تاجر البن (البداية)

اسرار

الفصل الرابع

الأبواب المقفوله يستحسن تفضل مقفوله عرفين ليه علشان فتحتها مش ها تجيب غير العفره و التراب و الصداع و الوش خلينا متفقين ان مازن قدر يربط بين حياه و سحر ربط لي المستوي ده كان صعب عليه انهم اخوات كان اصعب بكتير و في مستوي تاني خالص الفكره مش هنا الفكره في باقي السر الان مفيش حاجه ها تقفل كده و خلاص وله حكايه ليها اخر سهل كل حوار وراه حكايه و كل حكايه فيها اسرار

بدايه الفصل

لسه قاعدين قاعد بسمع حكايه سحر و جوايا بضحك و فرحان ان توقعي طلع صح و برده زعلان امي خبت عني سر كبير ازي تخبيه هو اكيد ليها اسباب بس ليه و زعلي الاكبر لما سمعت ان اخوها الكبير قتل مرات ابوه و جوز اخته و ابنها
انا : (بلعت ريقي بصعوبه و صدمه) يعني اخوكي قتل ابنك
سحر : (الدموع بتنزل من عينها بدون صوت بدون بكاء و باصه ليا) هو فاكر انه قتل ابني بس لالا هو مقتلهوش
انا : هربتيه صح
سحر : (سكتت بس المره دي كلمها هو اللي سكت بس دموعها هيا اللي نطقت)
انا : اهدي طيب اهدي شويه (قومت مليت مايه من الكولر و رجعت ليها) اشربي و اهدي
سحر : (شربت المايه و بدأت تهدا شويه)
انا : واحده واحدة بس علشان افهمك ازي اخوكي قتل ابنك و ابنك لسه عايش هربتيه يعني
سحر : (بصت ليا بحزن مكتوم) حياه اخدته على انه ابنها
انا : (لحظه صمت و صدمه) ازي
سحر : من ٢٣ سنه كانت ولاده الاتنين وله انا وله حياه كنا بنعرف الاتنين من بعض خالص مكنش بيعرفهم غير هارون و هارون هو اللي سلم ابننا ليهم في ايدهم انتا ابني يا مازن (حطت ايدها على وشي) ابني اللي اتحرمت منه سنين و سنين عرفه هو فين بس معرفش هو فين معرفش حتي شكله علشان احميه علشان احميك من شر خالك خليتك بعيد دوست على قلبي بالجزمه علشان انتا تعيش و تكمل حياتك مازن انا امك و انتا ابني
انا : (باصص ليها بصدمه) امي امي ام امي ازي ها ازي ازي امي و عرفتي منين ان انا ابنك ما يمكن جوزك ده اتغلبط وله غلط وله حصلت في دماغه حاجه
خليل : لا يا مازن هو فعلاً بدل الولاد و تأكدت من ده بنفسي
انا : اتأكدت ازي
خليل : بعد اللي حصل رجعت انا و حياه و محمد و امير هنا الصعيد و اختفينا عشر سنين ياسر اتولد و محمد توفه و حياه جالها فشل في الكبد اكيد انتا فاكر و اكيد فاكر ان احنا عملنا ليا و ليك و لي امير تحاليل اذا كان كده تتبرعه في تحاليلك الدكتور قال انه طلب قريب من الدرجه الاوله اللي هما الابناء و الاخوات تحاليلك طلعت انك من الدرجه التالته ابن اخ او اخت وقتها اخدنا الفص مني انا و امير اترفض علشان الأنيميا بعدها تواصلت مع سحر بعد مده طويله اتكلمت معاها و اتجمعت انا و حياه و سحر بعد مده كبير و عملنا ليك تحاليل تاني بعدها تحليل دي ان اي و طلعت النتيجه إجابيه حياه رفضت الفكره و صممت انها مستحيل تسيبك لدرجه انها هددت سحر بالقتل كانت غريبه حياه تهدد بالقتل و سحر قبلت علشان تفضل في امان
انا : (بصيت لي الاتنين بصدمه اكبر) يعني انا عشت كذبه العمر ده كله كذبه عمرها ٢٣ سنه كذبه بعمري يعني ده شيء منطقي انته اكيد اكيد كذابين
سحر : والله حقيقه و لو عايز نعمل تحاليل تاني علشان تتأكد
انا : تحاليل ايه اللي تقول ان فلاً ابن فلاً مش ابن فلاً تحاليل تقول ان امي مش امي و ابويا مش ابويا و اخويا مش اخويا كل ده ييتعرف بالتحاليل تحاليل اي كلام تحاليل تدمر حياه بني ادم عاش فيها و تبدلها بحياه تانيه مستحيل
خليل : انا عارف ان الموضوع كبير و مش قادر تستوعبه بس ده حقك بس برده دي الحقيقه اللي لزم تعرفها مازن حياه كانت امك فعلاً محدش يقدر يقول غير كده هيا ربتك و كبرتك و علمتك و اهتمت بيك و حبتك اكتر من امير و ياسر كمان بس دي حقيقه لزم تعرفها امك موجوده و محتاجاك جنبها انتا عندك ثلاث اخوات بنات واحده منهم توائم و محتاجين راجلهم ابنهم جنبهم حياه و اخدت كفايتك منها سحر محتاجك
انا : هيا كانت فين كل السنين دي لسه فكره ان ليها ابن دلوقتي
سحر : (و الدموع في عنيها) غصب عني والله غصب عندي لو كنت جبتك كنت اتقتلت قدامي
انا : ايه سحر هانم الخديوي متعرفش تحمي ابنها
سحر : انتا متعرفهوش انسان زباله و وسخ يقدر يوصل لي اي حد في اي وقت و عنده استعداد يعمل اي حاجه كان لزم تفضل ميت و انا افضل كده معنديش راجل يحميني و اصحي الصبح انا و بناتي نلقي اخويا اللي من دمي عازم رجاله و بيسكره في بيت اخته بيت حريم كان لزم اتحمل كل ده علشان انتا تعيش في امان انتا املي في الحياه عشت السنين بعد الايام اللي ترجع تاني فيها لي حضني راجل بجد يحمي امه و اخواته حريمه
انا : و اخوكي راح فين سامي راح فين
سحر : سامي سامي لو لقي اخوه و اصحابه قاعدين يسكره في بيتنا يقعد يسكر معاهم ضعيف الشخصيه مهزوز ملهوش رأي وله كلمه
انا : (قومت) اطلعي بره انتي و خليل و سامي انا كان ليا ام واحده اسمها حياه الموجي و ماتت لكن انتي انا معرفكيش نهائي فاهمه اطلعه بره مش عايز اشوف حد فيكم تاني

سبتهم و خرجت لي اوضه نومي بسرعه دخلت و قعدت لوحدي
و قامت سحر و هيا مكسوره الخاطر و نزلت مع خليل و سامي الشارع ركبه العربيه مع فريق حراسه كانت جيباه سحر علشان تاخد ابنها و تمشي تأمنه لحد ما يوصل لي القاهره بس مأخدتش الرد اللي هيا عايزه و قعد ياسر و امير مع بعض
ياسر : افتكر ان احنا كده عملنا اللي علينا
امير : عندك حق بس شكل سحر و هيا نزله من هنا صعب عليا بجد
ياسر : عندك حق كان منظرها يقطع القلب بس برده هيا الغلطانه
امير : بتقولك كان ها يتقتل انتا مدرك الكلمه مكنش في حل تاني والله لو ابني مش هعمل اقل من كده
ياسر : هيا وجهه نظر بس دلوقتي العمل ايه
امير : يبقي الحال على ما هو عليه لحد ما حاجه تتغير مفيش حل تاني
ياسر : طيب

طلعت من الاوضه و انا لابس فتحت الباب من غير كلام وله سلام اخدت في وشي و نزلت تحت ركبت العربيه و اتحركت سايق و مش عارف اروح فين وله لي مين لحد ما لمحت عربيه ماشيه ورايا عربيه شكلها نضيف شويه من اول ما انتبهت و بدأت الف شويه لقتهم برده لسه ورايا طلعت تلفوني و اتصلت على صقر
صقر : (بقلق) مازن انتا كويس
انا : بخير بس انتا فين
صقر : في البيت
انا : طيب حضر نفسك معايا نص ساعه و اوصل عندك بس اعمل حسابك انا مش لوحدي ورايا حد
صقر : دبوره
انا : عربيه انضف من عربيات الدبابير
صقر : طيب قبل ما تدخل عليا بخمس دقايق اديني رنه و متغيرش اتجاهك بشكل ملفت
انا : طيب

قفلت مع صقر و بدأت اغير اتجاهي بطريقه غير ملفته لحد ما مسكت الطريق لي ارض العابد و ده في المنيا الجديده بس بعدها اول ما تمسك الصحراوي كده دخلت الطريق عادي خالص و وصلت لي بيت صقر ركنت و دخلت فتحلي شاهين
شاهين : ادخل
انا : (دخلت)

قعدت انا و شاهين
انا : صقر فين
شاهين : راح ياخدهم و يرجع اطمن و اهدا
انا : انا هادي

خمس دقايق و دخل علينا صقر
صقر : حصل
شاهين : اقعد طيب
صقر : (قعد جنبي) اطمن
انا : (ماسك دماغي بأيدي الاتنين ها تنفجر من التفكير) بعد اذنك يا صقر عايز كبايه قهوه
صقر : طيب هدي نفسك الاول
انا : (وديت بغضب مكتوم) بلاش هدي نفسك دي علشان بتعصبني
صقر : طيب خلاص ماشي

قام صقر و طلب من امه تعمل كبايه قهوه و رجع بيها
صقر : اشرب القهوه
انا : (ولعت سجاره و قعدت باصص قدامي في الولا حاجه بس بفكر) بقولك ايه العيال دي حكت كتير قبل ما تسحبهم
صقر : حاوله بالسلاح بس اتثبته كويس
انا : شكلهم ايه طيب
صقر : ناس عاديه
انا : يعني شكلهم عيال نفخه عضلات و كده وله عادي شباب زينا
صقر : نافخه
انا : طيب بقولك يا ابو صقر
شاهين : قول يابني
انا : الموضوع ده من شكله كده مش ممكن يكون ليه علاقه بمافيا الاثار
شاهين : و انتا مالك و مالهم
انا : على الكم عمليه اللي اتعمله
شاهين : اديك قولت كم عمليه مازن يابني انتا مش شغال معايا اولاً ثانين كل العمليات اللي اتعملت بنا كانت صدفه مش اكتر و افتكر انك اكتر واحد عارف كده انتا كنت تمشي تتكعبل في حته في اتنين تطلع مبيت في الصحراء انتا و صقر تنام تحلم بمكان لكن انتا لا شيخ وله صاحب مكان وله حتي تاجر انتا مجرد عيل مرزق مش اكتر
انا : (بديق) يارب حلها من عندك يا رب انا تعبت
شاهين : مالك يا مازن بقالي مده طويله مشفتكش في الحاله دي ايه اللي حصل موت امك كسرك وله ايه ده انتا بت في الشوارع جعان و مكسور الخاطر ايه الجديد
انا : كتير يا شيخ كتير يا كبير
شاهين : وحد الله و احكي يابني مالك
انا : (عرفته حكايه سحر الخديوي و امي و ابويا و شاهين و القصه دي كلها) بس معرفتش اقول ايه خالص وله اعمل ايه يعني ايه امي مش امي و ابويا مش ابويا و اللي المفروض امي سابتني بأسم انها ها تحميني و ابويا اللي المفروض ابويا بدلني بحد تاني و ذنب موت التاني في رقبته
شاهين : (افتكر كلمه اتقالت ليه من يجي خمس سنين كده و اتقال (الولد ده شايل وره اسرار كتير و كتير قوي هو لا عارف نفسه وله عارف هو مين بس خلي بالك من شره لو قلب عليك خليه صديق ليك احسن و اكرم ليك و ها يجيلك من وره خير كتير جدا) سكت شويه) طيب يا ولدي واحده واحده ما يمكن تكون هيا اللي بعتاهم
انا : باعته تخطفني و تجبرني ارجع معاها
شاهين : و يمكن بعتاهم يحموك بص يا مازن مهما حصل ها تفضل ام و معذوره في اي حاجه عملتها سواء هيا او ابوك انا اب برده و مخلف طور ماشي في الدنيا يخبط يمين و شمال ايوه قلبه ابيض و ايوه اللي في قلبه على لسانه عارف مهما كبر برده بخاف عليه اسمع يا ولدي احنا معلناش اي عتب في اي حاجه عملنها لي عيالنا مهما كانت احنا اولياء اموركم حتي لو بقيته جدود و احنا علي وش الارض برده اولياء اموركم
انا : مش كده
شاهين : و ابو كه كمان مازن انتا متعلمش أيامها كانت كيف
انا : حكت
شاهين : مهما حكت برده متعرفش و لو قالت التفاصيل برده متعرفش اللي عاش و هو اللي فاهم و عارف اسمع هدخل اعرف حكايه العيال دي ايه و ارجع ليك تاني ماشي
انا : ماشي

قام ابو صقر و قعدت انا و صقر
صقر: مش عارف الحكايه دي شبه حكايات الافلام بالظبط
انا : شوفت الهم اللي انا فيه
صقر : طيب و ها تعمل ايه
انا : مش عارف اعمل ايه انا طردتها هيا و خليل
صقر : يعني مش ها تروح ليها
انا :اروح لي مين يا صقر انتا عبيط
صقر : ابقي عبيط لو شوفتك فعلاً مش عايز تروحلها و اسكت دي امك
انا : تاني نقول تاني يا بني ادم افهم
صقر: افهم ايه افهم انتا مازن امك دي كانت غاليه عليا و حزنت عليها مش ها قول زيك بس حزنت عليها جامد لو اتفرقت انتا و ياسر و امير بعد موتها مفيش بكا عليكم ثلاث رجاله و هما احرار لكن دلوقتي حرفياً في رقبتك ثلاث نسوان و امهم اللي هيا امك و بعدين التار ياض مش ليك تار بره تار ابوك و جدتك اللي اتقتله و الراجل ده سكته منين و انا اشرب من دمه ده انا دمي اتحرق عنك
انا : و لو قلتلك بقي انه اوقات بيعزم أصحابه يسكره في بيت ابوه اللي هيا عايشه فيه ها تعمل ايه
صقر : (ضربني في كتفي و اتعصب جامد) انتا عايز تسكت برده انتا مجنون ياض ده عرضك ده انتا كده محصلتش حتي راجل مش راجل عربي او صعيدي حتي فوق ياض
انا : افوق لي ايه افوق لي حقيقه مفجعه حقيقه ها تهد حياتي
صقر : ابنيها من جديد يا صحبي و بعدين ده انتا اكتر واحد بيقول ياما دقت علي الراس طبول جت على دي
انا : تقيله
صقر : استهدا بالله كده و شوف امك

شويه و رجع شاهين
شاهين : صلي على النبي
انا :عليه افضل الصلاة والسلام
شاهين : انتا لزم ترجع لي امك
انا : هو انا اخلص من صقر يطلعلي ابوه
شاهين : لا لزم تشوف امك ضروري امك ها تتقتل بكره و هيا طلعه من المحافظه اللي جوه دول تبع خالك هو لحد دلوقتي معرفوش انتا مين وله تبع مين وله حكايتك ايه بس امك ها تتقتل بكره و هو اللي لبسه حوار المخدرات ليك انتا
انا : بس الضابط قال
شاهين : قال ان المقصود بيها صقر و اتقالي نفس الكلام و دي حقيقه امك ذكيه خالك كان عايز قريه سياحيه عافيه قامت ادتها ليه و القريه مكانها في سيناء مركز قبيله العابد علشان تشتري هناك او تبيع لزم احنا نقبل و هيا كلمت شيخ المشايخ و اللتمست ليه انه يرفض البيع خالك عرف و بعت اللي يقتلها و يلبس صقر سيب القريه و صقر يطلع غير كده كم واحد من حبايبي في السوق عايزين يزعلوني و من اهلك عايزين يزعلوك و المصالح بتتصالح
انا : و عرفت منين
شاهين : استجوبت اللي جابهم صقر و كمان عملت كم تلفون لي شيوخ العرب و اخويا شيخ المشايخ و عرفت اصل الحكايه كلها سوق الاثار فيه لاعب جديد مضربناش بالعكس حط قانون ميزعلش الكل بس يزعل اللي يتعداه و احنا دعمنا علشان نابه ازرق و سماوي مش خوف منه بس احترام لي جدعنته احنا قبلنا بالقانون و الصعيد قبل بقانون ابنه و لكن بتوع بحري اللي شايفنها تجاره زي اي تجاره مقبلوش عايزين يلوشه فينا يلوه دراعنا ياخده دعمنا في قتله عن طريق اللي ها يحصل لي صقر و بالمره يكونه ورونا الوش التاني علشان نمشي بطوعهم هما دول بقي حبايب خالك و عايزين يشتره القريه امك اتصلت بشيخ المشايخ و عرفته ان القريه متاخده غصب وقف بيعها لي اي حد مهما كان مين نزله الصعيد عمله تحريات عن صقر طلعت انتا فيها قاله بس سكه نوصل بيها لي صقر مع الوقت اكتشفه انك متراقب من حد تاني تقيل و الكبار يعرفه بعضهم اتفقه و كانت الحصيله ايه قريه تسوا فوق الـ ٢٠٠ مليون دولار و ضرب العرب بيك و ضربك بالعرب علشان لو اعترفت على صقر لزم يموت الشاهد وصلت
انا : يا ولاد الوسخه ايه شياطين
شاهين : (فزع فيا) جرا ايه يعني شياطين و ماله مازن فوق لي نفسك بدل ما افوقك بيدي فوق الكل عايز رقبتك و اللي كانه عايزنها في الاول قراط دلوقتي اربعه وعشرين انا عايزك تفوق عايزهم يعرفه مين هو مازن عايزهم يشوفه وشك الوسخ الناس دي مش عايزه دمك لا عايزه تمص دمك و تاكل لحمك كمان لزم تفوق


قعدنا نتكلم شويه في اكتر من حاجه و بعدها اتحركت لقيت اخواتي او ولاد خالتي او اخواتي والله الواحد مبقاش عارف وشه من قفه مش الصح و الغلط قعدت معاهم لحد الفجر

في بيت خليل الموجي الساعه ثلاثه العصر
سحر بتلبس و بتحضر نفسها علشان ماشيه هيا و سامي
خليل : طيب خليكي و نحاول تاني
سحر : (بحزن و كاسره) احاول تاني في ايه ابني مش عايزني يا خليل ابني عايز يرمي لحمه في الشارع هو حر بس انا حاسه اني مكسوره يا اخويا
خليل : (اخدها في حضنه) معاش وله كان اللي يكسرك
سحر : عاش و كان يا اخويا
خليل : انا هاجي معاكي و اوقف الحيوان ده عند حده و اعرفه مكانه و انه مينفعش يعمل كده مع اخته
انا : لا مهو مش عيل صغير تمسك ايده تضربه على ضهرها الباشا محضر رجالته علشان يصفي اخته كمان شويه
خليل : و انتا عرفت منين
انا : ميخصكش (بصيت لي سحر من فوق لي تحت لقتها لبسه فستان حريمي اوروبي اسود)
سحر : (تفادت انها تبص في عيني)
انا : يا نيره
نيره : ايوه يا مازن
انا : شايفه الست اللي شبه باربي دي
نيره : ملها
انا : عايزها ست شعبيه في خلال خمس دقايق
نيره : امسح الميك اب صحبتك تلقي عزت ابن عمك سناء الله يحرقها
انا : هيا و ابنها و يارب
سحر: بس انا مش حطه ميك اب خالص
نيره : ها نشلفط وشك بالطين تعالي يا مرات ابويا تعالي


اخدتها من ايدها و انا بصيت لي سامي
انا : تعاله
سامي : تعاله انتا
انا : طيب (مديت ايدي مسكته في كمر البنطلون اللي هو الوسط و شديته نحيتي) مش عايز وش كتير فاهم قولي امبارح كان معاكم عربيات كتير دول ايه
سامي : دول الحرس
انا :  مش شايفهم تحت يعني
سامي : لا مهما قاعدين في مكان متأجر يباته فيه
انا : امممم طيب طيب قولي انتا بتسوق
سامي : و اسوق ليه مش السواق موجود
انا : حبيب قلب السواق قولي يا مدلع يعني مش من الطبيعي انك تسوق صح
سامي : ايوه
انا : طيب مين اللي بتثقه فيه جدا من الحرس بتوعكم
سامي : مفيش غير كمال قائد الحرس و كان تلميذ اونكل هارون الله يرحمه
انا : حلو اتصل عليه بلغه يجي بعد ثلاث ساعات لوحده و يخلي الحرس يتحركه قبله بساعه يستنه بعد بوابات المحافظه
سامي : ليه
انا : لا مش وقت ليه خالص تنفذ اللي بقولك عليه اخوك لو قفشك انتا و اختك ها يقتلها علشان يورثها و انتا معاها علشان متقاسمش معه
سامي : اوكي
خليل : و ليه ده كله نسبهم يدخل هنا و ننزل عليهم بالسنج و المطاوي و الكزالك
انا : (حطيت ايدي على كتفه) خالي صح عادي وله انتا كمان اتغيرت
خليل : لا يا حبيبي لسه خالو
انا : طيب انتا راجل اهبل ياريت متفكرش ناس عايزه تقتل ناس و انتا عايز تدخل عليهم بالسنج اسكت احسن

دخلت الصالون و طفيت النور قعدت على كرسي و فردت رجلي قدامي و غفلت شويه لحد ما وصل كمال و لقيت خليل بيصحيني صحيت و طلعت معاه لقيت راجل طويل و عريض و جسمه مقسم
انا : انتا كمال
كمال. :ايوه يا مازن بيه
انا : اسمع انتا ها تتحرك دلوقتي معاكش اي حد خالص في ناس ها تحاول تقتل الهانم و علشان نمنع ده لزم حيله و دي الحيله حلو ها تتحرك لوحدك و متقفش لي حد و رجالتي انا ها تتصرف على الطريق لو حصلت اي حاجه في خاين في فريق الحرس بتاعك
كمال : طيب و الهانم الباشا
انا : لا مهو احنا الهانم و الباشا ها يتحركه في عربيتي الخاصه سمعت انك كنت صديق لي هارون باشا
كمال : طبعاً ولدك كان زي ولدي و اكتر كمان اطمن يا مازن باشا
انا : خد الشنط في ايدك بقي في العربيه علشان تبقي حركتنا احنا خفيفه
كمال : تحت امرك
انا : سامي نزل معاه الشنط
سامي : افندم
انا : انتا تاني طيب سافر بقي مع كمال على الطريق يمكن يقتلك اخوك و نخلص منك اخلص بدل والله ارميك من البلكونه و انتا متعرفش جناني عامل ازي اتفضل

شال سامي الشنط على مضض و نزل مع كمال حطهم في العربيه و رجع تاني و الحريم طلعت من الاوض لي الصاله و سحر كانت لبسه عبايه سوده و لفه طرحه زي اي ام مصريه اصيله
خليل : انتا مجنون يا مازن ما يمكن يكون هو الخاين و يخلص علينا كلنا دلوقتي
انا : (شاورت على ليزر احمر مكان ما وقف كمال) كان مات قبل ما يتحرك (طلعت تلفوني و اتصلت علي صقر) ها طمني..... تمام... تمام.... خلاص لو حصلت حاجه تعامل مع الكل بس سيب كمال متنساش انها العربيه الرئيسيه و المفروض انها اول عربيه تهرب..... تمام سلام (قفلت مع صقر) كمال مش خاين علشان عربيات الحرس لسه مكانهم علي الصحراوي لو خاين كان بلغهم يخلعه علشان كده كشفت نفسي قدامه
خليل : شاطر شاطر هلبس و انزل معاكم اوصلكم لي الموقف تاخده عربيه مخصوص
انا : انا مش قلتلك متفكرش تاني مينفعش عربيه الان في احتماليه لي غدر كمال يبقي نتحرك في ايه بقي
خليل : بس انتا قولت ليا كده ايه بتشك فيا انا كمان
انا : علشان انا عارف انك مش بتفهم قولت كده يمكن تقع بلسانك قدامه
سامي : ايه ها نسافر على جمل مش كفايه اني هركب مواصلات عامه
انا : انتا كنت بتروح الجامعه بأيه
سامي: بالعربيه طبعاً
انا : انا بقي ها خليك تفتكر ايام الجامعه بس تاخد مواصلات بيركبها مليون طالب في اليوم و الطبقه الكادحة
نيره : متهزرش يا مازن
انا : ليه ده الحل الوحيد
نيره :بس يتحرشه بالبسكوته اللي معاك
انا : طب خلي دكر يقرب منها
نيره : لا مش باربي قصدي علي العيل السيكا اللي معاكم ده
انا : (بصيت لي سامي من فوق لي تحت) كل راجل يخلي باله من نفسه
سامي :انتا ها تركبنا ايه بالظبط
انا : انا حجزتاك تذكره لي احلا وسيله مواصلات حصلت في تاريخ الطالب المصري السبب الرئيسي لي رسوب ٩٠٪ من طلبه الجامعات بسبب انه مخزن مدمر الاجيال قطر الركاب
سامي : قطر لا مركبش قطر انا لا


بعد نص ساعه كنا في القطر متجهين لي القاهره قاعدين على ثلاث كراسي وسط الزحمه و انا حاجز الكراسي دي من أسيوط و مأمن عليها و سامي قاعد قرفان من الناس و من نفسه و من الدنيا كلها و انا سرحان في الشباك بتاع القطر و سحر سرحانه فيا و الموضوع لفت نظري جامد
انا : ايه ها تخديني صوره
سحر : لا بس مش متخيله انك كبرت كده يا مازن
انا : معلش الدنيا بتكبر (ولعت سجاره)
سحر : هو احنا بعد ما نوصل القاهره ها تعمل ايه
انا : مش فاهم السؤال
سحر : شكلنا ها نوصل متأخر بدل ما ترجع ممكن تبيت في البيت و تقضي معانا اسبوع ها تنبسط و اعرفك على اخواتك
انا : لما نوصل نبقي نتكلم

سكتت سحر و شايف سامي قاعد و حاطت ايده على منخيره من الريحه اكتشفت ان العيل ده معش شباب خالص و مدلع و مولود في بوقه معلقه دهب
وصلنا القاهره الساعه واحده بليل طلعنا بره المحطه و طلبنا اوبر ركبت قدام و سحر بعتت اللوكيشن ليه و اتحركنا في الطريق لقيت ان اللوكيشين بعيد على طريق صحراوي و لما وصلنا لقيت قدامي قصر حاجه فخمه جدا و ضخمه مساحه كبيره تحس ان القصر عريق شويه اتفتحت البوابه و دخلنا حاسبت الاوبر و نزلت كان شكل القصر تحفه من قريب مساحه خضرا كبيره قدامه و مركون افخم العربيات من مركات عالميه القصر ده كان عالم تاني خالص خالص حاسس اني دخلت لي طبقه مستحيل كنت احلم بيها او اسمع عنها من الاساس (طب ده لو شاف قصر الصمدي في القاهره ها يقول ايه)
كمال : حمدله علي السلامه يا جماعه
انا : في حاجه حصلت على الطريق
كمال : لمحت كم عربيه كانه ورانا
انا : بشكل ثابت
كمال : لا كانه يروحه و يرجعه
انا : كويس
سحر : كمال اعمل حسابك تفتح عينك كويس اوي مش عايزه اي بني ادم يعرف حاجه عن مازن و مش نزله بكره
كمال : تمام يا هانم مفيش مشكله بعد اذنكم

مشي كمال و طلعنا السلم الكبير اوي ده فتحت سحر الباب و دخلت
سحر : ادخل يا مازن اتفضل
انا : (دخلت من الباب)
سحر : (قفلت ورايا)
سامي : سحر انا هطلع اخد شاور من المكان المقرف اللي كنت في ده (سابنا و طلع فوق)
انا : ماله ده دانا حتي ملقتش تذكره طالبه و ركبتكم قطر الركاب لو كان ركب قطر الطالبه ها يعمل فينا ايه ها يقتلنا
سحر : و ايه الفرق
انا : وله حاجه مش ها نعرف نقعد وله نقف اصلا
سحر : ههههه تعاله اوصلك لي اوضه نومك تدخل تريح شويه تعاله

طلعت معاها الدور التاني وصلتني لي اوضه نوم
سحر : ارتاح هنا اتفضل
انا : شكراً

دخلت الاوضه و لقتها رايحه لي الاوضه اللي قدامي دخلتها و قفلت وراها و انا قفلت الباب شكل الاوضه كان وهم حاجه فوق الخيال مساحه كبيره جدا و سرير كبير اوي شكل الاوضه تحفه و انا حاولت على قد ما قدرت اداري انبهاري بشكل البيت بس من جوه كان وهم لفيت فيها شويه طلع فيها حمام كبير و درسنج روم و فيها قعده و سرير و تلفزيون و مكتب من شكل الاوضه اللي كان واضح انها عادي يعني مكنش مقيم فيها حد قبلي ده شكل اساسي لي كل الغرف في القصر
تعبت اليوم ده جامد مطبق مع ابو صقر و صقر و مطبق مع اخواتي و اخر اليوم سحر و سامي
اترميت على السرير مدرتش بحاحه غير الساعه سبعه الصبح فتحت عيني لقيت سحر في وشي
انا : (اتفزعت) مين
سحر : (حاولت تهديني) اهدا يا مازن اهدا هو انا صحيتك
انا : لالا انا كنت هصحي انتي بتعملي ايه هنا
سحر : مفيش صحيت اطمن عليك بليل
انا : هو في حاجه حصلت
سحر : لا مفيش
انا : (رفعت ضهري عن السرير دعكت عيني) هيا الساعه كم
سحر : سبعه الصبح
انا : طيب (اتعدلت على السرير و ها قوم)
سحر : انتا قايم
انا : ايوه
سحر : طيب احضرلك الحمام
انا : سحر شوفي انتي رايحه فين
سحر : ليه اعملك فطار طيب
انا : ثواني بس افوق و نشوف ممكن اقوم وله ها تشليني تدخليني الحمام او حبه تطمني على البمبرز لا اكون بليته وله حاجه
سحر : (اتحرجت) طيب بعد اذنك اسيبك براحتك

قامت و خرجت من الاوضه و انا دخلت الحمام غسلت وشي و فوقت شويه اخدت دش و طلعت غيار كان معايا في شنطه صغيره من امبارح لبسته و اخدت علبه خشب من الشنطه و فتحت الباب خرجت من الاوضه بعد ما قفلت ورايا و نزلت الدور الاول بصيت حوليا لمحت المطبخ دخلته فتحت الثلاجه ملقتش فول و دي مصيبه في حد ذاتها افطر جبنه يعني قولت مبدهاش اخدت جبنه بدور على العيش لقيت توست مبقتش عارف اعمل ايه يعني افطر بأيه جبنه بتوست يعني مفيش عيش بلدي وله حتي فول
اتخنقت شويه عملت رغيف اكلته مكفاش عملت التاني برده مكفاش عملت التالت برده مكفاش لسه بعمل الرابع لمحت تكت السعر مكتوب على الكيس من بره ندمت على اللي اكلته عالم غنيه

فجأة و بدون مقدمات حسيت ان حاجه اتهبدت على دماغي و عيني بتغمض و مش حاسس بحاجه خالص شويه و فتحت عيني مغطرش ببص حوليا لقيت سحر و وراها ثلاث بنات و كمال على الجنب التاني هو و سامي
انا : هو في ايه
كمال : استنه (لمحت في ايده كيس طلع منه حاجه لونها بني و لف من وره ضهري حطها على دماغي)
انا : (حسيت بلسعه جامده في دماغي) اهههههه انتا بتحط ايه يا يابني
كمال : كبست دماغك ببن
انا : بن بن ايه (نتشت من ايده الكيس بصيت لي الاسم) انتا بتكبس دماغي بالبن بتاعي انتا كافر يلاا عارف كيلو البن ده بكام يا بني ادم
كمال : اهدا شويه لحسن يفتح الجرح تاني و نكتمه تاني
انا : ( بصيت لي سحر لقتها لبسه لبس نوم) انتي واقفه كده ليه باللبس ده
سحر : بطمن عليك يا حبيبي
انا : تطمني عليا باللبس ده و في راجل غريب كمال اتفضل بره و متدخلش البيت تاني غير في وجود راجل اتفضل
كمال : احم بعد اذنكم يا جماعه

طلع كمال و انا حطيت ايدي علي راسي
انا : اهههههه اموت و اعرف مين ابن الكلب اللي خبطني على دماغي ابن جزمه قديمه
سحر : احم
انا : مين سامي
سامي : مليش دعوه بيك
انا : اههههه يابن الكلبة
سحر : كحكحكح
انا: في ايه
سحر : نسيت اعرفك بأخواتك البنات
انا : سيبك انتي دلوقتي مين اللي دخل و خبطني علي دماغي مين ابن الجزمه اللي عملها
بنت : (طلعت من وره اتنين بنات طوال وقفين جنب سحر و هيا قصيره اساسا حسبه ١٥٠ ١٦٠ سم حاجه مش موجوده اصلا) انا و اهدا شويه عمال تشتم فيا خف شويه
انا : و انتي مين بقي يا شاطره
بنت : الشاطره دي تبقي امك اتعدل يلاا بدل مفتح دماغك تاني و تالت و رابع كمان
انا : مين بنت الجزمه دي
بنت : الجزمه دي تبقي امك يلاا
سامي : ههههههه والله ده اقوي من اي تحاليل ممكن تتعمل انته اخوات فعلاً
انا : الشلق دي اختي
بنت : تاني (جايه تضربني بس البنتين التانين مسكوها) يلاا ها ضربك و ربنا
سحر : باااااس مازن دي اختك رنا توائمك و اصغر منك بخمس دقايق
رنا : خمس دقايق ايه جو الكبير اوي ده ايه فكره جوني
انا : الله مطولك يا روح اتلمي بدل مقطع لسانك
رنا : قوم ياض وريني نفسك
سحر : يابني اتهد انتا و هيا في ايه اهده شويه و اقعده
انا : انا قاعد
رنا : و انا هاديه
سحر : طيب ده اخوكم مازن مازن دي اختك رنا توائمك و دي اختك حبيبه اختك الوسطانيه و دي اختك مرام الكبيره و الطفل الصغير ده ابنها ادم لمه دنتيكم بقي و رحبه ببعض
انا : متقلقيش ترحبكم وصل اه يا دماغي (حطيت ايدي علي دماغي لقيت الحيوان ده حاطت بن كتير) الله يحرقك يا كمال هو بن ببلاش ليه مسروق وله بفلوس حرام
سامي : خلاص يا مازن دول شويه بن
انا : شويه بن ايه ده حاطت بتاع ربع كيلو في دماغي دول تمنهم يعدي ٢٥٠ جنيه
سامي : ههههه هيا ٢٥٠ جنيه دي فلوس
انا : تخيل طلعت فلوس
سحر : خلاص يا مازن اعتبرني اشترتهم منك
انا : اشتريتي ايه انتي كمان استنى (حطيت ايدي علي دماغي) شكلها دخلت في تربنه هيا ضربتني بايه
رنا : بعصايه البيس بول
انا : و كان ليه اصلا من الاول
رنا : نازله داخله مطبخي في بيتي لقيت هلف طول بعرض برتفاع بياكل في بيتنا
انا : طيب ما ممكن اكون واحد من قرايبكم مثلا
رنا : اطمن مفيش زفت من العيله الزفت دي بيجي يزورنا (قامت و شكلها مخنوق طلعت فوق)
سحر : معلش هيا رنا عصبيه شويه شبهك
انا : تمام ماشي بالنسبه لي حبيبه و مرام ايه مش سامع صوتكم يعني
حبيبه : لا مفيش بس يعني
انا : يعني ايه هو انا عامل ازعاج وله حاجه
مرام : لالا خالص بس مش مصدقين انك رجعت
انا : مش اوي بس تمام رجعت
حبيبه : الفكره مش هنا الفكر ان ماما قالت ان رجوعك في خطوره عليك
انا : مفيش اي خطوره ربنا ما يجيب خطوره طيب مفيش فطار وله ايه ايه تصفه دمي و كمان من غير فطار
سحر : ثواني و يكون الفطار جاهز ها خلي الشغاله تعمله

قامت بسرعه لي المطبخ و انا حطيت ايدي على جيبي طلعت علبه السجاير بتعتي ولعت سجاره بدور الطفايه لقيت مرام مدت ايدها لي الطفايه اللي جنبها و جابتها حطتها قدامي ده ياسر او امير كانه رمه الطفايه في وشي عدل بدون نقاش
خلصت سجارتي و انا قاعد ساكت و هما كمان ساكتين مش عارف اتكلم في ايه وله هما كمان مش عرفين نقول ايه لي بعض يعني هما من الواضح عرفين بوجودي بس انا معرفش بوجودهم موقف غريب بجد مش عارف اعمل ايه
سحر : يله يا ولاد الفطار جاهز انا بعت وره رنا يله احنا قوم يا مازن اغسل ايدك
انا : فين الحمام
سحر : اهو هناك
انا : طيب

قومت دخلت الحمام غسلت ايدي و رجعت تاني لقتهم في اوضه السفره لقتهم سايبين الكرسي اللي على رأس السفره ليا يمكن دي اول مره اخاف من الكرسي ده الان اللي قدامي دول بنات و المفروض اني مسؤول عنهم دلوقتي المسؤوليه صعبه جدا يا عزيزي بجد
قعدت على الكرسي و بصيت لي الفطار
انا : ايه ده هو مفيش فول
سحر : مفيش بس بكره اجبلك فول
انا : إنشاء الله

قعدت فطرت و خلصت قومت غسلت ايدي و دخلت المطبخ انا كنت نازل اعمل قهوه و معايا عده القهوه بتعتي اساسا عملت الفنجان بتاعي و قعدت في الصاله ولعت سجاره
بعد الفطار طلعت سحر غيرت هدومها لبست لبس انا شايف انه لبس خروج مش لبس بيت بس عندهم عادي لبس البيت انضف من حياتي والله و نزلت
سحر : مازن ممكن تيجي نقعد في الجنينه شويه
انا : ماشي

اخدت في ايدي الفنجان بتاعي و قعدنا في الجنينه
سحر : نمت كويس
انا : الحمد لله
سحر : طيب مرتاح
انا : ايوه مرتاح
سحر : يعني مفيش حاجه مديقاك مزعلاك
انا : و انتي عايزه تزعليني وله ايه
سحر : لالا بس بسأل
انا : طيب بتسألي ليه
سحر : يعني عايزه اعرف لو في حاجه مزعلاك تتغير و كده
انا : لا مفيش
سحر : طيب اديك شوفت اخواتك البنات و البيت و شوفت ابن اختك ادم شوفته
انا : اه شكله هادي
سحر : لا هو علشان مش واخد عليك انتا ممكن تكمل حياتك معانا مفيش حاجه ترجع ليها تاني المنيا حياه و ربنا يرحمها و ياسر و امير رجاله كبار يقدر يعتمده على نفسهم لكن احنا محتاجين وجودك جنبنا اوي اخواتك عندهم مشاكل في حياتهم عايزين اللي يحلها
انا : تاخدي الحق وله ابن عمه
سحر : اللي يريحك
انا : انا معرفش اعيش من غير ياسر و امير يا سحر معرفش اقولك يا ماما معرفش اقول لي سامي يا خالو معرفش اكون حجات كتير انتي عايزاني ابقها دلوقتي مقدرش
سحر : انا عرفه انك مش بتشتغل بزرار وله تحت امري دي حاجه انا متأكده منها بس قولي بزمتك مش شايف ان في حاجه غلط في البيت لما الحريم ياخده موقف و الراجل لا خالهم لا قولي
انا : انتي اللي عملتي كده ربيتي سامي صح
سحر : صح
انا : في بوقه معلقه دهب قتلتي طموحه انه يوصل لي حاجه يوصلها ليه مهي كده كده جايه و عملتي كده مع البنات برده شخصيات كلها مهزوزه مش عرفه تعبر عن مشاعرها
سحر : و مين قالك انهم مش عرفين يعبره
انا  :من مرام ولعت سجاره و جابت الطفايه لحد عندي مفيش اخت كبيره بتعمل كده مع اخوها الصغير ابدا مفيش واحده تقبل كذب امها سنين و سنين و كل رد فعلها يكون مجرد صدمه صغيره و عجز عن النطق او التعبير ردود الافعال المفروض تكون اكبر من كده
سحر : انتا جي تحاسبني دلوقتي يا مازن بعد كل اللي خسرته سنين عايشه و فكره ان ابني اتقتل قدام عيني عارف يعني ايه اشوف امي و اكتر انسان انا حبيته في الدنيا دي كلها يقتله قدام عيني و اسكت سنين طالب مني اكون قويه و حازمه في تربيتي ازي اعملها ازي على فكره انا سيده اعمال ناجحه تاجره شاطره جدا لكن ام انا معترفه اني فشلت بس كل ده ينفع يتغير صدقني ينفع لو رجعت وسطنا انتا بأيدك تعدل كل ده
انا : اعدل ايه وله ايه
سحر : بص اعتبر نفسك كده اب و احنا بناتك في اكتر من كده (مسكت ايدي بستعطاف) مازن انا محتاجه ابني جنبي بجد
انا : خلاص يا سحر
سحر : وافقت
انا : (تنهدت) ايوه يا سحر ها جرب هديكي فرصه واحده بس معايا خلي بالك الفرصه معايا مفيش ليها تاني لو مخبيه عليا اي حاجه احب اسمعها دلوقتي احسن من بعدين او اكتشفها بعدين
سحر : (سكتت شويه حسيت انها متوتره قبل ما ترد) ها قول بص مشكلتك انتا و سامي مكنتش تستدعي اني ارح من شرم الشيخ لي اسوان علشانها بس لما بلغوني بلاسم روحت علشان على الاقل اكون شوفتك و اوضح لي سامي شويه حجات ليه
انا : بس كده
سحر : بس كده
انا : طيب
سحر : ممكن انا اسألك على حاجه نكشف ورقنا كله بالبلدي كده
انا : خير
سحر : هو انتا عرفت منين ان اخويا عايز يقتلني امبارح
انا : امبارح لمحت عربيه نضيفه جدا ماشيه ورايا سحبتها لحد ارض قبيله العابد و صقر شاهين العابد صحبي سحبه و استجوبه و عرفت انهم مشين ورايا هما مش عرفين انا مين بس عايزين يعرفه سحر الخديوي كانت عند مين اليوم اللي جيتي فيه و وقعت انا في سكتهم
سحر : تمام تمام تيجي تقعد مع اخواتك تتعرف عليهم
انا : يا ريت
سحر : اطلع غير اللبس اللي كله دم ده و انزل اقعد معاهم
انا : اغير ايه انا معايا طقم واحد بس كنت جي في يوم بيات
سحر : مفيش مشكله اطلع البس حاجه من عند سامي لحد بليل انزل انا و انتا نشتري كل اللي يعجبك
انا : امممممم طيب بس بشرط
سحر؛. اشرط براحتك
انا؛. اولا هلبس الطقم اللي كنت لبسه تمام مش هاخد حاجه من عند سامي
سحر : تمام و الصراحه لبسه ها يطلع قصير عليك اصلك طالع لي ابوك طويل
انا : ثانين انا مش بحب حد يختار ليا لبسي عايزه تيجي معايا اشطا لكن الاختيار ده بتاعي و انا هدفع
سحر : تدفع منين مازن يا حبيبي فلوس محمد السراجي سامحني مش من حقك
انا : عارف و دي فلوسي انا مش فلوسه هو و يله ندخل

دخلت انا و سحر طلعت فوق خلعت هدومي و شلت اثار الدم من علي جسمي و خلعت البيجاما لبست الطقم اللي سافرت به تاني و نزلت ليهم تحت لقتهم قاعدين كلهم و متجمعين
انا : اخرت
مرام : لا عادي
انا : طيب (قعدت) تحبه تجربه حاجه ها تعجبكم
حبيبة : حاجه ايه
انا : رسك مش ها تعرفي قبل ما توافقي
حبيبه : ماشي
مرام : اجرب
انا : رنا ايه
رنا : ايه هيا
انا : وافقي و تعرفي
رنا : لا موافقش غير لما اعرف مش يمكن تكون سبانخ مثلاً وله قلقاس
انا : لالا انا مش شرير للدرجه دي
رنا : طيب ايه هيا
انا : طيب ها تشربه حاجه
رنا : ايوه ايه هيا مش يمكن تكون شعير و انا مش بحبه
انا : ايه هو انا جي اعذبك وله ايه
رنا : اخلص
انا : قهوه
رنا : كل ده علشان فنجان قهوه ياعم نشرب القهوه و نشوف تمن القهوه ابو ٢٥٠ جنيه ده مله ابوه ايه يكونش قهوه دهب
انا : فتحت باب ما يعلم به إلا ربنا طيب اعملكم قهوه (قومت دخلت المطبخ جبت علبه خشب بترافقني في كل حته بروحها و رجعت ليهم حطتها قدامهم علبه خشب مزغرفه و منقوشه و مكتوب في وسطها بالعربي السلطان فتحتها و طلعت منها سبرتا و كنكه و معلقه و البن و السكر و اخدت مايه ساقعه لقمت اول فنجان و حطيته على النار خلص صبيته لي مرام و اللي بعده لي حبيبه و اللي بعده لي رنا و اللي بعده لي سامي و واحد ليا و التاني لي سحر انا تعمدت اني مقولش ايه الحاجه دي علشان اشوف شخصيه مين الطوعيه اللي ها تمشي زي ما تقول و مين صاحب الصوت صاحب الشخصيه اللي يفهم قبل ما يقول امين و طلعت رنا اللي فيها شبه كبير في الشخصيه بنها و بين امي الله يرحمها ) جربه

بدأه يشربه و باين عليهم علامات الرضا
رنا : برده ٢٥٠ جنيه كتير هو حلو بس مبلغ
حبيبه : لا ازي انا عمري ما جربت قهوه بالجمال ده جميله بجد
مرام : عندك حق حلوه صح يا ماما
سحر : انا جربته قبل كده مش جديد عليا
سامي : لا طعمه حلو
انا : طيب عايزكم بقي ايه تجربه الفول المدمس
حبيبة : فول!!!!
انا : ايه ماله جربتيه قبل كده
حبيبه : جربته مره مع صحباتي في الجامعه كنا عملين سحور اوريانتل في رمضان نزلنا رستروم اكلنا فيه
انا : رستروم اووووو دفعته كم بقي
حبيبه : كنا اربعه كل واحده دفعت الفين جنيه مثلاً
انا : (غمضت عيني من الصدمه) كان فول بس وله معه سلطات
حبيبه : لا كان فيه بيض ليك مدحرج هههه كان جميل اوي و جرين برجر (معلش يا عزيزي انا عارف انك ها تتشل مع مازن بس لزم اعرفك الطبقه اللي احنا بنتعامل معاها حالياً)
انا : اههههه يا ولاد النصابه ده لو فول حدائق كلفورينا مش ها يبقي بالسعر ده و رحمت اللي ماته و اللي عاشه و البيض المدحرج ده لو مدحرج على فخاد الفنانه هيفاء وهبي مش سمن بلدي مش ها يكلف كل ده ايه الجنان ده
حبيبه : الجرين برجر غاليه
انا : اسمها طعميه يا روح امك الدلع في الاكل ده هو اللي بهدله و رفع سعره  كمان الفول و الطعميه دول يتاكله على العربيه او يتعمله في البيت مش في رستروم ليه اروح مطعم علشان طبق فول و بيضه
حبيبه : و البصل الاخضر
انا : ازرعه امه في الجنينه حبيبه مش عارف اجبهالك ازي بس انته اتنصب عليكم في السحور ليكي عليا يا ستي بكره الصبح تضربي طبق فول و طعميه و بصل اخضر و بيض مدحرج كمان على الفطار
حبيبه : بجد واو انا هعزم كل صحباتي
انا : انتي لو عزمتي ٥٠ واحد يكلف الفين جنبه مش واحد يدفع الفين جنيه
مرام : انتا خريج ايه يا مازن
انا : اداره اعمال و انتي
مرام : طب قسم مخ و اعصاب
انا : بجد دكتوره يعني
مرام : اه
انا : و عيادتك فين
مرام : معنديش عياده مشتغلتش بشهادتي اصلا اتجوزت و خلفت دومي
انا : تمام و انتي يا حبيبه
حبيبه : انا اتخرجت من هندسه ديكور
انا : بتشتغلي
حبيبه : لا انا مش بحب الشغل كل حياتي انتخه سفر خروج و كده
انا : امممم ها نتعب مع بعض شويه و استاذه رنا اللي فتحت دماغي الصبح
رنا : مقولنا خلاص خلي قلبك ابيض
انا : ماشي خريجه ايه
رنا : ام. اي تي
انا : بتشتغلي
رنا : فري لنس
انا : مشاء الله فري لنس دي حاجه ممتازه استاذ سامي ايه خريج ايه
سامي : خريج بزنس
انا : زميل يعني
سامي : لا بس  اي يو سي
انا : زميل برده (بصيت لي ادم) استاذ ادم بقي بيدرس ايه
ادم : كيجي تو
انا : كيجي لا ده انتا كبير بقي
ادم : ايوه
انا : جميل و جوزك اسمه ايه يا مرام
مرام : اسمه محمود
انا : شغال ايه
مرام : دكتور بس اسنان
انا : عنده عياده
سحر : بتسأل ليه
انا : عايز اتعرف على الراجل مش جوز اختي وله ايه
سحر : بس كده بكره يجي يتغدا معانا هو بس كان عنده مشكله كده مع مرام
انا : مشكله ايه دي لا مفيش مشاكل ده انته مبنكم طفل اقعده مع بعض و حله مشاكلكم و اذا كان كده اقعد معه بكره و تتصالحه على بعض عادي
سحر : عندك حق
مرام : (توترت شويه)
انا : (شوفت توترها) ايه يا قمر في حاجه عايزه تقوليها وله ايه
مرام : مين انا لالا خالص مفيش
انا : طيب

فضلت قاعد بتعرف عليهم و علي طباعهم و افكارهم حسيت ان البنات دي مش عايزه راجل في البيت دول عايزين يتربه صح على اسس و معاير مختلفه عن دي ابسط ليك يا عزيزي احنا من مصر و هما من ايجبت ناس لما تحب تسمع فيلم تشترك في نتفلكس مش يستنه لحد ما يتسرب على ايجي بست ناس بتسمع اغاني علي تلفونهم من سبوتي فاي مش من السوند كلود او ينزلوهم من سناب تيوب عالم تاني غيرنا هما مش احسن على فكره بس من نظرتهم كده انهم صح و ده طريق صحيح لكن من نظرتنا احنا فلوس ايه ياعم اللي ادفعها علشان اسمع اغنيه وله فيلم عالم غريب بالنسبه ليا

فضلنا قاعدين لحد معاد الغدا بتكلم معاهم و بتعرف على طريقه تفكير كل واحد فيهم عمله ازي و حسيت ان في مقوله تتجسد على ارض الواقع قدامي المقول بتقول (الايام الصعبه تصنع رجال صعبه و الرجال الصعبه تصنع اوقات سهله و الاوقات السهله تصنع رجال سهله) كان تجسيد واضح و صريح لي المقوله دي قدام عيني

اتحط الغدا و قومنا على السفره قعدنا و حتي الاكل مختلف عن اللي متعود عليه اكل فيه مليار صوص بس مفهوش نفس تحس انه فاتر او ملهوش طعم بس الجوع كافر يا عزيزي هموت من الجوع و عايز اكل اكلت على قد ما قدرت و انا قايم اخدت الطبق بتاعي في ايدي و دخلته المطبخ و غسلت ايدي و طلعت الجنينه ولعت سجاره و كلمت امير في التلفون
امير : الو يا مازن عامل ايه
انا : انا كويس يا امير انتا اخبارك ايه
امير : احنا تمام
انا : الحمد لله
امير : ماله صوتك شكله متغير
انا : مش عارف والله يا أمير بس حاسس اني اتسرعت شويه
امير : اتسرعت ازي
انا : مش عارف قابلت اخواتي و حاسس انهم لا هما شبهي وله انا شبهم لا اللبس وله التفكير وله الطبع حاسس اني من عالم و هما من عالم تاني طريقه الحياه مختلفه
امير : طيب و ايه الجديد محنا عرفين الكلام ده مازن تربيه حياه غير تربيه سحر حتي لو كانه اخوات كل واحد ليه في مدح النبي سيره
انا : معاك بس العك ده مش بتاعي انا بفكر ارجع
امير : ترجع فين
انا : (سكت شويه و رديت بس بهزار) ايه انته عرضته اوضتي لي الإجار وله ايه يا اخويا
امير : الصراحه جي فيها سعر كويس بنفكر
انا : (ضحت علشان لو مردش الرد ده كنت تأكدت ان مينفعش ارجع تاني) طيب استنه شويه ممكن يجي سعر احسن
امير : ههههههه ياهبل قبل ما تقول بفكر ارجع اسأل نفسك هنا ليك فايده وله لا مازن هما محتاجينك و انتا واحشتني من يوم يا اخويا بس هما حريم و عايزين راجل مش رجاله عايزه اخوها فهمت
انا : ياريت اشوفها بالبساطه دي يا امير
امير : هيا بسيطه كلام لكن فعل عايزه رجاله و حياه مربتش نسوان وله ربت
انا : بقولك ايه ما تيجي انتا و ياسر تعيشه معايا هنا
امير : مينفعش يا مازن انا كده كده راجع بره مصر قريب و ياسر مش ها يقدر يسيب شغله
انا : في محامين كتير و كبار يتمنه انه يشتغل معاهم
امير : انتا عارف اخوك الصغير كرامته غاليه عليه مش ها يقبل انتا عارف
انا : يعني
امير  :يعني تعايش مع دول الان دول اهلك برده
انا : طيب سلملي على الواد يوسف و علي ياسر
امير : يوصل يا مازن
انا : يله سلام
امير : سلام

قفلت مع امير و دخلت البيت تاني لقيت سحر لبسه و نزله
سحر : يله
انا : يله فين
سحر : مش عايز تنزل تشتري لبس يله ننزل مع بعض
انا  :اه ماشي يله

لبست الكوتش و طلعت مع سحر من البيت و كمال حضر العربيه و ركبنا و اتحركنا لي مول كبير و مشهور في القاهره

جوه القصر اتعمل اجتماع بين الثلاث بنات و عمهم بقياده رنا
الانوار مطفيه مفيش غير نور اباجوره سهاري الجو مغيم و مخيف
رنا : احنا لزم نشوف حل
حبيبه : عندك حق
مرام : حل في ايه
رنا : في البتاع اللي اسمه مازن ده الواد ده كل دماغ امنا
مرام : مش اخوانا
رنا : و ايه يضمنا انه اخونا
مرام : ماما
رنا : و ماما عرفت منين
مرام : من تحاليل عملتها عليه زمان و كمان لما قابلته في اسوان من سنه و وقتها هيا عرفتنا الحكايه كلها حصل وله محصلش
حبيبه : حصل بس هو شكله غريب مش شبهنا
مرام : عندك حق بس اخونا طريقه التربيه مختلفه ايوه ولكن اخونا
رنا : و هو كان فين اساسا طول السنين دي يعني هيا تحميه تبعده و تسبنا احنا هنا وسط القرف ده نسيتي مين وقف لي الزباله اخو امنا (بصت لي سامي) اسفه يا خالو
سامي : لا وله يهمك
مرامر: ايوه احنا طلع عنا ايوه بس هو كان مطلوب رقبته تخيلي
رنا : انا عن نفسي اخدت قرار انا هقرفه
حبيبه : نطفشه يعني
رنا : ايوه
حبيبه : و انا معاكي
مرام : يا بنات مينفعش ده مش سامي نعمل فيه كم مقلب احنا مش عرفين طبعه ايه
سامي : عندك حق و بعدين يا رنا انتي ايدك تقيله
رنا : انتا اللي خرع
حبيبه : انا مع رنا
سامي : انا مش موافق انته عيال شرانيه
مرام : انا مش ها ضر اخويا الصغير
حبيبه : طيب الكلام لو على غدر و فتن ها يزعل امين
رنا : و براحتكم