Unicod
မြတ်နိုးကျောင်းတက်တာ တစ်ပတ်ပင်ရှိလေပြီ။အခုထိ ကျောင်းလာအပ်သေးတဲ့ တစ်ခြားအတန်းကကျောင်းသားတွေရှိတာကြောင့် ဆရာမတွေအလုပ်ရှုပ်တဲ့ ကာလဖြစ်နေဆဲပင်။တီချယ်နဲ့လည်း သိပ်မတွေ့ရတာကြောင့်အခုချိန်ထိ တီချယ့်ရဲ့ကြောက်စရာကောင်းတဲ့ ပုံကိုလည်း မြတ်နိုး မတွေ့ရသေး...ဒါပေမဲ့
"ဟိုနေ့က ပေးလိုက်တဲ့ သင်္ချာအိမ်စာတွေရေးလာကြလား..မရေးလာတဲ့သူတွေက ခုံပေါ်မှာမတ်တပ်ရပ်ထား ရေးလာတဲ့သူတွေက ကိုယ့်ရှေ့မှာ စာအုပ်ဖွင့်ထားချေ..ဆရာမလိုက်စစ်မယ်"
ထုံးစံအတိုင်း မရေးလာတဲ့သူတွေထဲမှာ ယောင်္ကျားလေးတွေကတော့အများဆုံးပေါ့..တီချယ့်လက်ချက်ကိုသိနေတဲ့ကျောင်းသားဟောင်းတွေကတော့ တော်တော်ကိုကြောက်ဒူးတုန်နေလေသည်။
"ရာရာ ဘာတွေကုန်းရှာနေတာလဲ..တီချယ် စာအုပ်လိုက်စစ်နေပြီနော် နင်ရေးတော့ရေးလာတယ်မလား"
ရာရာဆိုတဲ့နာမ်စားက မေနှင်းသက် မြတ်နိုးကိုခေါ်တဲ့နာမ်စားပါ..သူများတွေထက်တစ်မူထူးခြားအောင်ခေါ်တတ်တဲ့ မေနှင်းသက်ကြောင့် မြတ်နိုးမှာနောက်ထပ်နာမည်တစ်ခုတွင်သွားလေပြီ။
"ရေးတာကရေးလာတယ်ဟ..ဒါပေမဲ့ ငါစာအုပ်မတွေ့ဘူး"
"ဟမ်သေချာပြန်ရှာကြည့်ပါအုံး ရာရာ ရဲ့.."
"ငါရှာနေတာ ငါးခေါက်လောက်ရှိပြီဟ တစ်ကယ်မတွေ့ဘူး..အာ ငါညက စာအုပ်တွေစစ်ရင်း ဘယ်ကြားထဲ ညပ်ကျန်ခဲ့လဲမသိဘူး ဒုက္ခပါပဲ"
"နင်ကလည်းဟယ် စာအုပ်တွေစစ်ရဲ့သားနဲ့ကျန်ခဲ့ရတယ်လို့..ဘယ်လိုလုပ်ကြမလဲ"
"ငါလည်းမသိတော့ဘူး"
"မြတ်နိုးရာ"
"ရှင်..တီချယ်"
"စာအုပ်ကော"
"ဟို..သမီးရေးလာပါတယ်တီချယ် ဒါပေမဲ့"
"ဆက်ပြော တို့နားထောင်နေတယ်"
"သမီးညက စာအုပ်စစ်ရင်း ကျန်ခဲ့လို့"
"အို..ပေါက်ပေါက်ရှာရှာ စာအုပ်စစ်ရင်းကျန်ခဲ့ရတယ်လို့ မင်းဆင်ခြေက အဓိပ္ပာယ်မရှိလိုက်တာ"
YOU ARE READING
"အညိုရောင်ရပ်ဝန်းလေး" (အညိုေရာင္ရပ္ဝန္းေလး)
Romanceသူ့အနားမှာနေရတာ သိပ်ကိုနွေးထွေးလွန်းတယ် အညိုရောင်ရဲ့ အဓိပ္ပာယ်တွေထဲမှာ နွေးထွေးမှုပေးခြင်းဆိုတာလေးပါဝင်တာကြောင့် သူ့ကို နာမည်လေးတစ်ခုပေးထားတယ် အညိုရောင်လေးတဲ့... သူ႔အနားမွာေနရတာ သိပ္ကိုေနြးေထြးလြန္းတယ္ အညိုေရာင္ရဲ့ အဓိပၸာယ္ေတြထဲမွာ ေနြးေထြးမႈေပးျခင္...
