نبدأ 💜
فى اليوم التالى
كان يجلس على مقعده الخاص به بقوة وهدوء وهو يضع قدم فوقه الآخر وينظر إلى الملف باهتمام حتي قال الآخر بعمليه :- الشحنه ده فيها حاجه مش تمام وكنت عايز اكلمك بخصوصها
نظر له ليل وهو يسحب منه الملف :- مش دي الشحنة بتاعت الادويه إلى جايه من امريكا
هز الآخر رأسه وهو يقول :- ايوه الخاصه بخالد الراوي
ابتسم الآخر وهو يمسك الملف بين أصابعه وينهض بجمود :- سيبها زي ما هي
نظر له الآخر بتعجب وقال :- بس دي أدوية فاسده
تنفس الآخر بهدوء ونظر له بتأكيد وقال :- دا شي احنا ملناش دخل فيه الجمارك اولى بيه
ابتسم الآخر وهو يهز رأسه وقال :- للحظة كنت خايف تكون موافق تكمل الصفقه دي
استدار الآخر ووضع يده على كتف رفيقه وقال :- انا ليل العامري واللى لازم تعرفه عني أني مش بكره اكتر من إللي بيفتكر اني غبي
قال الآخر بستهزاء :- يبقا هو الغبي
خرجت ابتسامة هداء من بين شفتيه وهو يقول بتعجب :- فين عهد
قال عدى بابتسامه وهو يرتدي الجاكيت البدله وقال :- معرفش تقريبا بره انا هروح اشوف ليله وكمان اشوف الكارثه اللى حصلت امبارح سلام
استدار الاخر بوجهه ناحية الشرفه ل يرا ضوء الشمس الذي يهبط على انحاء هذه الحديقه المزينه بالورود والزهور بدفئ وسكينه وبينهم كانت تجلس هذه الفتاة صاحبة الوجه الابيض الهادي والعيون الرماديه الجميله التي كلما نظر إليهم يشعر بأنه لم يرا مثل جمالهم ابدا
كانت تمسك هذا الملف بين يديها وهي تجلس على أحد المقاعد وتحيط بها مجموعه من الزهور النادرة مثلها تماماً ابتسم وهو يتحرك بقدميه خارج المكتب بثقه وثبات يظهر عليه
وفى الخارج كانت تجلس وتنفخ بضيق وتسب بكل غضب وهي تلقي هذا الملف من بين يديها وتقول :- انا تعبت
ضحكت الفتيات وقالت وعد بمرح :- ليه بس يا بشمهندسه
نظرت لها الآخرة نظرات قاتله وقالت :- وعد هقوم اولع فيكي وطلع الغضب كله عليكي انتي
رفعت الاخرى يدها بستسلام وهي تقول بخوف :- لا وعلى ايه اتخرست يا ريس
قالت ليله بضحك :- بس يا وعد قوليلي بقا يا عهد مالك
تنهدت عهد بحزن وهي تقول :- مش شايفني يا ليله
ليله بتسال :- ازاى
عهد بوجع وحزن :- كل حاجه فى حياته الشغل وبس وانا تعبت بحاول اكون معه وجانبه يمكن يحس بيا بس مفيش فايده
جاء من الخلف وجلس بجوارها وقال وهو ينظر لها :- علشان كدا مش هيشوفك
قالت ليله بستهزاء :- انت بتقول ايه
يامن وهو يقول بجديه تظهر فى الأوقات الضروريه فقط :- دي الحقيقة عهد انتي بنت لازم يكون عندك أولوية بنفسك يعني تهتمي بشكلك وحياتك هو مش عايزك تكوني دايما معه بالعكس الازم يحس ببعدك علشان يحبك اي شاب منه بيحب يتعب على الحاجه اللى عايزها وانتي لازم تعملي كدا متكنيش لقمة طريا فى أيده فاهمني
ليله بنفى :- بس كدا يا يامن عهد هترجع من الصفر تاني
يامن وهو يهز رأسه لليله بتأكيد :- عهد متحركاتش بعيد عن الصفر من البدايه هي واقفه مكانها
وعد وهي تنظر ليامن بعجاب وحب مدفون وتقول بتأكيد :- يامن كلامه صح لازم عهد متكنش دايما متاحه له مش وقت مايحب تكون ووقت ميكنش عايزها بلاش
ليله بتردد :- بس ليل ممكن يكون بيحبها
نظرت عهد لليله برجاء ثم قال يامن وهو يضع يده خلف رأسه :- كدا يبقا المهمة اسهل كل متبعد هيلاحظ بسرعه اكبر وهو هيقرب اكتر فهمتي
ليله وهي تنظر لعهد بقله حيله :- معاك حق
عهد وهي تنظر لهم بستفهام :- كلامكم لطيف وجميل اعمل ايه بقا
نفخ يامن بغيظ وقال :- ابو غبائك
وعد بصدمه :- يعني انتي عايزه تفهمني انك مفهمتيش حاجه من كل الرغى ده من الصبح
عهد وهي تهز راسها بنفى :- الصراحه لا
ليله وهي تضع يدها على خدها بنحيب :- وعايزه يحبك بغبائك ده
يامن بحزن وهو يقول :- يعني ياربي بعد الإلهام إللى نزل عليا ده وفى الاخر بفهم حماره اااااه
عهد بدموع ظهرت فى عينها :- انتو بتقولوا عليا غبيه
يامن وهو يقطب جبينه بزهول :- هو ده إللى فارق معاكي
عهد وهي تهز راسها :- اه
يامن وهو يصرخ :- حد يفهمها علشان حتشل
وعد بقلة حيله :- يعني يا عهد يا حبيبتي اتقلي علي الافندي شويه فهمتي
عهد وهي تلوي فمها بحزن :- يعني مش هروح الشغل وكون جانبه
ليله بتأكيد :- لا
يامن وهو يركض باتجاه هذه التي تدخل وهي تحمل بين خصرها هذا السلاح وتمشي بثقه وهدوء واضح وتدخل إلى المنزل اقترب منها وقال :- الباشا كان فين
نظرت له الآخرى بخبث وهي تفرك أذنه بغيظ :- كنت بصلح المصايب بتاعتك
يامن وهو يتلوع الماً وهو يقول :- سيبي ودني يارهف هي لعبه فى ادياكم كل واحد بيلعب بيها شويه وبعدين انا مش بتاع مصايب
رهف وهي تضحك بسخريه :- لا بنفتري عليك ده انت لولا ستر ربنا كان زمانك مشرف عندي فى المركز وكنت عملت معاك الواجب مظبوط
يامن وهو يقول بزعر واضح :- بعيد الشر عني منك لله عايزني اشرف ابو زعبل يامفتريه
رهف وهي تضع يدها حوله كتف يامن وتقول :- فكر بس تيجي وانا والله اطلعك ابن انهارده
يامن وهو يركض الى الداخل بغيظ ويقول :- لا ياختي ولا ابن امبارح ولا انهارده كفايه اني عايش وسطيكم
هبط عدي من الاعلى وهو يقول :- ايه مش عجبك تحب نبعتك مع رهف يومين
نظر له يامن بغيظ وقال :- لا مفيش داعي طوال ما انت موجود هنا يشبه هناك مش فارق كتير
عدي بستفهام :- قصدك ايه
يامن وهو يجلس بجوار سهير :- قصدي أن شكلك كفيل أنه يجيب اعدام
ضحك مازن وقال :- هههههه حلوه دي وشكل رعد يجيب ايه موابد هههه
شعر مازن بشي ضخم يحيط برقبته ويحاول نزعها من مكانها بقوة وهذا الصوت الغاضب يأتي من الخلف بحده :- تحب اخد فيك موابد دلوقتي
مازن وهو يركض خلف ظهر عدي :- لا ونبي ابعد انت لا لااا
عدي بضحك :- قسماً بالله لولا أنك اخويا كنت سبته عليك
يامن وهو يقترب من مازن بخوف :- حبيبي ياميزوو تعال هنا دول وحوش ممكن يكلوك وميرحموش حد فينا
ليله وهي تأتي من الخارج بضحك :- انتو ليه دايما بتعملوا معهم كدا حرام عليكم
يامن بغيظ :- قوليلهم يسيبوا الحمار ويشطروا على البردعه
رعد بستفهام وهو ينظر ليامن الذي يقف بجوار رهف :- قصدك ايه
يامن وهو يجلس ويضع قدم فوق الآخر :- قصدي أن الوقت بيضيع من ايديك يافواز
رعد وهو ينظر بقلق الى رهف التي تجلس بصمت وهي تتفحص الهاتف
عدي بستفهام :- اكيد تقصد مصيبة امبارح صح
يامن وهو يهز يده بنفى :- اسكت انت يا حمار هو عارف قصدي ايه
ليله بخبث :- قصدك ايه يا يمونا
يامن بحزن :- الزمن ده قاسى اوي يا ليلو الحاجه تكون معاك وتروح لغيرك هئ هئ هئ
سهير بنفى :- انا مش فاهمه حاجه
زينب وهي تضع الطعام على المائده :- وابن الهبله ده من أمتي بيجيب عقاد نافع
اقترب يامن من أمه وقال بستفهام ممزوج بصدمه :- هو انا ممكن اسالك سوال
قالت زينب بتأكيد وهي تنظر له بقلق :- اسال يا اخر صبري
يامن بتعجب :- هو انا ضرتك طيب جايبيني من الشارع
زينب وهي تهز راسها بحزن :- للاسف لا
تنهد يامن وهو يرفع يده للأعلى ويقول :- منكم لله هتموتوني بدري
جاء صوت من الخارج يقول :- فى ايه عملت ايه يا يامن جديد
يامن وهو ينظر إلى عمه الذي يأتي من الخارج وهو ينظر ليامن بقلق
صرخ يامن وقال :- عملت ايه يعني انتو ليه كل مصيبه يامن
ليل وهو يأتي من خلفه :- علشان يامن بيكون ورا كل مصيبه
يامن بصدمه وهو ينظر لليل :- حتي انت ياليل بتظلمني انا قولت أن لو العالم كله جه عليا انت لا
طارق بضحك :- هههههه والله يا يامن انت خسروك فى تمثيل هههه
يامن وهو يقترب من عمه ويقول بفرحه :- بجد يا عمو يعني انفع
طارق باصرار :- وتاخد الاسكار كمان
يامن وهو يقول بتأكيد :- انا قررت اسيب الطب وانقل تمثيل ايه رايكم
زينب بصدمه :- يافرحتى بيك ياريتني جبت منك عشرة
يامن بنفى وهو يجلس بفخر :- لا مفيش داعي كفايه انا
عدي بخوف :- الحمد الله مفيش غيرك كان زمان البلد ولعت احنا مسيطرين عليك بالعافيه
يامن بزهول :- ليه بقا شايفني مجنون
عدي وهو يهز رأسه بنفى وياكل بتأكيد :- انيل
يامن بغيظ وهو ينظر لأخته بشر :- ابعدي زوجك عني يا ليله بدل مايكون طلقك على أيدي
ليله بخوف وهي تنظر لعدي :- اسكت يا عدي يامن اخويا ويعملها
ليل وهو ينظر ليامن :- يامن كفايه تعالا كل وانت ساكت
يامن بغيظ :- انت مش شايفهم بيعملوا ايه
وعد بحزن :- والله حرام عليكم سبوا فى حاله
رهف بتأكيد :- والله انا قولت يجي معايا المركز وانا اتعمل معه
سهير وهي تنظر لرهف برعب :- بعيد الشر عليه متقوليش كدا يا رهف
رعد وهو ينظر لامه بتأكيد :- رهف متقصدش يا ماما دي بتهزر
يامن وهو يرفع حاجبه بخبث :- يا حنين
رعد وهو ينظر ليامن بغضب ويقول :- يااامن
يامن بضحك :- والله ماعملتش حاجه
ليل وهو ينظر ليامن بجديه :- يامن تعالا اقعد وكل جانبي من غير كلام
يامن وهو يجلس بهدوء بجوار ليل :- حاضر قعدة
ظل الجميع يتناولون الطعام والجو يمتلئ بالضحك والمرح ومشاكسة يامن للجميع ولكن قطع هذه الجلسة دخول هذا الشيطان وهو يضع يديه داخل جيب بنطاله ويسير بغرور واحتقان ويجلس على مقدمة المائده وهو ينظر للجميع وهما يتشركون الطعام معا قال بستهزاء وهو ينظر إليهم :- والله عال صوت الضحك جايب اخر الشارع
طارق وهو يتناول طعامه بهدوء :- خير يا توفيق فى حاجه
توفيق وهو ينظر للجميع بجمود :- هيكون فى ايه يعني غير مصيبة الأستاذ رعد إللى الكل بيتكلم عنها
رعد بضيق وهو يقول :- وفيها ايه يا بابا انت عارف انا مش بيهمني كلام الناس
توفيق بحدة وهو ينظر لرعد :- بس انا بيهمني كلام الناس واللى حصل مصيبه
سهير وهي تقول بتوتر :- ولا مصيبه ولا حاجه يا توفيق دول الولاد بيهزروا مع بعض مافيهاش حاجه
نظر لها بعيون مخيفه وقال :- انت هتعلميني الصح من الغلط ولا ايه يا سهير
زينب وهي تقول بقوه ودون خوف عكس سهير وهي تنظر له :- سهير مكنش قصدها تقول كدا
توفيق وهو ينظر لها بخبث :- حد عينك المحامي بتاعها ولا لسانها علشان تردي مكانها
زينب وهي تقول بضيق :- والله سهير اختي وكمان
قطعها طارق وهو يقول :- خلاص ياتوفيق وبعدين هي قالتلك الولاد كانوا بيهزروا مع بعض ده شئ ميزعلش حد
توفيق وهو يضرب على المائده بقوة :- هزار ايه ده إللى يحط سمعت العيله فى الارض هما مش صغيرين عشان يعملوا حاجه زي دى رد يا ياحضرت الظابط
قال يامن وهو ينظر لوالده بغضب :- انا اللى عملت كدا ولو حابب تحاسب حد حسابني انا رعد ملهوش دعوه
نظر توفيق ليامن بحدة وقال :- يعني انت مش خايف من عقابي
يامن وهو ينظر له بكره :- لا واللى حبب تعمله اعمله
نظر رعد ليامن والى غضب والده وقال :- يامن اقعد مكانك انا الي مسؤل عن اللي حصل وايوه عايز تلوم حد انا موجود اخويا ملوش دخل
ضغط توفيق على يده بغضب وهو يرا حبهم الواضح لبعض وقال :- والله عال كل واحد بقي محامي التاني هنا وبقي ليكم صوت ترفعوا عليا
طارق بضيق من تصرف اخوه المبالغ فيه وقال :- توفيق انت بتقول ايه
توفيق وهو ينظر ليامن بحقد والاخر ينظر له بكره وقال :- انت مش شايف قلة ادبه ولا ايه يا طارق
واخيرا خرج ليل عن صمته الذي داما طويلا وقال :- بابا ياريت الموضوع يخلص.. كل واحد عرفه غلطه فين ..والموضوع انتهى من البدايه... مفيش داعي للكلام فيه دلوقتي
توفيق وهو ينظر لليل بجمود والى يامن بشر :- ليل انت شايف اخوك بيتكلم معايا ازاى
ليل وهو ينظر ليامن :- يامن بيوضح ليك أن رعد ملوش ذنب فى اللي حصل بس أظهر حضرتك مش حبب تفهم
توفيق بضيق من كلام ليل :- قصدك اني الغلط جاي مني دلوقتي
ليل بنفى :- انا مقولتش كدا انا بحاول افهمك أن الموضوع خلص ومفيش داعي للكلام فى تاني
ثم نظر ليل لرعد وقال :- رعد وصل يامن على الكلية عدي تعالا معايا وانتي عهد
YOU ARE READING
غفران قلب مظلوم
Mystery / Thrillerلم يعرف الحزن يوماً بوجودهم .. لم تهمّه يوماً مصاعب الحياة الكثيرة وآلامها فسدٌّ منيع شكّلوه بأجسادهم وكلماتهم وحبهم حال بينه وبين الألم والوجع .. عاش سعيداً هانئاً مُفتخراً بهم .. وعاشوا معه وحوله يقطفون ثمار السعادة ليُقدموها له بقلب أخوي مُحب حان...
