زهراء عــزالدين
ثالث الذنوب
لـ بأي ذنب
لا تنسون التصويت ++ التعليق بين الفقرات
قراءة ممتعة شباباتنا الطيبة
___________بأي ذنب_______________
لم يحِن الوقت الذي أُهزم به ، لم يحن بعد
حجة ابوي : كبر هواي وما اكدر اشوفة كدام عيني اكثر من هيج وجهه يذكرني بوجه ابوه ، بداخلي رغبة اقضي عليه واكطعة كطعة كطعة حتى يرتاح اخوي بكبره ، كل ما أريد اخلص منه بدون ما اكتلة مااكدر وافشل
- وشنو راح تسوي ؟ راح تتخلص منه ؟
- اي اكتله واخذ بثار اخوي ، مااسمح يبقى عايش هذا ابن الي كتل اخوي تفهمين
جان يحجي بقهر وعصبية بس مفهمت شنو يكولون وعن شنو يحجون ؟ شنو ديصير ؟ منو هو الي راح يكتلونة ويخلصون منه ؟
قربت على باب الغرفة اكثر حتى اسمع الهم احسن بس حسو بوجودي ، طلع ابوي بسرعة حاولت اشرد من كثر خوفي تعثرت وطحت ، لزمني وانا ابجي ودموعي تارسات خدودي ، الرعب يشكك جسمي راح يكتلوني؟
انا الي يحجون؟ عنه حجه بصوت عالي و كأن فات بجسمي! شنو سمعت ؟ جاوبتة انو سمعت كلشي
- تمام اذا هيج ماكو داعِ نتأخر اكثر من هيج
جاوبتة وانا گلبي مرعوب واحس راح اموت خوف وابجي
- بس تتت..ت..تأخير شنو ؟
بعدني ما كملت جملتي وحط ايدة على حلگي وشالني بين ايدي حسيت بنعومة جسمي واختفائي كدام ضخامة جسمة
ما اگدر اتنفس فدوة وخر ايدك عن حلكي ، بس هو ما يسمعني ، اخذني لمخزن يصير جوه البيت نخلي بي الاشياء الي مو مهمة ، مكان مظلم وقذر وكلش رطب يخوف موجود بي فيران وجريذية وحشرات
فتح الباب ودفعني للمخزن طحت وانشگت رجلي ماادري بشنو لان كلشي ما اشوف ظلام بي شباك صغير كلش يدخل منة ضوء خفيف كمت بسرعة ادك بالباب مالت المخزن
- بابا افتحلي بابا فدوة انا خايف بابا صوت الفيرات تخوف بابا ، ماما فتحيلي ماما ،فتحووووولي الباب
تعورت ايدي ببسمار بالباب وانشكت واحسها تلسعني محد فتح الباب خفت انرعبت حضنت نفسي وانا اكول هسة يفتحون الباب ما يعوفوني لا تخاف لا تخاف انت قوي ، شوي وسمعت صوت فيران عالي وصوت قطرات مي من برا الشباك وظلام خفت اكثر ورجعت ادگ بالباب
- بابا انا اخاف الظلمة فدوة طلعوني فدووووة ، گلولي انا منو ؟ منو انتم ؟وين اهلي ، وين ؟ طلعووووووني!!! ليش تسوون بيه هيج ؟ اصرخ واصرخ بس محد جاوبني
مرت ثلاث ايام وانا بالمخزن بدون ما يحاجوني او يگلولي شي يفتحون الباب مرة وحدة باليوم الاكي كلاص ماي حار محطوط على جهه ، تتكطع مصاريني وانا اشربة
