تاجر البن (البداية)

اول صفقة و بعدها.....

الفصل السادس

عرفين يا شباب اصعب حاجه هيا الثقه تخيله الثقه صعبه غداره لما الواحد يثق في نفسه بطريقه كبيره يظن انه الذكي القوي المسيطر اللي بأيده مقاليد قراره دول اكتر ناس بتصعب عليا الانهم سهل جدا التلاعب بيهم صدقوني هما اضعف مما تتخيله الان الثقه تخلي البني ادم ينزل دفاعاته و يبدأ يطمن للي حوليه الثقه اوقات كتير تدمر البني ادم

بدايه الفصل

وصلنا القريه نزلنا من العربيات و دخلنا مبني الاستقبال و الموظفين نزله الشنط من العربيات و اخدوها
و احنا لقينا سامح منتظرنا سلم و اتعرف على اخواتي البنات و لقينا المكان انتشر فيه حراسه كتيره و لحظت ان السياحه مستغربين الموضوع انه مش مريح بالنسبه ليهم عرفت من سامح انهم حرس مس بترسين و شوفت بترسين وسطهم تحس انها طفله صغيره و لبسه كاش مايه قومت منزل الشنطه الكتف بتعتي و اتمشيت بثقه لحد عندها
انا : (بغضب) ايه اللي بيحصل ده
حارس : (شاور ليا يبعدني)
انا : انتا مين يابني
حارس : (بيتكلم عربي مدبلج) قائد طاقم الحراسه لي مس بترسين
انا : و انا مازن الخديوي صاحب القريه ايه اللي دخلكم القريه و ازي يحصل ده السياح مش مبسوطين
حارس : مش مهم المهم هيا حمايه مس بترسين
انا : مش مهم طيب تقدره تعمله تشك اوت دلوقتي و تتفضله من غير مطرود
بترسين : (نطقت بالعربي و خلعت النضاره و معاها شوفت احلا عيون يا عزيزي) ثواني ده طرد
انا : اه
بترسين : دي إهانه ليا
انا : وقت ما اشوف حضرتك و الحرس بتوعك مسببين ضرر لي السياح لزم يتم طردكم ده شيء يسيئ لي القريه و سمعتها انها غير امنه
بترسين : اوكي بس اللي عملته ده ها تدفع تمنه غالي اوي (كلمت قائد الحرس بتاعها بالروسي و لفت وشها مشيت و هما معاها)
سامح : ايه اللي انتا عملته ده
انا : قصدك ايه طردها مثلا ايوه طردتها
سامح : انتا مجنون دي مس بترسين ها تسبب ازمه محدش يقدر يتخيلها ابدا
انا : على نفسها
سامح : لا و عليك كمان اللي عملته ده لزم يتلم سحر قولي كلمه
انا : بقولك ايه هيا مش قالت انا اللي بتكلم في الموضوع ده خلاص طلعها بره كلامك و كلامك معايا انا لو مش عجبك خد مصلحتك و امشي ماشي يا جماعه احنا بناكل كويس و بنشرب كويس و بنصرف كويس و عايشين كويس يعني مش محتاجين حاجه من حد (بصيت لي سامي) يله نروح الشاليه علشان انا مرهق و عايز انام
سحر : يله يا ولاد

مشينا لي الباب التاني لي مبني الاستقبال خرجنا منه لي الفندق نفسه عباره عن فلال و شاليهات على البحر ركبنا عربيه جولف لي الفيلا اللي كانت على البحر عدل و الباب مفتوح دخلنا لي الفيلا و قعدنا
حبيبه :اقوم ارتب هدومي يله يا مرام
مرام؛. يله تعاله يا دومي

طلع الثلاثه فوق
سامي : ايه اللي انتا عملته ده يا مازن براحه شويه ايه يعني الست دخلت بحراسه
انا : اتقل على الرز
سحر : لا مهو دي مش حله يا مازن يا بزنس يا حبيبي
انا : طيب خلينا في المهم (فتحت الشنطه اليد بتعتي و طلعت منها الدفتر اللي كنت بسجل فيه ملاحظاتي وقت المراجعه) بصي يا ستي امبارح كنت قاعد زهقان عرضت على مازن نعمل مراجعه صغيره لي تقفيل حسابات السنه الماليه الاخيره
سحر : و ايه اللي دخلك في المراجعه اساس اشمعنا يعني
انا : زهق و احنا بنراجع اخدت بالي من كم حاجه كده شويه ملاحظات
سحر : خير
انا : انا لحظت فلوس بتتسحب من المصاريف علي شويه حجات ملهاش قيمه
سحر : و بعدين
انا : شويه الحجات دي بقي ملهاش غير دليل واحد بس المجموعه بتتسرق دي نقطه اول حاجه وصلت ليها لكن لما تعمقت شويه لحظت ان كمان في فلوس مجهوله المصدر بتدخل لي المجموعه لي الحسابات غريبه فلوس بتدخل بمقدار محدد مش بيتغير و ده ملهوش غير معني واحد
رنا : غسيل اموال
انا : بالظبط غسيل اموال في حد عندك بيعمل غسيل اموال
سحر : (بصت ليا شويه ببرود و بعدها ولعت سجاره و مسكت الدفتر رمته في الاوض) اولا ملكش اي حق انك تطلع على ملفات الحسابات لي المجموعه اتطلاعك عليها دي جريمه في الوائح الخاصه بالمجموعه و دي يتسأل فيها رأيس القسم اللي قاعد جنبي و انا و رحمت ابوك لا انفخه بس اريح من السفر ثانين تنسه اي حاجه انتا شوفتها في الحسابات
انا : (بصيت لي الوضع و اتعصبت) انتي حد مهددك بحاجه مخليكي بتعملي غسيل الاموال صرحيني
سحر : (بغضب) مازن اوعا تدخل في شغلي و شكلي غلطت لما اديتك المساحه دي لسه بدري عليك اوي و اهي بانت بشايرها خربت صفقه كانت ها تجيب كتير بس انتا بوظتها
انا : انا بوظتها ماشي طيب (قومت) انا اسف بس خلاص لميها انتي بعد اذنكم

سبتهم و طلعت بره الشاليه و حصلتني رنا بسرعه
رنا :استنه يا مازن استنه
انا : (وقفت) خير
رنا : رايح فين
انا : رايح اتمشه شويه
رنا : انتا زعلت من كلام ماما
انا : لا هيا عندها حق انا جي احل شويه مشاكل و ماشي تاني مش جي اعيش وسطكم بس شكلي انا اللي نسيت النقطه دي
رنا : تمشي فين مازن براحه كده متاخدش على كلام ماما و هيا متعصبه و بعدين احنا اخواتك و دي امنا و ده كلامك مش كلامي
انا : رنا بلاش نقول شعارات و نصدقها عيب احنا كبار

سبتها و روحت اتمشه علي البحر شويه كلام سحر خنقني انا خايف عليها و لو عندها مشكله تتحل بدل كده بس الرد نفسه كان بايخ كأنها بتقولي انا عملتلك قيمه علي الفاضي او كبرتك علي الفاضي و انا محدش كبرني انا اللي كبرت نفسي علشان كده كان لزم امشي و كمان هحل مشكله الكلب رشاد و امشي مش قاعد
لكن و انا ماشي لقيت اتنين دخلين عليا شكلهم امن
امن : مازن بيه
انا : خير
امن؛ الهانم طلباك في مكتبها
انا : و لما هيا طلباني مرنتش عليا ليه (بصيت في تلفوني لقيت نفسي غايب بقالي ساعه تقريباً و هيا رنت عليا اكتر من مره) طيب مكان المكتب ده فين
امن : في المبني الرئيسي الدور التاني
انا : طيب اتفضله و انا رايح دلوقتي
امن : تمام يا باشا بعد اذنك

مشيه و انا طلعت لقيت عربيه جولف معديه وقفتها و ركبت لحد المبني الرئيسي دخلت المبني و طلعت الدور التاني عند يفطه مكتوب عليها مكتب المدير خبطت و دخلت لقيت سامح قاعد و سحر واقفه عند اخر المكتب قدام قزاز كاشف البحر و بترسين قاعده على كرسي المكتب
انا : خير
سحر : مس بترسين زعلت جدا من اسلوبك معاك يا مازن و افتكر انك محتاج تعتذر ليها
انا : (بصيت لي بترسين) انتي زعلانه
بترسين : (بثقه) ايوه
انا : اتفلقي
بترسين : (بعدم فهم) مش فهمه
انا : يعني مش مهم عندي زعلك
سامح : (بحده في كلامك) مازن اتأدب
انا : (لسه باصص لي بترسين) سامح يا قرش لو كلمتني بأسلوبك ده تاني الشيخ سلطان مش بعيد ها يخليك تنزل تحت تونس اللي انتا شايل اسمهم في قاعد المحيط خليك بعيد (كلمت بترسين) مس بترسين حضرتك هنا ضيفه صح يبقي تحترمي المكان اللي حضرتك فيه اخدتي تصريح بدخول الحرس
بترسين : لا
انا : طيب يبقي وجودهم في نظري بلطجه عافيه بالقوه و ده عامل لينا مشاكل مع شرطه السياحه وجود حضرتك بالشكل ده عامل مشكله لينا
بترسين : انا مستثمر
انا : بكم مليار اتنين ثلاثه مش مهم المهم عندي الجست يحس انه في مكانه ميحسش ان في حد بياخد حمايه اكتر منه يبين صوره عن المكان انه غير امن وجود المستثمر لو ها يسبب مشكله يبقي ملهوش اي قيمه حتى المكاسب اللي جايه من وره مس بترسين وجود الحرس غير مرحب به لو و لو معني كده ان وجودك غير مرحب به يبقي وجود حضرتك غير مرحب به
بترسين : (قامت بغضب) اسمع انتا تعديت حدودك بزياده
انا : حضرتك اللي تعديتي علينا و شوهتي صورتنا (اتكلمت بهدوء) ممكن تقعدي
بترسين : مستحيل
انا : مفيش مستحيل بزنس ومن شاطره زي حضرتك اكيد سمعت كلام بايخ اكتر من اللي قولته و كملت اتفضلي اقعد و اشرح ليكي وجه نظري و متأكد انك ها تقتنعي بيها
بترسين : (فكرت شويه و قعدت)
انا : (قعدت قدامها و ولعت سجاره) حضرتك جايه مصر ليه من الاساس
بترسين : جايه اخلص شغل
انا : هل احنا على خطه شغلك
بترسين : بنصيحه مش شخص شكله مش اهل لي الثقه اصلا
انا : طيب حضرتك جايه تستثمري بكم مثلا نقول رقم جزافي
بترسين : جزافي ممكن نقول مليار دولار
انا :ممتاز سمعه و اسم مجموعه الخديوي اكبر بكتير من راس ملها عرفه ليه علشان الاسم بيتكلم عن المضمون هما نسبه إشغال ٨٠٪ في وقت الفنادق التانيه بتقفل عرفه ليه
بترسين : الخدمه
انا : نقطه ايه التانيه
بترسين : ايه يميز الفندق غير الخدمه
انا : الامن اهم حاجه هيا الامن بنوفر لي الناس في وسط اتطراب عسكري امن و امان الكل عايز يستمتع مش يموت وجودك بكم الحرس ده يتاخد صوره و تنزل في جريدة زي التايم وله فيننشل وله حتي جريده الاهرام بتقول ان قريه الخديوي غير قادره على حمايه الافراد ده يضر بالقريه اكتر من مليون رفيو عنها علشان ده شيء موثق بالصور و الدلائل ده سبب خروجي عن شعوري انا معنديش مشكله اعتذر دلوقتي و حضرتك تمضي عقد لي شركه ممكن تقعد و حضرتك السبب فيها الشركه هتاخد فلوس و انتي ها تاخد كرثه ها تاخد منك سنين علشان ترجعيها تاني لي وضعها الطبيعي و اسمها الكبير
بترسين : (فضلت بصه ليا شويه بتفكر و ردت) يعني الازمه في الحرس
انا : (بصعبانيه) مش كده بس لا حضرتك موجوده هنا من يومين يعني ممكن تكون الصوره اتاخدت اصلا
بترسين : طيب و ايه الحل
انا : اعتذار رسمي من المكتب الاعلامي لي شركتك يكون جاهز و متشال على جنب لو حصلت في الامور امور و فعلا اتسرب الخبر ها نحتاج الاعتذار ده يتنشر
بترسين : اوكي طيب انا هشوف موضوع الاعتذار اخلي المكتب الاعلامي يحضره و لو تأزم الوضع ننشره (قامت)
انا : (قومت)
بترسين : اسف على سوء التفاهم
انا : لالا ازي انا اللي اسف
بترسين : ميرسي لي زوقك
انا : شرفتي يا مس مترسين و بكره محضر لي حضرتك بروجرام سياحي تحت اشرافي ها تستمتعي فيه
بترسين : اكيد سحر هانم ها نتكلم بعدين
سحر : طبعاً شرفتيني

طلعت بترسين من المكتب
سامح : شاطر يا مازن شاطر
انا : (قربت من سامح و نزلت لي مستوه) عارف ما تفكر تكلمني بأسلوبك ده تاني لوحدنا او قدام اي حد تاني عرف هعمل فيك ايه قسمن بالله انفذ تهديدي لو فكار ان طلع من وره ضهري حريم دراعي يتلوي بيهم يا سامح تبقي عبيط ده انا اقطع
سامح : (بتحدي) دراعك
انا : لا يا حلو اقطعك طرنشات و ارميك في البحر لي القروش اللي انتا شايل اسمهم يا سامح و كلامي هنا خلص عارف مكان اوضتك وله لا
سامح : لا عرفها
انا : طيب يله يا شاطر علي اوضتك اغسل سنانك و رجلك و اشرب اللبن قبل ما تنام يا طفل علشان انتا مش ها تيجي تعرفني اعمل ايه و معملش ايه يا طفل اتفضل

اتعدلت و بصيت بعيد و هو مشي و انا فضلت ساكت
انا :تعرفي حياه عاشت معاها عمري كله عمرك يامي الله يرحمك و ربنا ينور قبرك يا رب عمرها ما صغرتني لي حد حتي لو كان مين في اوقات كنا بنبقي محتاجين فيه كل قرش حرفياً كل قرش و عملت مشكله مع واحد مأجر شقه بتعتنا و مشي عمرها مقالت روح اعتذر الانها عرفاني انا مش بغلط علشان اعتذر الله يرحمك ياما
سحر : (بغضب و صوت مجروح) كفايه بقي بس بس ايه حرام عليك داخل عليا و علي حياتي عمال تحبط يمين و شمال عايزني اعمل ايه عايزني اتعامل ازي
انا :ثواني دخلت حياتكم يعني متمشيش معاكي انتي اللي دخلتي حياتي و بعدين زعلانه على ايه على الست دي و انا بقولك متزعليش شايفه الست دي ها تمضي معاكي بعقد اكبر مما تتخيلي ابدا هيا بدأت بمليار لكن انا واثق انها ها تدفع كتير محدش فيكم كان صابر وله فكر يعرف انا بفكر اعمل ايه الست دي لو كان اتكسر القانون علشانها مكنتش ها تشتري وله تبيع معاكي علشان دي اجنبيه معندهاش مبدأ جميله معموله علشاني تعرف النظام و بس و اكيد سبتي ودانك لي الكلب اللي اسمه سامح اللي قرر فجأة كده بدون مقدمات بعد معرف اني ابنك و ليا حريم يتلوي دراعي بيها يظهر تاني لي صحبته و مرات صحبه اللي اتربه سوا في يوم و ليله جي يرمي عليكي مليار دولار صدفه دي وله ايه ياه على الصدف اللي بتيجي في رجلك ياض يا مازن الراجل اللي كل هدفه في كل قعده يتفه مني علشان يبرر اختيار مرات ابنه لي ابنه الناجح ابن الملياردير ليه علشان ابن عمها مش من مستوها افهمي اللي حوليكي قبل تهجمي

سبتها و مشيت
طلعت من المكتب و نزلت امشي مش عايز ارجع انا مش زعلان منها يمكن في جزء زعلان بس لا مش فاهم ليه خرجت عن شعوري قدامها كان المفروض احترمها اكتر من كده و بعدين هيا ليه زعلت لما جبت سيره امي ليه مهي امي و مهما حصل برده امي اصل مش ها غير نفسي في يوم و ليله علشانها
رجعت الشاليه بليل و طلعت فوق لقيت اوضه بابها مفتوحه خبطت و بعدها بصيت ملقتش حد لقيت الشنط بتعتي عرفت انها اوضتي فتحت الشنطه طلعت منها لبس النوم و لسه ها غير لقيت سحر في وشي
انا : خير
سحر : عايزه اتكلم معاك شويه
انا : في
سحر : اوضح ليك شويه حجات انتا مش واخد بالك منها
انا : (بصيت في الساعه) بسرعه علشان عايز انام
سحر :مش مطوله ممكن نقعد
انا : اتفضلي

قعدت انا و هيا على السرير و ولعت سجاره
انا : خير
سحر : بص انا منكرش ان سامح قالي شويه كلام عنك غريب و عرفه اني مكنش ينفع اتكلم معاك بالاسلوب ده الصبح بس حاول تفهمني شويه
انا : افهم ايه انتي طردتيني الصبح بالبلدي كده بتقولي حبيبي فوق لي نفسك انتا مش ها تفهم في شغلي انتا مستحيل عقلك يرتقي انك تفهم في شغلي
سحر : علشان دي الحقيقه انا قعدت سنين علشان افهم الشغل ده
انا : انا غيرك انا في السوق عارف التجاره يمكن يوم ما بدأتي انتي كان متأخد لكن انا اتمرمط في التراب علشان افهم
سحر : فهمك
انا : لا مش فهماني مش ها تفهمي يعني ايه شاب صغير ابن عشر سنين ينزل يتمرمط في الشارع بمزاجه علشان يجيب الجنيه علشان لما يكبر يعرف يتجوز حببته تصدقي علشان عمي اللي كان المفروض عمي يعني زمان علشان يحسن من صوره بنته انها سابت ابن اخوه ليه قالهم ده عيل بتاع مخدرات تخيلي مخدرات عادي فبصي مهما قولتي انا عادي بالنسبه ليا هبلعه الاني بلعت الاوسخ منه عادي بس مش مهم عندي موضوع سامح نهائي قد ما مهم عندي انتي ليه لدعتك عقربه لما قلتلك اني راجعت الحسابات مع سامي
سحر : علشان مش فاهم مازن انا اتمرمط زيك علشان اجيب الجنيه برده مش لوحدك انا اخدتها علي كبر بس الاجنده دي لوحدها تديني اكتر ما تفدني انا مش بتسرق انا بسرق نفسي بنفسي
انا : لا معلش افهم ازي
سحر : الشغل مشكله زي مانتا شايف كده دايما شغال مش دايما غير كده في فنادق محتاجه تترمم و تتجدد بعمل ايه بسحب فلوس من المجموعه بنسبه خسائر علشان اخف الضرايب من فوق دماغي و اعمل بيها مصلحه اشتري عماره اهدها و ابنيها و اخليها إيجار شعبي مش عن طريق شركه اشتري كم كيلو دهب اشلهم و بعدها ابعهم اكسب من فرق السعر و اصرف علي الهم اللي فوق دماغي اشتري حتت ارض في منطقه بسيطه عرفه انها ها تدخل كردون مباني و بعدها اقطعها و ابعها بالمتر كل ده علشان بس اقدر اعيش في المستوي اللي انتا شايفه ده و اعوض  الخسائر اللي بتيجي من وره اخويا اللي كل شويه يلعب زفت و يكتب شيكات و سددي يا سحر
انا : ما تعيشي على قدك
سحر : ازي اعيش على قدي ازي مفيش واحده من اخواتك ها تقبل بمستوي اقل من اللي هيا عايشه فيه احسن لبس و احسن اكل و احسن عيشه عارف يوم ما حبيبه دي تقولي يا ماما انا نزله اتفسح مع اصحابي بحط ايدي على قلبي خوف من الفاتوره اللي ها توصلي بسبب مصارفها عارف ادم ابن اختك عايش معانا بقاله قد ايه سنه و محتاج يتعلم و يلبس و يدخل مدرسه احسن مدرسه علشان مستوه الاجتماعي علشان كده لما سامح اتكلم عن العقد انا لغيت تفكيري كله و ركزت عليه مال الدنيا ميسواش حاجه قدامك وله قدام زعلك و لو على العقد ده يغور المهم انتا تكون راضي مقدرش اغير شكل حياتنا في يوم و ليله وله اقدر اعرفك كل حاجه في يوم و ليله انا مش متعوده على كده انا اتعودت ان محدش يحس بأي حاجه غيري و بس مينفعش حد من اخواتك يحس بحاجه
انا : غلط مينفعش هما مش اطفال صغيره اصغر حد فينا عنده ٢٤ سنه احنا كبار لزم نعرف و نفهم بناتك لزم يعرفه ان خلاص مبقاش في فرخه تبيض بيضه دهب خلاص مبقتش قادره لزم يجي وقت و كل واحده فيهم تبدأ تمشي حياتها انا لحد دلوقتي لحد الساعه دي لسه تجاره البن بتعتي شغاله موقفتهاش ليه علشان اصرف على نفسي لو مش عايزهم يشتغله يبقي علي الاقل يخفضه مصارفهم مفيش حل تاني
سحر : صعبه عليا يا مازن احرمكم من حاجه
انا : انا فاهم بس ها تعملي ايه
سحر : مش عرفه

و بدأت تبكي صعبت عليا اخدتها في حضني اهديها شويه لحد ما هديت و قامت راحت اوضتها و انا غيرت و رجعت السرير جالي احساس غريب و بعده عملت مكالمه خلصتها و نمت
علشان اصحي على صوت ادم
ادم : مازن اصحي يا مازن يله
انا؛. في ايه يا ادم علي الصبح
ادم : في واحده ست جميله اوي اوي قاعده مع تيته تحت زي القمر
انا : للدرجه دي
ادم : جدا شكلها جميل اوي
انا : عارف مقوم و اللقيها شبهك هعمل فيك ايه
ادم : شبهي يعني حلوه برده
انا : بره يلاا

طلع ادم بعد ما رخم عليا شويه و انا قومت اخدت دش و غيرت هدومي لبست شورت و تي شرت خفيف و كوتش و نزلت تحت لقيت رنا واقفه علي جنبه تحسه انها بتلمع اوكر
انا : رنا
رنا : ايه يا مازن
انا : في ايه
رنا : في واحده ست قاعده مع ماما بس ايه يا مازن موزه على الفرازه
انا : افندم
رنا : لا بجد بجد
انا : انتي و ادم برده
رنا : و الله الواد ده بيفهم بجد
انا : في ايه يا جدعان هيا سحر قاعده مع صوفيا لورن
رنا : اجمل
انا : لا ده الموضوع كبيره تعرفي تعملي قهوه
رنا : اعرف
انا : طيب ما تعملي واحد لي اخوكي حبيبك
رنا : عند امك
انا : طيب هو انا كنت طالع اقعد معاهم تحبي تقعدي معانا
رنا : جدا
انا : يبقى تعملي فنجان لي اخوكي الكبير و تحصليني و تبطلي قله ادب يله
رنا : طيب


دخلت رنا المطبخ و انا طلعت الصالون لقيت سحر قاعده اكيد مع بترسين
انا : صباح الخير
سحر : صباح النور يا مازن
انا : ايه ده مس بترسين عندنا ده شرف كبير لينا
بترسين : ميرسي يا مستر مازن
انا : لا انا مازن بس مش مستر مازن
بترسين : اوكي و انتا بترسين بس من غير مس بترسين
انا : كده ماشي
سحر : بترسين كانت حبه تتكلم في الشغل بس طلبت منها تصبر لحد ما تصحه من النوم و تتكلم معاها انتا
انا : تمام اتفضلي يا بترسين انا سامعك
بترسين  :اولا انا عجبني اسلوبك في النقاش بتتكلم من منطلق قوه
انا : تمام
بترسين : علشان كده عايزه اتفق على شروط عقد عقد كبير بيني و بنكم انا حبه انقل جزء من شغلي هنا مصر و احب ان اول شخص اتعامل معه في السوق المصري يكون انتم
انا : جميل
بترسين : عايزه اعمل عقد حق اداره لي ست قري سياحيه من عندكم منها القريه دي
انا : دوره التاج تمام
بترسين : موافق
انا : اسمع سعر
بترسين : زي ما هاخد حق الاداره ده هنا حبه كمان اتنازل ليكم عن حق اداره مجموعه فنادق في انجلترا شايفه انكم ها تعرفه تشغلوهم احسن مني ها حط ٤ مليار دولار في السته و هاخد اتنين منكم عن انجلترا
انا : (بصيت لي سحر و هيا هزت دماغها بأيوه) اللاسف مش ها نقدر نوافق
بترسين : ليه
انا : اولا السعر غير عادل اربعه مليار ازي القريه دي لوحدها قيمتها السويقيه في الشراء سبعه مليار دولار شاطئ خاص مساحه محترمه موقع ممتاز غير كده ابنيه و بنيه تحتيه مش ها تحتاج ترميم غير بعد سنين و سنين يعني يوم ما نحب ندي حق اداره لي القريه دي بس ممكن نقول اتنين مليار دولار
بترسين : مليار و نص
انا : اتنين إلا ربع
بترسين : اتفقنا
انا : طيب الباقي بنحكي في نص الرنج ده اللي هيا سبعه مليار يعني عقد حضرتك مينفعش يقل عن سته إلا ربع
بترسين : ههههه انتا شاطر اوي
انا : لا مش شاطره بس انا عارف انا بقدم ايه
بترسين : اتفقنا نتكلم بقي في فنادق انجلترا
انا : ملها
بترسين : نتفق
انا : اتفقنا على ثلاثه مليار دولار بس ننفذ العقد بعد سنه
بترسين: اشمعنا سنه
انا : عندنا نسبه إشغال كبيره
بترسين : بس انا حبه انفذ العقد ده مع ده
انا : صعب
بترسين : ليه
انا : السؤول الاهم انتي ليه مصممه تتخلصي من الفنداق دي
بترسين : فشلت فيهم
انا : اه يعني الدنيا معكوكه هناك و ها تكلفنا كتير (بصيت لي سحر)
سحر : (ركبت ورايا) يبقي المبلغ المطلوب مبالغ فيه اوي اوي
انا : جدا
بترسين : خلاص نعيد التفاوض على السعر
سحر : مليار و نص
بترسين : لا مستحيل يا سحر مبلغ قليل اوي
انا : خلاص يبقي بعد سنه
بترسين : بعيد دي مجموعه فنادق حكوميه بتملكها العائله المالكه في انجلترا انا منظري واحش اوي قدامهم بسبب الخسائر دي كلها لو الوضع فضل كده انا مش هقدر استثمر في انجلترا تاني
انا : خلاص مليار و نص و ننفذ العقد ده مع العقد ده
بترسين : اوكي يا مازن
سحر : تمام اتفقنا
انا : تمام يا بترسين ها تحبي تقعدي على البول وله البيتش
بترسين : لا البول
انا : اوكي و حابب انك تحضري نفسك علشان النهارده حابب اعزمك على العشا
بترسين : (سكتت شويه و بعدها ابتسمت) اوكي
انا : اتفضلي
بترسين : شكرا و ها نتظرك على البول
انا : جي دلوقتي

قامت بترسين وصلتها لحد الباب و رجعت تاني
انا : امين
سحر : (بسعاده) عارف يا مازن لو مضينا العقد ده ليك عندي هديه كبيره اوي
انا : مش لزم فشخره خلينا في المهم دلوقتي انتي مش ها تدفعي فلوس ها يتخصم دي من دي و تعملي حسابك تبدأي تررمي الفنادق اللي محتاجه ترميم بس في الاول تفرزي يعني مين اللي في مناطق حيويه و مين اللي لا اللي لا ده تشوفي شركه تاخدهم إداره و بس اللي ها يدير ها ياخد بسعر حناين علشان ها يرمم كمان
سحر : دي صعبه شويه
انا : لا مش صعبه كله بالحنيه بيفك يله نروح البول نقعد شويه بس حزاري ثما حزاري اي واحده فيكم تلبس مايو اللي عايزه تلبس شرعي تمام عرفه يا سحر ما اشوف واحده فيكم لبسه مايو قطعه او اتنين او حتي بكيني هعمل فيها ايه
سحر : ايه
انا : ها غرقها
سحر : يا لهوي ليه
انا : لا بقولك ايه انا دمي حامي شطه مولع محبش اللي بيدلع علشان اجبلك من الاخر ماشي (البنات كانه مرصصين على السلم سامعين) الكلام ليكي و للي ورايا اللي ها شوفها لبسه مايو ها زعلها (لفيت ليهم) فاهمين

طلعه يجره على فوق و نزل سامي و هو لسه صاحي من النوم
سامي : صباح الخير يا جماعه
انا : صباح العسل احنا قاعدين نعمل صفقات و حضرتك نايم و انتا نايم و مغطيها في شريكات بنبنيها اطلع اغسل وشك و غير هدومك و حصلني نفطر
سامي : ما نطلب الفطار هنا
انا : ايه ده بجد ازي لما هما قاله ممنوع المأكولات و المشروبات
سامي : مازن حبيبي احنا اللي بنقول هنا
انا : لالا الجرائه وخداك في حته تانيه
سامي : اطلبي الفطار يا سحر
انا : طيب معداش عليك رجوله وله هيا الجرائه و خلاص
سامي  : خلاص خلاص اطلبه انا من الاوضه عندي (تخن صوته و ادانا ضهره طالع لي فوق) احم
انا : و لما اضربه على قفه دلوقتي يقوله ضرب خاله يعني
سحر : لا عيب ميصحش
انا : انا بقول كده برده

قعدت جنب سحر و بدون مقدامات لقتها بتحضني
سحر : انا فرحانه بيك اوي
انا : ههههه ماشي يا عسليه
رنا : الله الله ايه يا عم مازن مكوش علي المزز كلها ليه
انا : البت دي بدأت اشك انها بنت اصلا في العادي البنات بتغير لما تشوف واحده احلا منها
رنا : لالالالا انا بعاكس علي طول مش بغير المهم عايزين نفطر و ننزل المايه شويه
انا : انتي سمعتي انا قولت ايه
رنا : سمعت و كلمنا محل هنا ها يبعت لينا ثلاث مايوهات بكيني
انا : نعم
رنا؛ قصدي قصدي شرعي يعني يا مازن كبر دماغك
انا : لا مفيش كبر دماغك شرعي يا رنا و إلا ها نفذ تهديني (بصيت لي سحر) و انتي اوعي تخطي المايه امين انتي ست كبيره و كباره اقعدي على الحرف
سحر : ماشي يا ميزو
انا : ميزو تاني و ها خليكي تنزلي المايه عادي
رنا : ههههه ايوه يا عم الدلع كله

الجرس رن و قومت فتحت كانه روم سرفز و معاهم الاكل دخلتهم حطوه و حطه علبه شكلها شيك شويه و مكتوب عليها لي السيدات بالانجليزي
نزلت حبيبه و مرام و ادم من فوق و بعدهم سامي و قعدنا نفطر بس ايه ده القريه فيها فول و طعمه حلو كمان كملنا الفطار و قومنا غسلت ايدي و عملت قهوه ليا ولعت سجاره و قعدت اشربها في الهوا لحد ما يجهزه خلصت قهوتي و هما جهزه و طلعنا من الشاليه اخدنا عربيه جولف و روحنا البول لقيت بترسين قاعده و لبسه مايو قطعتين
ادم : اوووووو هذا ما لم نسمع به من قلب
انا : بس يا قليل الادب
ادم : ماشي ماشي سلكه معاك يا عسل
انا : اموت و اعرف بتتعلم الكلام ده منين
مرام : (كان معاها تلفون خلصته و قفلت)
سحر : في ايه يا مرام
مرام : المدرسه بتاعت ادم طلبني لي اجتماع اولياء امور بيقوله المدرسه حد اشتراها و الاداره اتغيرت الاداره الجديده عايزه تعمل اجتماع أولياء امور
سحر : بلغه صاحبنا
مرام : طلبت منهم انهم ميبلغهوش
سحر : كويس اروح انا و انتي
مرام : اوكي

وصلنا لي بترسين
انا : اتأخرنا
بترسين : شويه
انا : كنا بنفطر
بترسين :اوكي
انا : نسيت اعرفك خالي سامي مدير قسم الحسابات في المجموعه
بترسين : تشرفنا
انا : مرام اختي الكبيره ابنها ادم و حبيبه اختي التانيه و رنا اختي
رنا : التوئم
انا : توئم
بترسين : تشرفنا يا جماعه اتفضله
انا : مش عايزين نزعجك
بترسين : لا مفيش ازعاج اتفضله

قعدنا اتكلمنا شويه بترسين بتتعرف عليهم شويه
و حصل اللي كنت اتوقعه جيه سامح و معه ابنه احمد و سما مراته هههههه الفكره ان موقف زي انا عامل حسابي عليه
سامح : صباح الخير
بترسين : صباح النور ايه ها نتقابل صدفه بعد كده وله ايه
سامح : صدفه ازي انا سألت انته فين و جيت اعرفك احمد ابني
بترسين : اهلا
احمد : اهلا بيكي مراتي سما
بترسين : اهلا
سامح : ايه مفيش اتفضله وله ايه يا مازن
انا : و انتا محتاج عزومه يعني اتفضل
احمد :اخبارك يا مازن عامل ايه
انا : بخير كالعاده
احمد : يارب دايما يا صحبي مش تعرفنا وله ايه
انا : لا
احمد : افندم
انا : مش عايز اعرفك يا سيدي انا حر
احمد : اممممم برده طيب يا صحبي ملحوقه اعرفهم انا اعرفكم يا جماعه بنفسي احمد القرش
انا : احلا حاجه فيك انتا و ابوك حاجه واحده بس
احمد : طيبه قلبنا
انا : لا مختارين نوع من الحيوانات قريب جدا لينا خطوتين في عرض البحر تعرفهم قرايبك
احمد : مين دول
انا : اللي شايل اسمهم افتكر انك ها تحتاج تتعرف عليهم

صوت من وره : مش لما يعرف اللي فوق البحر الاول
انا : هههههههههه على حق يا ابو شاهين اعرفكم يا جماعه صقر شاهين العابد ابن كبير قبيله العابد في المنيا اخرت ياض
صقر : معلش عديت على عمي سلطان الصبح
انا : اعرفك خالي سامي
صقر : تشرفنا
انا : امي
صقر : تشرفنا يا ام مازن
انا : اتفضل يا صقر منور مكان اخوك اتفضل
صقر : منور بيك يا اخوي (قعد جنبي و طلع من جيبه كيس) المنيا بتمسي
انا : (اخدت الكيس و شميت ريحته) لا الواد صفوت عامل شغل عالي و مدور الشغل كويس
صقر : تربيتك و تربيتك متطلعش فول
انا : صحيح نسيت اعرفك على ابن اختي ادم
صقر : (مد ايده ليه يسلم)
ادم : (سلم علي صقر)
صقر : سبع زي خالك يا واد (بص لي سما) منوره يا مرات صحبي
سما : ده نورك يا صقر
انا : احمد كان لسه ها يجيب في سيرتك دلوقتي
صقر : بالخير يا احمد
احمد : مش باجي غير في الخير
انا : اعرفك مس بترسين شركتها ها تتولا اداره القريه دي
صقر : انعم و اكرم و احب اعزمكم بكره على يوم في قبيله العابد
انا : خيرك سابق يا اخوي
سامح : ثواني هو انته قعدته مع مس بترسين من غير علمي
انا : اولا انا النهارده صحيت على وش مس بترسين و قعدنا و اتكلمنا و اتفقنا كمان
بترسين : قولنا بلاش مس بترسين بلاش تكليف يا مازن
انا : (بنظره متحرش) اخراشي علي مازن
بترسين : (اتكسفت بس بصت لي سامح بحده) سامح عندك مشكله وله ايه
سامح : (بلع ريقه) لا مفيش
صقر : جاب ورا
انا : اوي
بترسين : مش فهمه بتقوله ايه
انا : بقول يعني ان في ناس بتبقي سبع رجاله في بعض تمام و في الاخر تقلب
بترسين : تقلب ايه
انا : قروش يا قمر
حبيبه : انته اصحاب من زمان
انا : عشره عمر عيش و ملح اعرفك يا صقر اختي الكبيره اعرفك صقر اخونا برده
صقر : عشت مازن ده صحبي لحد ما بقينا اخوات
انا : يا سامي
سامي : خير يا مازن
انا : هو كمال موصلش من القاهره (شاورت لي شاب واقف من موظفين الفندق)
سامي : ها يوصل النهارده
انا : كويس بس لوحده
سامي : اكيد
شاب : ايوه يا فندم
انا : تشربه ايه يا حجه
سحر : عصير مانجه
حبيبه : ايس لاتيه
مرام : ممكن ايس شوكلات و كمان عصير ليمون
سامي : موخيتو
رنا : قهوه ساده
انا : استني المرحوم طيب
رنا : هو شكله كده كده ميت يبقي نجيب القهوه بدري بدري
انا : علي رأيك يا معلمي صقر
صقر: ساده اصله كان حبيبي
انا : يبقي ثلاثه قهوه ساده من البن ده باتي تشربي ايه
بترسين : (خدودها احمرت) ممكن سموزي برتقال

لسه سامح ها يطلب
انا: بس كده يله خد البن في ايدك و تجيبه كمان اوعا تنسه
شاب : ههه تمام يا مازن بيه بعد اذنكم
احمد : استنه يابني
شاب : ايوه يا فندم
احمد : مش تصبر تشوف ها نشرب ايه وله احنا ملناش اعتبار
شاب : لا ازي مصحش ده غلط مني تحت امرك
احمد : تشرب ايه يا بابا
سامح : قهوه زياده
احمد : و انا كمان زياده سما
سما : عصير سموزي برتقال
شاب : اي اوامر تانيه
احمد : لا و اتفضل
انا : استنه البرتقال بتاع باتي هاته اسمعلاوي و التاني هاته منياوي ماشي
شاب : (ماسك الضحك بالعافيه) حصل يا فندم

في عرف الجرسونات و طلبه سياحه و فنداق عرفين لما الزبون يطلب و يطنش فئه يبقي مش عامل ليها اعتبار و لو طلبه مشاريب زي الباقي و واحد فرق بين اتنين من نفس الصنف يعني سك التاني و اللي بيقوله سك مش اي حد ده صاحب القريه
بترسين : على فكره يا مازن انتا وعدتني برحله هنا في شرم فين بقي
انا : بكره اول البرنامج قبيله العابد ها نعمل سفاري و بكره نعمل دايفنج و سنركلنج
احمد : هههههه بتقول ايه الاتنين واحد
بترسين : لا مش واحد هو فاهم بيقول ايه و انا فهمه سامح سكت ابنك (كلمتني) ماشي بس عايزه اعمل حاجه مختلفه
انا : ليكي في الصيد
بترسين : طبعا انتا ليك في الصيد
انا : طول عمري صياد
بترسين : ماشي نعمل تحدي و ننبسط
مرام : مازن
انا : ايوه
مرام : احنا معاك في حسبه الخروجه دي صح
انا : اكيد يا ام ادم
مرام : ماشي
احمد : صحيح يا مازن هو فين اخواتك
انا : البنات قدامك وله اتعميت و الرجاله في الصعيد متخفش
سما : اخواتك منين دول ولاد عمي انا
انا : تحبي اسمعك بودانك كلامهم و اكسف وله تتكسفي من دلوقتي اسهل علشان الرصيد بس
بترسين  :واو انتا عندك اخوات تاني
انا : طبعا عندي امير و ياسر و صقر اهو قاعد جنبي
احمد : مس بترسين ايه رأي حضرتك في الازمه الاقتصاديه اللي بتحصل في روسيا بعد العقوبات عليها
بترسين : (ابتسمت نص ابتسامه) مش حبه اتكلم في سياسه بلدي انا في اجازه
احمد : لا بس حبيت اعرف و كمان تأثير ده في شغلنا
بترسين : شغلنا!!!!! اللي هوا ايه
احمد : شغلنا في الغاز و البترول مع شركتنا
بترسين : ايه قلقان
احمد : طبعا (حط رجل على و اتكلم بثقه) اصل الموضوع لو طول كده ها تواجهنا صعوبات كتير اوي
بترسين : احنا معانا شراكات مع شريكات رأس ملها يساوي راس مالكم عشرين ثلاثين الف ضعف و محدش قلقان (بصت ليه من فوق لي تحت بزدراء) انتا قلقان (بصت ليا) صحيح يا مازن ايه رايك في الموضوع ده يعني روسيا ازي تخرج من الازمه دي بعد احتلال شبه جزيره القرم
انا : اقفله خط نورد ستريم ون و علقه العمل في خط نورد استريم تو اقطعه الامدادات من الغاز و البترول وقتها الاتحاد الأوروبي ها يسعه لي التسويه علي الارض و يبقي الوضع كما هو عليه
بترسين : (ابتسمت) عندك حق يا مازن ده الحل عارف كل شريكات اللي معانا في الغاز و البترول بس الشريكات الكبيره بس شافت انها مسأله وقت مش اكتر محدش قلقان غير الصغيرين
صقر: اضرب يا مغربي
انا : مغربي ضرب

ضحكت انا و صقر و احمد دمه اتحرق حد قاله يتكلم
سحر : صحيح يا بترسين عايزين نقعد و نخلص الورق
بترسين : خليها بعدين انا مبسوطه بالاجازه مش حبه ادخل في دوشه الشغل خالص دلوقتي
سامي : فكره جميله الشغل مش ها يطير
انا : انتي تخلصي اجازتك و قبل ما تسافري نكون خلصنا كل حاجه
بترسين : ماشي يا ميزو زي ما ولدتك بتحب تقولك
انا : هههههههههه
سحر : ههههه يا حببتي قولي اللي تحبيه مازن زي اخوكي برده (من وره قرصتني) وله ايه
انا : اهه طبعا طبعا
ويتر : (جاب المشاريب و حطها و كيس البن) اتفضله
انا : صحيح هو المسرح فيه عروض ايه النهارده
ويتر : في عرض الباليه الروسي و عرض الفنون الشعبيه و كمان في مطرب
انا : بجد مين
ويتر : عمر دياب
انا : تمام شكرا

مشي الويتر
حبيبه : الله عمر دياب واو
انا : بتحبيه
حبيبه : اوي اوي
انا : النهارده تدخلي الكواليس تتصوري معاه و تاخدي امضاء كمان
سما : بلدي اوي (اخد بوق من العصير بس معجبهاش) ايه ده العصير طعمه واحش اوي اوي ايه القرف ده
بترسين : (اخدت بوق) بالعكس العصير حلو و شكله فرش
انا : اهو ده يا باتي الفرق بين عصير البرتقال الاسمعلاوي و البرتقال المنياوي
بترسين : (بصت لي شكل سما) ياي لا مش عايزه ده بتاعي طعمه حلو
انا : و هو ده الفرق
سامح : احمد خد مراتك و اتمشه شويه
احمد : يله يا سما

قامت سما مع احمد و مشيه
سامح : سحر بعد اذنك عايزك في كلمه لو سمحتي
سحر : طبعا يا سامح اتفضل

قام الاتنين و مشيه و انا مش في دماغي عادي يعني مش قصه
سحر : خير يا سامح
سامح : ينفع اللي بيعمله مازن ده يا سحر
سحر : و هو عمل ايه
سامح : عامل يستفز احمد
سحر : و احمد جايب مراته علشان يغيظ بيها مازن
سامح : مش قصده ده مورهمش غير الخناق و جايين في خناقه جبتهم هنا يغيره جو و الله
سحر : سامح
سامح : ايوه
سحر : ايه اللي خلاك تظهر مره واحد كده في حياتي من تاني ايه الجديد
سامح : (توتر) الشغل طبعا
سحر : سامح انتا بتكذب
سامح : (تنهد بشقاء) يعني لو قولت الحقيقه ها تصدقي
سحر : ايوه
سامح : انا رجعت علشانك يا سحر انا مش عايز حاجه خالص وله موضوع بترسين ده يهمني كان ممكن اقعد هنا لحد ما تتفقه و ارجع لما العقود تتمضي اخد نصيبي و امشي خلاص بس انا مش قادر انسا يا سحر
سحر : لزم تنسا يا سامح لزم لو زمان في احتمال صغير دلوقتي مستحيل ابني و ابنك مش بيحبه بعض
سامح : و احنا مالنا الواد و عايش في بيته مع مراته بعيد عني من الاساس مفيش حاجه ها تتغير
سحر : (بصت لي سامح شويه و ردت) انا معش غير في بيتي
سامح : تحت امرك قصر الخديوي مش غريب عني
سحر : وله قصر الخديوي
سامح : شاوري اعملك قصر زي بتاع اميرات دزني ليكي لوحدك ملكك بتاعك سحر انا لسه بحبك بعد كل ده
سحر : (بصه لي سامح بتفكر و شايفه الصدق في عينه و متأكده ان احساسه صادق) طيب يا سامح اديني بس فرصه افكر
سامح : في ايه سحر فوقي العمر بيضيع منا
سحر : سامح اديني وقتي افكر و اقرر و اشوف ازي ها كلم ولادي
سامح :خدي وقتك يا سحر انا مش مستعجل بس صدقيني انا لسه باقي
سحر : طيب ممكن نرجع
سامح : تمام يله

اخدها و رجعه تاني لينا و قعدنا عادي جدا بتكلم انا و بترسين و اخواتي و صقر قاعد يقول كلمه اتنين مش عادته يتكلم بالقطاره بس لما يكون مكسوف لا مش بيتكلم خالص
قعدنا لحد الغداء و طلبنا اكل البول
انا : (بصيت في الساعه) هو احمد مرجعش يعني
سامح : يرجع ليه
انا : علشان نتغدا سوا اسره مع بعضينا
سحر : (كانت بتشرب مايه لكن وقفت في ظورها و شنقت قعدت تكح لحد ما خلاص راحت)
انا : ايه مالك
سحر : لالا مفيش
انا : طيب كلمه يا عمو سامح
سامح : ماشي

اتصل عليه و بلغه يرجع علشان الغداء و جيه مع سما و ابنهم قعده و الغدا نزل كان اكل بحري
انا : اوبا اكله السمك دي ها تروق الدنيا
سامي : على مين
انا : عادي يعني يا سامي متركزش كول فسفور يا عمو سامح كول كويس و رم عضمك
سامح : (زور هو كمان و قعد يكح) ايه يا مازن مالك
انا: مالي مفيش
سامح : طيب كول انتا
انا : باكول عادي بس انتا راجل متجوز دوس بقي ها دوس المتجوزين يدوسه في الفسفور
احمد : يعني ادوس
انا : تدوس ايه انتا لسه شباب يابني هههههه خلي بس ابوك يدوس يمكن يجبلك قرش صغير هههههه
سامح : كبرنا يابني
انا : كويس انك عارف
سامح : (رجع تاني يكح جامد) قصدك ايه
انا : في ايه يا عم الحج عادي مكنش افيه اتقال في وقت روقه خلاص محدش ياكل
بترسين : الصراحه الاسماك في البحر الاحمر و المتوسط رائعه مش زي اسماك المحيطات
انا : طبعا الواحد لو عمله شركه صيد صغيره كده و معدات تغليف يصيد و يغلف و يصدر اوف حوار
احمد : والله فكره مشروع حلوه تعاله نعملها امولك فيها
انا : مش محتاج تمويل يا قلبي مكن التعبئه و واحد حبيبي بيصفي شغل تعبئه و ها يجي بنص التمن و لو على الصيادين عادي ابدأ في الاول شرا منهم لحد ما اقف على رجلي و يبقي عندي مراكب و صيادين خاصين بيا يعني حسبه ٢٠٠ الف مش قصه
احمد : مستحيل انتا ظبطها ازي
انا : عادي بقولك يا ابو شاهين
صقر : خير
انا : عايز بكره تظبط الدنيا عندنا ضيفه لزم تشوف سيناء حته حته
صقر : اعتبره حصل

كملنا اكل لحد ما خلصنا و طلبنا شاي انا طلبت شاي اخضر و بعد شويه بترسين بردت قامت رجعت اوضتها و اخواتي البنات قاله يرجعه اوضهم و سما مشيت
احمد : (بص لي ابوه و ابوه هز دماغه) بقولك يا مازن
انا : خير يا قلب مازن
احمد : عايز اتكلم معاك شويه
انا : في
احمد : نصفي اللي بنا انا و انتا و صقر عيب احنا اكتر من الاخوات
صقر : اللي تشوفه انته الاتنين انا مليش فيها لا ناقه وله جمل
احمد : طيب يا مازن ايه
انا : طيب نتكلم في الاخر احسن
احمد : يبقي احسن
انا : طيب نفس كلامي مع ابوك امبارح القصه القديمه نستها نهائي مش في دماغي احنا كبرنا و اللي حصل كان لعب عيال خلينا متفقين علي ده ماشي
احمد : ماشي
انا : يبقي نقطه و من اول السطر ها تغلط هغلط انا لساني متبري مني و انتا عارف يبقي نحترم دماغ بعض احسن
احمد : ماشي يا مازن نحترم بعض
انا : يبقي خلاص اتفقنا
سامح : ايوه كده ارجعه زي زمان اخوات و اصحاب
انا : اكيد يا عمو
سحر : طيب ارجع انا لي البنات بعد اذنكم يا جماعه
سامي : استني اجي معاكي بعد اذنكم
سحر : يله

مشي الاتنين
احمد : (بص في تلفونه و قام) ارجع لي سما علشان بترن عليا سلام (مشي)
انا : هههههه اكله السمك عملت شغل
سامح : هههههه والله انتا مصيبه يا مازن
انا : طول عمري
سامح : اقوم انا ارجع الشاليه اريح شويه
انا : طيب يا سيدي

مشي سامح و اخدت صقر و طلعنا لي المكتب بتاع الاداره دخلت و قعدنا و انا وقفت عند القزاز باصص لي البحر
انا : احكي يا صقر
صقر : في ايه
انا : اللي ماسك لسانك عليه
صقر : و عرفت منين
انا : صقر انتا لو بنت كنت اتجوزتك وقتي يابني انا بفهمك من غير ما تتكلم
صقر : يبقي فاهم انا عايز اقول ايه
انا : ليه فتحت الباب لي احمد صح
صقر : صح
انا : و مين قال اني فتحت الباب لحمد ههههه صقر انتا لسه لحد دلوقتي متعرفش اخوك يا راجل مفيش حد خلقه ربنا يستحق الامان بنسبه ١٠٠٪
صقر : و انا
انا : انتا مش حد يا صقر انا و انتا واحد انا عملت ايه اخدته على حجري تاته تاتة خطي العتبه واحده واحده علشان اعرف اصيده بعدين و مين قالك ان القصه دي انتهت بالنسبه ليه اصلا انا لو عندي شك و لو بنسبه واحد في الميه انه خلاص بقي راجل و ينفع اديله الأمان ها ديله بس لا مش حاسسها من نحيته بس مفيش مانع من اني
صقر : تاخده على حجرك
انا : بالظبط انا ليا مصلحه يبقي اخده على رجلي و اهشكه و ادلعه و اشيله في نن عيني و بعدها بطول دراعي و ارميه هههههه عيب يا صقر احنا مش صغيرين علشان ناكل من الكلمتين دول
صقر : هههههه الصراحه قولت خلاص ها تفتح الباب تاني
انا : مستحيل الموضوع بس عايز شويه وقت و اطلعه من حياتي نهائي و اقفل الباب وره و اطفي النور علشان يتكعبل و هو خارج هههههه

واقف باصص لي البحر و بفكر و لمحت حاجه لونها احمر عليا نقطه حمرا و بعدها القزاز اتكسر و انا وقعت على الارض


يتبع......