျော့သွားတဲ့ရောဂါလက္ခဏာကြောင့်ပဲ မမြင်နိုင်တဲ့အန္တရာယ်တွေများစွာဖြစ်လာနိုင်ပါတယ်....။လူနာဘေးမှာနေပြီး အမြဲတမ်း အဲ့လူနာကိုစောင့်ရှောက်ပေးနေရမှာဖြစ်ပြီး....အကယ်၍ ရောဂါထဖောက်လာရင်လည်း ပြန်တည်ငြိမ်စေဖို့ရာ လွန်စွာမှခက်လှပေသည်။
YOU ARE READING
Fallin'Harder
Fanfiction• Ricky fell first but Ji fell harder • Kim Ji Woong+Ricky Shen //WoongRi// written by blue_berryke