ပြည့်စုံမြှောက်ဘက်သို့နာရီဝက်လောက်မရပ်မနားပြေးလိုက်ပြီးနောက်မြွေအုပ်ကြီးကိုတွေ့လိုက်ရသည်။ထိုမြွေတွေကစိတ်လှုပ်ရှားလွန်းနေကြတာကြောင့်လူသဏ္ဍန်ပင်မရှိနိုင်ကြတော့ပဲအမှီးတွေကလည်းမြေပြင်ကိုတဘန်းဘန်းရိုက်ခတ်နေကြသည်။ထိုမြွေအုပ်ကြီးရဲ့အလည်မှာတော့အဖြူရောင်အဆင်းရှိသောမြွေကြီးတစ်ကောင်နှင့်စိမ်းပုတ်ရောင်အဆင်းရှိသောမြွေကြီးတစ်ကောင်ကအပြင်းအထန်တိုက်ခိုက်နေကြသည်။
"နက္ခ!!!!!"
ပြည့်စုံသေလောက်အောင်မောပန်းနေပါသော်လည်းအနားယူချင်စိတ်ရှိမနေ။စိမ်းပုတ်ရောင်မြွေကြီးရဲ့ဒဏ်ရာတွေကိုမြင်ရုံနှင့်ပြည့်စုံရူးသွားတော့မလိုပင်။ပြည့်စုံရဲ့အော်သံကျယ်ကြီးကြောင့်ကွင်းပြင်ကိုပတ်လည်ဝိုင်းထားတဲ့မြွေများကမျက်လုံးပြူးကာလှည့်ကြည့်လာကြသည်။
အိမ်ရှေ့မင်းသားကကြင်ယာတော်မသိစေဖို့စိတ်ဝိဉာဏ်ချင်းဆက်သွယ်ပြီးတစ်တိုင်းပြည်လုံးကိုသတိပေးထားခဲ့သည်မလား။ဘယ်မိသားစုကများအသက်အပိုပါနေတာလဲ။
စိမ်းပုတ်ရောင်မြွေကြီးခေတ္တငေးကြောင်သွားတာကိုအခွင့်ကောင်းယူပြီးအဖြူရောင်မြွေကြီးကအားကုန်သုံးကာရိုက်ချလိုက်တာကြောင့်စိမ်းပုတ်ရောင်မြွေကြီးဟာစည်းအပြင်ဘက်လွင့်ထွက်သွားတော့သည်။
"နက္ခ!!"
မြွေကြီးကအားနည်းလွန်းနေတာကြောင့်လူသဏ္ဍန်ပင်ပြန်မပြောင်းနိုင်တော့။သူကစကားတွေအများကြီးပြောနေပေမယ့်သူ့အချစ်ကလေးကသူ့စကားတွေကိုနားလည်နိုင်စွမ်းမရှိချေ။
ပြည့်စုံရဲ့မျက်လုံကအရည်တြွေပည့်လာပြီးသူ့ရင်ခွင်ထဲစိမ်းပုတ်ရောင်ဧရာမမြွေကြီးပေါ်တစ်စက်စက်စီးကျလာသည်။
"ပွဲပြီးပြီ!"
အဖြူရောင်မြွေကြီးကမျက်နှာကိုမော်ချီလိုက်ကာထွက်သွားဖို့ပြင်လိုက်သည်။
"နေအုန်းငါ့သားတော်မသေသ၍ပွဲမပြီးသေးဘူးမင်းရဲ့ခေါင်းကိုငါ့သားဖြတ်ပြီးမှမင်းသွားချင်တဲ့နေရာသွား"
YOU ARE READING
မြွေ(Complete -U+Z)
Romanceမြွေများကိုအလွန်အမင်းကြောက်တတ်သောပြည့်စုံသည်တစ်နေ့တွင်ထူးထူးဆန်းဆန်းအိမ်မက်ကြီးတစ်ခုမက်ခဲ့သည်။ထိုအိမ်မက်ထဲတွင်သူကဧရာမမြွေကြီးတစ်ကောင်နဲ့ချစ်ရည်လူးနေခဲ့သည်တဲ့။ 1vs1🐍