مابعد الذنوب

البارت الرابع

<مابعد الذنوب>

البارت الرابع،

غير مبري من ينسبها لاسمه،

---------------------

شغف،
بعدما رجعت من الكليه نمت وكعدت عل صوت امي،

-يوم نعسانه خليني انام

-شغف كومي اجى عصام

فزيت من مكاني، عقجت حاجبي
-عصام؟شعنده

-رايد يشوفج واخذ اذن من ابوج حتى تطلعون تتعشون كومي بسرعه عيب صار شكد ينتظرج

كمت واني متكاسله اكوم،
رحت غسلت ولبست فستان لونه وردي فاتح وطلعت
سلمت جان هو ومسلم كاعدين شويه ومسلم كال،

-شغف حضري روحج تطلعين ويا عصام

هزيت راسي وكمت لغرفتي لبست عباتي وخليت مسكاره وشويا كحل
طلعت لكيت عصام بالطرمه
شافني ابتسم،

عصام-هلا بهل نور الحلو

ابتسمت ساكته
وطلعنا صعدنا بسياره وهو شغل اغاني

خزرته-شنو هاي؟!

طفا الاغنيه، -اسف بس متعود اشغل هيج

-مايجوز

ضحك-علويه كلشي عندج مايجوز

-مو لان علويه قابل بس اني ملتزمه بالدين هوايه ناس مؤمنه
  الدين هيج فرض علينا وهذا يعتبر لهو والشياطين ترقص عل الاغاني

هز راسه ورجع نظره عل الطريق،

شويه ونزلنا بمطعم مبين غالي وفخم،

طلبنا عصاير وثنينا ساكتين،

كطع السكوت وكال

-شغف ليش تشلعين گلبي؟

سكتت،

-جاوبيني لتظلين ساكته

-يعني شكُلك مثلا؟ احنا متفقين لمن اتخرج نزوج

تنهد -انتِ تحبيني؟!!

سكتت ماعرفت شجاوب
هو اني نفسي ماعوف هل جواب ،

-شغف لاتحركين اعصابي بسكوتج

-اكيد احبك غير خطيبي وحتصير زوجي

-عوفج من خطيبج اني كـشخص تحبيني

توترت-اي

سكت وكام-رايح اطلب اكل شتحبين تاكلين

-بكيفك

هز راسه ومشى،

ظليت اباوع للناس والطريق
جانت الاجواء حلوه

شفت ثنين دايمشون كامشين ايد بعض والبنيه حامل
ابتسمت تلقائيا مبين واحد يحب لاخ،

تنهدت واني اتمنى لو هيج عشت قصه حب، استغفرت ربي شهل تفكير هذا ؟
اني مخطوبه عيب افكر هيج وبعدين عصام ماناقصه شي،