<مابعد الذنوب>
البارت الـ22
للكاتبه سجى المالكي
______
واني لأجل عيونج احارب الدنيا واهلها،
........
همام،
بعدما خلص دوامي
رحت للبيت
طبكت سيارتي بالكراج وشفت سامر حضنته-ها يابه شلونك
-الحمدلله
ابتعدت وابتسمت ،طبيت للبيت لكيت ابوي والكل مجتمع حتى عمامي وام منصور،
كلت السلام عليكم الكل رد،
كعدت واني متردد شلون افتح الموضوع كال ابوي
-يلا همام كول
بلا مقدمات كلت-اني حبيت وحده وهي هم حبتني
حجى عمي-من گاعنا لو غير مكان
-لا هي من بغداد
سكتوا والكل دحك بالثاني،
جريت نفس قوي وكلت-اني حبيت علويه
جدي-وشلون تتراهمون يبا؟
-نتراهم، المهم اليوم نمشي لبيت ابوها
ابوي-بس كلي جدك انت رحت ورفضك ابوها
-عجل انا رحت بطرك ثوبي عاد هسى اخذك واخذ جدي وعمامي ونطلبها رسمي
كال-وبلا مانطاها شنو تفشلني وتفشل عمامك؟
-عجل شلون اظل ادحك عليها وابوها يزوجها غيري
نائل-خل نخطبلك من گرابتنا شلك بالعلويه
خزرته ردت احجي كال عمي
-ترا حجي نائل صح، انت شراب عرگ وسوالفك ماتسولف
شلون تورط البت وهي علويه وتلكاها تصلي وتصوم وانت شلونك
كمل كلامه وهز ايده باستهزاء
كمت مغتاظ-اذا عل الصلاه والصيام مستعد اصلي واختم القران هم
وذا تريد علويتي اروح للحج واعوف الشرب والبنات
جدتي كالت-فلك دهرها خلتك تصير مؤمن ولمن جنه نكلك صلي صوم ماتسمع حجينا
كلت-غير عشگتها ومستعد لو تكلي ذب روحك بشط اذبها وانا فرحان
حجى نائل-وهي تدري بسوالفك المكسره؟
-اي تدري وراضيه انتوا شلكم دخل ،المهم خطبوها الي
كال ابوي-انا مامستعد افشل نفسي لخاطر العلويه
عكدت حاجبي-شنو يعني ماتخطبلي شغف
سكتوا واني صرت بارود
عطت-شنوووو شوو سكتوا واحد بيكم يحجي شنو ماتخطبولي العلويه!!!
كام ابوي رافع اصبعه بوجهي -صوتك لاتعلي عل الاكبر منك والعلويه انساها مامستعد اتفشل تالي عمري علمود حب
جم يوم صارله
أنت تقرأ
مابعد الذنوب
Romanceمشهد، هسه انت شكو شعليك بيها -لان البنيه عفيفه عيب عليك تسوي بيهاا هيج ابتسمت بمكر-مبين عرفتني شراح اسوي -اي طبعا دارسك درس بس فدوه لعينك لاتسويها هاي علويه جدها محمد وبخيته والله طيح حظك بختها باستهزاء-وانت مصدك الساده والعلويات عدهم بخت؟! خزره-شبي...
