____________بأي ذنب_______________
#زهراء عــزالدين
الذنب الخامس
لـ بأي ذنب
مو تنسون التصويت++ التعليق بين الفقرات 🌿✨
قراءة ممتعة شبابنا الطيبة
_________________°
”أنت ممنوع من السعادة˝
يا ترى سويت الصح لو جان لازم اخليها تتقرب مني حتى احافظ على سري؟
تساءلت بيني وبين نفسي وانا رايح للبيت ، ما كدرت اشوف لمياء شگد ردت اشوفها وأسئلها ليش سوت بية هيج
بس مات السؤال بداخلي مثل ما ماتت هواي اشياء بداخلي
بلشت الأيام تمر بطيء وكل الطلاب يباوعولي بغرابة والبنات يعاملوني تكول أمير ويتوددن الي هسه يا ريت معضل لو بية ميزة اشو ضعيف وسافط وي الحايط دهر دهرجن يالبنات
واكو بيهن اشوف الشفقة بعيونهن بس بدون لا يتقربن مني واكو يكرهني كلش وياريت اعرف السبب والله عجيب هالبشر
أمراضي صارت تطلع وحدة وحدة ، سُكري يرتفع اخر فترة وأبرة الأنسولين ما تفاركني وفتحة گلبي تتوسع أكثر بمرور الأيام والطبيب يگلي انو لازم اسوي العملية وهذا الموضوع ما بية مهرب بعد
هموم هوااي كاعدة على صدري وتعتلي ظهري وما اكدر اتحملها ، وماكو احد أحجيلة عن همي غير أخوتي الثلاثة عائلتي الصغيرة
الدنيا صغيرة كلش وأعظم شي بيها الصداقة هذا الي تعلمته من وجودي وياهم
نكعد نسمع لبعض ونخفف أوجاع بعض لحد ما يخلص نقاشنا بالضحك ونضحك على روحنا، لحد ما ياسين صدمنا بقرارة
ياسين: أريد اتزوج
سامر: لك شهالخبر فرحتلك حبيبي الف مبروك بس شلون قررت هذا بعدك صغير
علاء: انت عن شنو تحجي ابني منين الك فلوس حتى تتزوج وأنت كوة شايل مسؤولية امك وإخوتك ؟
محمد: شوف مو قصة ما فرحنة الك بي الي گالة علاء صحيح يا خوية ياسين ليش الأستعجال
سامر: على كيفكم شباب ما انطينا فرصة يحجي خلي نسمعة
ياسين: أويامن دهر فركم لزكتوا فد لزكة دنطوا فنتك
أنا مو مستعجل بس أمي صارت مرة چبيرة وما تكدر تشيل مسؤولية بيت وشغل، أريد اتزوج بنية حلال تساعد أمي وانتم تدرون نحن أربع ولد بس وما عدنا أخت
