زهراء عـزالدين
الذنب السابع عشر
لـ بأي ذنب
مو تنسون التصويت++التعليق بين الفقرات تفاعلكم ما يسوي واهس شبابات❄️
قراءة ممتعة شباباتنا الطيبة
________بأي ذنب..!__________
رجف جسمي خوف قبل شوي اما هسه فجسمي تهاوى! ما گدرت اوكف اكثر ما كمت احس برجليه
اتكأت ع الحايط وكعدت ع الارض ، حاولت اتنفس بس اختنكت هذا صوتها ، الصوت الي كنت ازيد عشق لما اسمعه...
أمنيات: سامر تسمعني؟ فدوة احجي، عرفتني
وانا اكدر اصلاً انسى هذا الصوت؟ فهو نفسه الي ادمى قلبي..
حاولت اتمالك نفسي بس ما ظنيت ان راح أضعف بعد ما صرت بنص القذارة أرجع أضعف من صوتها حاولت وحاولت اقوي نفسي
سامر: أمنيات! شنو تردين؟
أمنيات: اريد احجي وياك بموضوع
سامر: تمام احجي بسرعة
أمنيات: صرت تكره أن تسمع صوتي؟
سامر: لا، انا أكره نفسي لما اسمع صوتج، يالله احجي شنو تردين؟
أمنيات: أريد اعتذر منك على كل الي صار بينا، وعلى كل الأتهامات الي اتهمتك بيها
سامر: جايتني بعد سنه امنيات!!
أمنيات: أعتذر، اعرف تأخرت بس ما گدرت اشيلك من بالي انا احبك سامر
سامر: تعتذرين؟ ههههههههه شوفي ما أريد منج اي أعتذار إستمري تبتعدين عني وبس، اوگفي لحظة عندي فضول بموضوع شنو سبب أعتذارج ورجعتج هسه ؟
أمنيات: أنمار ، گالتلي كل شي سوته هي
سامر: أنتِ ندمانة وهذا كل ما بالموضوع صح ؟
أمنيات: اي ندمانة
سامر: وهو المطلوب، وما راح ينفعج ندمج ،لأن ما أريدج بحياتي بعد ابداً
أمنيات: ما راح تقبل إعتذاري ورجعتي ؟
سامر: ما أقبل ، وبعدين انت تضحكين على روحج لو شنو شبيييييج
أمنيات: اشتاقيتلك
سامر: مو مهتم ، يالله مع السلامة
أمنيات: أعتذر لأن ازعجتك، مع السلامة سامر
سامر: ميخالف الله وياج
كل حرف نطقته بدمعة ليش ما اكدر انساها ؟ انسى صوتها! ما تطلع من گلبي لييييييييش؟؟
شمرت التلفون وكسرته.. أريد اشگگ گلبي أريد احرگة ما أريده يبقى بصدري! بقيت أضرب مكان گلبي حيل لحد ما أرهقني التعب والألم ونزل دم من جرح عمليتي
