"البعض لا يرحل ابدا"

p. 4

                    /_______________\

- تشربي اي يا رنا؟
- ولا حاجه يا طنط شكرا....
- لا ازاي بس لازم تشربي حاجه.
-اي حاجه.

تطلع اليها بأسي وهو يشفق عليها مما ستعرفه بعد قليل،  تظهر عليها علامات الحيره والخذلان واضحه منذ لحظه تعرفه عليها..

- هو انت حاولت تدور عليا من ساعه ما مشيت؟
- هي نجوي قالتلك اي بالظبط؟
- ماما مبتتكلمش عنك.. مبتقولش حاجه،  كل اللي اعرفه إنك مت وانا صغيره وكل صورك ولبسك ضاع في الحريقه اللي حصلت.

أشاح بنظره عنها..  كما توقع بالظبط؛ فقد زيفت لها قصه تعيش علي انقاضها بدلا من إخبارها بالحقيقه،  او كما يراها هو الجريمه البشعه التي ارتكبتها في حقه وحق نفسها،  وها هي الان تكلمها لتصبح في حق رنا هي الاخري..

-انتي بقالك قد اي بتدوري عليا؟
- ٣ شهور واسبوع ويومين..
- ونجوي كان رايها ايه في ده؟
- ماما متعرفش اني عرفت انك ممتش وعايش..  لحد قبل ما اجيلك وانا مش متأكده انك عايش ولا ده تشابه اسماء..

مسحت دموعها المنهمره وعدلت من نبره صوتها المنهاره..

- لحد ما عرفتني علي الباب ده.. انا كان عندي امل بنسبه٨٠٪ إنك مجرد تشابه اسماء..
- لا هو مش تشابه اسماء يا رنا،  انتي اللي شيلاه ده اسمي انا فعلا..
- ليه؟!

دخلت زوجته وهي تحمل ثلاث اكواب من الليمون علما منها بحده الموقف ورغبه في تهدئته،  ولكن ما علي وشك الحدوث اكبر بمراحل من كوب ليمون ومهدئات بسيطه،  ومن خلف الباب تقف الصغيره التي فتحت لها باب الشقه وبجانبها صبي يكبرها بعده اعوام او ربما اكثر...

- اتفضلي يا رنا يا حبيبتي اشربي كوبايه الليمون اللي عملتهالك دي.

لم ترفع رنا عينها في عيون زوجه ابيها..  تبا لكل النساء اللاتي يتركن ازواجهن يتمادون في الطغيان والجفاء لمجرد استقرار بيوتهن علي حساب زوجات سابقه مدمره مثل حالتها..  وهي الان ترغب في مواساتها بالليمون وكأنها لم تفعل شيئا..

- انا شايفه إنك لازم تسيب نجوي هي اللي تبلغها..  بلاش تعمل مشاكل اكتر من كده..
- انا اللي عملت مشاكل يا سمر؟ انتي مش شايفه نتيجه افعالها!

تركت كوب الليمون علي الطاوله بعنف ونظرت الي والدها بغضب..

- اللي بتتكلم عليها دي امي علي فكره..
- وهو الموقف اللي احنا فيه ده مش بسببها!
- ايا كان متتكلمش عنها كده..  احترم وجودي علي الاقل.

وضع يده علي فمه ليتمالك اعصابه فجلست سمر بجانبه وهي تتأفف من هذا الموقف المزعج بحق وتخشي حقا رغبه احمد في الثأر من نجوي فيضع ثأره كله في تلك المسكينه التي لا تعي شيئا علي الاطلاق..

- روحي واجهي ماما يا رنا وقوليلها تشرحلك الموقف كله وسبب اللي حصل من الاول..
- هو انتي ليه بتتدخلي؟  ده بدل ما كنتي تشجعيه يحي يسأل عليا ولا حتي يدور!