قناص بغداد ( مهمة وطن )

المُـهمة التاسعة والعشرين

عافي وطلع هطر الباب وراه قوي گعدت على الچرباية كضيت رأسي بتعب

-الـجـازي: هاي الحية انه الچ أم النواب بس خليني اشوفچ لو ما شربت من دمچ ما اطلع انه الجازي

بعدني على هالحالة سمعت الباب يندگ گمت فتحته طلعت أمه
-الـجـازي: هلا عمة تفضلي

حچت وهي بالباب
-ابـابـيل: شبيكم يوم صوتكم طالع ديوان ليش عصب

-الـجـازي: هيچ عمة موضوع بسيط لا تشغلين بالچ

-ابـابـيل: موضوع بسيط بهاي عيونچ الحمر

دنجت رأسي تنهدت بضيج وگالت
-ابـابـيل: نصيحة الجازي ديوان كلشي يتقبل الا سالفة وأحد يضم عليه او يستغبي هالشي ميتقبله أبد دائمًا خليچ صريحة ويا راح تشوفينه مثالي وماكو منه بس إذا زليتي راح يطلعلچ شخصيته الثانية الي ماعتقد شخص يتقبلها احنا أهله ومنتقبلها منه

-الـجـازي: ليش شني شخصيته الثانية

-ابـابـيل: زلي ويا وراح تشوفينها ديوان عنده خطوط حمر بحياته وقوانين خاصة الكل خاضع الها هالتشوفي بهاي الوداعة مجرد ما شخص يخل بقانون من قوانينه راح يطلعله الوجه الثاني ويصير بالقائمة السوداء والله اليستر

رفعت رأسي وگلت بقوة
-الـجـازي: قوانينه تمشي عليكم ممكن انه متمردة يسري عليه القانون الإلهي وبس

-ابـابـيل: أيّ الله يهديكم بس لا تنسين نصيحتي

-الـجـازي: أن شاء الله

عافتني وراحت سديت الباب وانه احچي

-الـجـازي: انوب القائمة السوداء هو إحنا بالبيضاء وما خلصانين وانه هم بربوگ ومااستر على رويحتي واسكت

اتصلت بسمسم اتطمنت عليهم وعلى عاشور ورديت أصلي وادعيله الحد ما هيست روحي بعد ماگدر تعبت النوم غلب عليه تمددت وانه على السجادة منتظرته يرد ماكو وانه هم غفيت ونمت

مدري شكثر مر وكت هيست روحي انرفت من الگاع وعطر ديوان خالط أنفاسي النوم مسيطر علي كلش ماگدرت افتح عيوني حطني على مكاني وغطاني گعدت الصبح ما لگيته موجود طالع للشغل

𔓕𔓕𔓕

سُـمانه ...

راد يطلع سُطام يروح للمستشفى لزمت ايده حيل چلبت بي ابچي

-سُـمانه: فدوة سُطام اخذني وياك بداعتي بغلاة عاشور عندك اخذني خلي اشوفه ويرتاح گلبي والله ماتحمل بعد اگعد هنا وابقى انتظر

حضني وعيونه تصب دموع
-سُـطام: سمسم وين اخذچ ماكدر روح اخوچ أنتِ  ماگدر هناك كلها رتب من عرفوا بي غيبوبة اجت الناس كلها بالمستشفى وغيرتي ماتقبل اخليچ بنصهم ولچ