قناص بغداد ( مهمة وطن )

المُـهمة الرابعة والعشرين

يامن وجهة نخطف مع هذا ابتسم بستهزاء وصياد كض ايد سُمانه وطلع بيها عود يريد يشغل السيارة سلمنا عليهم وطلعوا أكيد تعليمات أمي ومعلوماتها للتعامل ويا ديوان حاضرة

عاينت الساعة بعدها بـ ١٠ گلت أصعد اعزل الغرفة وانظفها اشوف شكو ماكو

صعدت بعد ما ديوان گال رايح الصديقة عنده شغل شوي ويرد

لبست دشداشة گصيرة ومشلتحة حتى اخذ راحتي بالتنظيف وشغلت أغنية چانت هستوها نازلة إسمها ( گليبوني ) وانطربت وياها وانه انظف

گليبوني يا گليباتي يا روحي يا حياتي
تبقى الك طول العمر شفايفي وبوساتي
حالي بغيابك حالي متروح أبد من بالي
تبقى حبيبي الغالي مهما جرت دمعاتي

عسل عسل كلك عسل حتى أذا تزعل عسل
گليبوني يا گليباتي ....

اتصلت على سمسم هم وبديت أشتغل وحبيت الكلمات فد مرة گلت قبل مايبدي رمضان أسمع اغنية واتونس گبل لا يجيني يصيح حرام وحرام نوب كمت أعيد بيها على واهسها وواهس سُمانه سفطت الكناتير والمجرات وكلشي سويته على مزاجي ظلن عندي بس الفرشة والأرضية

دحست روحي بالكنتور جاي أدور لي فرشة طب ديوان يضحك من سمع كلمات الأغنية تحولت تعابير وجهة الى قرف وگال

-ديـوان: What the hell are you serious؟
(ما هذا هل أنتِ جادة ؟)

سديت الاتصال من سمسم وعاينتله بتك عين طفاها وگال
-ديـوان: ليش الجازي ليش شنو الي وصلچ الهاي الحالة گليلي فضفيلي فهميني يعني دكتورچ النفسي گال هذا الشي طبيعي تجيچ هيچ حالات ؟

رديت شغلتها وانه احچي
-الـجـازي: شحلاتها وكلها هيچ مشاعر وحب بس أنتَ وين تعرف بهاي السوالف

-ديـوان: أذا گليبوني عندچ رومانسية اني إنسان احب البنت الي ماعدها رومانسية ماطيقها

هز ايده وگال
-ديـوان: الكاتب كلمات هاي الأغنية عقله وين

تخرصتله
-الـجـازي: چا شنهي بالله أسمع لاڤيو مورنك هلهولة مدري شنهي اگعد عني ديوان لو اغنيتك مال عرسنا اچتل العالم بيك وانه وياك ادري شنهي رايحين نحارب العالم ياهو إحنا مثلًا والدنيا يحاربونا

رديت شغلتها وأغني وياها

-الـجـازي: اني حياتك اني شما يصير لا تناسني تنشغل عني بثاني متحن على حضناتي عسل عسل كلك عسل

رد طفاها واشوفنه صدك انقرف
-ديـوان: لا بروح اهلچ غزالة الموضوع مقرف ليش ليش أنتِ مرتي وهيچ تسمعين