مابعد الذنوب

البارت الـ16

<مابعد الذنوب>

البارت الـ16

للكاتبه سجى المالكي،
^^^^^^^^^^^^
شغف،
امشي واني احس نفسي ضايعه ليش هيج يصير بيه
شلون اتخلص من عصام! ؟
لاكتني رؤى،

رؤى-بيمن صافنه

سكتت،

-شكو شغف شو مو عل بعضج

تنهدت -شويه تعبانه

-احجيلي صاير شي

هزيت راسي بلا ماحبيت احجي لاحد،

دخلت للمحاضره
كملت وبعدها خابرت الخط يجيني لان مالي واهس ابقى بعد،

تاخر هوايه واني طلعت بالباب انتظره،

شفت هُمام جاي بتجاهي،

-ها مصكوعه

-اهلا

-بالي ظل عليج كليلي شصار وياج صار يومين ممداومه

-شصار يعني
حجيتها ودرت وجهي بداخلي غصه

-احجي علويه

بجيت،

نخبص وماعرف شيسوي،
كال-امشي هناك خل نحجي

هزيت راسي ومشيت ويا
اكو حديقه تبعد شويه عن جامعتي،

كعدنا،

-يلا علويه كليلي شصاير وياج

-تعبت هُمام

-ريت تعب يندار بيه ولا بيج

باوعتله واني اتأمل ملامحه وخوفه عليّ

كلت بغصه-اريد ارتاح

لزم ايدي وكبل ابتعدت عنه

ضحك-حرمه شرعيه مو

ابتسمت وهزيت راسي بهدوء،

تنهد-يعني مافسختي الخطوبه

-هدد اهلي انه يفضحني شتريدني اسوي

عكد حاجبه-وعل شنو يفضحج بلا

-لان طلع مسجل شلون رحت وياك

-وراح تبقين ويا

بجيت،

-كافي بجي علويه ترى هواي تصرفين دموع

-هُمام قابل ابجي براحه غير من وجع گلبي
هسه شلون اني ماريده

-حاولي تقنعين اهلج

هزيت راسي،

-خوما اهلج سولج شي

سكتت،

كال-علويه

-ها

-كولي

-اخذوني للفحص

بهت وجهه،

خليت ايدي عل وجهي وابجي،

اسمعه يتنهد ومبين عصبي،

مسحت دموعي-بدي انهزم

نتر-شو نجبي احسن