<مابعد الذنوب>
البارت الـ38
للكاتبة سجى المالكي،
لاتنسون التصويت للبارت ومتابعة للحساب والروايات السابقة،
علقوا بين الفقرات،
اللهم صل عل محمد وال محمد ،
°°°°°°°°°°°°°°°°°°°°°°
شغف،
كعدت بالكاع والرهبة بجسمي،
نزل السايق:-اختي كومي ويايه رجلج تنزف
باقيه ساكتة مهبوطه والكل اللتم عليّ صحيت عل صوت امي ،
-يمه شغف لج يمه رجلج تنزف كومي
باوعت رجلي تنزف والدم ترس المكان،
ساعدتني امي اكوم وصعدنا بالسياره الدعمني
وطول الطريق يتأسف من امي انه مجان يقصد ،
وصلنا للمستشفى وكالوا راد خياط بجيت،
-ماما ماريد اخيطها اخاف
-يضربوج ابره تخدير ومتحسين لازم يخيطوها
بقيت ابجي خايفه وناسيه وجع رجلي،
نطوني ابره وبدت الممرضه تخيطها وشاغت روحي وكمت اعيط ولازمه ايد امي،
خلصنا ورجعنا للبيت كبل نمت من التعب،
فزيت عل صوت خضر يكعدني
ابتسمت وجريته اليه،
-يروح عمتك
-عمه رجلج توجعج؟
-لا وجع قليل
-زوجج اجى
كمزت:-شنو هُمام هنا؟
-ماعرف اسمه بس كالت ماما زوج شغف
كمت بسرعه مخبوصه
نسيت رجلي بس كمت وجعتني كعدت ابجي من الوجع،
طلع خضر يركض واني نفس وضعي،
فجاه دخل هُمام خايف كعد يم رجلي،
-علويتي
باوعتله وابتسمت بين دموعي:-يروح علويتك
-هذا السايق *** ابن *** غير ينتبه للطريق شبي صابو عمى كون
خزرته:-لتغلط عيب شهل الفاظ
-دحكي توجعج اخ يو الزمو الا اموتو
مسحت دموعي وهو باس رجلي من اللفاف وكام كعد يمي عل سرير،
كال-شلون صرتي؟
-وجع خفيف
باس راسي وطلع حبوب من جيبه،
-هاج شربي
-شنو هذا
-يسكن الالم مفعولة قوي شربي
اخذته ونطاني كلاص مي شربت ،
التفت:-شلون اجيت؟شمدريك اقصد
-غير خبرني عمي بالسالفة وماحسيت الا وانا كبال بيتكم
أنت تقرأ
مابعد الذنوب
Romanceمشهد، هسه انت شكو شعليك بيها -لان البنيه عفيفه عيب عليك تسوي بيهاا هيج ابتسمت بمكر-مبين عرفتني شراح اسوي -اي طبعا دارسك درس بس فدوه لعينك لاتسويها هاي علويه جدها محمد وبخيته والله طيح حظك بختها باستهزاء-وانت مصدك الساده والعلويات عدهم بخت؟! خزره-شبي...
