Unicod
"ဖေဖေတို့ကို သမီးတစ်ခုတောင်းဆိုပါရစေ..ကျေးဇူးပြုပြီးဖေဖေ့လူတွေကို သမီးဆီမလွှတ်ပါနဲ့ အခုဆို ဖေဖေ့လူတွေက သမီးကျောင်းရှေ့ထိ ရောက်လာပြီ..သက်ထားက ဆရာမတစ်ဦးပါဖေဖေ ကလေးတွေအထင်အမြင်လွဲမှာကို သက်ထားစိုးရိမ်တယ်"
"ငါ့သမီးလုပ်နေပြီး ဘာလို့ပတ်ဝန်းကျင်ကိုဂရုစိုက်နေမှာလဲ"
"စိုက်သင့်ရင်တော့ စိုက်ရမယ်လေဖေဖေရဲ့..သမီးက ကလေးတွေရဲ့ဆရာမတစ်ဦး ကလေးတွေ လေးစားအားကျအောင်နေရမဲ့ ဆရာမတစ်ဦးက အခုလို ယောင်္ကျားသားအများကြီးပါတဲ့ ကားအနက်ရောင်ကြီးပေါ်ကိုတက်တက်သွားရတာက ကလေးတွေအမြင်မှာကော ကလေးမိဘတွေအမြင်မှာကောာမသင့်တော်ဘူးလေ"
"ကောင်းပြီ..ဒီတောင်းဆိုမှုကိုတော့လိုက်လျောပေးမယ်..ဒါပေမဲ့ဖေဖေ့ရဲ့တောင်းဆိုမှုကိုလည်း သမီးပြန်လိုက်လျောပေးရမယ်"
"ဘာတောင်းဆိုမှုလဲ ဖေဖေ"
"နောက်ကျသွားတဲ့အတွက်တောင်းပန်ပါတယ် ဒယ်ဒီ..ကျွန်တော် ဒယ်ဒီခိုင်းထားတဲ့အလုပ်လေးမပြီးသေးတာလက်စသတ်နေလို့ပါ"
သက်ထားတို့စကားဝိုင်းထဲကို ဖြတ်ပြောလာတဲ့ ကိုသွေးကိုမြင်တော့ သက်ထားစိတ်ထဲဘဝင်မကျတော့ပေ။ကိုသွေးကိုပါ ဖေဖေက ခေါ်ထားတာလား..ဒါဆို ဖေဖေ့ရဲ့တောင်းဆိုမှုက သေချာပေါက်ကိုသွေးနဲ့ဆက်စပ်နေတဲ့ တောင်းဆိုမှုပဲ ဖြစ်လိမ့်မည်။
"ရပါတယ်ကွ..ဒယ်ဒီ့အလုပ်တွေကိုကြိုးစားပေးနေတဲ့ငါ့သားကို ဒယ်ဒီအပစ်မမြင်ပါဘူး လာ ဒီမှာလာထိုင် ဒယ်ဒီပြောစရာရှိတယ်"
"ဟုတ်ဒယ်ဒီ..အာ သက်လည်းရောက်နေတာပဲ"
"အွန်း မင်းတို့နှစ်ယောက်စလုံးကိုပြောစရာရှိလို့"
"ဟုတ်ပြောပါ"
"မင်းတို့နှစ်ယောက် စေ့စပ်ထားလိုက်တော့"
"ရှင်"
"ဗျာ"
သက်ထားရဲ့အသံက သိပ်ကိုအံ့ဩပြီးတုန်လှုပ်သွားတဲ့အသံပေါက်နေပေမဲ့ကိုသွေးရဲ့အသံကတော့သိပ်ကိုဝမ်းသာသွားတဲ့အသံပင်။
YOU ARE READING
"အညိုရောင်ရပ်ဝန်းလေး" (အညိုေရာင္ရပ္ဝန္းေလး)
Romanceသူ့အနားမှာနေရတာ သိပ်ကိုနွေးထွေးလွန်းတယ် အညိုရောင်ရဲ့ အဓိပ္ပာယ်တွေထဲမှာ နွေးထွေးမှုပေးခြင်းဆိုတာလေးပါဝင်တာကြောင့် သူ့ကို နာမည်လေးတစ်ခုပေးထားတယ် အညိုရောင်လေးတဲ့... သူ႔အနားမွာေနရတာ သိပ္ကိုေနြးေထြးလြန္းတယ္ အညိုေရာင္ရဲ့ အဓိပၸာယ္ေတြထဲမွာ ေနြးေထြးမႈေပးျခင္...
