<مابعد الذنوب>
للكاتبة سجى المالكي
البارت الـ42 والاخيرررر
اللهم صل على محمد وال محمد
لاتنسون التصويت والمتابعة والتعليق بين الفقرات ...
****************************
همام،
ضميتها لـصدري ابجي واصرخ جني حرمه موش ازلمه
دخل نائل سحبها من حضني وركض بيها للمستشفى وانا ويا بس احس حيلي باد وانا اتخيل شغف خلـص عـافتني،
بقينا بالنص ساعة
وبشرنا الدكتور صحت،
طبيت ابوس بيها مامصدك واحس روحي ردتلي
وهي مبتسمه،
شغف-كافي حبيبي مابيه شي
كلت بخوف:-خفت اخسرج
لزمت شواربي وحجت بضحكة:-وداعة ذني ماعوفك
همست بغصه-اذا عفتيني اندفن وياج والله
-اشش اسم الله عليك
تنهدت وادحك بوجها،
تنهدت-هُمام اني تعبت ليش ماتخليني اموت
بحده-شبيج شغف شنو تموتين مافكرتي بيه شنو حالي انا؟ لجج انا انتظرت يوم يوم نصير سوا بالحلال وتعوفيني
جرتني لصدرها وانا ابجي وحسيتها بجت سبيت نفسي ميصير اضوجها،
ابتعدت-كافي لاتبجين
تناشغ-همام راح اموت واعوفكم
-اموت وياج والله
بقيت اهدي بيها وانا خايف اكثر منها،
بقينا بالمستشفى 3 ايام وطلعوها للبيت،
اخذت اجازة شهر لحتى اهتم بيها،
بيوم دخلت للغرفة لكيتها كاعده بالكاع متربعه ولابسة كبوس براسها وبيدها صورة،
تقدمت كعدت يمها-شنو هاي؟
دحكتلي وكال-شنو حبيبي
اشرت عل الكبوس،
ابتسمت -لعد شعري كله وكع خوما اخليك تشوفني هيج
نترت-شغف احبج بكل حالاتج يلا نزعي
بعناد-مانزعه ولا تلح
-هلكد ثقة بنفسج ماعندج
دنكت راسها:-مو قصة ثقة بس اني صرت بشعة
ضعيفة
وجهي شاحب مابي حياه
ونوب شعري ماكو وانت من تشوفني هيج تمل مني عدا التنمر
عكدت حاجبي-تنمر؟منو تنمر عليج اليوم اخنكو
رفعت صورة الي-حبيبي شوف هاي صورة عرسنا
خزرتها-شغفي منو تنمر عليج؟
توترت-بس لاتسوي مشاكل
-اي بس كولي
-مره ابوك
-منو منهن
-ام منصور هي تتنمر عل شكلي
YOU ARE READING
مابعد الذنوب
Romanceمشهد، هسه انت شكو شعليك بيها -لان البنيه عفيفه عيب عليك تسوي بيهاا هيج ابتسمت بمكر-مبين عرفتني شراح اسوي -اي طبعا دارسك درس بس فدوه لعينك لاتسويها هاي علويه جدها محمد وبخيته والله طيح حظك بختها باستهزاء-وانت مصدك الساده والعلويات عدهم بخت؟! خزره-شبي...
