تاجر البن (البداية)

البداية

الفصل الاول

سلام عليكم ايه ده عزيزي انتا لسه هنا ياه واحشني اوييييي
و اكيد انا كمان وحشتكم صح (صوت صرصور الحقل) احم نخش في الموضوع على طول نخش في الموضوع
النهارده يا عزيزي عايز اقدم ليك شخصيه شخصيه جديده فريده اول مره تسمع عنها عارف ليه الاني كاتب لا ينفذ منه الافكار علشان انا جامد بوفتيك
طبعا نبدأ ببسم الله الرحمن الرحيم
و نكشف الستار عن واحده من الشخصيات اللي بحبها ذات الطابع الخاص نكشف عن مازن محمد السراجي شخصيه انا بحبها جدا و اجب ادي مازن صوت يتكلم به و تتعرفه عليه
اهلا يا رجاله انا مازن احب ابدأ بجمله (محاوله اثبات انك الافضل في بعض الاوقات تعد إهانه) دي جمله انا ماشي بيها في حياتي و بقولها علشان يكون عندكم تصور صغير عن طريقه تفكيري
اسمي مازن محمد السراجي شخصيه بسيطه و دي حقيقه من عائله اسمها عائله السراجي في محافظه المنيا من بندر المنيا (اللي ها يقولي اشمعنا المنيا يا عبدالرحمن احب اقولك انا من المنيا و دي محافظتي و حافظها علشان كده اي شخصيه ها تكون من المنيا) انا عندي ٢٢ سنه لسه متخرج جديد طازه و قدمت ورقي في الجيش
عندي اخ كبير اسمه امير ده اكبر مني بحسبه خمس سنين و هو شغال في الخليج مهندس بترول متجوز و معاه مراته هناك
و اخويا الصغير اسمه ياسر عنده ٢٠ سنه طالب في جامعه المنيا كليه الطب
ولدتي اسمها حياه الموجي دي قلبي من جوه بقي
ولدي متوفي من و انا عيل صغير كنت حولي ٣ سنين
انا بقي لسه متخرج من كليه تجاره عندي محل لي تجاره البن بحمص و اطحن و ابيع شغلي كبير و انا شخص محبوب من كل الناس محدش شافني غير و حبني بس طبعا أعمامي لا ههههه مش عارف ليه بس براحتهم

بدأت تجاره البن و انا في ثانويه عامه مش ها تصدقه ازي اقولكم بدأت بعربيه صغيره خالص زي بتاعت البطاطه كده ايوه بدأت بعربيه صغيره و اشتغلت منها كانت دايما اقف قدام برج كبير و كان قدام محل مقفول كان عندي حلم كبير اني اشتري المحل اللي انا واقف قدامه ده و سبحان الله تحسه انه رزقي دخل عليه على مدار ثلاث سنين مشترين بعدد شعر راسي و انا كنت لما اشوف مشتري ابتسم و من قلبي اقول  لو ليا رزق فيه هاخده  و فعلاً المحل فضل زي مهو لحد ما اخدته فرحت جدا جدا به ياه حلم حياتي في ايدي دلوقتي فتحت المحل و عملت ديكورات و شغل عالي فيه شطبت فلوس مكنش معايا فلوس حتي ابدا بمعدات بسيطه او قديمه لا مكنش في اي حاجه اصلا وقتها كنت محتاج اني ابدأ اجيب معدات و اتصرف في فلوس قومت مأجر المحل ده لي واحد فتحه و خد وش العتبه لي المحل قولت مش مهم
جبت معدات بعد سنه من إيجار المحل و شغلي و انا لسه شغال لحد ما عقد المستأجر خلص و طلع فرشت انا بقي و بدأت شغلي دي كانت البدايه تعاله ندخل في مسار الاحداث الان اللي حصل بجد شيء صعب جدا انه يتوصف اللي حصل كان كتير عليا بس خليني احكلكم

بدايه الفصل

نايم زي طفل قرير العين ياااااه على النوم و حلوته في فصل الشتاء اللعين و لكن فجأه احس ان في حاجه اترمت عليا قومت مفزوع لقيت امي
انا : اعععععع البيت بيقع
امي : بيقع ايه يا موكوس يابن الموكوسه قوم ياض
انا : (مسكت دماغي) ايه يا حجه على الصبح
امي : قوم هات عيش من المخبز و فطار
انا : يامي سبيني نايم الجو برد
امي : لا قوم علشان تجيب العيش و الفطار عايزه طعميه سخنه
انا : طيب بكره (ها تلف و انام)
امي : (رمت عليا قفص العيش) قوم يا روح امك
انا : كده طيب و ربنا مانا نايم

قومت من على السرير طلعت لي الحمام غسلت وشي و طلعت بره لقيت ياسر نايم على روحه بره
انا : ولاا يا باسم
ياسر : ايه يا ماما انا صاحي
انا : صاحي ايه يابني انتا نايم انا مازن ياض فوق معايا كده
ياسر : امك مصحياني من بدري يا مازن
انا : (هرشت في دماغي) بقولك ايه شكلها مفهاش نوم قوم نجيب فطار و عيش سخن نفطر و اعملك كبايه قهوه عداله
ياسر  : طيب يله

اخدت قفص العيش و نزلت انا و ياسر كل واحد راح في اتجاه هو راح بجيب الفطار و انا روحت اجيب العيش من المخبز ادتهم القفص و قعدت مستني ولعت سجاره على ما خلصت كان العيش طلع و برد سيكه اخدته و مشيت وصلت البيت و قبل مدخل لقيت واحد بيفتح باب البيت اللي قدامنا راجل اسمه عم عرفه
عرفه : صباح الفل يا مازن يابني
انا : صباح العسل يا عم عرفه اخبارك ايه و اخبارك ولادك
عرفه : بخير يا حبيبي انتا اللي عامل ايه و الست ولدتك عمله ايه و اخوتك بخير
انا : بخير الحمد لله يا عم عرفه
عرفه : قولي عامل ايه في شغلك
انا : اهو ببدأ
عرفه : طيب بص يابني انتا جاري من زمان و ابوك ياما كان ليه افضال عليا الله يرحمه اسمع انتا ابعت ليا عينه من البن اللي شغال فيه اعرضه على صاحب الشغل لو عجبه ها يفتح معاك كميات كبيره شغل جمله و قطاعي
انا : اذا كان كده سهله ابعت ليك عينه من الفاخر
عرفه : بس اهم حاجه انتا عامل سجل تجاري و بطاقه ضريبيه و كده وله لا
انا : و معايا ترخيص صحه كمان
عرفه : جميل هو ها يسألك في الحجات دي بعد ما يجرب بس انتا اقعد ظبط الاسعار و الدنيا دي و ابعت العينه
انا : حصل يا عم عرفه
عرفه : يله اتكل انا على الله اقصد باب الكريم
انا : استنه طيب افطر معانا
عرفه : سبقت يله سلام عليكم
انا : و عليكم السلام

دخلت فتحت الباب الحديد و طلعت الشقه بتعتنا و فوق منا شقه بتاعت اخويا الكبير و ده بيت عيله اساسا
فتحت الباب و دخلت على صوت امي بتتخانق مع ياسر
امي : يابني مينفعش
ياسر : يا ستي اسمعي بس
امي : يابني اسمع ايه ده هبل اللي بتقوله ده
انا : في ايه
امي : شوف اخوك
انا : مالك يابني
ياسر : اسأل امك
انا : ها تشقطوني لي بعض يعني نفطر و نشوف يله نفطر

قعدنا نفطر سوا و بعدها عملت كبايتين قهوه واحده ليا و واحده لي ياسر من البن بتاعي و طلعنا فوق سطح البيت ركنا الكبايات و فتحنا ابواب الاوض طلعنا الطيور و حطينا ليهم الاكل و المايه و قعدنا
انا : ها يا سيدي مالك
ياسر : يا سيدي انا بقول لي امك يا امي عايز اطلع بدور علشان اتجوز فيه مسكت في خناقي
انا : تتجوز ايه يابني
ياسر : انتا ها تعمل زيها يا مازن
انا  : طيب واحده واحده انتا لسه طالب حلو يعني اللي ها تتجوزها دي ها تكون طالبه زيك اكيد مش مطلقه يعني
ياسر : ايه الذكاء ده ايوه طبعاً
انا : يعني ها تصحه الصبح تروحه جامعتكم و انته نزلين من شقتكم تبوسه ايد امك و تاخده منها المصروف
ياسر : (ادايق من كلامي)
انا : لا متلويش بوزك في بوزي انا مش ها طبطب عليك دي الحقيقه قولي ها تاخد المصروف من امك وله ايه
ياسر : يا مازن افهمني
انا : افهمني انتا ورثنا من ابوك على قدي انا و انتا اخونا الكبير اخد ورثه اتجوز به و هو دلوقتي شغال بره و بيصرف على نفسه انتا لسه قدامك كتير
ياسر : يابني اعمل ايه مانا راجل و ليا احتياجات
انا : انا احتياجات ايه ياللي لسه خالع البامبرز امبارح قولي ايه احتياجاتك
ياسر : احتياجات
انا : كلنا عندنا احتياجات بس قولي ها تعمل ايه في احتياجات بيتك ياسر يا حبيبي قبل ما تفكر ازي تلبي احتياجاتك فكر ازي تلبي احتياجات بيتك فاهمني
ياسر : فاهمك
انا : الكلام مش على هواك انا عارف بس اقولك ما تفتح مشروع
ياسر : مشروع ايه بس يا مازن اخاف اخسر
انا : ما تخسر ايه المشكله يعني
ياسر : اقوم خاسر الفلوس صح
انا : بص يا ياسر خوفك من الخساره عامل زي وزن مربوط في رجلك و انتا في البحر عارف ايه اللي ها يحصل ها تغرق بس خلي عندك ثقه في ربنا انه مش ها يخسرك نهائي و لو خسرت اديك اتعلمت لحد بس ما تتخرج و نشوف نقدملك في نيابه او تفتح مكتب محامه محترم كده
ياسر : نيابه بعيده يا مازن
انا : (اتعصبت عليه) يلاا انتا حمار مش لسه بقولك ثق في الله و بعدين ليه يا اخويا مانتا زي الفل سجل زي العسل ابوك و امك متعلمين و سجلهم عسلين عائله ابوك و امك كبار مش صغيرين و بعدين نبقي نشوف عم من الرخمين اعمامك دول يدخلوك بس قبلهم تقول يا رب
ياسر : (سرحان) بقولك انا عندي فكره
انا : (بحماس و فرحه) ايه هيا
ياسر : ناخد بطه من دول لي امك تحت نتغدا بيها
انا : (و احنا قاعدين على الدكه لفيت ضربته برجلي) قوم يلاا من قوم
ياسر : خلاص نخليها حمام
انا : (بدور على عصايه جنبي اضربه بيها) اضربك بأيه حد يقولي غور يلااا انزل غير هدومك اللحق اوصلك لي الجامعه يله
ياسر : يعني لا حمام وله بط طيب نتغدا ايه طيب
انا : كبده اخلع

نزل ياسر تحت و انا ضحت على غبائه خلصت قهوتي و قومت نزلت تحت دخلت الحمام اخدت دش و لبست تقيل علشان امي متطينش عيشتي و اخدت الواد ياسر وصلته بعربيه البيت لحد الجامعه و انا قصدت باب الكريم و فتحت باب المحل اشوف اكل عيشي مانا فاتح جنب الجامعه
نضفت المحل كنست و مسحت و شغلت المكن علشان يسخن و بدأت احمص شويه حبوب قهوه تحميصه و طحنه جديده كده فرش و حطتهم في كيس محترم و بعت الكيس ده لي عم عرفه اللي شغال مع واحد من اكبر تجار الجمله في المحافظه و بدأت الزباين تيجي و تمشي و تروح و تيجي و اهو اليوم ماشي لحد ما نزلت باب المحل روحت الباب اتغديت و رجعت تاني فتحت و بليل بقي السهره فضلت شغال لحد الساعه واحده بليل روحت البيت خلصان خالص مفيش نفس و مروح مشي علشان ياسر عايز العربيه و انا قولت اتمشي في الهدوء ده لحد ما خبطت في عم عرفه تاني
عرفه : ايه لسه مخلص
انا : اه لسه راجع
عرفه : طيب اعمل حسابك بقي بكره تيجي الوكاله صاحب الشغل عايز يشوفك و عايز يطلب منك شغل ماشي
انا : احلف
عرفه : والله
انا : طيب ماشي
عرفه : مازن مش عايزك تصغرني قدام الراجل
انا : متقلقش ها شرفك
عرفه : طيب يا سيدي يله اطلع رايح
انا : تصبح على خير
عرفه : و انتا من اهله

طلعت فوق لقيت امي سهرانه و بتقزقز لب
امي : تعاله يا ميزو اقعد لحد ما اعملك العشا
انا : لا يا ست الكل انا تمام هقعد معاكي شويه و ادخل انام
امي : طيب قوم غير هدومك
انا : لو دخلت الاوضه مش هطلع غير بكره الصباح
امي : لا يا اخويا اقعد احسن
انا : مانا بقول كده من الاول (نمت على رجلها)
امي : بقولك ايه
انا : خير يا ست الكل
امي : مش ناوي تتجوز يابني
انا : اتجوز ايه هو انا عاد فيا حيل يا باشا
امي : يابني اتجوز عايزه افرح بعيالك
انا : يا ستي انا مش بفكر في الموضوع ده دلوقتي و لو فكرت التكلفه تمنعني اهدي
امي : انا محوشه قرشين كده لي الزمن خدهم و اتجوز
انا : مش بفكر في الموضوع ده يا امي دلوقتي عايزه تفرحي بحد جوزي الواد ياسر انا نفسي افرح به
امي : ياسر مين لا طبعا مش قبل ما ياخد شهادته الاول انتا اتخرجت
انا : بس لسا ورايا سنه جيش
امي : والله معرف انتا ها تعمل ايه في المحل بتاعك لما تدخل الجيش خايفه تأجر المحل بالمعدات بتعته اللي ياخدهم ميرعيش ربنا فيهم يبهدلهم
انا : متخفيش لو على المحل الواد صقر ها يشغل ابوه و احسن مني كمان
امي : طيب بس برده لزم تخطب قبل ما تدخل الجيش
انا : مش لزم يامي
امي : لا لزم
انا : اشمعنا يعني لزم في ايه
امي : (بغضب مكتوم) بنت عمك رجعت من السفر النهارده هيا و جوزها
انا : (فضلت باصص ليها شويه) طيب و فين المشكله حمدله على السلامه
امي : يعني ايه فين المشكله انتا نسيت اللي حصل
انا : (ضحت) هههههههه صباح الفل يا امي اشتري دماغك من ابوهم بالجزمه بصي لو فضلت هيا و هو قدام عيني و ربنا مهطلع لي قدام خطوه اسمعي بس مني و اشتري دماغك
امي : بنت خالك حدده معاد كتب كتابها بعد ثلاث ايام و خالك اكيد ها يعزمهم
انا : و ماله يعزمهم دي عيبه في حقه لو معزمش طلعيهم من دماغك علشان نعرف نعيش
امي : اطلعهم اطلعهم ازي بعد اللي عملوه خلوني اشك فيك يابني و شككه الكل فيك مستحيل اسامح
انا : ربنا ها يجبر بخاطرنا يا ماما و بكره تقولي مازن قال سبينا بس نشوف الفيلم ده بيقول ايه
امي : ماشي يابني

قعدت مع امي و دخلت علشان انام لقيت ياسر منور نور الاوضه بتعته لقيته بيذاكر سبته و دخلت انام
نمت و تاني يوم صحيت بدري اليوم ده اخدت ياسر في سكتي نزلته عند الجامعه و طلعت المنيا الجديده لي مكتب التجنيد علشان اخلص الكشف الطبي و الواحد وقف كما ولدته امه الصراحه اتهانت با عزيزي حقيقي يله هيا فتره في حياه كل شاب منا و ليها منعطفاتها و اضررها و فوائدها بس عدت على خير بس و طالع في ايدي شهاده إعفاء من التجنيد الصراحه تستاهل الاهانه يعني اهانه يوم وله كل يوم
رجعت من التجنيد على المحل قعدت قفلت كم اوردر طلعين شحن و روقت الشغل و وصل زباين المشاريب الخفافي اشتغلت و كلمت يومي لحد المغرب روحت اتغدا و رجعت تاني كملت لحد بليل و روحت البيت اتقلبت على السرير لحد تاني يوم صحيت بدري لقيت ياسر معندوش امتحانات اليوم ده روحت باعته بيت خالي يقف معاهم يجيب الكراسي و يتفق مع الدي جي و يروق معاهم الدنيا يقف معاهم يعني
و بليل بقي قفلت المحل و روحت البيت اتغديت انا و امي و اخويا و لبسنا ضربت بنطلون اسود على قميص اسود برده و جاكت جملي و جزمه بنفس اللون و ساعه جلد كحلي و روقت على نفسي و اخدت امي و اخويا و روحنا لي بيت خالي وقفت جنبه نستقبل الضيوف و نرحب بيهم نقعدهم و وصل عمي و بنته و جوزها اعرفكم بعمي المقصود و اسمه صادق و هو مش صادق خالص ليه راجل يموت في الكذب زي عنيه يكذب علشان هو حابب انه يكذب تاني صفه فيه الجنيه عنده ببلد رجاله عارف انتا يا عزيزي لما تروح تشتري حاجه من محل مثلا سعرها ٩ جنيه يقولك يبقالك جنيه مش مشكله يعني هو بقي عنده استعداد يلف جمهوريه مصر العربيه علشان بس يجيب خمسه جنيه فكه جنيهات يقول الجنيه بتاعي مينفعش يبات بره يدخل جنب اخواته يدفه في حضن بعض معفن عنده بقي مراته يعني ما جمع إلا ما وفق استاذه في النفاق يعني النفاق عندها غريب يعني لو ادتها ضهرك و انتا سامعها تشتمك تلف ليها تقولك بمدح فيك تلف تاني تشتمك بنته بقي اسمها سما دي متتخيرش عن ابوها خالص وله امها هههه هيا بنت عمي كان بنا قصه حب كبيره بس خلصت على خير
رحبت بيهم و بباقي اعمامي و جوزها احمد القرش قاعد وسط الناس مفرود و ابوه وصل ابوه يبقي سامح باشا القرش شخصيه كبيره و مهمه
قعده الرجاله لحد ما يوصل المأذون قعدت انا وسطهم حاطت رجل على رجل بكل ثقه ولعت سجاره في وش الكل (عايز اوضح ليك نقطه صغيره يا عزيزي انا معيش حاجه لي حد يعني سواء خالي او عمي اللي قعدين قدامي دول مش اصحاب فضل عليا في حاجه علشان كده مش بعمل ليهم اي اعتبار وله تقدير)
سامح : اخبارك ايه يا مازن
انا : بخير يا سامح بيه
سامح : و ولدتك و اخواتك بخير
انا : الحمد لله كويسين
سامح : قولي شغال في ايه دلوقتي
انا : بتاجر
سامح : في ايه
انا : البن
احمد : قهوه و شاي و كده يعني
انا : ايوه
سامح :دي تجاره ممتازه على فكره و بتكسب جامد بس قولي انتا عندك طموح فيها
انا : لا
سامح : طب شغال فيها ليه
انا : (ابتسمت بسخريه) صباح الفل يا سامح باشا و لو مليش طموح فيها هشتغل ليه فيها
سامح : هههههه دمك خفيف زي المرحوم ابوك الله يرحمه بس قولي ناوي توسع تجارك و توزع يعني
انا : تؤ هاوسع بس مش ها وزع هتاجر في حاجه تانيه
سامح : طيب ايه هيا
انا : العقارب
سامح : (بص شويه و فهمت انه لزم يقفل النقاش ده علشان ممكن اهزقه بالطريقه و ده مينفعش قدام الناس) و ماله بتكسب بس خلي بالك العقارب بتقرص
انا :ها حويها
صادق : طبعا مانتا ملموم على الواد بتاع العرب
انا : على الاقل صان العيش و الملح ايه يا خال المأذون اخر العريس قاعد ها يحمض ههههه
مروان : (العريس) انا زهقت يا مازن والله
انا : ايه ده لحقت تزهق من بنتنا لالا خلاص خد في ايدك دسته الجاتو و أسحب صح يا خال
خليل : (خالي) صح يا مازن
انا : شوفت يله اتكل على الله
ابو مروان : الصراحه عندكم حق انا الواد مدهوش عشره جنبه مش اديله بنتي
انا : لالا متخفش يا ابو مروان انا اللي كتبت القايمه ها تقره يا مروان
مروان : وراك ميصحش يا مازن ده احنا عشره يا جدع
انا : كويس انا كتبت التلفزيون تسع مرات بس مش عشره
مروان : عشره اه بس الواحد لزم يعد صوابعه بعدك انتا متضمنش ههه
انا : على حق يابا

وصل المأذون و كتب الكتاب نيره على مروان نيره دي اختي الرجوله بحق ربنا سندال في ضهري من زمان. و اختي في الرضاعه و حاجه زي العسل متربيه في بيتنا بعد كتب الكتاب و الزغريت و المباركات قامت نيره مسكت مايك جيبينه لي السماعات علشان الشيخ يشهر فيه
نيره : شكرا يا جماعه لي تشرفكم لينا النهارده و مباركتكم الجميله النهارده يوم كتب كتابي و يوم مميز بالنسبه ليا برده النهارده اتولد اخويا التوائم بجد يعني اخونا مازن اللي منورنا مازن باشا السراجي عين اعيان السمبلوين ههههه

الكل ضحك
انا : كفايه فضايح و افصله المايك
نيره : متخفش ها يسمعوني ها شرفك اصبر ها سيطك مازن طبعا مش لزم احكي عن مواقفه خالص هو لوحده سندال بحق ربنا احب اقوله كل سنه و انتا طيب و سنه سعيده عليك و نحتفل بعيد ميلادك الـ ١٠٠ و انتا بصحه و سعاده

طفه الانوار و دخلت تورته عملتها مرات خالي بنفسها و هيا في الحلويات الصراحه استاذه فرحت بالمفاجأة اكلنا الحلويات و اليوم خلص رجعنا تاني بتنا و اتقلبت على السرير و صحيت الصبح جالي تلفون من عرفه ان صاحب الشغل بتاعه عايز يتعامل معايا في شغل فرحت الصراحه
اخدت دش و روقت علي نفسي و نزلت من بتنا اتحركت لي شارع السوق و وصلت قدام وكاله تجاره جمله كبيره و مكتوب عليها وكاله (السلامي لي تجاره الجمله) دخلت جوه
عرفه : اقعد يا مازن ارتاح خمس دقايق و يوصل انتا متعطل
انا : لالا مفيش عطله يا عم عرفه

قعدت على كرسي المكتب و وقف عرفه يكمل شغله و هو بياع في المحل و فجأه دخل شاب يجي ٢٥ او ٣٠ سنه وشه مكشر و شكله رخم و وره كلب و قعد علي المكتب
شخص : مين حضرتك
انا : انا مازن
شخص : اهلا و سهلا مندوب تبع مين
انا :انا مش مندوب
شخص :مش مندوب طب بتعمل ايه هنا يا عرفه يا عم عرفه
عرفه : ايوه
شخص : مين الاستاذ
عرفه : ده مازن صاحب البن اللي انتا دوقته و عجبك
شخص : انا
عرفه : ايه انتا لسه نايم وله ايه ايوه اهو حتي الكيس لسه على المكتب
شخص : (بص لي الكيس و ولع سجاره) افتكرت اتفضل اقعد و اعذرني لو اسلوبي كان بايخ بس الوحد مدوش شويه
انا : كان الله في العون
عرفه : اعرفك مازن محمد السراجي
شخص : اهلا و سهلا
عرفه : اعرفك يا مازن بدر حبيب السلامي
انا : اهلا و سهلا
بدر : خلاص يا عم عرفه اتفضل
عرفه : طيب (راح يكمل شغله)
بدر : قولي يا استاذ مازن الشغل ده تبعك
انا : ايوه المحمصه بتعتي
بدر : طيب بتشتغل في انواع بقي وله عادي
انا : زي
بدر : زي اقولك في زبون عايز يدخل ياخد كيس بن يشربه يحلف به مهما كان سعره و في اللي عايز يشرب بن نضيف و يدفع فيه سعر حنين و في اللي عايز شعبي ده بتاع القهوه البلدي اي قهوه و السلام و في اللي عايز انواع من دي علشان يحطها في السوبر ماركت تقدر توفي المعادله دي
انا : (بثقه) طبعا
بدر : بلاش الثقه دي
انا : حضرتك دوقت البن
بدر : ايوه
انا؛. ايه رأيك
بدر : حبيته
انا؛. (بتكذب مستحيل يقولي انه جامد علشان مبعش و اشتري فيه بس ابلعها) طيب ده النوع الشعبي بتاعي
بدر : شعبي
انا؛. ايوه الكيس ده ربع كيلو عامل حوالي ٢٥ جنيه
بدر : جميل طيب قولي عندك فواتير مختومه بسجل تجاري
انا : ايوه
بدر : طيب ها كتب معاك طلبيه بس قولي مينفعش تغير الاسم
انا : اشمعنا
بدر : يعني ده ينفع يكون شغل شعبي الاسم لكن العالي مينفعش
انا : سهل اسم البن زلزال في عندي الملكي ده اعلا فئه و اغلا فئه و في كمان الصعيدي ده متوسط و زلزال ده على قده
بدر؛. طيب عايز ٢طن من كل صنف منهم و الطن تقسمه على ثلاثه غامق و وسط و فاتح و الطن التاني من نفس الصنف يكون محوج بنفس القسمه
انا : يعني حضرتك عايز سته طن صح
بدر : صح يجهزه امته
انا : بكره
بدر : طيب طريقه الدفع معايا مش كاش
انا : ازي
بدر : يعني في الاول ها تاخد تلت الفتوره اشتغلت معايا ها تاخد التلت التاني خلصت بضاعه ها تاخد التلت التالت اتطلبت تاني ها نكتب فتوره جديده بنفس طريقه التسديد
انا : و ليه ده كله
بدر : انا مش بدفع كاش في اي حاجه كل شغلي اجل صنف وقع او حصلت في ايه حاجه اجيبك منين انا بعدها
انا : (فكرت شويه و الصراحه انا معنديش مشكله لهدف واحد الشغل معاه فرصه كبيره و مهما كان مين او مكانته ايه لو اكل فلوسي عليا انا اقدر اجيب ابوه في لحظه و ازعله كمان) تمام يا استاذ بدر بكره ابعت البضاعه لي حضرتك
بدر : تمام يا استاذ مازن و اسف على الموقف اللي حصل مني من شويه
انا : لا حصل خير بعد اذنك
بدر : اتفضل

مشيت و سبته اتحركت على المحل فتحت الباب القزاز و اول حاجه عملتها شغلت زوبا دي مكنه التحميص بتعتي زوبا دي موجوده في مصر من ايام الانجليز على قد فلوسي و بدأت احمص البن على حسب الطلبيه و اللي يطلع يتهواه مرجعتش البيت علي الغداء خالص فضلت شغال و وصل واحد شغال معايا اسمه يسري شاب في الثانويه معتمد على نفسه و بيشتغل جنب دراسته و انا مش بضغط عليه في الشغل خالص حط ايده معايا لحد ما دخل عليا عمي مصطفي لبس بدله مموه ميري (عمي مصطفى ده العم الوحيد القريب لينا في العيله كلها هو عميد في القوات المسلحه بيخدم في المخابرات الحربية)
مصطفي : مازن اخبارك واحشني
انا : (اخدته بالحضن) و انتا اكتر يا عمي اتفضل اقعد
مصطفي : (قعد)
انا : (قعدت قدامه) ايه يا عمي كل دي غيبه
مصطفي : الدنيا ولعه يا مازن الوضع مش مستقر ضغط شغل كبير جدا
انا : ربنا يعنكم
مصطفي : بقولك ايه فاكر البن اللي اخدته منك اخر مره
انا : اه عجبك
مصطفي : عجبني هو و مدير الجهاز كمان (الكلام ده في ٢٠١٣ يا عزيزي و بلاش نقول مين مدير الجهاز وقتها اللي ها يكتب الاسم ها زعله امين) و عايز منك كده كليو
انا : يااااه كيلو سهله مش قصه يسري
يسري : ايوه يا مازن
انا؛ اعمل اتنين قهوه كلومبي مظبوط محوج و كيس كيلو بن كلومبي محوج من المستورد
يسري : حصل
مصطفي : استنه خليهم اتنين كيلو و يقسمهم انصاص
انا : اتنين كيلو انصاص يا يسري
يسري : ماشي

راح يسري عمل القهوه و كيس البن و جابه و قعدنا نشرب القهوه
مصطفى : بقولك ايه يا مازن
انا : خير يا عمي قول متتكسفش محتاج فلوس
مصطفي : يلاا ها ضربك
انا : اضرب يا باشا اضرب محنا من الشعب برده
مصطفى : ايه ها تقلبها حقوق انسان انتا كمان
انا : ههههه لا بس قول
مصطفي : بنت عمك مسافره تبع الجامعه اسبوع في اسوان و عايزك تروح معاها ده لو مش ها يعطلك عن المحل
انا : عطله ايه بس يا عمي وله يهمك (سرحت بهم)
مصطفي : مالك ياض شكلك مهموم من ساعت ما دخلت قولي مزنوق في حاجه عندك مشكله
انا : لالا يا عمي بس بفكر في ياسر
مصطفي : ماله ياسر
انا : مش عارف الواد دماغه مش جايه في التجاره خالص
مصطفي : خلاص يتوظف
انا : عايز الصراحه
مصطفي : طبعا انا زي ابوك يا مازن ده انته ولاد الغالي
انا : انا عايز ارمي الواد ده في نيابه مخه حلو و كل سنه بتقدير مش عايزه يخسر ده
مصطفي : متخفش اطمن يخلص بس و القصه دي سهله يقدم و يسبها على ربنا و عبيده الموكيل بالامر من الخالق
انا : يا رب اجعلها من نصيبه
مصطفى : قولي حساب البن كم
انا : حساب ايه بس يا عمي ده احنا عنينا لي جيش بلدنا و مخابرات بلدنا
مصطفي : ياض قول كم
انا :وله جنيه اتكل انتا بس على الله و خلي مرات عمي تدعيلي
مصطفي : على طول تدعيلك بصلاح الحال
انا : على طول
مصطفى : ايوه
انا : طيب قولها تتوضه قبل ما تدعي هههه
مصطفي : ههههه ماشي يا زفت برده مش عايز تقول الحساب
انا : عيب برده يا عمي ده كلام ده اقل من مقامك
مصطفي : ماشي يا بكاش يله اللحق اروح البيت اقعد شويه مع الولاد بكره راجع تاني
انا : كان الله في العون

طلعت و وصلته ركب عربيته و مشي انا عارف انه جي و مش ها يدفع و كده كده على قلبي زي العسل انا بحترمه و بقدره و عارف انه يقدر يعين ياسر علشان كده مخلي رجلي عليه مهو انا مش عبيط علشان اقفل باب الود بيني و بينه برده ها حتاجه يا عزيزي
ظبط مع يسري الشغل و انه ينزل الكم يوم اللي ها سافرهم دول بأنتظام و بعدها ياخد اجازه نفس المده علشان يقعد يذاكر اللي فاته و هو وافق بعد ما ابتزني جامد طلب هديه من هناك و انا وافقت خلصت شغلي و قفلنا كان معايا العربيه وصلت يسري لحد بيته و رجعت على بيتنا لقيت عربيه مرسيدس راكنه تحت البيت عرفت مين اللي جوه من غير مدخل
رسمت الابتسامه و فتحت الباب في وشي الدور الارضي و ده معمول قعده لي الضيوف لقيت ياسر قاعد تحت و معاه صادق اللي مش صادق خالص و احمد جوز بنته و سامح ابوه
انا : سلام عليكم
الكل : و عليكم السلام و رحمت الله
انا : سامح باشا منور
سامح : ده نورك يا مازن يابني
انا : اخبارك ايه
سامح : من امبارح لي النهارده كويس
صادق : مفيش منور يا عمي
انا : هيا البيوت بتنور بصحابها يا عمي برده وله ايه
صادق : (اتكتم)
انا : اتفضله اقعده اطلع اغير و انزله اتفضله محدش غريب

طلعت فوق دخلت سمعت امي قاعده في الصالون مع مرات عمي و مرات سامح و احمد دخلت انا اوضه نومي طلعت غيار و دخلت الحمام اخدت دش و لبست و نزلت ليهم تحت لقيت صحبي صقر في وشي هو و ابوه (صقر اسمه صقر شاهين العابد من العرب و ركز يا عزيزي العرب غير البدو دول قبيله اسمها قبيله العابد كل قبائل العرب بلا استثناء تتبع قبيله العابد و دول اسمهم قبيله العابد و عرب وسط يعني وسط الصعيد العرب غير البدو لسبب بسيط البدو خيام و رعي اغنام ملهمش ارض ثابته لكن العرب ليهم ارض ثابته يعيشه عليها و قبائل كتير جدا)
انا :ايه النور ده كله الشيخ شاهين العابد عندنا منورنا والله
شاهين : بنورك يا ولدي كيفك و كيف احوالك
انا : بخير يا شيخ اتفضل
صقر : هو انا مش منور وله ايه
انا : انتا مقيم يا صقر
صقر : ماشي هههه
انا :اتفضله اقعد

قعدنا و شاورت لي ياسر يطلع يبلغ امي تعمل قهوه لي الكل
انا : ايه يا شيخ منعرفش نشوفك غير بالصدفه
شاهين : محقوقلك يا ولدي بس انتا عارف انا بقالي فوق الشهر بتحرك مع شيخ المشايخ علي الحدود و في سيناء مع رجاله الجيش معرفينش نقعد ولاد الكلب عايزين يقسموها بس احنا صاحينلهم
انا : يا ولاد الكلب
صادق : وه مانته بتاجره معاهم في السلاح و المخدرات و خلافه
شاهين : دول البدو مش العرب يا حج و في فرق بينا كبير راعيه
انا : ربنا معاكم يا شيخ
صقر : (جاب شنطه من جنبه) امسك نسيت شنطه هدومك من اخر مره
انا : فيك الخير يا صقر والله اهو الحجه تغسلهم
احمد : اخبارك يا صقر وحشتني قعدتك
صقر : (بزدرا) و انتا موحشنيش
انا : صقر
صقر : (بص ليا و هو كاتم غضبه)
انا : عايزين نتجمع والله يا رجاله زي زمان
احمد : و ماله بس الشيخ صقر يعزمنا عنده زي زمان نقضي يومين عنده في الجبل
انا : ماشي بس نخليها الاسبوع اللي بعد ده
صقر : ليه و الاسبوع ده عندك ايه
انا : نازل اسوان انا و امي و ياسر نغير جو
صقر : و مشوارنا يابني نسيته
انا : ياعم عادي يتأجل يا صقر مش مشكله
صقر : ها تفضل مأجله كتير
انا : خليه في وقته يا صقر مش ها تطير يعني
شاهين : وه قلقلتوني رايحين وين
انا : مفيش مشوار لحد المحافظه كده بفكر اشوف حته ارض عندكم
شاهين : شرق وله غرب
انا : هو انا تلميذ يا شيخ غرب طبعاً
شاهين : خلاص اجلها يا صقر لحد ما يرجع
صادق : سايب ارض الزراعه و رايح تقعد في الصحراء
انا : و ملها الصحراء دي يتعمل فيها احلا شغل اولا الارض رخصيه فدان زراعه يجيب عشرين فدان في الصحراء
صادق : و لزمتها ايه
انا : ها جيب مهندس يستصلحها جنينه و ابيع المحصول لي سفاره وله شركه اغذيه و دي احسن من ارض ابويا اللي مش شامم ريحها (ولعت سجاره)
سامح : فكره ممتازه يا مازن و انا ليا علاقات مع سفارات اوروبيا في مصر
انا : لو هشتغل ها يبقي مع الخليج
سامح : اشمعنا
انا : الاوروبين رخمين ورقهم كتير تصريحهم اكتر و لو عرفه انها من مصر مش ها يشتره لكن الخليج ها يكشف على البضاعه صالحها ها ياخدها مش صالحها مش ها ياخدها لكن الاتحاد الأوروبي بيتلكك
احمد : ده انتا دارس السوق بقي
انا : مش بدخل و عيني متغميه يا صحبي ده انا على القديم يا غالي
صقر : ثابت المبدأ مش زي غيرك اصيل يا اخوي
سامح : (قام) طيب نستأذن احنا
انا : ليه و القهوه
سامح : مره تانيه ها تتفضل معانا يا حج صادق
صادق : اكيد يا باشا

وصلتهم لحد الباب و نزلت الحريم ركبه معاهم و مشيه دخلت انا لي صقر و ابوه و ياسر نزل ثلاث فناجين قهوه و طلع على فوق
صقر : انتا مش عامل حسابهم اصلاً
انا : اعمل حسابهم ليه و انا عارف انهم كده كده ها يمشه بعد ما تسمع احمد كلمتين مش قادر تمسك لسانك
شاهين : قوله
صقر : سامحني يا بوي بس حضرتك عارف انا معرفش اطبطب وله ازوق الكلام لي اللي مش طايقه انا دغري و هو واطي
انا : و ابوه لحقه من لسانك و سحبه و صادق ده دلدول جري وره فهمت
صقر : فهمت
شاهين : (اخد بوق قهوه) معرفش بتجيب البن منا
انا :عجبك
شاهين : قوي افتح الشنطه
انا : طيب

عدلت الشنطه و فتحتها لقيتها مرصصه دولارات
انا : الله اكبر
شاهين : ده نصيبك من العمليه طلعنا الاثارات و بعناهم
انا : كم دول
شاهين : دول اتنين مليون دولار
انا : طيب
شاهين : لحد دلوقتي معرفش انتا بتعرف مكان الآثار منين
انا : وله انا
شاهين : كيف
انا : معرفش بتجيلي في المنام يعني انا دلوقتي عارف ان تحت البيت هنا في مكان اثري كبير من مده حلمت بعيل صغير اسود و لبس جلابيه واقف عند باب البيت سحبني من ايدي و قعدنا نلعب و بعد ما خلصنا لعب اخدني نزلني سلالم كتير لقيت نفسي في مكان اثري تحت البيت هنا
شاهين : ده انتا بينك و بين ربنا عمار يا ولدي
انا : الحمد لله دي ارزاق يا شيخ لو مش من نصيبي مش ها شوف
صقر : المهم انتا مأجل معادنا ليه
انا : يابني مسافر اسوان بقولك مع البيت و بنت عمي مصطفي ها تكون معايا هناك
صقر : و من امته بتقفل دكانك علشان عمك او خالك حتي
انا : لا مصطفي غير
صقر : قريب منك
انا : دي نقطه النقطه التانيه محتاجه ده البوابه لي ارض ابويا اللي بلعها صادق في كرشه ثانين ها يسند ياسر بعدين
شاهين : نرجعهالك في دقيقه
انا : لالا سبوهم خليني الضعيف في الحكايه لحد دلوقتي لكن لما يجي وقتهم ها زعلهم بس امن ضهر ياسر و بعدها سهله انا فاضي لي ابوهم موريش حاجه غيرهم
شاهين : مانتاش ساهل يا ولدي
انا : اللي شوفته مكنش سهل يا شيخ
صقر : ها تسافر كيف
انا : طياران من اسيوط
صقر :طيب هطلع معاك بالعربيه من هنا لحد اسيوط اقعد يومين اقضي مصلحه و ارجع ولد عمي ها يستناك في اسوان بعربيه
انا : و ليه ده كله يعني
صقر : العربيه تبقي معاك تتحرك براحتك هناك احسن ما تأجر عربيه
انا : طيب
شاهين : نلحق نتحرك احنا يله يا صقر
انا : ما لسه بدري
شاهين : بدري من عمرك بس بكره ورايا مشاوير كتير
صقر : بلغني يوم سفرك
انا : طيب

وصلتهم لحد بره و رجعت انا تاني اخدت الشنطه و نزلت البدروم حطتها بين اشوله البن اللي في البيت لحد بكره
و طلعت فوق قعدت مع امي و ياسر شويه عرفتهم بالسفريه و هما فرحه بيها ياسر اول مره ينزل اسوان و امي نزلت اسوان زمان مع جدي مره و بس

دخلت انام و صحيت بدري قعدت فطرت مع امي و ياسر و نزلت روحت المحل بدأت اعبي الطلبيه و اكيسها كويس و قسمتهم بالاسماء اللي اتفقنا عليها كتبت بيان الاسعار الجمله و القطاعي و سعر البيع لي الجمله و القطاعي و كتبت الفتوره ختمتها و روحت سلمتها و اخدت دفعه من الحساب رجعت المحل و كملت شغل انا و يسري لحد معاد الغداء قفلنا روحت البيت اتغديت و سبت امي تحضر الشنط و نزلت انا البدروم جبت الشنطه من تحت قفلت باب الشقه الارضي عليا و فتحت الشنطه فرزتها كويس و نقلت الفلوس في شنطه تانيه اخدتها حطتها في العربيه و اتحركت قعدت الف في المحافظه شويه و عيني على المرايه اطمنت ان مفيش حاجه غريبه قومت طالع لي المنيا الجديده المكان شبه صحراوي الحركه على طريقه قليله قعدت الف و مفيش حد ورايا
وقفت تحت عماره من عمارات المحافظه واخد شقه فيها
نزلت و اخدت الشنطه طلعت الدور الرابع وقفت قدام شقه فتحت الباب و دخلت نورت الانوار لفيت الشقه كويس اطمن علي الدنيا و انا رامي في الارض تراب ناعم كتير جدا علشان اللي يدخل يسيب اثر اطمنت ان محدش دخل
روحت لي اوضه فيها سرير و دولاب خشب بس متين جدا و مبطن من جوه ساج و ليه قفل خزنه يعني خزنه بس بلدي معموله في مخرطه من مخارط القاهره فتحت القفل اطمنت على الفلوس و بصيت على جهاز الانزار لقيته سليم و شغال رصيت الفلوس و قفلت الباب كويس اخدت كيس تراب من الاكياس اللي شايلها في الاوضه نفسها و مشيت على الاماكن اللي كنت دخلت منها غطيت على اثار رجلي و نزلت من الشقه
اخدت العربيه لفيت شويه و طلعت على المحل كملت شغلي لحد بليل و قفلت المحل اديت يسري المرتب و رجعت البيت من تاني لقيت بنت عمي مصطفي عندنا و اسمها شهد
انا : ايه ده شهد عندنا يا مرحبا
شهد : اخبارك ايه يا مازن
مازن : بخير يا باشا
امي : تعاله اقعد تعاله
انا : و ادي قعده (قعدت جنب امي) احنا ها نتحرك امته
شهد : كمان ساعه في الباص بتاع الجامعه لحد اسيوط
انا : لا معرفش اركب انا باص بزهق و مش بعرف افرط رجلي صاحبي ها يوصلنا لحد اسيوط و نركب الطياره هناك
امي : صحبك مين
انا : صقر
امي : طيب و تتعبه ليه يابني
انا : هو نازل اسيوط اساسا و بعدين بصي صقر لو شم ريحه البليله اللي عملاها دي ها يوصلنا لحد اسوان بس ياخد طبق
امي : ههههه والله الواد ده عسل مش زي الزفت التاني
شهد : انا لحد دلوقتي مش فهمه ايه سبب المشكله بينك و بين احمد ده انته الثلاثه كنته مع بعض دايما
انا : النصيب المهم يا حجه بالنسبه لي الطير ها نسيبه على مين ده انا نستهم خالص
امي : و دي تفوتني برده مرات عمك عرفه اتفقت معاها و ادتها مفتاح الباب الحديد تحت تطلع تأكلهم
انا : رغم اني مش بحب حد يدخل البيت و احنا مش موجودين بس ماشي
امي : متخفش انا هقفل الشقه كويس
انا : طيب
شهد : (بتبص في الشقه كتير زي ما تكون بتدور على حاجه) طنط هو ياسر فين
امي : ياسر نزل شويه مع اصحابه و جي دلوقتي
شهد : طيب اخلص الشاي و اقوم اساعدك في توضيب الشنط
امي : وضبتها من بدري يا حببتي بلاش تتعبي نفسك

قعدنا نحكي و برده شهد قاعده تفكر وصل ياسر سلم و دخل غير هدومه و امي بتحضر العشاء و شهد بتساعدها دخلت انا و ياسر غيرنا هدومنا لبسنا لبس مريح لي السفر بنطلونات ملتون و تيشرت بولو بدل الجينز و طلعنا اتعشينا وصل صقر و ركبنا معاه طلعنا عند بوابات المحافظه و امي رجعتنا تاني البيت رجعنا تاني البيت طلعت هيا فوق و نزلت في ايدها كيس اسود
ياسر : ايه يا ماما نسيتس الغاز وله الكهرباء
امي : لا نسيت طبق البليله بتاع صقر
صقر : ده انا نسيته كويس انك افتكرتيه عرفه كنت رجعتكم من اسوان
امي : انا اقدر انساك يا واد ده انتا ابني الرابع
انا : صقر لو فاتت الطياره بسبب طبق البليله ده ها رجعك من اسيوط لي المنيا مشي على رجلك امين
صقر : لا انتا شراني و تعملها امسك سوق انتا اسهل
انا : جدع

نزل و انا ركبت مكانه و رجعنا تاني لي البوابات مسكنا الطريق و انا علي الصحراوي بسوق بسرعه ايوه امي بتخاف و تقعد تاكل دماغي بس انا بحب اسوق بسرعه
وصلنا اسيوط في ساعه و نص طلعنا الطياره و الشركه المتوليه الرحله حجزه تذاكر طياران لي الطلبه جنب بعض
اقلعت الطياره و اتجهت لي اسوان اخدت نص ساعه في الجو و ده كان كتير الصراحه بس زحمه في خطوط الطياران علشان كده اخره الهبوط نزلنا في المطار وقفنا شويه لحد ما توصل الشنط بتاعت الطلبه محنا محسوبين معاهم و لقيت شاب اسمر طويل لبس كجول داخل عليا
شاب : سلام عليكم استاذ مازن
انا. :ايوه مين حضرتك
شاب : غانم العابد ابن عم صقر العابد (مد ايده يسلم)
انا : (سلمت عليه) اهلا و سهلا
غانم : نورت اسوان يا اخوي الشنط بتعتكم طلعت علي العربيه بره و باقي الرحله على الاتوبيس انا اتكلمت مع شركه السياحه مديرين المكتب هنا حبايبنا برنامج الرحله اتغير ببرنامج احسن و لو معجبكش كلم اخوك الصغير غانم اللفك اسوان كلها اي مشكله في الفندق ميصحش تتحرج تطلبها مني
انا : تسلم يا غانم والله
غانم : مش من قيمتك يا اخويا اتفضل

جيه المرشد اللي معانا بلغنا ان الشنط طلعت في الاتوبيس طلعت الرحله ركبه الاتوبيس و انا ركبت مع غانم وصلنا لحد الفندق و ساب مفتاح العربيه و الرخصه و مشي دخلنا الفندق و قعدنا في الانتظار بيخلصه الورق و الحجز و كده و انا الصراحه زهقت و لمحت واحد كده بيحوم حولين المجموعه و ماسك في ايده مج شاي و فجأة وقف اتكلم مع شهد
شخص : مساء الخير
شهد : مساء النور خير
شخص : حضرتك فرد من الجروب
شهد : ايوه
شخص : بجد

بدأ يعطف في الكلام قومت
انا : خير
ياسر؛ ايوه يا كتكوت
شخص : بس يا بابا
انا : انا مش بكلمك
شخص : انتا مين
انا : مازن السراجي
شخص : و بعدين اعملك ايه شوف حضرتك رايح فين (بص لي شهد) نكمل كلامنا
شهد : هههه لا مش معايا ها تكمل كلامك معاهم ماشي يا كتكوت (سابته و مشيت)
انا : شوفت انتا مين يا عسل (حطيت ايدي علي كتفه) مش المفروض ولد شطوره زيك ميكلمش بنات الناس
شخص : نزل ايدك يا شاطر بدل ما اقطعها و احطها جنبك
انا : اممممم يبقي عكستها
شخص : انتا الخروف بتعها يعني
انا : ههههه انا الديك (قومت متمطع و سقفت على وشه بالقلم من النحيتين يعني سقفت علي وشه)

و نزلت في اهله ضرب مفكهوش من تحت ايدي انا و ياسر غير شرطه السياحه تلت ساعه كمله بضرب فيه الصراحه انا كنت زهقان قولت اتسلة
دخلنا مكتب شرطه السياحه
ضابط : اهلا و سهلا ايه ده سامي بيه حضرتك كويس
سامي : انا عايز حقي من شويه الكلاب دول
ضابط : يجي يا باشا في لحظه (بص لينا) انتا يلاا اللي ضربت سامي باشا الخديوي
انا: و بكل فخر اي نعم
ضابط : ما ترد عدل يلاا
انا : ايوه انا اللي مبوظ وشه كده
ضابط : يعني معترف ده انتا ها يطلع عين امك
انا : لا مش ها يطلع عيني وله حاجه تلفون و اطلع و لو طولت اوي بكره الصبح حضرتك و البتاع اللي وشه بايظ ده ها تتأسفه ليا
ضابط : ليه بقي يا حيلت امك
انا : اولا انا مش غلطان
ضابط : ثانين
انا؛. (بصيت لي الضابط شويه و ببرود) ثانين انتا كده كده ناوي تحبسني احبسني و بكره تعرف
ضابط : تمام تمام اوي عسكري خد الاتنين دول
انا : اتنين مين
ضابط : انتا و اللي معاك
انا : الراجل بيحوش تقوم حبسه
ضابط : يعني انتا متعرفهوش
انا : وله عمري شوفته (بصيت لي ياسر و حطيت ايدي في جيبي بصنعه لطافه طلعت حاجه و مسكت دراعه) سامحني يابن عمي لبستك في مشكله مش بتعتك سامحني
ياسر : (حط ايده على كف ايدي اللي مساك ايده اخد الورقه) لالا حصل خير بس حرام تفتري على الناس كده ميصحش يابن عمي
ضابط : (بص لينا احنا الاتنين و مفهمش) طيب روح انتا
ياسر : تسلم يا باشا تسلم

مشي ياسر اصل بعد العلقه اللي اخدها الراجل ده اللي طلع اسمه سامي مشفش قدامه اصلا مين اللي بيضرب فيه اخدوني على البوكس و ياسر دخل الفندق لقاهم بيرمه شنط امي و بنت عمي في الشارع بأوامر من الراجل اللي طلع بيملك الفندق
امي : (بتعيط) يا لهوي مازن ها يبات في الحجز
شهد : اهدي يا طنط انا ها كلم بابا دلوقتي يشوف حل
ياسر : (ماسك في ايده كرت و في الايد التاني التلفون و حطه على ودنه) استني يا شهد و تعاله نوصل العربيه الاول تعاله

وصله لي العربيه اخده المفتاح من السايس و دخلهم في العربيه و كل شويه يرن و الرقم مش بيرد فضل وره لحد ما رد
ياسر : الو غانم العابد معايا
غانم : ايوه مين و رانن عليا اربعين مره ليه
ياسر : اهدا بس يا استاذ غانم انا ياسر السراجي
غانم : مين ياسر السراجي يعني
ياسر : اخو مازن السراجي اللي لسه مقابله في المطار
غانم : ايوه ايوه ايوه سامحني ياخوي سامحني والله معرفش رقمك امسحها فيا
ياسر : يا باشا حصل خير بس في مشكله دلوقتي
غانم : خير ياخوي انا جايلك انا و الولد
ياسر : لالا بس انا و مازن ضربنا واحد و اكتشفنا بعدين انه صاحب الفندق
غانم : الفندق اللي كنته فيه
ياسر : ايوه
غانم : متأكد اصل ممكن يكون موظف هناك
ياسر : هو اسمه سامي الخديوي
غانم : (سكت و مردش)
ياسر : احنا بس عايزين نفهم وضع مازن ايه مش اكتر و اكيد محدش ها يفهم وضعه قد ابن البلد
غانم : اسمع اقعد في العربيه لحد ماجي و بكره الصبح ابلغ ابويا لو موظف كانت تخلص لكن صاحب الفندق دي عايزه الكبير
ياسر : انا اسف والله لو كنت بزعجك
غانم : ياسر يا اخوي اخوك الكبير اخ لي كل قبيله العابد لو في اخر الارض نمشيله بلاد خمس دقايق و تلقيني عندك اقفل

قفل مع ياسر و دخل ياسر العربيه
شهد :انا مش عرفه اوصل لي بابا
امي : يا لهوي يابني
ياسر : انا كلمت غانم العابد يحاول يفهم حاجه قالي مش قبل الصبح الموضوع كبير و احنا ضربنا صاحب الفندق
شهد : و تضربه الراجل ليه
ياسر : كان بيعاكسك صح
شهد : صح بس
ياسر : مبسش ده اللي لزم يحصل

قعده خمس دقايق بالعدد و كان غانم قدامهم ساق العربيه مكان ياسر و طلع على منطقه العابد في اسوان و العرب يا عزيزي يعيشه في مناطق جنب بعض ولاد العم العصب في منطقه واحده و ميتجوزوش غير من بعض دخلهم غانم بيت الضيافه بتاع العيله و ده بيت على أول بيوتهم و يسكن جنب البيت ده كبير العيله و حوليه اخواته و ولاد عمه اللي مخلفين ذكور و بس يعني لو واحد منهم عنده طفله عمرها سنه شوفه سنه يدخل يسكن جوه خالص و ميسكنشي جنب بيت الضيافه
غانم : (باصص في الارض) اتفضله يا جماعه اتفضله البيت بيتكم (بص لي امي) اهدي يا حجه بكره مازن يرجع
امي : ابني ها يضيع
غانم : والله لو حكمت الحج يهد السجن و يطلعه ولدك يامي اخونا و اخونا نمشي وره بلاد امه امنا اخوه اخونا اخته تحرم علينا ده قانون العابد و ولدك مجاش قبله اخ لينا من سنين السنين سواد الليل و يرجع معزز مكرم
ياسر : معلش يا غانم تعبناك معانا
غانم : و لو يا اخوي انته اهلنا و انا بعد اذنكم ارجع دلوقتي استنه الكبير بعد اذنكم حاوله ترتاحه

قعده في الصاله تحت و غانم رجع بيته لقي ابوه في وشه قاعد في الصاله و لابس لبس النوم و معه مكالمه و اسم ابوه صداح العابد
صداح : يا اخوي و كتاب الله كنت نايم (شكله اتبستف جامد) حقك عليا يا شيخي حاضر يا شيخ حاضر يا شيخ اعتبره حصل و لو مخرجش ها هربه (شكله اخد دور بستفه تاني) يا شيخ و كتاب الله ها طلعه اديني بس وقتي (لا ده جي يتهزق بقي و اخد الدور تالت) حاضر يا شيخ حاضر ها شغل الدنيا كلها بس اقفل دلوقتي

قفل المكالمه
صداح : كنت وين
غانم : (عرف ابوه اللي حصل)
صداح : (بغضب) والله انا مخلف طريشه اللي اتحبس ده كلمني عنه شيخ العرب ده شاب مهم جدا ليه لزم يخرج
غانم؛ كنت جاي اصحيك
صداح : اسمع خد ولاد اعمامك و انزله قدام مديريه الامن عايزكم تعجنه بعض ضرب مش عايز حته سليمه في حد فيكم و اللي ضربه يتحبسه دلوقتي فاهم و ترجع على عندي اتحرك
غانم: حصل يا شيخ

اتحرك غانم ينفذ المطلوب منه و الشيخ صداح عمل تلفون و طلع اوضه نومه غير هدومه و نزل

في الحجز

دخلت الحجز بعد ما اخدت علقه محترمه ريحت ضهري على الحيط نص ساعه و اتفتح الباب و دخل خمس اشخاص و قعده حوليا
شخص ١ : (مد ايده في جيبه طلع علبه سجاير و ولاعه و مدها ليا) علبتك يابن العم
انا : تسلم ياخوي
شخص١ : الشيخ صداح شيخ عرب الجنوب باعتني ليك يابن العم بيطمنك بكره الصبح ها تطلع
انا : تمام

ولعت سجاره و قعدت لحد ما نعست مكاني و صحاني واحد من اللي دخله امبارح في الخناقه
شخص ١ : اصحه يا مازن بينادمه عليك
انا : (فتحت عيني) ايوه
امين شرطه : تعاله

قومت معه و طلعنا من الحجز اخدني لحد مكتب مدير الامن لقيت غانم و راجل كبير عرفت بعدها انه شيخ القبيله هنا و واحده ست زي القمر تحسها شرين رضا في نفسها
مدير الامن : اتفضل يا مازن بيه اتفضل
انا : شكراً يا فندم
صداح : كيف احوالك يا ولدي
انا : بخير
صداح : طيب يا باشا محتاجنا في حاجه تاني
مدير الامن : لا يا شيخ صداح تقدره تتفضله بس على اتفقنا يا شيخ
صداح : اكيد اتفضل يا ولدي نمشي
انا : ماشي يا شيخ

كفه الكلبش و نزلت مع غانم و ابوه لحد تحت
انا : هيا مين الست اللي كانت فوق دي هيا محاميه
غانم : لا دي الست صاحبه الفندق اللي ضربته يبقي اخوها الصغير
انا : ايه اللي حصل فهمني
غانم : بعد ما قبضه عليك اخوك كلمني و بعدها كلم صقر قام صقر قال لي عمي و عمي كلم ابويا و ابويا كلم الست سحر علشان يسوي معاها الموضوع
انا : غانم تعبتك معايا
غانم : متقولش كده انتا ابن عم و اخ لينا
انا : (سكت و دماغي فيها مليون مصيبه)
غانم : (بص ليا شويه) يا شيخ
صداح : ايوه يا ولدي
غانم : مازن اخونا ليه حق و لسه مشفاش غليله
صداح : يبقي يشفي غليله قولي يا ولد اخوي تشفي غليلك ازي
انا : بالطريقه

فوق في مكتب مدير الامن
مدير الامن : (معه تلفون) تعليمات سعادتك يا باشا.... يا باشا خلاص خلصت مازن بيه خرج..... خرجه الشيخ صداح العابد...... تمام يا باشا اتفضل معاليك (قفل التلفون) اهو مدير جهاز المخابرات الحربيه قطاع شمال مصر مكلمني طلع مازن يبقي ابن اخوه
سحر : مين ده
مدير الامن : مصطفي بيه السراجي
سحر : امممم طيب
مدير الامن : بس حضرتك مكنش في داعي انك تيجي من القاهره لحد هنا
سحر : الشيخ صداح كان منفعل جدا بطريقه اول مره اشوفها طول عمره شخص حكيم من الواضح ان الولد ده مهم عنده علشان كده جيت الشيخ صداح شخصيه مهمه في قبيلته قريب من مراكز صنع القرار وسط ناسه اللي في كل حته و اغلب شغلي السياحي وسط الصحراء على ارضه
مدير الامن : ده حل ممتاز
سحر : استاذن انا
مدير الامن : يا هانم كملي قهوتك
سحر : مره تانيه بعد اذنك

سابته و مشيت نزلت تحت ركبت عربيه مرسيدس مايبخ مديل السنه و كان معاها السواق بتاعها و قائد الحرس بتاعها و اسمه كمال
سحر : ها يا كمال
كمال : حصل يا هانم و جبت تفاصيله اتفضلي
سحر : (اخدت الملف و شافت التقرير قفلت الملف) اسمع امن سامي كويس الواد متروق جامد اتوصه به و شكله عرباوي مش صعيدي ها يبيت النيه
كمال : لو حصل نتعامل معه
سحر : لا لو حصل اخلعه بسامي
كمال : ليه ما نتعامل معاه و نخلص يبقي هو اللي جي برجله
سحر : ممكن متفكرش يا كمال بعد اذنك اوعا تفكر تقتل واحد عرباوي مفيش قريه سياحيه لينا ها تفضل على رجلها ها يشلوها من على وش الارض تاني مره اوعه تفكر اتحرك رجعني الفندق

اتحركت سحر في طريقها لي الفندق و لكن في وسط الشارع و العربيات ماشيه العربيه فرملت مره واحده بصت تشوف في ايه لقتني قاعد في وسط الشارع علي كرسي و حاطت رجل على رجل ولعت سجاره و غانم نزل من العربيه و هو ماسك اللي روسي وقف من نحيه الباب اللي فيه الحارس و انا قومت من على الكرسي و روحت نحيه الباب وره السواق فتحت و ركبت جنب سحر
انا : (خلعت النظاره الشمس) صباح الخير يا سحر هانم احنا اتقابلنا في مكتب مدير الامن بس دي اول مره نتكلم في الحقيقه انا اول ما شوفتك قولت دي محاميه بس بعد تفكير طويل و عميق لي مده خمس دقايق اكتشفت ان مستحيل يكون في محاميه بالحلاوة دي سألت غانم قالي دي صاحبه الفندق و اخت العيل اللي ضربته اللي بعد كده وصه اني اخد حتت علقه محترمه
سحر : و انتا عايزه ايه بقي تاخد حقك مني
انا : مش بمد ايدي على نسوان
سحر : (فتحت الشنطه طلعت علبه سجاير حريمي ولعت سجاره و رجعتها تاني و طلعت دفتر شيكات) قولي تمن العلقه دي ايه
انا : انها اشياء لا تشتره بالمال يا ست الكل بصي انتي ست مشاء الله عليكي ذكية و جميله و غنيه فشخ ربنا يزيدك بس انا مليش سعر
سحر : مفيش حاجه ملهاش سعر
انا : لو قدرتي تشتري المحيط تقدري تشتريني
سحر : مازن محمد السراجي اسمع يا مازن انا اعرف عنك كتير جدا اكتر مما تتخيل بلاش تعمل حاجه تندم عليها ممكن ماما حياه تزعل على ياسر ابنها الصغير او ولادها يزعله عليها تؤتؤتؤتؤ حقيقي مريض السكر بيكون عنده اكتر من نقطه ضعف
انا : هههههههه لو تعرفي تدخلي ارض العابد تقدري تلمسي شعره منها او من اخويا ده لو تقدري بصي اختصار لي الكلام مهما كنتي مين انا ايدي دايما قويه عليكي بفلوسك و نفوذك و علاقاتك برده ايدي قويه عليكي فنادقك و استثماراتك في لحظه ممكن تضرب و مش من بزنس مان كبير لا ده من حتت عيل برستا في قهوه في المنيا و علشان نكون وضحين انا رايح بكره الفندق اقضي اجازتي عايز اخوكي يكون في انتظاري يتاسف عن اللي عمله مع بنت عمي انا كده كده عملت اللي انا عايزه انا مش عايز حقي كفايه اني روقت عليه
سحر : و اتروقت كمان
انا : مش مشكله طول عمري بضرب و اضرب سهله بس امي و بنت عمي لا ها تزعلي و الكلام واضح اخوكي بكره الصبح يكون في انتظاري في الفندق يستقبلني
سحر : (زعقت) جري ايه يا روح امك انتا ها تشوف نفسك عليا وله ايه ده انتا حتت عيل ملكش سعر و التهويش ده ميكولش مع سحر الخديوي يا حيلتها اقفش القرشين و ارجع الجحر اللي انتا جيه منه  و افتكر ان فار زيك لما يشم نفسه يوم و يرجع جحره و معاه ١٠٠ الف جنيه كتيره عليه جتك القرف
انا : (بصيت نحيه صقر)
غانم : (بالدبشج بتاع السلاح خبط القزاز من نحيه الحارس بتعها كسره)
سحر : (خافت جامد و اتصدمت فكره اني بهوش)
انا : شكل الادب مش بينفع معاكي بصي يا مرا لو فكره نفسك حاجه تبقي عبيطه انا مازن السراجي يا روح امك تفوقي و تظبطي نفسك معايا و إلا ها حزنك على اخوكي فاهمه يا روح امك و انا مش باجي بالزعيق ها تشوفي نفسك عليا هفعصك بأوسخ جزمه عندي وله يفرق عندي انتي مين و بنت مين نهائي كلامي خلص (فتحت باب العربيه و نزلت و بصيت ليها) حلوه عربيتك سامحيني على القزاز بقي باي

قفلت الباب و مشيت انا و غانم ركبنا العربيه و اتحركنا
غانم : انتا كده كل اللي عملته انك كسبت عداوتها و خلاص
انا : لا و انتا الصادق انا كده عرفتها مكانها صح غانم انا ميفرقش عندي هيا مين وله تعرف تعمل ايه كده كده توبها عندي معروف (سكت شويه بتفكير) بس مش عارف مالي انا كنت ناوي اعورها هيا و اخوها و اعلمهم درس عمرها ما تنسه ابدا بس مش عارف
غانم : هيا الصراحه حلوه احلوت في عينك
انا : لالا مش كده بس الموضوع اني حاسس من نحيتها احساس غريب مش فاهمه حاسس ان مينفعش اعمل اللي عملته ده نهائي بس غضبي عماني
غانم : دي غريبه بس مش مشكله اسمع نروح لي بيوتنا تفرح الحجه امك و تطمن اخوك بخروجك تاكل لقمه و بكره نشوف
انا : طيب

اتحرك لي بيت الضيافه بتاع قبيله العابد و انا اول ما وقفت قدامه عرفت انه بيت ضيافه الان كل اللي حوليه رجاله و ساكنين رجاله الموضوع دايقني الان معايا امي و بنت عمي بس انا هعرف ارد عليه هو و ابوه كويس و اعرفهم اني مقعدش في بيوت ضيوف العابد

دخلت البيت بعد احضان و اطمئنان و كلام كتير بعته الغداء و قعدنا نتغدا سوا و طلعت انام صحيت تاني يوم على تلفون من رقم غريب قولت تلقيه شغل رديت و كانت سحر الخديوي عرفتها من صوتها
انا : الو يا سحر
سحر : انتا عارف رقمي
انا : لا بس كنت متأكد انك ها تتصلي
سحر : و جايب الثقه دي منين
انا : علشان عارف انك ست ذكيه و ها تقادري كلامي و تعرفي اني مش بهزر او اهوش
سحر : ما يمكن بتصل اقولك اخبط دماغك في الحيط
انا : مكنتيش ها تتصلي يا سحر عيب برده انا مش تلميذ
سحر : ماشي يا استاذ على فكره احنا مش غرب عن بعض نهائي بالعكس احنا نعرف بعض من زمان او بالمعني الاصح انا اعرفك من زمان
انا : و ده من امته بقي
سحر : من وقت ما اتولدت يابن امبارح وله اقولك اول ما دخلت الجامعه وله اقولك من يوم ما اشتغلت مع الحج رضا اكبر تاجر بن في الحسين اقولك كفايه عليك كده
انا : لا كفايه ايه احنا شكلنا نعرف بعض من زمان بس انا مش فاكر فكاريني
سحر : لا لما تيجي النهارده الفندق ها فكرك مستنياك

قفلت السكه و انا نزلت تحت لقيت الكل قاعد بلغتهم ان احنا راجعين نفس الفندق بعد ما يتأسفه لينا وافقه و قومنا حضرنا شنطنا بلغت الشيخ صداح رغم رفضه بس اصراري ان احنا نمشي وافق اخدتهم في العربيه و رجعت الفندق نزلنا و كان في استقبال حافل من موظفين الفندق دخلنا الاستقبال و لقيت العيل اللي اسمه سامي واقف في النص المشكله ان سنه يجي من سني تقريباً باصص ليا بعين مليانه دموع
سامي : انا حابب اعتذر عن الموقف اللي حصل بنا اول مره استاذ مازن و استاذ ياسر انا اسف و اسف على حبستك (بص لي شهد) انا اسف يا انسه (بص لي امي) انا اسف يا هانم و اتمني تقبله اعتذاري و اتمني ليكم اقامه سعيده في الفندق بعد اذنكم

سابنا و مشي راح نحيه الاسانسير اخده و طلع فوق لي جناح سحر الخديوي و هو بيبكي سحر اخدته في حضنها تهديه
سحر : بس يا حبيبي بس بلاش تعيط
سامي : ازي يا سحر ازي
سحر : انتا راجل و الراجل يستحمل اجمد
سامي : حاسس حاسس اني ان
سحر. :هشششش معلش اسمع هدي نفسك خالص و انا نزله
سامي : رايحيه فين
سحر : رايحه ارد حقنا يا سامي بيت الخديوي مش هفيفه و ده حقنا و لزم نرده اهده و هدي نفسك و لما تكون مستعد تواجه واجه

سابته و طلعت في ايدها تلفونها و لبسه بنطلون دايق و تي شرت اديق منه لبسها اوروبي كله راحت الاستقبال و احنا بنمضي الورق في الاسقبال وقفت ورانا لحد ما خلصنه و لفينا امي اول ما شافتها اتصدمت و شنطه ايدها وقعت من وهل الصدمه محدش اخد باله بس انا كنت مركز ليهم حسيت ان الموضوع فيه موضوع
سحر : ازيك يا حياه يا موجي


يتبع......