الفصل الرابع عشر
مستحيل تقدر تغلب القدر فالقدر سهم قد اطلق مسباقاً يا عزيزي
بدايه الفصل
اترعبت من اللي شوفته و بدأت أعرق جامد تمالك اعصابي بصعوبه
انا : بعد اذنك رايح الحمام
سيف : اتفضل
سبته و روحت على الحمام بسرعه باخد نفسي بصعوبه زي مكون بجري في مارثون دقات قلبي سريعه عيني مزغلله وقعت على ركبي و اخر حاجه شوفتها واحده ست لبسه فستان اسود وشها خمري دخلت الحمام و انا فقت الوعي
واحد من الموظفين واقف شغال عادي جدا فجأة عينه لونها قلب اسود و تحرك بشكل لا إرادي طلع تلفونه و اتصل
موظف : الاسعاف
الاسعاف : ايوه
موظف : عندنا حاله إغماء لي فرد و مش عرفين نفوقه
الاسعاف : العنوان
موظف : (اداله العنوان )
الاسعاف : احنا ها نتحرك دلوقتي
قفل المكالمه و رجع لي طبعته تاني اتحركت عربيه الاسعاف من اقرب مستشفي و السواق ماشي و عينه تتقلب اسود و يزود السرعه و لحد ما وصل لي طريق مشلول من الزحمه و بدون اي مقدمات كل الناس اللي في عربيتها عينها تتقلب اسود و يتحركه بدون إراده و يفتحه الطريق لي عربيه الاسعاف اللي اتحركت بسرعه كبيره لحد ما وصلت لي الكافيه
نزل منها المسعفين دخله على الحمام هما عرفين رايحين فين و دخلين لي انهي حته بالظبط على الحمام شالوني على ترولي و طلعه على العربيه اللي اتحركت بسرعه تاني لي المستشفي
كل ده و سيف الملكي واقف و شايف و راح ليه الحارس الشخصي بتاعه عوني
عوني : سيف هو في ايه
سيف : مش عارف بس حسيت بحضور قوي جدا حضور مرعب كيان مخيف و مظلم
عوني : من الشادوز
سيف : لا ده تدفق طاقه مستحيل يكون من الشادوز طاقه اتحركه بطريقه فجه علشان تحمي الولد ده
عوني : تكون قوته مثلاً
سيف : مستحيل ملهوش اي تدفق طاقه (بص على يمينه مسكت فنجان القهوه اللي كنت بشرب منه رفعه و شم ريحته من بعيد و امتعض )سم
عوني : سم ايه
سيف : الواد ده اتسمم بنوع من السموم نادر جدا
عوني : تبعنا
سيف : لالا مش تبعنا بس الغريب ان نوع السموم ده مش بيطلع غير من نوع عقرب واحد و على حد علمي العقارب دي مش موجوده في مصر غير عند واحد بس
عوني : مين ده
سيف : مزرعه مازن الخديوي لي العقارب و التعابين لي الاغراض الطبية اعمل حسابك لو الواد ده عاش ها نروح نزوره في المستشفى
عوني : تمام ها تتحرك
سيف : ايوه (مسك كيس البن و بص ليه و شاف لوجو الانتاج و كان اسمه العقرب )ادي العقرب لدغ نفسه ها تعيش وله تموت يا مازن ادينا ها نتفرج
الاسعاف حولت طريقها من المستشفي اللي هيا طلعه منها و طلعت على مستشفي تانيه خالص مستشفى خاصه و محمود بلغ صقر و حصلني على المستشفي
و في المستشفي الدكاتره عمله كشفهم و عرفه ان دي حاله تسمم و بدأه يعمله اللزم من مضادات لي السموم و غسيل معده و حطوني تحت الملاحظه
و وصل صقر
صقر : ايه اللي حصل يا محمود
محمود : حاله تسمم
صقر : تسمم ازي
محمود : معرفش الدكتور قال ان دخل جسمه نوع من السموم و مصمم يعمل محضر و يتصل بالشرطه
صقر : طيب حاولت تمنعه
محمود : حاولت بس بالود انتا عارف احنا في مستشفي مين
صقر : (مسك دماغه يفكر و طلع تلفونه و كلم ابوه )الو
شاهين : الو يا صقر كيفك يا ولدي
صقر : بخير يا بوي بس في حاجه
شاهين : حاجه ايه
صقر : مازن اتسمم يا بوي
شاهين : و هو كويس
صقر : ايوه كويس الحمد لله بس المستشفي عايزه تبلغ الشرطه
شاهين : مخدتوش ليه مستشفي خاصه بدل الحكومي
صقر : احنا في مستشفي خاصه يا بوي مستشفي الصمدي
شاهين : اممم تمام اقفل و انا هعمل تلفون
صقر : تمام يا شيخ
قفل مع ابوه اللي بدوره كلم علي الصمدي اللي كلم المستشفي و منعهم يعمله البلاغ
فضل الوضع كده لحد ما نتيجه التحاليل ظهرت و عرفه نوع السم و الترياق اللي يليق به و اخدته في حقنه و صقر بلغ كمال اللي بلغ سحر و البيت جم جري بس بلغهم ان ده هبوط مش اكتر و فضله قاعدين بره لحد ما فوقت و الدكتور دخل اطمن عليا
الدكتور : حمدله على السلامه يا بطل
انا : انا فين
الدكتور : انتا في مستشفي اتعرضت لي حاله تسمم
انا : تسمم !!!!
الدكتور : ايوه تسمم لحسن حظك صاحب المستشفى بلغنا نعملك نوع محدد من التحاليل كان بيختص بيها نفسه كشفت السم و نوعه كمان و قدرنا نتعامل معه بشكل كويس شد حيلك ولدتك قلقانه عليك جدا
انا : هيا عرفت منين
الدكتور : من اصحابك استاذ محمود و استاذ صقر على فكره احنا مرضناش نبلغ اهلك وله الشرطه بحاله التسمم
انا : طيب ينفع يدخله
الدكتور : اكيد بس ثواني (شال خرطوم المحلول ) ها دخلهم دلوقتي
طلع الدكتور و بلغهم اني فوق و الحاله استقرت و دخلت سحر مع مرام و حبيبه و رنا و احضان كتير من الاربعه لدرجه ان السرير وقع بينا
انا : اهههههه يا عالم حرام
حبيبه : انتا كويس
انا : ايوه انتا يا اللي اسمك خالي اسندني
سامي : هههه لا خليك في الارض
انا : يا خالي اخلص
سندني سامي و عدل السرير و اترميت عليه
انا : بتعيطه ليه دلوقتي
سحر : ادي اخرت إهمالك لي نفسك
انا : والله كويس و زي القرد اقوم ارقص عشره بلدي طيب
جميله : (بأبتسامه ) الف سلامه يا ميزو قلقتنا عليك
انا : ا
الباب خبط و دخل صقر
صقر : ايه يا عم كل ده علشان مأكلتش العشا خلاص يابا اعزمك على خروف
انا : ابو شاهين
صقر : الف سلامه يا اخويا (اخدني بالحضن ) كده تخضهم عليك
انا : و انتا متخضتش عليا
صقر : ازي هو العقرب يتخض عليه برده
انا : على حق يابا
صقر : محمود مشي بالعافيه الفجر مكنش عايز يمشي من جنب باب الاوضه بس اقنعته يمشي علشان ياخد ورد و يروحه المكتب يخلصه شغل النهارده
انا : طيب خليهم يعده بليل علشان افهم الدنيا فيها ايه و ايه اللي حصل
صقر : ماشي ها بلغهم
انا : عندي صداع ما يعلم به إلا ربنا
صقر : هشوف الدكتور يجيب مسكن وله حاجه
انا : طيب ماشي
طلع صقر من الاوضه
انا : اههههه ياما على الصداع
رجع صقر و معه الدواء اخدته و بدأ يسكن الصداع شويه و قعدت مع امي و اخواتي بحاول اهديهم كانه خايفين عليا جدا و خوفهم ده معصبنيش تخيل يا عزيزي ايوه المتوقع اني ازعل انهم خايفين عليا و اقولهم اوعه تخافه ابدا بس اخواتي البنات دول نعمه ارق حاجه في حياتي انا كنت هموت ايوه كنت هموت بس عشت ايوه اللي عملها هدفنه حي بس خوفهم ده فرحني ان في حد مهتم بيا حسيت بالتقصير اتجاهم بروح متأخر مش بقعد معاهم مش باخد أجازه مش فاضي لي احلا حاجه في حياتي انا مقصر في حقهم جامد
على العصر كده لقيت كمال بيخبط و دخل
انا : خير يا كمال
كمال : في ضيف جي يزورك هو و العيله
انا : ده مين ده
كمال : علي بيه الصمدي
انا : هو فين
كمال : بره
انا : و سايبه بره يا راجل
كمال : اتفضل يا علي بيه
علي : السلام عليكم
انا : (لسه هقوم ) معالي الباشا
علي : خليك مرتاح خليك
انا : انا تمام يا باشا
علي : الف سلامه ارتاح ارتاح
انا : (قعدت على السرير ) مكنش ليه لزمه التعب ده
علي : يا راجل تعبك راحه الف سلامه يا هانم
سحر : الله يسلمك يا علي بيه
علي : ربنا يكتبله الشفا المدام و الحجه كانه عايزين يزوره
سحر : ده ينوره
و دخلت مرات علي ايه ايه الست دي قمر قوي
علي : بس يا كاتب يا خنزير
الكاتب : لامؤاخذه يا ابو سيف يا عسل بس مش عارف سندي دي تتخان ازي
علي : (طلع مسدسه و شد الاجزاء )
الكاتب : اجري يا عزيزي ده مجنون و ها يقتلنا
نرجع لي القصه بدل العبط ده
علي : المدام سندي
سحر : اهلا و سهلا يا هانم مشرفنا
سندي : الف سلامه و ربنا يقومك على خير
سحر : امين يا رب
علي : المدام سلوي الديب
سحر : غنيه عن التعريف منوره يا سلوي هانم
سلوي : حببتي يا سحر الف سلامه لي مازن
سحر : الله يسلمك
علي : ولدتي اكيد عرفنا
غاده : فين الواد اللي بيدلع ده
انا : ست الكل والله منوره
غاده : ده نورك يا مازن ايه يابني مانتا كويس اهو
انا : بدلع بشوف غلاوتي عند الناس
غاده : مش كده يا غشيم
انا : اللي جيه في ايدنا بقي اتفضله يا جماعه وقفين ليه
علي : مش تعرفنا طيب
انا : اخواتي البنات الدكتور مرام و الباش مهندسه حبيبه و رنا و جميله رشاد بنت خالي
غاده : طب و رنا كده حاف يعني
رنا : معلش اصلي محاسبه
علي : باش محاسبه لو سمحتي مهنه المحاسب دي مش اي حاجه و خلاص
انا : والله عندك حق احنا مظلومين في المجتمع
علي : بناخد حقنا متخفش
غاده : بس انا اول مره اقابل الانسه جميلة
سحر : كانت عايشه بره مصر و لسه راجعه
علي : ايه اللي حصل مازن
انا : الدكتور بيقول إجهاد مش عارف منين ده
سحر : من انك مطبق مثلاً
انا : بخلص شغل
غاده : الشغل مش ها يطير يا مازن
علي : (بص حوليه )و الاغبيه بتوع المستشفي دول مش عملين شبابيك ليه في الاوض
سندي : ليه التكيف شغال
علي : عايز اولع سجاره
انا : ابن حلال لسه كنت رايح اجيب حاجه من الكافتيريا
سحر : تجيب ايه
انا : عصير
سحر : في الثلاجه
انا : و ادخل الحمام
سحر : في الاوضه
انا : و اولع سجاره اتفضل يا باشا
علي : طيب ها تعرف تقوم وله رجاله المنيا مخلعه و تكسفنا يعني
انا : اكيد هكسفكم
قومت من على السرير و طلعت مع علي الصمدي نزلنا الكافتيريا في الاسنسير طلبنا قهوه و هو ولع سجاره
انا : طب ايه متجيب واحده ده انا حتي مريض ياخي
علي : العلبه قدامك اهي ولع
انا : ماشي (ولعت سجاره من علبته )
علي : ايه اللي حصل
انا : حاله تسمم
علي: منين
انا : مهو ده اللي مش قادر اعرفه
علي : طيب حصل امته
انا : وله اعرف انا شربت في البيت قهوه و شربت في الكافية و كنت واقف مع الراجل اللي قلتلي عليه ده اسمه سيف الملكي و بعدها حسيت بدوخه دخلت الحمام وقعت و بس
علي : اممممم طيب الدكاتره بيقوله ان السم اللي اتعرضت ليه جي من المزرعه عندك
انا : اكيد مستحيل
علي : مفيش مستحيل يا مازن انسا كلمه مستحيل
انا : اصلي اكيد معنديش عينه من السم بتاعي في البيت و مستحيل اي حد يقدر يتحصل عليه المزرعه تحت اداره منظمه الصحه العالميه مهما كنت معادي مستحيل يوصل لي المكان ده
علي : و انتا معادي مين
انا : اللي باين لحد دلوقتي شريف الصرفي عايز ينتقم لي اخوه
تلفوني رن استأذنت من علي ارد عليه
انا : الو
شخص : فلوسي فين
انا : مين معايا
شخص : ايه هو انتا عليك ٦٠٠ مليون دولار لي حد تاني غيري
انا : محمد باشا سامحني مقدرتش اكلم حضرتك امبارح
محمد : اشمعنا يا حبيبي
انا : دخلت المستشفى
محمد : ايه بتولد قول اجي ابارك و اجبلك موغاد علشان الرضاعه
انا : اسمع فلوسك ها تخدها مش محتاجه كل ده
محمد : انا محبش حد يعالي صوته عليا
انا : انتا اللي اسلوبك بايخ
محمد : لا يا حبيبي بايخ ايه ماحنا مش بنلعب هنا دي فلوس و الالتزامات يا تسددها يا هزعلك
علي : (سحب التلفون مني و حطه على ودنه )ايه مش ناوي تقصر و تبطل رخامه
محمد : و انتا مين يا شاطر
علي : شاطر ههههه لا يا جميل انا البعبع عووووو هههههه
محمد : ايه علي
علي : مالك شادد حيلك عليه ليه
محمد : اخر فلوسي
علي : كم يعني
محمد : ٦٠٠ مليون دولار
علي : يا راجل يعني انتا حصلت فلوسك كلها اللي بره و جي تطالب هنا
محمد : لا بس انتا عارف النظام عين تسد عين
علي : طيب يا شامي فلوسك ها توصلك لما يخرج من المستشفى و بضماني
محمد : ضمانك انتا
علي : ايوه يا رخم
محمد : يبقالك ايه اموت اعرف يبقالك ايه انتا عمرك مضمنت حد معايا او مع غيري او في اي حاجه
علي : انا اعرف قيمه الجنيه الدهب من وسط المضروب يا محمد
محمد : ماشي يا صمدي ادهولي
علي : اهو معاك (مد التلفون ليا )
انا : الو
محمد : حدد المعاد و الحكم لو اخرت
انا : الفلوس ها تستلمها كاش النهارده الفجر
محمد : و الحكم
انا : لو اخرت تمنها رقبتي
محمد : هات حاجه عليها القيمه اسمع لو اخرت الحكم ده عندي انا و هبهرك به باي باي
قفل السكه في وشي
انا : ملقتش ارخم من ده تعرفني عليه
علي : ارخم من كده مفيش غيري و انتا عارف مش بسلف
انا : طيب
علي : شوف يا مازن و نصيحه اخويه بلاش تدخل سوق الدهب
انا : انتا كمان متفق معاهم عليا و بعتينك
علي : (فزع )ولاااا بعتين مين ياض انتا مش علي الصمدي اللي يروح مشاوير
انا : (كانت اول مره اشوف الراجل ده متعصب كان يا بيضحك يا ملامح وش طبيعيه و بارده لكن عصبيه لا و بجد مرعبه ) طيب انا اسف حقك عليا
علي : اسمع يلااا لوله اني عارف انك عيل اهبل كنت ندمتك على كلتمك انا بس بحذرك مهما حصل كان في طبق طفحنا فيه مع بعض و شغل بنا دي نصحيه ها تدخل سوق الدهب ها تموت بجد يا يخسروك اهلك انتا لسه ضهرك مكشوف و اللي عمل كده عملها علشان يوريك ان حتي مكانك هو دايسه برجليه و يا عالم التسمم حصل فين في بيتك وله في مكانك
انا : انا محتاج لي ده
علي : لا مش محتاج لده نهائي خليك في شغل العملة و السياحه و العقارات و تجاره البن اقف على رجلك الاول ابني اسم و سمعه و بعدها ابقي ادخل الاسواق اللي تعجبك متبقاش غبي و تدخل بصدرك وراك حريم يا متخلف
انا : اهههههه عايزين يوقعوني
علي : طول مانتا مقرب من عشر الدبابير ها تتلدع خليك بعيد احسن انتا مش حمل شريف الصرفي نهائي ابعد عنه و طول مانتا بعيد عن شغله انا هعرف اتصرف معه لكن لو نكشته في حكم العرب و الصعيد انتا اللي رايح ليه ملكش دايه فهمت اللعبها صح خليه هو اللي يجيلك يله قوم نطلع
انا : طيب
قومت انا و هو و طلعنا فوق اخد اهله و مشيه و انا قعدت على السرير بفكر في كلامه اللي الصراحه عجبني جدا قامت جميلة طلعت بره الاوضه و شويه و سمعنا صوت خناقه قومت بسرعه فتحت الباب لقيت جميله ماسكه ورد تهزيق
جميلة : انتي شغلك تهتمي به
ورد : انا مش امه
جميلة : انتي سكرتيرته يعني اكتر امه بتاخدي مرتب ليه انتي لما مش ها تقومي بشغلك
ورد : مرتب ايه يا بتاعه انتي
جميله : بتاعه ايه انا جميله رشاد الخديوي فهمه يعني ايه جميله رشاد الخديوي
ورد : و انا ورد سلطان العابد لو فكره اني شغاله عندكم لا تفوقي لي نفسك و تفوقي اوي يا ماما و تفتكري انا مين و لو مش عرفه اسألي عني (رمت شنطه الورق على الكراسي في الممر ) مازن ورقك عندك و الورق اللي في بيتي ها سلمه لي صقر و شغلنا انتها هنا و لو على باقي حسابي مش مهم ابقي اشتري به لبس لي القطه بدل مهي عريانه كده
انا : هو ايه اللي حصل
ورد : اسأل بنت خالك بعد اذنك
مشيت ورد رجعت الاسنسير و نزلت تحت
انا : هو ايه اللي حصل يا جميلة
جميلة : وله حاجه قلتلها حاولي المره الجايه تهتمي بمازن شويه لقتها بجحت فيا
انا : من الباب لي الطاق كده
جميله : مش فهمه
انا : لوحدها يعني
جميلة : ايوه لوحدها و بدون اي سبب لقتها بتزعق و قالت انا مش ملزمه اعمل كده و انا بشتغل في الوقت اللي بكون فاضيه فيه
انا : هو ده اللي حصل يعني
جميله : ايوه
انا : ارجعي الاوضه دلوقتي
جميلة : اوكي
رجعت جميله الاوضه و انا اخدت الشنطه و رجعت الاوضه حاولت اتصل على ورد اكتر من مره مش بترد و بعدها التلفون مقفول كلمت صقر اكتر من مره مردش هو كمان
مرام : هو في ايه
انا : ورد اتخانقت مع جميله و سابت الشغل
سحر : ايه ده بجد ورد سابت الشغل
انا : ايوه
سحر : ليه يا جميله
جميله : (حكت اللي حصل )بس
رنا : يعني هو ده اللي حصل
جميله : ايوه
رنا : مش سبب علشان تسيب الشغل
جميله : معرفش ممكن تكون كانت بتتلكك وله حاجه
رنا : لو عايزه تسيب الشغل مش محتاجه تتلكك
انا : خلاص هيا ورد شكلها مكنش مرتاح في الشغل مش عارف بس خلاص
سحر : طيب ها تشوف غيرها منين
انا : في البنت اللي شوفتها عند فاروق دي
سحر : ماشي بس لزم تفصل ورد بنت مين سهل انها متتكلمش عنك وله عن شغلك الجديده دي منعرفهاش يعني طبيعه شغلك لزم تبقي سريه عنها
انا : فاهم يله انا عايز اروح
حبيبه : مش لما الدكتور يقول
انا : يتحرق الدكتور عايز اروح مكتب وسط البلد في حاجه مهمه لزم اعملها
سحر : و الحاجه دي مينفعش تستنا
انا : اللاسف لا لزم اخلصها النهارده ده اللتزام مهم جدا
سحر : طيب احنا ها نتحرك دلوقتي على البيت و كمال معاك
انا : لا ها كلم محمود يجي يله اتحركه
سحر : طيب يله يا بنات
طلعت سحر و البنات و قامت جميلة اخر واحده
جميلة : مازن بلاش ترهق نفسك انتا مشوفتش شكل طنط و البنات كان عامل ازي من القلق عليك
انا : ها حاول يا جميلة
جميلة : طيب يله باي
انا : باي
طلعه من الاوضه و نزله ركبه و مشيه و انا طلعت تلفوني و كلمت محمود يجيلي و قومت غيرت هدومي هدوم المستشفي و لبست هدومي اللي جيت بيها لقيت الباب بيخبط
انا : ادخل
الباب اتفتح و دخل منه سيف الملكي و ماسك في ايده علبه شوكولاته
سيف : الف سلامه يا مازن
انا : سيف باشا الله يسلمك مكنش ليه لزوم يا باشا التعب ده انا كنت هجيلك المكتب بكره
سيف : يا راجل وله تعب وله حاجه احنا ناس نفهم في الاصول برده
انا : يا باشا انته بيت الاصول اتفضل يا باشا اقعد
سيف : شكرا (قعد) ايه اللي حصل انتا كنت واقف قدامي كويس
انا : الدكتور بيقول هبوط و إجهاد كان بقالي يومين مش بنام
سيف : ليه يعني ايه اللي يمنع الواحد انه ينام
انا : الموضوع اللي كلمتك فيه
سيف : اه موضوع البلوك طيب كل مشكله تتحل بالراحه و التفكير
انا : نقول ايه بقي يا باشا تسرع شباب
سيف : ههههه طيب يا سيدي انا قولت اجي اطمن عليك
انا : والله حضرتك منورني بس اسمحلي اجي زياره لي حضرتك بكره في الشركه تكمل كلامنا
سيف : احنا ممكن نكمل كلامنا دلوقتي عادي لو انتا حابب
انا : حابب جدا
سيف : قوالي يا مازن طلباتك
انا : عقد توريد لي مده عشر سنين
سيف : عشر سنين مره واحده
انا : محدش ضامن الدنيا علشان كده حابب احمي ضهري من اي بلوك زي ده تاني
سيف : بس احنا خاماتنا غاليه
انا : و ده دليل على الجوده
سيف : عايز العقد لي شركه الخديوي لي المقاولات وله لي ايجي كابتل
انا : خمس سنين لي ايجي كابتل و خمس سنين لي شركه الخديوي
سيف : تمام اتفقنا بس اول دفعه في عقد ايجي كابتل هاخده كاش
انا : كاش ازي يعني احنا بنتكلم في مبلغ ممكن يعدي ١٥٠ مليون جنيه
سيف : عارف انا عايزهم دولار كاش عشره مليون دولار
انا : كاش يعني كاش
سيف : بالظبط سوق سوداء
انا : دي سهله
سيف : و حابب اتعامل معك في تجاره العملة بس مش هقبل بسعر السوق و مش عايز بسعر البنك يعني مش عايز بالسعر المعلن وله بنفس سعر السوق السوداء
انا : تمام بس السعر ها يبقي متغير برده مش ثابت
سيف : بمعني
انا : البنك ١٥ و السوق التاني ١٧ ممكن تزيد في الاتنين او تقل بس مش ها تبقي بالسعر ده وله ده
سيف : تمام اتفقنا يا مازن و نتقابل يوم إمضاء العقود
انا : اتفقنا و زيارتك دي شرف كبير ليا
سيف : الشرف ليا انا بعد اذنك
قام سيف و مشي و هنا انا ارتحت شويه لسه فاضل عليا فلوس لزم اسدها كلمت محمد الشامي يبعت حد ياخد فلوسه من مكتب الصرافه في وسط البلد
وصل محمود و ركبت معه روحنا مكتب وسط البلد دخلت المكتب كان الموظفين مشيه لقيت صقر
صقر : ايه اللي جابك
انا : لزم ندي محمد الشامي فلوسه بدل ما نزعل
صقر : طيب كنت بعت ليا و انا اطلعها
انا : معلش خلينا نخلص من القصه دي كلها
صقر : طيب يا سيدي
انا : بخصوص ورد
صقر : مازن موضوع ورد ده منتهي انا مكنتش برد علشان كنت قاعد مع مناديب التجار تمام لكن موضوع ورد ده سامحني هيا منشفه دماغها و مش حبه ترجع بنت خالتك جت على كرامتها
انا : يابني جميله دي بت هبله ها ندخلها في شغلنا
صقر : لا بس ورد دماغها ناشفه و كرامتها رقم واحد هيا مش شغاله علشان الفلوس ورد تحت رجليها فلوس العابد كلها و املاكها كمان هيا حبت تنزل سوق العمل و بس
انا : والله عارف و قيمتها و مكانها فوق راسي بس انا معتمد عليها
صقر : و هيا مش ناويه ترجع خلينا نقفل الموضوع ده
انا : طب حتي اعتذرلها
صقر : مازن اقفل موضوع ورد نهائي لا كلام وله سلام
انا : (فهمت ان صقر تربس دماغه )خلاص يا صقر المهم عايزين نشوف محامي يمسك لينا شغلنا بدل ماهر دياب علشان ضربته لما هددني
صقر : سهله ها دور على غيره
انا : لا بسرعه علشان نخلص ورق املاك فاروق
صقر : يعني هيا ها تطير يعني
انا : معلش يا صحبي خلي كل واحد يضمن حقه
صقر : الحق اللي عندك كأنه عندي بالظبط
انا : و لو موت دلوقتي
صقر : حقي مش ها يموت و لو امي قالت ملكش عندي حاجه في اخوك هقولها عندك حق يأمي ايه ها مازن ها نخيب و نقول فلوس عيب يا صحبي ده عيش و ملح
انا : كسفتني يا صحبي
صقر : معاش وله كان اللي يكسفك يا صحبي المهم انا جبت ٦٠٠ مليون دولار امبارح بليل من الخزنه القديمه و شلتهم هنا على جنب مفروزين و معدودين كان المفروض يستلمهم امبارح بس اللي حصل
انا : خير خلاص انا كلمته ها يبعت حد يستلم من هنا
صقر : كويس اعملك قهوه
انا : لالا علشان اروح انام بسرعه
صقر : طيب
قعدنا نص ساعه و وصل واحد تبع محمد الشامي في عمليات التسليم اللي زي دي اول ما يوصل المندوب قدامي ببعت كود لي صاحب المصلحه في رساله رقم ملهوش اي علاقه ببعض و رموز و حروف و بسالم الشنط لي للمندوب مقفوله يتصال على صاحب المصلحه ياخد منه الارقام اللي دايما بتكون ناقصه ليه الان اقفال الشنط دي بتفتح بعشر ارقام انا ببعت سبع ارقام و ثلاث رموز و كمان الشنطه بتقبل الفتح بالرموز بس صاحب المصلحه عارف ان الرموز اللي مكتوبه دي لزم المندوب يقولها ليا علشان اديله اللي يوازيها ارقام لكن لو صاحب المصلحه قال لي المندوب بتاعه دخل الرمز شباك مثلا او نجمه كده يبقى مش صاحب المصلحه اللي بيستلم وقتها المكتب يتقفل و السلاح يطلع و محدش ياخد ورقه بنكنوت واحده
ده نظامي في التعامل في السوق الموازي و اللي الصراحه حطته ورد نظام محدش فاهمه غير انا و صاحب المصلحه و ورد و خلاص حتي صقر برده مش فاهم النظام و بياخد الكود مني
استلم المندوب و مشي و قام صقر يوصلني ركبت معه و اتحركنا طول الطريق و انا ساكت مش بتكلم
صقر : ساكت يعني
انا : مفيش بفكر يا صحبي
صقر : في ايه
انا : مش عارف بس في حاجه كده يعني
صقر : حاجه ايه
انا: احنا مش ها ندخل سوق الدهب
صقر : اشمعنا انتا مش كنت عايز تدخل سوق الدهب
انا : كنت بس دي كنت هموت فيها يا صحبي
صقر : طيب كويس انا الصراحه برده مش شايف سبب لي دخولنا السوق
انا : يابني كنت عايز اعمل غطاء لينا بالدهب جنب الفلوس احتياطي بس مش عايز اقول انه احتياطي
صقر : ماشي احنا ممكن نشتري دهب عادي جدا و نخزنه بشكل طبيعي مش لزم محلات دهب
انا : تمام
صقر : بس مش ده اللي شاغل بالك بس في حاجه تانيه
انا : الدكتور قال اني اتسممت من نوع سموم مش موجود في مصر اصلا
صقر : ايوه قال كده
انا : نوع السموم ده حد دخله مصر و دخله بكميات كبيره اوي كمان
صقر : خلاص سهله نكلم الشايب و نروح نزوره زياره وديه نعرف باع لي مين
انا : ايه رايك بقي انك انتا اللي دخلت السم ده مصر
صقر : نعم يا اخويا
انا : ايه مستغرب ليه انتا اللي دخلت السم ده مصر او بالمعني الاصح حضرتك استلمت مجموعه من اسر العقارب و اسم حضرتك موجود على الكشوفات عقارب اتحطت في مزرعه ترجع ملكيتها ليا و ليك و لكن تحت اداره منظمه الصحه العالمية هههههههه
صقر : بتضحك على ايه دي مصيبه
انا : على اللعبه يا صحبي لعبه محترمه و يترفع ليا القبعه شابو اسخن من لعبه المخدرات القديمه عايزين يصيدوني بطولي يا صحبي عرفين ان موريش حد غيرك و عايزين يفرقه بنا
صقر : احنا لزم نشوف حل في الموضوع ده
انا : علشان كده بفكر اقلص حجم فروع التجاره بتعتنا ورقنا المرمي في كل حته ده لزم نراعي نفسنا في الاول و في الاخر احنا بشر و اكيد بنغلط علشان كده لزم نلم ورقنا و نقلص حجم الاماكن اللي بنتحرك فيها
صقر : فهمت
وصل صقر و ركن قدام باب القصر
صقر : حاسس انك ندمان
انا : على ايه
صقر : انك خرجت بره ملعبك
انا : (سكت شويه و رديت )ندمان اني هرجع خطوه لي وره التوسع الغاشم ده احنا مش ها نقدر عليه لزم نكن شويه
صقر : عندك حق يله انزل و ادخل ريح
انا : اكيد يله سلام
صقر : سلام
نزلت من العربيه و دخلت القصر لقيت سحر سهرانه تحت
انا : انتي لسه صاحيه يعني
سحر : قلقانه عليك
انا : من ايه
سحر : من الطريق اللي ماشي فيه يابني
انا : هو انا بعمل ايه يعني بشتغل عادي و هو انا اللي اشتريت عداء الناس وله هما اللي اشتره عداوتي
سحر : و عليك بأيه
انا : هيا الدنيا كده يا غالب يا مغلوب و انا مقبلش اكون مغلوب
سحر : مازن بصلي
انا : (بصيت لي سحر حسيت انها بتتكلم جد ) خير
سحر : انتا بتشتغل مع المافيا
انا : بتسألي ليه
سحر : عايزه افهم منين كتبت شيك النهارده بـ ٧٠ مليون دولار لي فاروق من حساب في بنك اسمه اس تي بي سيشل الفرع بتاع جزيره سيشل قولي منين
انا : ايوه عندي حساب في البنك ده
سحر : يا نهار اسود رد عليا يابني و قولي انتا اشتغلت في ايه
انا : (ولعت سجاره و رديت )في الاثار
سحر : يا نهار اسود اثار يا لهوي اثار ازي ازي يا مازن تبيع تاريخ بلدك
انا : بلد بلد ايه ها ردي عليا
سحر : بلدك اللي ابوك كان ها يموت بدل المره مليون علشان يحمي ترابها
انا : دي بلد لا دي بلد دي شبه بلد بلد مفهاش قانون مفهاش نظام بلد واقعه بلد فيها بدل المافيا الف من مافيا اللحوم لي الاعلاف لي الدهب لي العربيات لي الدولار لي العقارات لي الحديد لي الزراعه لي الاقتصاد لي الاغذيه حتي الاغذيه ليها مافيا و السلاح و المخدارت و الاثار و الاعضاء كل ده و تقولي دوله
سحر : ايوه دوله و بتحاول
انا : انا بقي مفيش دماغ لي كل المحاولات دي ها شتغل شرعي و قانوني المليون جنيه ممكن يجبلي ١٠ الف جنيه في السنه لكن في حته تانيه مليون جنيه و دماغ شغاله و قلب ميت ممكن يبقه ٢٠ و ٣٠ كمان بلاش نقول شعارات كذابه و احنا مش بنعمل بيها
سحر : قصدك ايه
انا : قصدي بما ان حضرتك شغلك شرعي تقدري تقولي كده كمال ده بيعمل ايه و طقم حراسه مسلح بيعمل ايه لا و مش لي حراسه البيت علشان حته مقطوعه لا و كمان بيتحرك معاكي ليه اقولك ليه الانك عرفه ان كلامي صح حتي السياحه ليها مافيا يا سحر و ده السوق بتاعك و انتي عرفه كده كويس بلاش نكذب على بعض و نقول بلد و دوله و نظام اجبلك من الاخر علشان نختصر الكلام اكبر دول العالم فيها فساد و اكبر دول العالم فيها مافيا بس في دول تعرف تستفيد منها صح عندك امريكا مسيطر عليها اتنين مافيا السلاح و مافيا البترول الدوله بتدخل حروب علشان مافيا السلاح تسترزق و كمان يحتله بلاد زي العراق و افغانستان و ليبيا علشان مافيا البترول تسترزق و طول ما بتدفع لي خزينه الدوله انتا حبيبي مش ها تدفع مش ها تشتغل ادي دول العالم الاول ههههه و جيه تعتبي عليا انا
سحر : انتا ابني
انا : و لسه مفتكره اني ابنك من قريب بند و التاني عايزه تعيشي في دور ابني بربيه و هو عيل و نسيه اني عندي ٢٦ سنه راجل كبير اللي من سني فتحين بيوت و المفروض اني اكون زيهم بس انا مكسل شوفي علشان نختصر الكلام دي حياتي و معرفش اعيش ضعيف تصبحي على خير يا ماما
سبتها و طلعت فوق و سحر دموعها نزلت و جميلة كانت في المطبخ بتشرب مايه نزلت و سمعت كلامنا اخر كلامنا و بعد ما طلعت لقت سحر بتعيط راحت ليها و قعدت جنبها اخدتها في حضنها تهديها
دخلت الاوضه خلعت هدومي اخدت دش و لبست بجامه و نمت بس طول مانا نايم بحلم بأمبارح و اللي حصل فيه و الست اللي دخلت الحمام عليا شكلها غريب و ميكاجها اغرب بس ملامح الوش بالتفاصيل مش فاكره لا و الفستان اللي كانت لبساه استايل غريب جدا لا هوا اللي عربي وله افرانجي
طول الليل سامع صوت غريب و هو بيقول
قاتله ظالمة
ازي يعمل فيا كده
منك لله يا ظالم
لزم اقف جنبه و لزم ادعمه
اصوات مختلطه مش عارف اميز صوت مين و لكن الكلام واضح
و صحيت مفزوع على صوت حد بيصرخ فتحت عيني لقيت جميلة
جميلة : (مخضوضه )انتا كويس
انا : (جبت قزازه المايه من على الكومدينو و شربت مايه بغباء ) أعوذ بالله من الشيطان الرجيم أعوذ بالله من الشيطان الرجيم اهههه
جميلة : انتا كويس انادم طنط
انا : لالا
جميلة : نكلم دكتور طيب
انا : لا ده كابوس كابوس بس صعب صعب حبتين
جميلة : طيب اهدا اجبلك مايه تاني
انا : ايوه افتحي الثلاجه هاتي منها قزازه
جميلة : طيب
راحت لي الثلاجه جابت القزازه فتحتها
جميلة : اشرب
انا : (شربت مايه تاني )
جميله : حاول تهدا شويه و خد نفس بهدوء.
انا : (اخدت نفس عميق بحاول اظبط نفسي لحد ما بدأت اهدا ) انا كويس دلوقتي
جميلة : تمام
انا : انتي بتعملي ايه هنا و هيا الساعه كم
جميلة : الساعه تقريباً سته الصبح
انا : و ايه مصحيكي بدري
جميله : عادي قلقت بليل نزلت اشرب مايه سمعتك من وره الباب بتنادم و تقول يا ماما يا ماما دخلت لقيتك تعبان
انا : طيب
جميله : حاول تنام تاني
انا : مش عارف هعرف انام تاني وله لا
جميلة : متفكرش في الكابوس و انتا تنام
انا : (فردت جسمي على السرير )
صفيت تفكيري و حاولت مفكرش في الكابوس و بدأت عيني تغفل واحده واحده و جميلة طلعت جنبي على السرير في حركه غريبه قعدت على السرير جنبي
الساعه تسعه الصبح المنبه بتاعي رن بس اول ما طلع منه صوت جميله قفلته و صقر رن عليا مرتين و هيا كنسلت عليه و عملت التلفون صامت
الساعه عشره دخلت رنا تصحيني لقت جميلة قاعده على السرير استغربت
رنا : جميلة بتعملي ايه هنا
جميله : وطي صوتك مازن نايم
رنا : و لما هو نايم بتعملي ايه على السرير بقميص النوم كده في اوضه راجل
جميلة : فين قميص النوم ده
رنا : اللي لبسه
جميلة : دي بيجامه حرير
رنا : عندنا اسمها قميص نوم
جميلة : ههه يا رنا بطلي هزار بقي و بعدين الباب مفتوح
رنا : و ده مبرر
انا : (بدأت افوق ) في ايه يا جدعان يعني حبكت النقاش و انا نايم يعني داق بيكم القصر كله و جاين هنا
جميلة : صباح الخير
انا : صباح النور يا جميله (بصيت ليها )انتي لسه هنا
جميلة : فضلت معاك اطمن عليك
انا : تسلم يا قمر
رنا : طب ايه طيب مش نقوم نشوف اشغالنا وله ايه الساعه عشره و صقر رن عليك اكتر من مره اخر ما زهق جالك هنا
انا : يا نهار ازرق النهارده الساعه ١٢ عندي حفله توقيع عقد مهم جدا
رنا : طيب اتقلب قوم خد دش و البس علشان تنزل تلحق
انا : طيب اهو قايم
جميلة : خد وقتك
انا : ماشي (بتمطع جامد )
رنا : (سحبت ايدي وقعتني في الارض )يا بارد بقولك الواد مستني تحت قوم بسرعه
انا : ايه الغباء ده يا رنا
رنا : ياعم انجز
قومت دخلت الدرسنج جبت منه طقم و دخلت الحمام اخدت دش سخن افوق به
رنا : (بصت لي جميله لقتها لسه مفروده على السرير ) ايه مش ها تقومي انتي كمان
جميلة : عندك حق لزم اقوم
قامت جميلة من على السرير و دخلت الدرسنج روم و رنا ها تطق منها
طلعت جميلة من الدرسنج و هيا ماسكه شماعه عليها بدله حطتها على السرير و معاها ساعه كلاسك
رنا : انتي بتعملي ليه
جميلة : اخوكي واخد معه قميص و بنطلون الحمام ها يروح حفل توقيع بقميص و بنطلون لزم يلبس بدله
رنا : و انتي مالك يلبس اللي يلبسه
جميلة : لا طبعا ده شكله قدام الناس حفل توقيع يعني ميديا لزم يطلع بشكل كويس مازن وجهه لي العيله
طلعت من الحمام و انا لابس قميص و بنطلون كلاسك
انا : مين طلع البدله دي
جميلة : انا على فكره بقي شكل اللبس ده مش ها يليق على حفله توقيع لزم بدله
انا : بتخنقني البدل
جميلة : معلش هو يوم
انا : طيب
جميلة : و تخلص توقيع العقود و تكمل شغلك عادي خالص ببدلك
انا : ماشي طيب انزله انته و انا نازل وراكم دلوقتي
جميلة : اوكي (رايحه لي الباب )
انا : جميلة
جميلة : ايه يا ميزو
انا : مينفعش تنزلي تحت كده في راجل غريب تحت
جميلة : اكيد طبعاً
طلعت جميله و راحت اوضتها
انا : اطلعي يا رنا
رنا : (بتتريق )ليه يا ميزو
انا : ها غير هدومي يا رنا
رنا : اكيد طبعاً يا ميزو اسمع يلاا قعدت البت دي في الاوضه هنا انا مش مرتاحه ليها
انا : رنا كبري دماغك انا مش عيل صغير يعني هقع في الغلط عيب عليكي اخوكي عارف الفرق بين الصح و الغلط كويس
رنا : براحتك يا مازن بس خلي بالك البت دي اسلوبها مش مريح و مش مرتاحه ليها نهائي
سابت الاوضه و طلعت و انا قفلت الباب غيرت هدومي لبست البدله و جزمه سرحت شعري و حطيت البرفان و طلعت من الاوضه و نزلت تحت لقيت صقر قاعد تحت مع ادم
انا : صباح الخير يا صقر
صقر : صباح النور يا مازن اخرت يابني
انا : كنت نعسان جدا يا صقر و تعب امبارح انا لسه مفوقتش منه
صقر : طيب لو لسه تعبان نأجل النهارده و نعتذر لي الناس
انا : لا نعتذر ايه يا صقر لا طبعاً لحسن يغيره رأيهم وله حاجه احنا ما صدقنا خمس دقايق بس تنزل الحجه و نتحرك
صقر : طيب ماشي
نزلت سحر و هيا لبسه و جهزه
سحر : انا جاهزه يا ولاد يله
صقر : و فاروق بيه وصل لي المجموعه
انا : طيب توكلنا على الله يله بينا
طلعنا بره ركبنا و اتحركنا
في اوضه رنا
كانت قاعده مع حبيبة و مرام
رنا : دخلت الاوضه علشان اصحي مازن لقيت جميلة عنده
حبيبه : عنده ازي يعني
رنا : كانت على سريره
مرام : (مصدومه )ايه على سريره
رنا : ايوه كانت لبسه لبس نوم و فارده نفسها جنبه على السرير و هو غرقان في النوم
حبيبه : انا مش فهمه دلوقتي يعني وضعهم كان مريب
رنا : لا كان عادي بس الفكره في جرائه جميلة نفسها ازي تدخل لي شاب اوضه نومه
مرام : لا الموضوع ده ينفعش نسكت عليه لزم لما تيجي ماما نحكلها اللي حصل
رنا : عندك حق لو على مازن فهو مش عيل صغير لكن ماما لزم تنبه على جميلة ان ده مينفعش
مرام : عندك حق
رنا : على فكره جميلة مش سهله خالص و اللي معرفش ابوها يعمله هيا ها تعرف تعمله و برده مهما حصل مازن شاب صغير
حبيبة : لا لما ترجع ماما نكلمها
عندنا احنا
وصلنا لي مبني مجموعه الملكي مبني عملاق شكله تحفه
نزلنا من العربيات و و دخلنا المبني كان في انتظارنا سكرتيره وصلتنا لي قاعه المؤتمرات و استنينا بره لحد ما يجهز ممثلين شركه الملكي لقيت بنر على الحيط لي اسلوب في البناء حديث جدا استوقفني الصراحه اسلوب مبتكر
شخص : اسلوب مبتكر نقلناه من الصين و طورنا فيه علشان يليق على الارض المصريه
انا : على فكره بالوضع ده اسلوب البناء في مصر ها تقدم ٥٠ سنه لي قدام
شخص : بنحاول نواكب العصر (مد ايده ) محمد الملكي
انا : (سلمت عليه )مازن الخديوي
محمد : تشرفنا انا مدير قسم الحسابات
انا : و انا رأيس مجلس اداره شركه ايجي كابتل
محمد : طبعا غني عن التعريف يا راجل في يوم ليله ايجي كابتل تتباع كانت صفقه صعبه صح
انا : فاروق بيه كان صعب إقناعه
محمد : مش لوحدك اللي بيقول كده قولنا كده برده صعب إقناعه بس انتا قدرت
انا : اوقات بكون مقنع جدا
محمد : باين اتفضل المستشارين القانونين راجعه العقود و واقفه على الامضاء
انا : تمام (روحت لي سحر ) يله علشان نمضي العقود
سحر : ماشي
قومنا و دخلنا القاعه وسط عدد كبير من الصحافين قعد ممثلين الثلاث شريكات على التربيزه شركه الخديوي شركه الملكي و شركه ايجي كابتل و احنا قعدنا على ثلاث كراسي وراهم انا في جنب و سحر في الجنب التاني و سيف الملكي في النص تم التوقيع و تفرغنا لي اسأله الصحافه
صحافيه : سيف بيه بما ان ده اول عقد يتم توقيعه لي مجموعه الملكي تحت ادارتك حضرتك شايف ان التعاون مع شركتين زي شركه الخديوي اسمها في السوق يعتبر بسيط و شركه ايجي كابتل اللي لسه محتطش سياسه عملها بعد البيع قرار حكيم
سيف : ايوه تم التوقيع مع الشركتين بعد الاتطلاع على خطط عملهم الواعده اللي بتحقق لي المجموعه في مجال المقاولات اوسع انتشار
صحافية: سحر هانم سمعنا شويه اخبار من مصادرنا ان شركة العاصمه ها تبدأ تقيم اصولكم في العاصمه و تنظر في المناقصات و طريقه تنفذها هل ده يرجع لي شكاوي من عملاء وله تأخر في التسليمات
سحر : وله حاجه من دول الدوله بتبني عاصمه جديده و بتعمل كل فتره تقيم لي المباني و المنشأت بنفس الفكر الاوروبي لي التأكد من جوده المنتجات ده إجراء روتيني جدا لي الحكومه
صحافية : يعني إجراء مش مفيد
سحر : بالعكس ده مفيد جدا و إلزامي
صحافيه : مازن بيه ممكن نعرف ايه السياسه الجديده المتبعه لي شركه ايجي كابتل
انا : لا تختلف بشكل كبير عن السياسه السابقه
صحافية : و هل حضرتك شايف ان شركه ايجي كابتل تستحق القيمه السوقيه ليها
انا : طبعا إلا مكنتش اشتريت
صحافيه :ايه اهم استفاده ها تعود على شركه ايجي كابتل من التعاون مع مجموعه الملكي و شركه الخديوي لي المقاولات
انا : التعاون ده يرفع من قيمه الثلاث شريكات اولا خامات مجموعه الملكي من الاعلا جوده في الشرق الأوسط اسم كبير يدي إطمئنان كبير لي العميل و هو بيشتري وحده من مشروعنا و كمان التسويق لي مشروعتنا في شركه الخديوي
صحافيه : هل ها يتم دمج شركه ايجي كابتل تحت اسم مجموعه الخديوي
انا : لا
صحافية : من تجاره البن لي استيراد البن لي مكاتب الصرافه لي مزرعه عقارب طبيه لي ايجي كابتل ايه العلاقه الغريبه دي يعني ايه الرابط
انا : الاستثمار و المكسب
صحافية : بس
انا : ايه يا جماعه هيا الاستاذ بس هيا اللي محضره اسأله وله ايه
ضحك الصحافين و قام صحفي تاني
صحفي : مازن بيه ليه متعملش صوان و عزاء لي المتوفي رشاد بيه الخديوي خالك
انا : ده شأن عائلي خاص
سحر : الله يرحمه اخويا رشاد مكنش بيحب المأتم نهائي و دي وصيته
صحفي : هل حصل اي نزاع على مجلس اداره مجموعه الخديوي
سحر : اكيد لا مجلس اداره المجموعه هو مجلس عائلي و منضم لينا سامي الخديوي
صحفي : طيب ليه رشاد بيه مكنش منضم ليكم
سحر : رشاد كان المستشار و المخطط الرئيسي لي المجموعه لي نجاحتها في سوق السياحه
صحفي : انتشرت من مده صور لي رشاد بيه و هو بيلعب قمار
انا : اتمني ان احنا نتكلم في سياق الموضوع لو سمحت
صحفي : و ده موضوع
سيف : الاهم من الكلام في سياق الموضوع ان احنا لا نفقد ادبنا و نخوض في اعراض الاموات علشان نحقق سبق صحفي و نفتكر احترامنا و اخلاقنا
صحفي : قصد حضرتك اني مش محترم و معنديش اخلاق
سيف : (بكل هدوء ) بالعكس انا بتكلم عن اللي نزل الصور دي بعد موت رشاد بيه بسنتين و اكيد مش انتا اللي نزلت الصور وله ايه
قعد الصحفي مكانه و توالت الأسأله لحد ما خلص المؤتمر الصحفي و الصحافين مشيه و احنا طالعين من القاعه
انا : (وقفت عند نفس اللوحه ) سيف بيه معلش ثواني
سيف : خير يا مازن بية
انا : اسلوب البناء ده ايه
سيف : ده نظام جديد جبناه من الصين و طورنه بيسمح لينا نبني مبني خمسين دور مثلاً في قيمه اسبوع و كل شغله تركيب يعني العمدان تتصب عندنا في قوالب هيا و السقف و كمان الحيطان و تروح تركب في الموقع زي المكعبات بالظبط
انا : طيب انته شغالين بالنظام ده دلوقتي
سيف : اه موجود
انا : هحب اعمل مشروع يتنفذ عن طريقكم
سيف : تمام مفيش مشكله بس مشروع ايه
انا : تطوير مبني ايجي كابتل
سيف : تمام ابعت المهندسين من عندك يقعده مع مهندسنا و يبدأ التنسيق
انا : (بصيت لي فاروق )
فاروق : مفيش مشكله بكره نبعت المهندسين
انا : تمام يا سيف بيه (مديت ايدي ) اتشرفت بالتعرف عليك و التعامل معاك كمان
سيف : الشرف ليا انا (سلم عليا )
انا : بعد اذنكم
اخدت سحر و صقر و فاروق و نزلنا في الاسنسير
صقر : انتا ها تروح فين دلوقتي
انا : رايح مع فاروق لي ايجي كابتل اشوف الدنيا فيها ايه (بصيت لي سحر ) النهارده يوصل خطه الاسعار و تفاصيل الوحدات لي العاصمه الجديده علشان نبدأ شغل
سحر : طيب
وصلنا لي المدخل ركبت مع كمال و اتحركنا و معانا فاروق و عربيته ورنا مع السواق بتاعه
صقر : هو حضرتك كويسه يا طنط
سحر : (تنهدت بشقاء ) ايوه يا صقر
صقر : (بص لي سحر حس انها مش كويسه خالص )طيب انا عندي ساعه فاضيه ممكن نشرب قهوه لو حضرتك فاضيه
سحر : ماشي نشرب قهوه
صقر : اتفضلي
ركبت سحر مع صقر و راحه لي فرع من فروع الكافيه دخله و طلبه القهوه
صقر : طنط سحر حضرتك باين انك مش كويسه خالص في مشكله
سحر : المشكله في صحبك يا صقر
صقر : ماله مازن ايه مش عايز يتجوز
سحر : لا مش كده بس هو كان عنيد برده مع حياه الله يرحمها
صقر : مع طنط لا كان عادي
سحر : طيب اشمعنا معايا انا
صقر : يمكن علشان طنط حياه كانت بتديه حريه شويه مكنتش بتعامله زي الطفل
سحر : و هو قالك اني بعامله زي الطفل
صقر : مقالش بس انا عارف صحبي مش بيقلب غير لما يحس ان اللي حواليه اسلوبهم دايق معه
سحر : انا خايفه عليه و خايفه عليك انتا كمان انته داخلين بصدركم في الدنيا و دي غشامه انا مجربه
صقر : مجربه ازي يعني
سحر : جربت فتحت الصدر دي و اخرتها ايه امي و جوزي اتقتله قدام عيني في ليله واحده صدقني يا صقر كل اللي عملتوه ده انا عملته قبلكم بكتير ايه فاكرني معرفش اوصل لي مجموعه الملكي
صقر : لا مش القصد يا طنط بس احنا بنعرف نتحرك يعني ده كفايه صفقه ايجي كابتل
سحر : ايجي كابتل مش معجزه يعني و مش صعبه
صقر : لا هيا كانت صعبه انها تخلص بالسعر ده
سحر : لا سهله و سهله اوي كمان سبعين مليون دولار و ٦٠٠ مليون دولار لي محمد الشامي قيمه الدين اللي على فاروق ايه انتا و مازن فاكرين ان واحد زي محمد الشامي ده معرفش اوصله على فكره كل اللي عملتوه ده انا عملته قبلكم بس انا اعقل منكم بمراحل
صقر : يا طنط اسمعيني بس مازن مش بيحب حد يعامله طفل صغير و هيا دي كل مشكلتك معه مش شغله لا التعامل
سحر : خايفه عليه انتا متعرفش يعني ايه يضيع ابنك ضناك لحمك و دمك كل الاولاد اللي زيكم فاكرين ان احنا ولدناهم و بس لا ده عمر تاني عمر كامل مربوط بينا و بنكم حياتنا موصوله ببعض يا صقر انا بس مجرد شك اني ممكن اكون خسرته عايشني مدمره و مبالك بعد ما رجعلي و هو فاتح صدره فاكر نفسه محصن
صقر : طيب انا ها حاول معه يعني اتكلم معه اعقله معلش برده مازن اتاخد من الدار لي النار مره واحده دخل في دوامه كبيره اوي اكبر من استيعابه و ده ها ياخد شويه وقت مازن مأخدش راحه من يوم ما ساب المنيا و جيه القاهره تقريباً كده مازن مأخدش راحه من بعد الثانويه العامه شوفي بقاله كم سنه واحده واحده عليه
سحر : حاول مع يا صقر
صقر : حاضر
شربه القهوه و بعدها قامت سحر ركبت مع السواق و راحت لي المجموعه
عندي انا
وصلت لي ايجي كابتل و طلعت مع فاروق المكتب فوق
فاروق : على فكره عقد مجموعه الملكي ها يفوق معانا جدا و ها يفرق جامد
انا : شركه محترمه و ليها اسمها اللي تستحقه قولي الشركه هنا ليها مقرات تانيه في القاهره
فاروق : سبع مقرات
انا : كويس عايز المقر هنا يفضه خالص
فاروق : ليه ها تبيع الارض
انا : ابيع الارض ليه
فاروق : اصل في بنك اوروبي كان عارض يشتري الارض مني و انا كنت برفض قولت يمكن تواصله معاك
انا : لالا قيمه الارض كبيره اوي ده غير المساحه و الموقع ابيع ايه لا طبعا بس عايز اطور المبني شويه تجديد و اعليه كم دور علشان ها يكون مقر المجموعه
فاروق : تمام ها بلغ المهندسين يحطه تصور لي المشروع
انا : لا مش عايز مهندسين الشركه يعمله الشغل ده اللي ها يعمل الشغل ده هيا مجموعه الملكي
فاروق : اشمعنا مجموعه الملكي
انا : فكرهم حلو و متطور متطلعين على اساليب البناء الحديثه فكر متطور و انا حابب استفيد منه
فاروق : كلام جميل بس تكلفه المشروع ده لما تنفذه شركه في الاساس منافسه ها يكون كبير
انا : مش مهم التكلفه انا اساسا بفكر اوقع معاهم بروتوكول تعاون يدربه به مهندسين و عمال
فاروق : اللي تشوفه
انا : و عايزك تبلغ رأساء الاقسام كلهم عندنا اجتماع مجلس اداره اخر الشهر و ها يكون اخر اجتماع مجلس اداره لينا هنا في المبنى القديم و ها ياخد وقت شغل شهر و بعد ما نستلم المبني في اجتماع تاني نشوف اخر التطورات اللي اتفقنا عليه اتنفذ وله لا ماشي
فاروق : ماشي اسيبك انا و اروح اكمل شغلي
انا : اتفضل
مشي فاروق و انا قعدت كملت شغلي و بعد ما خلص اليوم الساعه اربعه نزلت روحت مكتب الصرافه اتابع الشغل هناك مع صقر لحد الساعه تسعه بليل
صقر : يا محمود
محمود : ايه يا معلم
صقر : عندنا تسليمات النهارده
محمود : لا النهارده مفيش
صقر : طيب كويس يا مازن
انا : (ماسك كشف حساب و مركز فيه )عايز ايه
صقر : عايز تيجي معايا ها نروح مشوار
انا : مشوار ايه ده
صقر : ها ننزل نتشري لبس
انا : خليها بكره يا صقر انا مش فاضي
صقر : مش فاضي ايه و بعدين ايه الكشف اللي ماسكه و مركز فيه ده
انا : ده كشف مناديب التجار بشوف الاسماء و البيانات بتعتهم و كمان الاكواد
صقر : ياعم الكشف ده يخلص بكره
انا : مينفعش يا صقر اخر الشهر قرب و ها يجيه ياخده الحصص بتاعتهم
صقر : (بص لي محمود )
محمود : سيب بس اللي في ايدك ده و انا ها خلصه
انا : تخلص ايه الاكواد لزم تتغير
محمود : ها غيرها انا يا عم يله بس قوم انزل مع صقر
انا : انتا ها تعرف تغير الاكواد
محمود : عيب عليك ده انا بكالريوس خدمه اجتماعيه
انا : ايه ها تحل مشاكل الارقام يعني
محمود : ايوه يله و بطل تباته قوم امشي علشان اساسا اتخنقت منك قوم
انا : في ايه يلاا مقموص ليه
محمود : الاهتمام ميطلبش
انا : يا جدع
محمود : يله قوم بقي ده انتا عيل سائيل
انا : ياعم اهو قايم اوعه عديني
قومت و نزلت مع صقر ركبت معه العربيه و كمال اخد العربيه التانيه و حصلنا وصلنا مول و قعدنا نلف صقر عايز يشتري لبس ليه و انا شوفت ساعه عجبتني جبتها و دخلنا محل بدل اختارنا بدلتين علشان فرح اخت يسري اشتريناهم و كملنا تمشيه
صقر : قولي بقي يا معلم مالك
انا : مخنوق شويه
صقر : طيب و اخرتها ايه يعني يا مازن اخرتها متر في متر يا صحبي بلاش تخنق نفسك و بلاش تزعل امك
انا : هيا اشتكت
صقر : لا بس انتا عارف انا حشري و سألت
انا : ياعم امي فكراني عيل صغير
صقر : طيب ما تقضي معاها وقت اطول
انا : ها يفرق في ايه
صقر : لا ها يفرق في كتير عارف ليه علشان ها تفهمك اكتر ها تعرفك اكتر و تعرف انتا بتفكر في ايه كلامك و اسلوبك و طباعك عرفها نفسك ياخي علشان تبقي فهمه اللي بتتعامل معه ده مين دماغه ماشيه ازي فهمت
انا : فهمتك يا صقر و ها حاول
صقر : ماشي يا سيدي ها تنزل بكره المنيا
انا : ايوه
صقر : و انا ها حصلك بليل
انا : ماشي اشطا يله بقي نروح
صقر : يله
نزلنا الجراج كل واحد ركب عربيه و اتحركنا رجعت القصر دخلت جوه لقيت البنات قاعدين
ادم : اوبا على اللي عمل شوبنج و مروق على نفسه
انا : في ايه ياض
ادم : مفيش يا سيدي بس ابقي افتكرنا بحاجه كده وله كده
انا : و انا اقدر انساك برده يا عبيط
ادم : ايوه جبتلي ايه
انا : ها جبلك ايه يعني طفل في سنك يتجابله ايه قولي
ادم : مش عارف شوف انتا اصلك لو مهتم ها تعرف لوحدك
انا : باس كده جبرت ماشي المره الجايه هاخدك معايا تختار اللي يعجبك
ادم : وعد
انا : وعد يا سيدي
مرام : راجع بدري يعني تتحسد
انا : قولت ارجع اقعد معاكم شويه
حبيبه : ماشي يا سيدي
انا : ايه يا معلم سرحان يعني
رنا : مفيش بفكر بس في حاجه
انا : ماشي يا سيدي ها عملين حسابكم بكره ها ننزل المنيا
جميلة : انا متحمسه اوي على فكره
انا : اه نيجي لي جميلة بصي هو في مشكله
جميلة : ايه هيا
انا : لبسك مش ها ينفع في المنيا يعني بالشكل ده مينفعش اللبس المفتوح و العريان و كده
جميلة : بس ده لبسي
انا : ايوه بس المكان ليه نظام اللبس ده مينفعش هناك فهمتي يعني بنطلون و تي شرت طويل و بنطلون سليم مش مقطع
جميلة : تمام ماشي انا عندي بنطلونات كتير
انا : حلو (فردت جسمي على الكنبه حطيت راسي على رجل سحر )اهههههه يا قلبي
مرام : ماله قلبك
انا : قافش عليا يا مرام و زعلان مني ينفع
مرام : هو القلب بيزعل
انا : ايوه تخيلي القلب بيزعل يا مرام و يتقمص و مش معبرني و هو قلبي
مرام : و ده ايه اصله ده
انا : قلبي مش راضي عني و انا من غير رضا اخسر
مرام : افندم و ربنا ما فهمه
ادم : يا ماما حرام عليكي بيقول قلبه و هو نايم و بيبص لي نانا يبقي اكيد عليا انا
انا : عليك ايه يلااا (مسكت ايد سحر )زعلان مني يا جوافه المستكاوي
سحر : (ابتسمت )
انا : انا مقدرش علي زعلك ابدا إنشالله انشك في ودني (مديت ايدي في الكيس طلعت الساعه اللي عجبتني ) احلا هديه لي احلا خديوي في الدنيا دي كلها
سحر : دي ليا انا
انا : ايوه ليكي انتي
سحر : (فتحت العلبه و شافت الساعه انبهرت الساعه حلوه و شيك جدا و مرصعه و غاليه )دي ليا
انا : ايوه
سحر : دي حلوه اوي
انا : انا خوفت متعجبكيش
سحر : ازي دي تحفه
انا : و انا بلف في المول كده عيني لمحتها قولت بس التحفه دي متبقاش مع حد غير مع سحر هانم الخديوي و بس اي حد تاني لا و اشترتها مخصوص متخيلتش حد أبدا يلبسها غيرك يا جميل
سحر : تسلم عينك (باستني من خدي )
انا : ماشي يا قمر يله طلعيها بدل ما تنسيها و واحده من الذئاب دول تاخدها
سحر : ده انا ادبحهم ياخدوها قال
اخدت الساعه و العلبه و طلعت تطلعهم بصيت لي البنات بثقه
انا : عجبتكم الساعه
حبيبه : والله ماما كانت ناويه تدب معاك خناقه لي السما النهارده
انا : عيب عليكي هو انا تلميذ انا بشم ريحه نكد الست من على بعد ميل ههههه (مسكت ايد رنا )ايه قمر زعلان ليه
رنا : انا ازعل لا مش زعلانه
انا : كده طيب يعني مش محتاجه هديه كده علشان زعلانه
رنا : فين الهديه
انا : (طلعت علبه من الشنطه )عبله فيها تشكيله شوكولاته و برطمان نوتلا و برطمان لوتس حاجه فاخر من الاخر
رنا : احلف
انا : و رحمت ابويا
رنا : (اخدت البوكس و طلعت جري على فوق تشيله في الثلاجه )
حبيبه : لا جامد
انا : (طلعت علبه تالته )الزغلول اللي في النص
حبيبه : ايه ده بقي
انا : تلفون جديد و مرصع بقطع من الشوكولاته الجامده
حبيبه : اخويا حبيبي حبيبي حبيبي هات كده (اخدته و طلعت جري على فوق برده )
انا : كبيره اخبارك يا كبيره
مرام : كويسه يا سيدي ها فين بقي
انا : هو انا اقدر ( اخدت شنطه كبيره )دي بتاعتك انتي و ادم و لوكي كمان
مرام : احلف
انا : والله
ادم : عملت حساب لوكي
انا : ايوه يا سيدي جبتله شانبو و شاور جل و مشط جديد و طوق جديد روقت عليه
ادم : و انا
انا : انتا ها تفتح ها تلقي مفاجأة ليك
ادم : حبيبي يا خالو يا عسل (باسني )
انا : هههه ماشي يا سيدي يله اطلعه حطه الحاجه بسرعه لحسن حبيبه و رنا الاعداء يبرشطه عليكم فيها
مرام : ايه ده لا طبعا يله يا دومي
ادم : يله بسرعه
اخده الكيس و طلعه على فوق
انا : اممممم منوره يا جميلة
جميلة : شكرا يا مازن
انا : ايه مش مستنيه دورك
جميلة : لا عادي يعني
انا : لا مش عادي يعني (طلعت علبه خامسه )اتفضلي يا ستي و يا ريت زوقي يعجبك
جميلة : (بخجل ) اكيد ها يعجبني
نزلت سحر و بعدها البنات و سامي لسه مرجعش قعدنا على السفره اتعشينا و بعدها طلعت غيرت هدومي و نمت
في اوضه جميلة
فتحت علبه الهداية و لقت شوكولاتة و شويه مستحضرات لي البنات اختارتهم البنات اللي شغاله في المحل ابتسمت بنها و بين نفسها
الباب خبط و اذنت بالدخول و كانت سحر
سحر : ايه يا جميل سهران يعني
جميلة : مفيش شوفي يا خالتو مازن جابلي ايه
سحر : الله ايه الحجات الجميلة دي مازن زوقه حلو صح
جميلة : اوي و البرفيم تحفه
سحر : طيب يا ستي كويس انهم عجبوكي
جميلة : عرفه يا خالتو اول مره حد يجبلي هديه
سحر : ايه هما الشباب في باريس مش بيشوفه القمر وله ايه
جميلة : الشباب هناك مش عايز يقدم هديه الشباب هناك وضع مختلف مساكنه و حجات مقدرتش افهمها
سحر : طيب انتي جربتيها
جميلة : لا طبعا بابا كان دايما يحذرني من الحجات دي في كل مره يقولي اوعي تعملي حاجه غلط يا جميلة انتي عايشه بره ايوه بس انتي مصريه مسلمه اوعي تعملي الحجات دي
سحر : طيب و انتي عملتي
جميله : لا طبعا اعمل ايه مستحيل
سحر : طيب يا حببتي شوفي انا جايه اتكلم معاكي في حاجه كده
جميلة : ايه هيا يا خالتو
سحر : النهارده الصبح دخلت عليكى روما علشان تصحيكي مكنتيش في الاوضه هنا بس لمحت اوضه مازن بابها مفتوح بصت لقتك على السرير جنبه
جميله : اه نسيت احكيلك اللي حصل امبارح
سحر : ايه اللي حصل امبارح
جميلة : بعد الفجر قلقت نزلت اشرب مايه و انا راجعه سمعت صوت من اوضه مازن زي ما يكون بيتخانق مع حد و صوته عالي شويه قلقت عليه الصراحه خبطت محدش رد خبط تاني محدش رد فتحت الباب لقيته نايم و بيخطرف و قام مخضوض شرب مايه و كان بيحلم بكابوس الصراحه يا خالتو قعدت جنبه خوفت لحسن يتعب تاني
سحر : كابوس طيب قالك الكابوس ده فيه ايه
جميلة : لا بس كان باين عليه الخوف و دي كانت اول مره اشوف مازن خايف بالشكل ده هاديتة و رجع نام تاني قعدت جنبه لا يحتاج مايه مثلا كده
سحر : تمام شوفي يا جميلة اختلاطك بمازن مينفعش خالص لزم تحترمي انه راجل و انتي بنت
جميلة : هو بس الموقف يعني
سحر : انا فاهمه يا جميله انه الموقف بس لكن زي مهو ابني و قريب مني انتي اقرب انتي بنت اخويا ايوه بس انا عندي بنات و لزم اوعيكي بين الصح و الغلط ماشي
جميلة : ماشي يا خالتو
سحر : (بصت لي ردها و ابتسمت )هو عجبك
جميلة : (وشها قلب حبايه طماطم ) هو مين اللي عجبني
سحر : اللي اتكسافتي لما سمعتي سيرته
جميلة : احم اي ههه اي بصي هو الموضوع
سحر : مش لزم تردي (راحت لي الباب و وقفت قالت ) جميلة البنت العاقله تقرب بحساب و تبعد بحساب القرب مش عيب بس من غير حساب هو اللي عيب
سابت جميلة و طلعت من الاوضه راحت لي اوضتها لقت رنا قاعده مستنياها
صحيت تاني يوم الصبح بدري و منزلتش الشغل النهارده غسلت وشي و عملت كبايه قهوه افوق بيها و حضرت شنطتي و لبست اخدتها في ايدي و نزلت تحت استنيت لحد ما صحيه كلهم و نزله فطرنا مع بعض حضره نفسهم و سامي صحي متأخر فطر و لبس و نزل طلعنا بره حطينا الشنط في العربيه و اتحركنا على الصعيد محافظه المنيا في عربيه مرسيدس فان و انا اللي سايق و الحرس ورايا لحد ما وصلنا المنيا ركنت العربيه تحت البيت و رنيت الجرس خمس دقايق و الباب اتفتح من امير
انا : ابو يوسف
امير : مازن (اخدني بالحضن ) واحشني يا واطي
انا : و انتا اكتر يا حبيب اخوك ايه ياعم مش بتسأل عليا
امير : ولاا دي جملتي
انا : ههههه ماشي
سحر : ازيك يا امير واحشني يا واد
امير : و انتي اكتر يا خالتو يا عسل ايه ده ادم ازيك
ادم : كويس يا خالو امير
سامي : ايه يابني طب دخلنا طيب
امير : و انتا محتاج عزومه يا خال ادخله ده البيت بيت اختكم قبل ما يبقي بتنا
انا : اهو ركبك الحق
دخلنا و طلعنا فوق الحرس نزله الشنط طلعوها ورانا فتح امير باب الشقه اللي اتربيت فيها اهههههه اول نفس فيها ميفرقش عن السنين اللي فاتت لسه ريحتك يا حياه في الشقه و كأنك لسه مروقه دلوقتي
امير : ايه يا جماعه الغيب دي كلها
انا : والله مسحول يا امير مسحول بجد
امير : ربنا معاك يا حبيبي
ادم : هو فين يوسف يا خالو
امير : نازل ورايا يا سيدي اخبارك يا مرام انتي و حبيبه و رنا
رنا : مجمع يعني مكسل تقولها فراطي وله الكويت علمتك البخل
امير : اقسم بالله مازن بالملي حرام يا خالتو حرام ايه مش كفاية علينا لمض واحد
سحر : اعمل ايه طالعين لي جدك الله يرحمه
امير : الله يرحمه
رنا : ياعم احنا كويسين قولي طبخين ايه
ضحكنا كلنا
امير : مش طبخين يا ستي
انا : ياعم احنا جاين على بيات مش غدا
امير : بيات ماشي لكن غدا لا مش تقوله نعمل حسابنا طيب
انا : حساب ايه هو السطح فضي
امير : لا يا سيدي شهد ربنا يكرمها مراعيه السطح و لسه الخير فيه بس مش بتعرف تدبح و له انا بعرف ادبح محدش كان بيعرف غيرك انتا
انا : محنا فيها هاغير و ناخد سكينه امك و نطلع السطح
امير : غير بس هدومك الاول و ارتاح
انا : لا انا وحشني السطح ها غير و نطلع وله مش عايزين تغدونا يعني
امير : ياعم ها نغديكم ايه جاين من مجاعات الصومال
حبيبه : هههه
انا : فين سياده المستشار
امير : ها يرجع كمان شويه ها كلمه يجي
مرام : لا خليها مفاجأه
امير : ماشي يا مرام نخليها مفاجأة
انا : انا داخل اغير اوعا يكون حد غير مكان هدومي
امير : نغير ايه ده كنا طلعنا من البلد مشي هو انتا حد يقدر يجي جنب حاجتك
انا : طيب ها غير و اجيلك
دخلت اغير بس عديت على اوضه امي فتحت الباب و الهوا خبط في وشي من جوه لسه برده شايل ريحتها نورت النور و الاوضه متوضبه و زي ما هيا و زي مكانت بتحب مصحفها مكانه و سبحتها مكانها
حسيت ان الشوق ها يغلبني و دموعي ها تنزل قررت اغلبه انا و اقفل الاوضه زي مكانت
و روحت اوضتي فتحت دولابي القديم طلعت منه بيجاما خلعت و لبستها طلعت من الاوضه على المطبخ فتحت الدرج طلعت سكينه امي كانت شايلها لي دبح الطيور لوحدها اخدتها و طلعت بره لقيت شهد نزلت هيا و رباب و قاعدين مع البنات
شهد : ايه ده طالع بالسكينه
انا : اصل البيت فيه شويه ناس خايبه مش عرفين يدبحه قولت ادبح انا
شهد : هههههه واحشتني يا مازن
انا : و انتي اكتر يا شهد عمله ايه
شهد : بخير الحمد لله
انا : انتي تخنتي كده ليه
رنا : (ضربتني بالكوع في بطني )ياهبل يابن الهبله حد يقول لي واحده ست انتي تخنتي
انا : اه يا بت المفتريه ايوه تخنت
شهد : ده مش تخن يا استاذ مازن ده سلاله اخوك اللي قاعده ترفص في بطني لحد ما ها تقطع نفسي
انا : انتي حامل
شهد : ايوه
انا : و حيات امك حامل
شهد : و احيات امك ايوه
انا : يا ولاد اللزينا تخبه عني
شهد : انتا اللي مش بتسأل يا سيدي
انا : ماشي انتي في الكم
شهد : التاسع و على وش ولاده
انا : (حسيت بالخنجر في قلبي و غصه في حلقي بس ابتسمت كالعاده ) ماشي يا ستي ربنا يقومك بالسلامه
رباب : مفيش ازيك يا رباب
انا : ازيك يا رباب ها تيجي وله ايه امير وله مش عايز
امير : لا طبعا جي
شهد : ايوه يا مازن في ديك رومي كل مطلع يعضني ادبحه لو سمحت
انا : بأذن الله يله ياااااا اخويا
امير : (قلق من نظرتي )اه طيب يله
انا : لو مش عايز بلاش
امير : يا راجل ده كلام على الاقل نخلص من الديك اللي بيعض شهد
انا : طيب سبق يا كبير
امير : (هنا بقي قلق جدا ) ماشي يله
طلع قدامي امير و انا وره لحد السطح سبته يختار و انا امسك لحظ اني بمسك الطير بعنف
امير : اهدا يا مازن مالك عنيف ليه مع الطير
انا : لا عادي متعصب شويه
امير : طيب لو سألتك متعصب ليه ها ترد دغري وله ها تلف زي ما بتعمل من صغرك
انا : هو انا ليه محدش كلمني و قالي ان شهد حامل و في شهورها الاخيره ليه يعني لو مش اخوكم ابن خالتكم على الاقل
امير : قلتله يكلمك هو اللي مرضيش
انا : يعني ده من دماغه هو
امير : ايوه خلصت
انا : ايوه خلصت ذبيح
امير : قليلين
انا : على قد كرمكم
امير : (استشاط غضب و زعق فيا ) ولاااا اظبط نفسك معايا و اتكلم عدل و لو على حمل شهد اعرف السبب من جوزها و صدقني ها تقتنع بسببه انتا في القاهره مش دريان باللي بيحصل هنا نهائي (مسك ثلاث بطايات و ديك رومي )ادبح
انا : ماشي لما نشوف
دبحتهم و هو اخدهم و نزل و انا بصيت على السطح لقيته مش نضيف ما طبعا ياسر مش فاضي و مراته تعبانه من الحمل و لو حد نضف بالاجره اكيد مش ها يبقي زي صاحب المصلحه
جبت اشوله العلف الفاضيه و بدأت اكنس تحت الطيور كلها و لاحظت ان في كم واحد منهم صحته مش قد كده محتاجين فيتامينات و بدأت افرش تحتهم نشاره خشب علشان تمتص البردوه في الشتا
وانا شغال لقيت حد طالع جري على السلم ببص لقيت ياسر لبس بدلته
ياسر : (فاتح دراعه بالحضن )مازن
انا : (صديته) اهلا يا ياسر
ياسر : (ابتسم ) حمل شهد
انا : امير كلمك
ياسر : لا بس انا مش عيل صغير انا بعرف اجيب اعتراف من متهم مش عرف افهم اخويا
انا : لا و احنا كنا اخوات اوي
ياسر : مش ها تفهم السبب يا مازن
انا : سبب ايه قول يمكن افهم و مطلعش غبي
ياسر : والله انا مداس على وشي من الشغل و من البيت و من الجيران
انا : جيران ايه
ياسر : عمك صبري اللي ساكن قدامنا مشي باع البيت و مشي سكن مكانه راجل تاني اسمه حسان و معه سبع شباب فاتحين البلكونه ببجاحه يبطلجه في الركنه يرمه زباله قدام البيت اتكلمت و اشتكيت و عملت فيلم مسمعوش ودن من طين و ودن من عجين
انا : يعني قولي دلوقتي لما ارفع ايدي انزلها على وشك و انتا راجل كبير ملو هدومك ها يبقي شكلك ايه يا حضرت معالي المستشار استخدم سلطتك
ياسر : مع مين مع حسان لا مش ها تعرف حسان محامي شمال بيعرف يلعب بالبيضه و الحجر في الوقت اللي شاف اني خلاص خرجت عن شعوري و ناوي ازعله راح عمل فيا محضر اني بتهجم عليه و صاد ضابط شريف اللي هو المحضر ها يمشي ميري
انا : غبي انتا غبي
ياسر : اعمل ايه طيب
انا : سبها على الله و العبد الفقير إلي الله انا هتصرف
ياسر : مش عايز مشاكل انا عليا محضر عدم تعرض ليه
انا : و انتا مالك
ياسر : طيب فهمني ها تعمل ايه
انا : نتغدا بس و نشرب الشاي مع بعض و اقولك ها نعمل ايه
ياسر : (قرب مني و هو فاتح دراعه ) واحشني يا مازن
انا : (اديته بونيه في وشه ) و انتا كمان سبني اكمل اللي في ايدي علشان ننزل الزباله دي
ياسر : (حاطت ايده على فكه )تسلم يا سيد الناس
نزل ياسر و انا كملت تنضيف السطح خلصت على المغرب و نزلت اخدت دش و غيرت كانه حضره الاكل و حطوه على السفره في الشقه القديمه دخلنا و قعدنا نتغدا قعدت كالعاده على الكرسي الاول و بدأنا ناكل
امير : على كده يا جميلة انتي درستي ايه
جميلة : درست هندسه
امير : و ناويه ترجعي تاني باريس وله ها تكملي حياتك هنا
سحر : ترجع فين لا جميله ها تعيش معايا مش ها تسافر تاني
جميلة : انا مقدرش اسافر و اسيبك يا خالتو يا قمر
سحر : والله انتي اللي قمر
ياسر : ايوه يا عم يا بخت من اللي تدلعه سحر الخديوي
سحر : طبعا
حبيبه : يا سيدي يا سيدي ايوه يا عم ايه ها تاخدي مكان مازن على الحجر وله ايه
رنا : و هو حد يقدر ياخد مكان مازن ده حبيب امه
امير : و قلب امه
ياسر : و عين امه
رباب : و روح امه
شهد : و عقل امه
ضحكه كلهم
انا : اه يا شويه كلاب
سحر : معلش يا حبيبي اصلهم بيغيره منك
يوسف : ايوه يا عمي بيغيره منك اصلك ملك جمال مصر
انا : اه يابن الكلب
امير : ولااا
انا: ايه مالك عيل واطي
يوسف : تلميذك يا عمي
انا : ههههه ماشي يا يوسف والله واحشني يا يوسف
يوسف : و انتا اكتر والله يا مازن عامل ايه اخبارك و اخبار ولادك ايه كويسين
انا : ههههه ايوه يا سيدي كمل اكلك علشان جايبلك هديه حلوه
يوسف : اعتبره اتنسف
كملنا اكلنا و احنا بنضحك على يوسف ابو نص لسان و غسلنا ايدنا و طلعت انا و امير و ياسر فوق السطح نزلنا ثلاث اشوله و نزلنا بيهم الشارع اول ما طلعت من الباب بضرب بطرف عيني كده لمحت شاب واقف في بلكونه البيت اللي قدامنا
انا : ياسر هما دول
ياسر : ايوه ها نعمل ايه بقي
انا : سبها على الله نوصل اول الشارع بس (كمال كان قاعد على كرسي قدام باب البيت ) كمال
كمال : (جيه )ايوه
انا : اسمع حط بتنا في النص اربع بيوت من اليمين و اربع بيوت من الشمال المحلات فيها كاميرات مراقبه ادخل راضي الناس و قولهم مازن محمد السراجي بيقولكم ريحه الكاميرات خمس دقايق
كمال : اعتبره حصل
انا : و كمان الصف التاني من البيوت نفس النظام تراضي الناس البيت اللي في الوش اوعا تقرب منه
كمال : ماشي
انا : جيب مسدسك علشان نسيت بتاعي فوق حطه في جنبي بصنعه لطافه
كمال : طيب (طلع مسدسه و حطه في جنبي براحه خالص )السلاح معاك و جاهز للنكش و شكلك ها تعمل مشكله
انا : احتمال
سبت كمال و طلعنا على اول الشارع في صندوق زباله رمينا الاشوله و انا تقلت رجلي خلتهم يرجعه قبلي دخلت مكتبه على نصيه الشارع و طلعت منها و مشيت داخل الشارع لقيت عيل اسمه عاصم بس ايه مصيبه عاصم ده عيل بتاع مشاكل من و هو في المهد
انا : ولاا يا عاصم
عاصم : ايه ده عمي مازن اخبارك
انا : كويس يا معلم اخبارك انتا
عاصم : الحمد لله
انا : بقولك ايه الجماعه اللي خده البيت اللي قدامنا ايه رأيك فيهم
عاصم : دول عالم ولاد وسخه
انا : ليه
عاصم : عياله ولاد الكلب مش رحمين وله واحده معديه في الشارع لو قطه و نتايه لزم يناقره فيها كنت هدخل في واحد فيهم تأبيده
انا : اشمعنا
عاصم : عاكسه اختك سهام
انا: سهام
عاصم : ايوه سهام سحبت السطور و طالع عليهم لوله ام عاصم (تخيل بقي يا عزيزي عاصم ده عنده ١٣ سنه )
انا : امممم طيب و اللي يضحكك عليهم
عاصم : يبقى حبيبي
انا : اسمع (طلعت ٢٠٠ جنيه )خد هات انتا و اصحابك قزايز ببس قزاز و اشربوها
عاصم : لا عيب يا عمي ميصحش اخد منك فلوس
انا : ياض هو انا غريب ده انا عمك امسك بس الفلوس تجيب الببسي و تروح تحت بتنا بعد ما تشربه الببسي كله تقلبه القزايز و ترموها على بعض و بعدها تسحبه الطوب و الزلط من الارض و ترموه على بعض عايزك بقي ايه بصنعه لطافه و نشانك العال تصيد الكاميرات اللي عند البيت عندهم
عاصم : اشمعنا
انا : ها دخلهم البيت زي الفيران بس مينفعش نتلقط امين يا معلم
عاصم : هههههه واحشني يا عمي والله
انا : و انتا اكتر يا حبيب عمك يله بسرعه
عاصم : حصل
قعدت على مسطبه على اول الشارع ولعت سجاره و مسكت التلفون عشر دقايق و عاصم و شله الدكن بدأه و اشتغل رمي الطوب على ودنه لحد ما رمي الطوب خلص و دخلت تلفوني و دخلت الشارع ماشي بتغندر بهدوء خالص لحد ما وصلت عند بيتهم لقيت الواد واقف في البلكونه و معه واحد تاني و مش مركزين عليد الشارع مثلا لا على بيتنا ركزت شويه ملقتش وله كاميرا كلهم اتكسره كانه اتنين واحده من اليمين و التانيه عكسها و اتكسره
انا : (بصوت عالي ) انتا يابني (محدش رد ) انتا يا عسل يا ضنايا (برده محدش رد رفعت ظلطه من الارض و رمتها عليهم ) انتا يابني
شاب : ايه ياعم اللعب بعيد بالطوب
انا : ادخل جوه و متبصش على بيتي تاني
شاب ٢ : ادخل انتا بيتك و اتلم بدل ما ننزلك
انا : يابني عيب ادخل البيت فيه حريم
شاب : علشان كده وقفين
شاب ٢ : ادخل بدل ما ننزلك احنا سبع رجاله و ها نزعلك لو نزلنا ادخل و ابقي قول لي واحده من الابطال اللي لسه واصلين تطلع البلكونه نتفرج
انا : ههههههه جبته لي نفسك (طلعت المسدس و ضربت خزنه على البلكونه دخلتهم زي الفران جوه و عيال الشارع كانت واقفه تتفرج ) قلتلك يابن الوسخ ادخل
بدأت العيال الصغيره ترمي الطوب على بيتهم بقي قاصدين
انا : كمال في حرس قريب
كمال : ايوه
انا : حلو كم
كمال : ١٢ واحد
انا : طيب افتح الباب في هدوء و دخلهم جوه خلي نصهم في الشقه اللي تحت و النص التاني بره في العربيه من غير رصاصه واحده وله سلاح واحد سلفي ستيك و صاعق و تدخل جوه و تسيب الباب ده مفتوح لو حد دخل اللي بره يدخله في ضهره
كمال : فهمتك
انا : جدع
سبته و طلعت فوق دخلت الشقه
سامي : ايه اللي بيحصل تحت ده
انا : مفيش شويه ناس بنربيهم لا تقلق يا سامي
ياسر : و مين ضرب نار
انا : انا ضربت عليهم نار يا جدعان محدش يقلق على بليل القصه دي ها تكون خلصانه فين الحريم
امير : فوق مع رباب
انا : طيب (طلعت من جيبي ورقه جبتها من المكتبه و كانت عقد بيع ) اكتبه بيناتكم و بيانات البيت و امضه في خانه البايع
ياسر : (بص لي العقد و استغرب )انا مش فاهم
انا : اخر الليل تفهم لكن دلوقتي مش ها تفهم
ياسر : طيب
اخده العقد ياسر كتب البيانات و بيانات العقار و مضه في خانه البائع و انا مضيت عند المشتري و سامي مضي شاهد و كمال طلع مضي شاهد تاني و نزل
سمعت صوت اكتر من شخص بيزعقه في العيال الصغيره قومت مولع سجاره و حطيت رجل على رجل بكل هدوء و و صوت خبط في الباب الحديد اللي تحت اترزع حاول امير يقوم منعته ثواني و سمعت صوت اكتر من واحد بيصرخ لحد ما الصوت وقف
انا : تعاله يا رجاله
اخدتهم في ايدي و نزلنا الدور الارضي لقيت كمال و الحرس مكتفين سبع رجاله و راجل كبير في السن مش عجوز بس شعره ابيض و مش كله
انا : مين دول يا كمال
كمال : دول ناس حاوله يتهجمه على البيت
راجل كبير في السن : و الله لا اندمك يا ياسر يا سراجي و اخلعك البدله اللي فرحان بيها جايب بلطجية
انا : (قعدت على السلم )شكل في حد ينفع نتكلم معه انتا مين
راجل كبير : انا حسان المحامي
انا : طيب يا عم حسان انتا ايه اللي جابك هنا
شاب : هو ده اللي ضرب النار على بتنا يا ابويا
حسان : انتا بقي كبير البلطجية دي و ديني لا احبسك
انا : طيب اعرفك بنفسي انا مازن هارون الخديوي و دول امير و ياسر ولاد خالتي و اخواتي جيت ليهم علشان نخلص عقد بيع البيت ده و دول كمال و الرجاله مش بلطجيه دول حرس خاص تبع شركه حراسات خاصه كبيره شغلتهم تأميني و تأمين بيتي و انا خلصت عقد البيت و بقي بتاعي دلوقتي انتا جوه بيتي وسط رجالتي (طلعت جونتي بلاستك بتاع مطبخ و سحبت من ابن حسان المطوي فتحتها و عورت نفسي في دراعي جرح سطحي )متهجم عليا بعرف القانون كده تعدي على املاك الغير و انا بدافع عن نفسي برجالتي انتا في بيتي (طلعت العقد )و ادي العقد اهو عندك حل من الاتنين يا اتصل على مدير الامن و المحافظ ابلغهم اني راجل اعمال نازل استثمر في المحافظه و اتعرضت لي التعدي عليا وله نروح لي الحل تاني
حسان : ايه الحل تاني
انا : تمن اللي عملته مع ابن خالتي ها تاخد ٢٠٠ الف جنيه و نجيب عقد زي ده تمضي عليه و نطلع على المركز نثبت حاله بيع ها ايه رأيك
حسان : انا شاري البيت بـ ٢٥٠
انا : عارف يا روح امك سعر البيت عارف بس ده حل احسن من حل تخسر ٥٠ وله تخسر شباب عيالك التلفان ده
حسان : بطنك فاضيه
انا : كمال اطلب المحافظ على التلفون
كمال : (طلع التلفون و رن و فتح السبيكر )
انا : ها لسه بطني فاضيه
حسان : خلاص خلاص موافق
انا : جدع
طلعت نسخه عقد تاني من جيبي عامل حسابي عليها ياسر كتب البيانات و اداها لي حسان مضي عليها و انا ابتسمت و انا مضيت
انا : (طلعت تلفوني و اتصلت على النجده عملت البلاغ و هما واقفين )
حسان : ليه انا مضيت
انا : بأيدك الشمال يا روح امك ههههه تستاهل اللي ها يحصل
حسان : انا مليش دعوه صدقني والله انا محامي ودول مش ولادي دول رجالتي صدقني والله
انا : و انتا مين بقي
حسان : انا واحد أجرني برجالتي و قعدني في البيت و قالي ارازي لحد ما يبيعه
انا : مين
حسان : صادق السراجي
يتبع......
YOU ARE READING
تاجر البن (البداية)
Actionاسرار و اكاذيب لا يأتي من بعدها إلا الموت بطلنا يحارب و يحارب ولكن متي سوف ينتصر لا اعلم ام هو خلق بالاساس لي الحرب انا لا اعلم!!!
