Warm Love (Completed)

Warm Love-22

Hyunလေးအပေါ် လုံလောက်တဲ့ချစ်ခြင်းမေတ္တာတွေကို Chanyeol ပေးနိုင်ပေမယ့် ဒီထက်များပြားတဲ့ချစ်ခြင်းမေတ္တာတွေကိုလည်းလက်ခံရရှိစေချင်သည်။အထူးသဖြင့် အဖေ့ဆီကပေါ့။အိမ်မှာဆိုလျှင် အဖေ့ကိုမြင်တာနဲ့ Hyunလေးက မျက်နှာရိပ်မျက်နှာကဲလိုက်ကြည့်နေရတာမျိုးကို Chanyeol မလိုချင်ပါ။အဖေ့ဆီကနေ Hyunလေးလိုအပ်နေတဲ့ ဖခင်မေတ္တာကိုအပြည့်အဝရစေချင်သည်။သူနှင့်ပတ်သတ်ပြီး Hyunလေးအပေါ် အဖေအမြင်မကြည်ဖြစ်နေတာမို့ သူကပဲထိုအမြင်တွေကိုပြောင်းလဲသွားအောင် လုပ်ပေးရပါလိမ့်မည်။

Chanyeol ကဘယ်လောက်ပဲအလုပ်တွေများနေပါစေ သူ့ကလေးငယ်အပေါ်မှာတော့ တာဝန်တစ်ခုတောင်မလစ်ဟင်းခဲ့ပါ။အိပ်ချိန်တန်အိပ် စားချိန်တန်စား စသဖြင့် အစစအရာရာဂရုစိုက်ပေးသည်။အရွယ်ရောက်လာတာနှင့်အမျှ ကိစ္စတော်တော်များများကို Baekhyun ကသူ့ဘာသာလုပ်တတ်လာပေမယ့်လည်း Chanyeol ရဲ့လောင်းရိပ်ကနေတော့အလုံးစုံမလွတ်နိုင်သေးပါ။Chanyeol ကသူ့ကလေးငယ်ရဲ့အသိဥာဏ်တွေဘယ်လောက်ပဲဖွံ့ဖြိုးလာပါစေ အရင်လိုနွေးနွေးထွေးထွေးဖြင့် တယုတယဆက်ဆံနေစဲပင်။Baekhyun ကလည်း သူ့ကိုကိုရဲ့ဂရုစိုက်မှုတွေဖြင့် နေသားကျနေပြီးသားမို့ နှစ်ယောက်ကလိုက်လည်းလိုက်ပါပေသည်။

ဒုဥက္ကဌ Park ရဲ့စိတ်မကြည်မှုတွေထဲမှာ သူ့သားနှင့်သူ့သားမက်တို့ အချိန်တိုင်းလိုလိုတစ်တစ်တူးနေတတ်ကြတဲ့ကိစ္စက ထိပ်ဆုံးမှပါနေနိုင်မလားတော့မပြောတတ်ပါ။

ထိုသို့ဖြင့် နေ့ရက်တွေကိုဖြတ်သန်းလာကြရင်း အချိန်တွေဟာ ကျောက်သားနံရံကိုရေစီးကြောင်းကတဖြည်းဖြည်းတိုက်စားသွားသကဲ့သို့ ကုန်ဆုံးသွားသည့်အခါ လငါးလဟာလည်း ခဏလေးကုန်လွန်သွားခဲ့ပြီး ဆောင်းရာသီကိုရောက်လာခဲ့သည်။

:

"နွေးနွေးထွေးထွေးဝတ်ရမယ်"

အနွေးထည်အထူကြီးနှင့် မာဖလာပွပွကြီးကြားထဲမှာမြုပ်နေတဲ့ လူသားလေးကိုကြည့်ပြီး Chanyeol အသည်းတယားယားဖြစ်ရသည်။ဆောင်းတွင်းမှာ ဘယ်လောက်ထိ အဝတ်ထူထူတွေဝတ်ပေးဝတ်ပေး အအေးကြောက်တဲ့ကောင်လေးက Chanyeol ဝတ်ပေးသမျှကို မညည်းမညူနဲ့ဝတ်တတ်ပါသည်။