"မယ်တော့်ကိုညာတာမကြိုက်ဘူးနော်အဲ့တော့အမှန်တိုင်းပြောဘယ်မှာဝှက်ထားတာလဲ"
"......"
"သားတော်လေးလူသားနတ်မင်းတွေပါဒီကိစ္စမှာပါဝင်လာပြီဆက်ပြီးခေါင်းမာနေရင်သားတော်ဒုက္ခရောက်လိမ့်မယ်"
"......"
"နက္ခမဟာ!"
နူးညံ့သိမ်မွေ့လှသောကြင်ယာတော်မှာဒေါသထွက်ခဲသော်လည်းယခုအချိန်တွင်အတော်ဒေါသထွက်နေမှန်းသိသာလှသည်။
နက္ခနီရဲနေသောမျက်နှာနှင့်ပင်မယ်တော်ရှေ့ဒူးထောက်ချလိုက်သည်။
"သားတော်ရဲ့အမြုတေကိုလွှဲပြောင်းလိုက်ပြီမယ်တော်"
"မင်း....မင်း..အရူးကောင်"
သားအမိတွေကြားဝင်ပါလေ့မရှိသောအရှင်မင်းကြီးပင်လျှင်ဒေါသတကြီးအော်ဟစ်လာပြီးကြင်ယာတော်ကတော့ဘာစကားမှပင်မပြောနိုင်တော့။
အထိန်းတော်ခေါင်းကိုတိတ်တိတ်လေးခါရမ်းမိလိုက်သည်။
'အရှင်မင်းကြီးကိုဆိုးလှပြီထင်ခဲ့ပေမယ့်အရှင့်သားကပိုဆိုးနေတာပဲ'
"သားတော်လုပ်ခဲ့တဲ့အရာကဘယ်လောက်တောင်အန္တာယ်များလဲသိရဲ့လား"
"သားတော်ဂရုမစိုက်ဘူးသေရမယ်ဆိုရင်တောင်သူ့လက်ထဲပျော်ပျော်ကြီးအသေခံနိုင်တယ်"
"ကောင်းပြီ..ဒါဆိုလပြည့်နေ့ပွဲတော်ကိုအလျှင်အမြန်ပဲကျင်းပရအောင်"
"မဖြစ်ဘူးကြင်ယာတော်လေး,သားတော်ကအရွယ်ရောက်နေပြီပေမယ့်လူသားလေးကငယ်ရွယ်သေးတယ်သွေးသားဆိုတဲ့အကြောင်းပြချက်နဲ့တစ်ပါးသူအပေါ်နစ်နာစေလို့မရဘူး"
"သူတို့သာမချည်နှောင်ရင်ကျွန်မသားအသက်အန္တာယ်ရှိလာနိုင်တယ်အဲ့လိုတော့အဖြစ်မခံဘူးကျွန်မသားရဲ့အသက်နဲ့ယှဉ်ရင်ဘာမှအရေးမကြီးဘူး"
"ဒါပေမယ့်လူသားလေးက!"
"ဒီတစ်ခါလပြည့်ရင်လပြည့်နေ့ပွဲတော်ကျင်းပမယ်မင်္ဂလာမောင်နှံတွေအဖြစ်ချည်နှောင်ပေးမယ်လူသားမိဘတွေကိုအသိပေးပြီးနတ်တွေအားလုံးကိုအစည်းအဝေးခန်းထဲဖိတ်ကြားလိုက်"
YOU ARE READING
မြွေ(Complete -U+Z)
Romanceမြွေများကိုအလွန်အမင်းကြောက်တတ်သောပြည့်စုံသည်တစ်နေ့တွင်ထူးထူးဆန်းဆန်းအိမ်မက်ကြီးတစ်ခုမက်ခဲ့သည်။ထိုအိမ်မက်ထဲတွင်သူကဧရာမမြွေကြီးတစ်ကောင်နဲ့ချစ်ရည်လူးနေခဲ့သည်တဲ့။ 1vs1🐍