زهراء عـزالدين
الذنب التاسع عشر
لـ بأي ذنب
مو تنسون التصويت++التعليق بين الفقرات
قراءة ممتعة شباباتنا الطيبة
_______________بأي ذنب..!___________
جامعة بغداد- كلية الهندسة
22/10/2016- عالمي الجديد
كبرت وتيتمت
حبيت وانجرحت
حقدت وتألمت أكثر
كابرت وأنكسرت
أهتميت وأنطعت
رجع بي الزمن لبغداد...آه منج يا بغداد كلما حاولت أهرب من أرضج الكاج إحتليتي قدري!
سلامٌ عليك أيتها الأرض ،سلامٌ على تلك الدماء التي ملئت تُرابك ، سلامٌ على الارواح التي أزهقت في سبيلك
كم وكم لاقى جسمي هنا الألم ، مر على روحي هنا كل أنواع المناخ ، ضجيجج رجع الي ذكرى نبرات ذاك الصراخ بذاك المخزن المظلم
ألم ما أنسى مهما سويت! وقدري يرجعني كلما هربت...
كملت كل إجراءات التسجيل وسكنت بالقسم الداخلي الخاص بالجامعة، بلشت حياة جديدة ، خالية من أي شخص يربطني بالماضي او الماضي كله
محمد وكدرت أرضي بعد أشهر من التعب
عوائل أصدقائي بريت ذمتي منهم وصرت ازورهم بالعطل
دكتور جمال سافر بس لازال محاوطني حتى بغربتة
ودكتور علي أشتغلت أكثر من شغلة تهد الحيل ووفيتة اكثر من نص المبلغ الي دفعها لعمليتي
قررت أنسى كلشي صأر وياي وأبدأ مشواري الجديد بصفحات بيضاء لا تشوبها أي شائبة
غيرت رقم تلفوني ورجعت البيت لصاحبة وأخذت الاشياء الي احتاجهم للقسم الداخلي والباقي بقيتة ببيت محمد
الي لا زال يروح للجهاد رغم تدهور الوضع بالبلاد وصور الشهداء الي بدت تملأ شوارع المحافظات، مر شهر من بلش الدوام
الوضع هادئ ومستقر وماكو اي شي يقلقني او يرهق تفكيري بس خوفي على محمد
العالم يختلف هنا! لأن البنات ما يجن للدراسة انما فقط لأقامة علاقات غرامية فاشلة تافهة هاا بس البعض منهن!
تعدهم على إصابعك الي تشوف بيها حب الدراسة والنية الصادقة اله..!
اما الباقي فيجن بس للمكياج والتفاخر والوقوع بالحب والأخطاء الفضيعة الي تصير بهذا الحب
البنات الي اجن للتعلم والثقافة ما يتجاوزن أصابع ابدي! شنو هالعالم هذا ، أتفه بهواي من المدرسة والي يصير بيها..
أنطوائي على نفسي يزداد بكل يوم ، ما أملك أصدقاء داخل الحرم الجامعي الى الأن بس علاقتي زينة نوعاً ما بزملائي بالقسم الداخلي لأن نحن نتشارك كُل شي حرفياً كلشي... قبل شوي گلت حياتي هادئة ااسف اعتذر حياة سامر لا يمكن ان تكون هادئة
