<مابعد الذنوب>
البارت الـ41
للكاتبة سجى المالكي،
لاتنسون تصويت ومتابعة وتعليق بين الفقرات
اللهم صل على محمد وال محمد
°°°°°°°°°°°°°°°°°°°°°
شغف-
كعدت الصبح لكيت هُمام صافن بوجهي مبتسم
ابتسمت-شنو هاي ليش صافن عليّ؟
باسني بيدي وكال-مامصدك اصبح بوجهج اليرد الروح
ابتسمت خجلانه،
-يلا كومي منتظرينا اكيد ننزل
هزيت راسي وهو كام للحمام يسبح،
اخذت قفطان ابيض وبي من الجانب شريط ذهبي،
طلع هُمام لابس دشداشته لونها ابيض،
دخلت عل سريع سبحت وطلعت لكيت هُمام يتصفح بموبايله مبتسم،
نشفت شعري
واباوعله بالمرايه يبتسم للموبايل
ترددت اكله لو لا
هو طول بهاي الحالة
انزعجت وكلت-بيمن داتباوع وتبتسم شكو خيرك من الصبح
ضحك-بدينا بسوالف المزوجين عليمن تباوع وليش كاضب موبايلك
ابتسمت-غير داشوفك مبتسم وتتصفح اريد اعرف شتباوع
-تعاي شوفي عليمن ادحك
تقدمت نحوه باوعت صورنا وفيدوهات عرسنا وركصتنا امس بالغرفه مسجلها،
ضحكت-ياي شكد حلوين
-ول يابه امس احلى يوم بحياتي
ابتسمت
ورجعت لمكاني شسورت شعري وخليت مكياج هادئ ولزمنا ادين بعض وطلعنا،
نزلنا من الدرج واستقبلتنا ام هُمام بالهلاهل،
ابتسمت خجلانه وتوترت وردت امي اصلا
باركولنا الكل وعدهم عادات الزلم تنطي هديه للعروس رغم رفضت لكن هُمام يكول اخذي خير واجانا ويضحك ويكولها،
مر اليوم بين الخطار الاجونا بس مشتاقة لاهلي،
لليل يلا فضى البيت من الضيوف وهُمام جان كاعد بالحديقه ويا سامر،
ردت اصعد اخابر اهلي وكفتني ام منصور،
-تعاي حرمه همام
التفت-وياي؟
هزت ايدها-نوبنها فاهيه عجل منو حرمته لهذاك الدايح
عقجت وجهي من كلمتها -خاله شنو دايح محلوة هل كلمة
-دلصمي تعلميني الحجي ولج اربيج واربي عشره مثلج
بقيت صافنة ليش هيج تحجي وياي شسويت اني الها
كلت بهدوء-خالة فدوه مالي خلك مشاكل
تقدمت نحوي وكالت-انتِ تدرين مزوجة منو؟
YOU ARE READING
مابعد الذنوب
Romanceمشهد، هسه انت شكو شعليك بيها -لان البنيه عفيفه عيب عليك تسوي بيهاا هيج ابتسمت بمكر-مبين عرفتني شراح اسوي -اي طبعا دارسك درس بس فدوه لعينك لاتسويها هاي علويه جدها محمد وبخيته والله طيح حظك بختها باستهزاء-وانت مصدك الساده والعلويات عدهم بخت؟! خزره-شبي...
