تاجر البن (البداية)

مياة عاكرة

الفصل التاسع

في اوقات يا عزيزي القارء الجميل لزم تكبر دماغك بلاش تدخل نفسك في المشكله او تشتري دماغك منها لكن في اوقات تانيه لو مأخدتش موقف بتكون غلط الموقف يا عزيزي من الاشياء الاساسيه في حياتنا في حجات تحفزنا ناخد الموقف و في حجات تانيه لا و ده يستلزم حكمه كبيره منا علشان نعرف الفرق بين الاتنين بس اللي يستلزم حكمه بجد هو رد الفعل في الموقف نفسه خلي بالك يا عزيزي لكل فعل رد فعل في ناس بتحب تبالغ في رد الفعل و رد الفعل وقتها يتحول لي فعل حقيقي و الفعل الحقيقي ليه رد فعل توهت مني معلش تعاله نكمل

 

بدايه الفصل

في العربيه عند صقر
شاهين : شد شويه يا صقر
صقر : حاضر يا ابويا بس ها نسحب السلاح ازي من عمي
شاهين : معرفش بس عمك رايح يعمل مصيبه
صقر : المصيبه لحسن مازن يتحمق لي المحامي و يقول في مكاني
شاهين : انيل بقولك شد
صقر : حاضر بس لزم احذر مازن

رفع التلفون و كلمني

عند علي الصمدي في العربيه

سامح سايق بسرعه و علي جنبه
علي : هدي رجلك شويه يا سامح ها نموت
سامح : متقلقش بس نلحق الشيخ سلطان لحسن يقتل ماهر
علي : هدي رجلك بس و اشتري دماغك شغل الكاست
سامح : كاست ايه مش قولت ماهر دياب مهم بالنسبه ليك
علي : مش قوي يعني بس تمام


جوه الفندق

قاعد انا مع البيت و انا عارف و متأكد من رد فعل الشيخ سلطان ها يكون ازي بلغت كمال يبعت بتوع الخدامات لي النزلاء و ياخدهم المسرح الرماني و يطلع الفرقه تعزف و كان حمام السباحه فاضي قبل ما صقر يرن عليا وشوشت ادم انه يروح يجيب عصير و مشي اتصل عليا صقر بلغني و دخل ماهر يستنجد بيا في نفس اللحظة اللي دخل فيها الشيخ سلطان مع رجالته و سحب سلاحه شد الاجزاء و لسه ها يحط المسدس على دماغ ماهر بس انا رفعت ايده و الطلقه طلعت في الهواء
في دخول علي الصمدي مولع سجارته و حاطت ايد في جيبه و ماشي يدنجل و صقر و شاهين داخلين جري
سلطان : ترفع يدي يا نكره (ها يضربني بالكف )
انا : (مسكت ايده ) عيب يا شيخ سلطان لما ترفع سلاح في مكاني
سلطان : وش راح تسوي

سمع صوت شد اجزاء اسلحه كتير بس مش شايف اي حد خالص
انا : شوفت وش راح اسوي يا شيخ
علي : لالا يا شيخ سلطان نزل سلاحك و ايدك عيب قدرني
سلطان : هذيك النكره يهين بنيتي
انا : و ادبه عندي طول مهو في مكاني (روحت نازل على وش ماهر دياب حتت قلم يسور ) خلصت
سلطان : ما بتخلص غير بالدم
انا : (كشفت كتفي ليه وسط رجالته و على كتفي وسم (الوسم غير الوشم يا عزيزي الوسم ده حفر في الجلد بحديد مسخن ) دخلت مكاني وسط امي و اخواتي رفعت سلاحك في وشي و وشهم و عهدي عليك تأدب نفسك انا منك يا كبير
سلطان : (بص لي الوسم و افتكرني و افتكر انه وسط ناسه مينفعش يتعدا عليا و إلا يبقي العهد باطل و يبقه زيهم زي البدو ملهمش عهد وله وعد )
شاهين : يا خيي حق بتنا راح نجيبه بس ما يصير نضرب اللي منا
سلطان : اتهانت في حضرته و وجوده
انا : و حقها اترد في حضورك و وجودك وجود كبيرها
علي : (ببرود )شيخ سلطان افتكر ان احنا لزم نتكلم بهدوء انا ضيف عند الناس دي و مفتكرش ان الحريم ينفع يشوفه اللي حصل لم السلاح و الرجاله (حط ايده على كتف سلطان ) نخلصها صح احسن ما يبقى ليها ديول
سلطان : (نادم )فهد يا فهد
فهد : ايوه يا شيخ
سلطان : لم الرجال و ارجعه
فهد : امرك يا شيخ

طلع فهد مع رجاله الشيخ و وقف الشيخ متعصب
انا : هدي يا شيخ هدي
سلطان : اللي صار ما يترد غير بالدم
انا : خلاص دم و دم خدني انا مكانه
سلطان : ماشي باخدك مكانه
سحر : لالا
انا : (بصيت لي سحر بهدوء )بس (بصيت لي سلطان )اتفضل يا شيخ انا تحت امرك
سلطان : (طلع خنجره ) تقطع العهد
انا : اقطعه و بأيدي
سلطان : عهدنا رخيص عندك
انا : لا مش رخيص قطع العهد ها يخسرني صاحب عمري ايوه بس يكسبني كرامتي اللي ملهوش امان على الضيف ملهوش امان على الصاحب (بصيت لي صقر )سامحني يا صحبي سامحني يا عمي شاهين بس الراجل في بيتي و بيتي محدش يدوسه كفايه اني اسمي منكم و اخدت طلقه في ارضكم
علي : (ابتسم بأعجاب و رد بوقار )شيخ سلطان اللي يحافظ على عهد الإمان يبقي اخ شريف ليكم
سلطان : هقطع عهده و بعدها احلل دمه
علي : و ماله (اخد نفس من سجارته في هدوء) تعرف اساسا مازن منين من الصعيد منياوي بلدياتي اقطع عهد العرب و يرجع صعيدي
سلطان : (بص لي علي بتعجب ) ها ترده صعيدي
علي : و تحت حكمي انا امير الصعيد
سلطان : بتخسر علاقتنا علشانه
علي : الصراحه ايوه ده شاب جدع يعرف يرد الأذا عن ضيفه و دي رجوله و شرف كبير اني ارده صعيدي
سلطان : (بص ليا )بتخسرنا
انا : بس اكسب كرامتي يا شيخ
شاهين : على الحق يا ولدي
سلطان : شاهين
شاهين : الحق حق و الاصول اصول و هو عده العيب يا شيخي
سلطان : (بص ليا بثقه )سلاحي طلع
انا : في بيتي
سلطان : مش انتا منا يبقى بيتك بيتي
انا : (ابتسم بثقه )يبقي حقك واجب (مسكت حد السلاح و قبضت عليه جامد و سحبت ايدي و اتجرحت حسيت بالالم بس تحاملت على نفسي و ابتسمت في وشه )سلاحك متردش خايب بس بدم اللي منك
سلطان : (هنا بقي خلاص سلطان وصلت معه لحد اخرها انا حملته الدم )ماشي
انا : دمي اللي صفه الغريب عند مين
سلطان : عندي
انا : و انا قابل بحكمك يا شيخي
علي : اتفضل معايا يا شيخ سلطان تعاله

اخده و مشيه راحه قعده تحت شمسيه تحتها كرسين و سحر جابت فوطه بسرعه و كتمت الدم
سحر : ليه يا غبي
انا : (بصيت لي سحر بثقه )علشان يعترف بيا
سحر : مش محتاج اعتراف من حد بيك انتا لوحدك كفايه
انا : اللي ملهوش عزوه و اللي عزوته حريم ملهوش سعر يامي
كمال : (دخل بسرعه و في ايده شنطه اسعافات اوليه فتحها و طلع مطهر و شاش و قطن ) هات ايدك
انا : (مديت ايدي ليه )سحر خدي البنات و ارجعي الشاليه
سحر : ماشي يله يا بنات
انا : مس بترسين افتكر انك مش ها تقبلي بعد كده بالشغل بنا
بترسين : (بصت ليا بأعجاب )العكس انا متحمسه لي الشغل معاك اوي يا مازن (قامت ) المحامي ها يوصل بكره اتمني تكونه جاهزين
انا : لما ماهر يفوق من الغيبوبه اللي هو فيها الاول ده انا ضربته قلم مش رصاصه
كمال : الخضه واحشه ههههه
انا : عندك حق ههههه

كتم كمال الجرح و لفه كويس و انا روحت ليهم تحت الشمسيه
انا : يا سيخ سلطان اكبر الامور تتحل البنقاش
سلطان : لسه متخلقش اللي يهين بنتي و انا عايش
انا : عندك حق و حقها رجع و هيا قاعده
سلطان : لو فكرت تهددني برجالك تاني ها طبق عليك قانونة
انا : (ولعت سجاره بهدوء )و لو فكرت تدخل مكاني تاني بسلاح ها طبق عليك قانونك
سلطان : انتا تطبق عليا قانون جدودي و جدود جدودي مين انتا ويش تكون
انا : (ابتسمت بثقه )العبد الفقير إلي الله مازن هارون الخديوي القانون يا شيخ هيا لعبه مفتوحه للي عايز يلعب و قانونكم بيديني حق عليك و انا عايز حقي من اللي ضربني بالنار شيخ يا سلطان انتا مش كاسر عيني و زي ما قولت عايز تقطع العهد اقطعه احنا فيها
سلطان : (بص ليا ببرود ) شكل كريمة كان عندها حق فيك (قام ) دم اللي مات و اللي اتصاب عندي
انا : و تعويض اللي مات ٣٠٠ الف جنيه ها يوصله مع صقر اخويا

مشي سلطان
انا : كمال
كمال : ايوه
انا : طلع من خزنه القريه ٣٠٠ الف حطهم في شنطه و جبهم
كمال : حصل (مشي كمال )
صقر : اموت و اعرف جبت منين رجاله و سلاح لحد هنا و احنا منعرفش و كيف قدرت توقف عمي
انا : و مين قال اني محتاج رجاله و سلاح اساسا
صقر : و صوت الاجزاء اللي سمعنه
انا : عادي عند المايك الداخلي لي حمام السباحه اتحط صوت شد الاجزاء و مع صده صوت مش اكتر انتا عبيط يا صقر اجيب كل دي رجاله و سلاح منين
صقر : يابن اللذينا
انا : ولد عيييييب
صقر : ههههه (ضربه كفه في كفي )ههه
انا : اععععع يابن الجزمه
صقر : ايه ده انتا بقيت خربان خالص هههههه
انا : كف ايدي لسه مفتوح يا متخلف
صقر : ههههه حصل خير
كمال : (رجع و في ايده شنطه )الفلوس
انا : امسك يا صقر
صقر : ياعم خليهم ادفعهم و نبقي نتحاسب
انا : (برقت يا صقر )امسك
صقر : طيب (اخد الشنطه )
شاهين : (بص ليا )مين عايز يقتلك يا مازن
انا : قرايب بس من النوع العقارب يا شيخ متخفش هحلب سمهم و ابيعه و اطلع منه كسبان كمان
صقر : صحيح المحافظه وافقت على تخصيص الارض عندنا في المحافظه طلعه عيني بس في الاخر وافقه
انا : كويس علشان الخبراء ها يوصله كمان يومين
صقر : بس ها تلم حق اللي ادفع ادفع كتير يا مازن
انا : الجرام تمنه الف دولار
صقر : ها نزرع بودره وله افيون
انا : علشان الراجل اللي قاعد ده يعلقني و يعلقك على باب المحافظه
علي : و بلابيص كمان
انا : متعرفش
علي : شيخ شاهين لو عيل من عيالك تاجر في المخدرات تعمل ايه
شاهين : حلال دمه
انا : و عقارب و تعابين و تماسيح تمشي
شاهين : و الله معرف انته عايزين الارض دي ليه
صقر : اذا كان انا مش عارف
انا : ١٥ فدان في الصحراء خمس فدن مزرعه تعابين فيها انواع مختلفه احجمها كبيره و خمسه مزرعه تماسيح مع بركه صناعي و خمسه مزرعه عقارب
شاهين : و بعد ده كله ايه بقي
انا : تعابين و تماسيح يستخرج منهم جلود افخم انوع الجلود الاصليه بالمدبغه بتعتهم كمان و العقارب ها تتجاب فصيله محدده تتحلب ايوه تتحلب زي ما سمعته سم العقرب من الفصيله دي تمن الجرام منه الف دولار بتشتريه جهه واحده بس في العالم منظمه الغذاء والدواء بيدخل في صناعه الادويه و مستلزمات طبيه و عامل رئيسي في صناعه المسكنات لي مرضة السرطان جرام تمنه الف دولار لو انتجت الف جرام بقيمه مليون دولار انتا بقي بتتكلم عن مساحه خمس فدن يعني انتاج الالف جرام ده انتاج يومي يا صديقي
صقر : (قعد يحسبها في دماغه )ها تكلف
انا : جدا بس ها تجيب حقها في عشر ايام عشره مليون دولار تمن التكلفه يا صديقي ها يرجع في خلال عشر ايام ايه رأيك
صقر : (فكر شويه بيشوف معه كم سيوله و رد )موافق
انا : تمام اتفقنا حضر فلوسك اول مرجع ها خدهم اول ما يوصل الخبراء انتا ها تاخدهم و تروح لي الارض بس اهم حاجه سورتها
صقر : ايوه و بنيت على مساحه قراط بيت و مساحه قراط معلف كنت فكرك ها تجيب بهايم و نعمل معلف
انا : مين مجنون يزرع الصحراء يا صحبي الصحراء ليها الكائنات اللي ربنا خلقها علشان تعيش فيها انتا تقدر تكسب من وراها كويس اوي البقر و المواشي اتخلقت علشان تعيش في الخضار مش في الصحراء
صقر : ماشي هشوف الناس دي ها تحتاج ايه بالظبط و نعدل المباني و كده
انا : اتفقنا
شاهين : (بص ليا بيأس )كنت مخبيها فين الفكره دي يا مازن
انا : مخبيها لي الزمن و لي وقتها كل ما في الموضوع ان الوضع دلوقتي مناسب جدا
علي : (بستفزاز ) و ها تجيب الفلوس دي منين يا مازن من ماما
انا : ايوه
علي : هههههه (قام )شيخ شاهين عايزين نتقابل تاني قريب
شاهين : اكيد
علي : المره الجايه في القاهره
شاهين : ها تشرف
علي : سلام يا مازن و اتمني نتقابل تاني
انا : و انا متمناش يا حبيبي
علي : هههههه بكره تتمنا

سابنا و مشي
انا : راجل رخم بيسأل ليه عن مصدر فلوسي هو ماله
شاهين : الانه عارف مصدر فلوسك يا مازن
انا : و هو عرف منين
شاهين : مازن يا حبيبي ده التاجر الكبير اللي كل الناس بتروح ليه لما تحب تبيع
انا : (عملت زي عادل امام في مسرحيه الواد سيد الشغال )ده
شاهين : ايوه
انا : ده اللي بيدفع الفلوس دي كلها
شاهين : ايوه
انا : ده شكله معفن
شاهين : ده علي الصمدي
انا : علي الرمدي
شاهين : علي بيه الصمدي
انا : ده بخيل ده لبس بدله معفنه و فاكر نفسه مستر ايجب
شاهين : يابني و انتا فاكر ان واحد زي ده محتكر سوق فيه ترليونات زي السوق ده ها يلبس ايه مثلا
انا : مش اقل من قناع توت عنخ امون
شاهين : علشان الكل يتأكد انه كبير السوق ده يابني محدش في بلدك دي كلها عنده القدره انه يشاور بصباعه بس عليه علي الصمدي لو انتا زعلته في يوم هو مش فاضي فيه ها يكتفي انه يقتلك و بس
انا : ليه يا عم الحج هو في ابعد من القتل
شاهين : صدقني يا مازن لما اقولك علي الصمدي عنده القدره اللي تخليك تتمني الموت كل ثانيه و مش ها يقتلك غير لما يزهق من التسليه بيك
انا : بيصيد لي التسليه مش لي الغريزه
شاهين : مش فاهم
انا : بمعني تحركاته لي الستليه بالضحيه مش علشان عايز يخلص منها
شاهين : عندك حق
انا : عندك حق يا عمي الراجل ده عليه نظره خلتني موت في جلدي رغم اني طلعت الجبل مع صقر و انا و هو عيال و انا اللي شجعته على الجبل بدري عن معاده و شوفنا فيه كتير بس نظره الراجل ده لا شوف وله ها شوف زيها ابدا
شاهين : علي الصمدي شخص خطير يا مازن احذر منه
انا : حاضر يا شيخ
شاهين : يله يا صقر نحصل عمك
صقر : حاضر يا شيخ (كلمني ) اول ما ترجع القاهره ابقي كلمني
انا : حصل يا ابو شاهين

مشي صقر و انا قومت رجعت الشاليه لقيت سحر قاعده دمها محروق و مولعه كميه سجاير ضخمه
سحر : تعاله هنا
انا : في ايه
سحر : تعاله هنا بقولك
انا : حاضر (قربت منها )في ايه
سحر : (نزلت على وشي بقلم )
انا : (اتصدمت انا اول مره في حياتي كلها اضرب بالقلم )
سحر : (سحبتني لي حضنها جامد )اوعا تعمل كده تاني اوعا تفكر تعمل كده تاني اوعا تفكر تغامر بعمرك تاني انا معشتش كل ده علشان يوم ما ترجع اخسرك فاهم اوعا تعملها تاني
انا : (اتصدمت اكتر ايه الست دي ايه ده )طيب بلاش تمدي ايدك عليا تاني بعد اذنك يعني
سحر : مكنش قصدي بس انا دمي محروق منك
انا : حصل خير فين سامي
سحر : بيحاول يفوق ماهر و بيخلص شويه شغل
انا : طيب فين البنات
سحر : فوق على فكره هما زعلانين جدا من اللي حصل خايفين عليك
انا : انا ها رضيهم بس صحيح انتي حبه موضوع دفاتر الحسابات الخارجيه اللي انتي عمله وله لا
سحر : مش بحبه و مش بكرهه
انا : مش فاهم
سحر : قصدي ان ده بزنس مش مطلوب مني احبه او اكرهه طول مانا مش بعمل حاجه حرام عادي
انا : طيب انا عايز منك فلوس لو يعني امكن
سحر : عنيا يا حبيبي قول عايز كم
انا : ٣٠
سحر : بس كده يعني مش قصه اطلع فوق ادخل الاوضه بتعتي افتح الدرج خد اللي انتا عايزه
انا : لا مهو اكيد مبلغ زي ده مش في الدرج عندك
سحر : هههههه ليه بس دول ٣٠ الف جنيه يعني مش قصه
انا : ٣٠ الف جنيه مش قصه ازي يعني ده في جوازات بتقف على الفين جنيه
سحر : يا حبيبي اطمن مستوره
انا : طيب بس انا عايز ٣٠ مليون
سحر : ههههههع ده انتا لسه مديني محاضره في قيمه الفلوس و عايز ٣٠ مليون جنيه
انا : لا دولار
سحر : (سكتت شويه و ردت )و عايز مبلغ زي ده ليه يا مازن عندك مشكله وله حاجه
انا : لا يا ستي بس زي متقولي كده صقر صحبي مجمع دولارات بيبيع عمله لي السياح فلوس كاش و عايزنها في حسابات بنوك و كده و متقدرش ندخل الفلوس دي كاش لي البنك
سحر : و انتا دخلك ايه في الموضوع ده
انا : مهو انا اشتغلت معه و فلوسي معه كسبنا جامد من الموضوع ده ها نديكي ٣٠ مليون دولار كاش و ها تحولي لي حسابي ٣٠ مليون دولار
سحر : طيب و ها تعمله ايه بالفلوس دي كلها يا مازن
انا : ها نفتح مكتب صرافه
سحر : اشمعنا
انا : اللعبه حلوه اغلا من البنك و فيه فرق مكسب لينا
سحر : مازن اوعه تكون الدولارات ليها ريحه
انا : (فاهم قصدها بس عملت عبيط )يعني ايه ليها ريحه
سحر : الجماعات الارهابيه بتاجر في العمله مع اهل الصحراء
انا : دول البدو مش العرب اولا ثانين لا دي فلوس جايه من بره من السياح و كده
سحر : ماشي يا سيدي اول ما نرجع تروح تفتح حساب في البنك احولك عليه الفلوس
انا : ماشي يا عسل و اول ما نرجع هروح لي صقر الاول اجيب منه الفلوس و بعدها ابقي حولي
سحر : يا عبيط هو انا ها خونك ده مالك يا مازن فلوسك حقك
انا : لا دي فلوسك انتي
سحر : و انا و انتا ايه يا مازن واحد و انا بعمل كل ده لي مين ليك و لي اخواتك البنات
انا : بصي مالي هو مالك و مالك هو مالك برده
سحر : ههههه و كده فرقت ايه
انا : فرقت اني محبش اخد قرش مش جي من تعبي و شقايا انا اتعودت على كده
سحر : ماشي يا مازن
انا : يله اسيبك انا و اطلع اغير هدومي
سحر : اطلع و انا هطلب الغداء احنا جعنا و انتا نزفت كتير محتاج تاكل

سبتها و طلعت فوق دخلت الاوضه بفتح الباب حسيت اني فتحت باب جهنم صهد طالع في وشي و الثلاث بنات قاعدين مرصاصين و عنيهم بتطق شرار ريقي نشف من الخضه ابتسمت في وشهم و هنا بدأ البكاء

قعدت و حاولت اهديهم لكن رنا نزلت فيا ضرب زي مقال الكتاب بس صالحتهم كانه خايفين عليا