بارت كبير جدددا ودا سبب التأخير
طبعًا اتنشر من ساعتين تلاتة ناقص مشهد، بس هو دلوقتي كامل ♥
متنسوش التصويت
بلا نبدأ سموا الله وصلوا على الحبيب 🩷
___________________________
رواية "مسار جديد" مين اللي كتبها فيكوا؟!
-اسأل جوجل..
هكذا قالها سليم بجمود وبطريقته المعهودة مما دفع عمر للصراخ في وجهه منتفضًا وبأعين متوعدة:
ـ انتو هتشقطوني لبعض يا ولاد ال*****
صمت سليم للحظة قبل أن يرد ببعض للهجوم:
- أنا مش فاهم حضرتك بتتكلم على إيه.. سؤال بديهي وعيدته أكتر من مرة اقول إيه أنا؟!
- أخرس ياله..
قالها عمر بغضب جحيمي فأذعن سليم والتزم الصمت وظل الصمت سيد المشهد لعدة دقائق حتى عاد عمر للتحدث بعد ان تسرّب الهدوء لنبرته وحركات جسده..
ـ إيه اللي يخلي سلمى مرزوق صاحبتكم وجارتك واقرب واحدة ليك تقول إن رواية مسار جديد أنت اللي كنت كاتبها وأدهم سرقها وقدمها في المسابقة باسمك؟
طالعه سليم بصمته للحظات وظهرت إمارات الحيرة والضيق على قسمات وجهه، طرق بأظافره عدة طرقات على مسند مقعده كي يزيل ذلك الشعور حتى قال بنبرة رخيمة ثابتة:
- سلمي بتكدب.. هي بتكره أدهم وبتكره كل اللي حواليه..
ـ بتكره أدهم ولا بتحبك أنت؟!
صمت للحظة حتى رد متنهدًا:
- من زمان وأنا حاسس بدا، بس أنا ولا لحظة قدرت أشوفها غير إنها أختي.. بس بالنسبة لأدهم كرهها ليه مالوش علاقة بيا، هي مش بتحبه من أيام الجامعة ولا كانت بتحب حد من الشلة كلها
ـ ليه؟!
ـ عشان محدش فيهم كان شبهها، هما كانوا صحابي أنا، وهي كانت مجبرة عليهم لأنها كانت طول الوقت عايزة تكون معايا... وبسبب كدا مكانش فيه بينهم اندماج كانت دايما مشاكل وخناقات.. هي كانت متحفظة ومش بتعجبها معظم أفكارهم في حين إني أنا كمان كنت ساعات ببقا من رأيها بس أنا عندي كونسبت قبول الإختلاف هي لأ..
شرد عمر للحظة حيث وجد بعض المنطق الذي يفسر كره سلمى للشلة بأكملها بالفعل ووصفهم بكل الصفات المُشينة، في حين أن حورية وحمزة لم تظهر منهم هذه العدائية للجميع مثلها..
فسأل مجددًا:
- هي سلمى عندها مشاكل نفسية؟
ضحك سليم ضحكة خفيفة ثم قال:
- لا طبعًا.. بس سلمى طفولية شوية في تفكيرها، مندفعة كتير ولسة مش ناضجة..
ـ هسألك تاني واتمنى انك متكدبش لأن مش صعب نتأكد من اجاباتك، بس صدقتي وحياة أمك لو عرفت إنك بتكدب في حاجة لأشيلهالك أوبح..
ESTÁS LEYENDO
شلّة آداب «سفير القتل»
Misterio / Suspensoأصدقاء الأمس هم أعداء اليوم.. كاتبان؛ أحدهما نجم لامع ومشهور والآخر مغمور كئيب، صراع لا ينتهي وخطيئة من الماضي لا تغتفر، وسلسلة من الجرائم يتورط بها كلاهما على الرغم من عدم اتفاقهما على شيء منذ أمد.. جميع أصابع الاتهام تحوم فقط حول أفراد شلّة كلية...
