نبدأ 🥶
وبعد مرور عدت اشهر من زوج يامن و استلامه العمل داخل المشفى وأصبح دكتور محترف يفتخر به الجميع خلال فتره قصيرة
★★★★★★★★★★★★★★★★★
* فى منزل العامرى *
دخل المنزل وهو ينظر للمكان المظلم بتعب بعد مجيئه فى مثل هذا الوقت المتأخر من الليل،، صعد وهو يدخل غرفته وينظر للفراش بحب وهو يفرك عينه بنعس ورغبة كبيرة فى النوم، اقترب منها وهو يلقى حقيبته التى بين يديه بعيداً وقام برمى حذائه كل فرده فى جهة مختلفه جلس على الفراش وهو يضع رأسه على الوساده وينام بتعب ولكن وقبل أن يشعر بطعم النوم اقتربت هى منه وهى تصرخ داخل أذنه بكل قوتها وهى تقول بغضب :- يــــااااااااااامن قووووم
نهض يامن بفزع وهو ينظر حوله بذعر :- ايـــــــــــه فى ايه حصل ايه
وعد وهى تقف امامه وتمسك سكينه بين يديها :- كنت فين
يامن وهو يصعد على الفراش بخوف :- فى ايه ياوعد
وعد وهى تقترب منه بوجه يحمل الغضب :- انا بسال سمو الامير كان فين
بلع يامن رايقه بخوف وهو يرجع للخلف :- هكون فين يعنى فـ شغل ... وبعدين ايه السكينه اللى فى ايدك ده
نظرت إليه وهى تلعب بالسكينة بين يديها بسخرية :- ابداً ناويه اتعلم الجراحه
ابتسم يامن بخوف وهو ينظر للسكين بين يديها :- ه. هو .و.عد حبيبتى ف.فى ايه والله العظيم مش بخونك
وعد وهى تقترب منه بمكر :- عرفت ازاى إني بشك فيك تكونش بتخونى فعلاً
يامن بصراخ وهو يهبط من على السرير ويرجع للخلف بخطوات حذره :- قسماً بالله ابداً ه.هو فى حد يكون متزوجك ويفكر يعمل كدا برضو عيب عليكى والله
وعد وهى تقترب منه وتقول بصوت بلطجى :- قصدك ايه إني وحشه
يامن بشهقه وهو يرا السكينه تقترب منه :- لا والمصحف مش قصدى كدا ياوعد .. ياحبيبتى أنتي فى زيك برضو ده الستات كلها جثث قدامك
وعد وهى تنظر له بابتسامه :- بجد انا جميله
يامن وهو يقترب منها بحذر وصوت حنون :- هو فى . فى جمالك كفايه إني اتزوجتك
وعد وهى تنظر له بغضب :- يـــــااامن
صرخ يامن بخوف وهو يرجع للخلف من جديد :- يـــالــهووووى أنتي بتفهمنى ليه دايماً غلط ... قصدى كفايه انك رضيتى بيا
هزت راسها بخجل وهى ترجع خصله من شعرها خلف اذنها :- يعنى بتحبنى
اقترب منها وهو يدير السكينه بعيداً عنها قليلاً :- هو حد يكون القمر ده ملكه وميحبوش
ابتسمت وهى تنظر له بحزن :- بس انت بتعمل عكس كلامك يايامن
نظر اليها بتعجب وقال :- قصدك ايه
وعد وهى تلوى فمها بغيظ :- انا مش بشوفك تقريباً من وقت متزوجنا وانت مش جانبى
نظر إليها بضيق وقال وهو يمسك السكينه بخوف :- هاتى ده بس ونتكلم
نظرت إليه بضيق وهى تعطى السكينه وهو يضعها بعيداً عنهم ويجلس على الفراش ويخبرها بالاقتراب نظرت إليه بقلة حيلة وهى تقترب منه وتجلس بقربه وهو يقول :- وعد انا عارف إني مقصر جامد بس والله الشغل كان كتير وكمان أنتي عارفه إني المستشفى فوق راسى
نظرت إليه بحزن وقالت :- يامن انا حامل
فتح عينه لها بصدمه وهو يقول :- أنتي بتهزري صح
وعد وهى تهز راسها بضيق :- لا حامل وفى الشهر التالت
هز رأسه دون تصديق وهو يقول :- ازاى
وعد بغضب :- يــــامــن
هز يامن رأسه بنفى :- لا مش قصدى اللى جه فى بالك .. قصدي أنتي بجد حامل
وعد بتأكيد :- ايوه
يامن وهو يلطم وجهه بصدمه :- احى
وعد بغيظ :- انا غلطانه
جات تنهض حتى امسك هو بيدها وقربها من مجدداً وقال بأسف :- اسف بس مش مصدق انى انا هبقى اب ..هكون اب وعلمه قلة الادب
وعد وهى تبرق عينها بصدمه :- يــــامــن
يامن بنفى :- لا قصدى الأدب ياقلبى الأدب
وعد وهى تهز رأسها بغيظ :- انا هتجلط منك والله
يامن وهو ينهض بفرحه :- نسميه ...ليل.. ولا اقولك بلاش هو مش موافق يسمى بنته سوكه مش هسمى أبني عليه بس افرض جات بنت نسميها ..انين.. قبل ما عدى ياخده بس عدى هيخلف الاول ينفع تخلفى بعد شهرين
نظرت إليه بصدمه وهى تقول :- يامن انت اتلسعت
يامن وهو يهز رأسه بخوف :- بس افرض جات أو جه شبه رعد انا ممكن ادفنه تحت الأنقاض
وعد وهى تضع يدها على وجهها بقلة حيله :- ربنا يشفيك بجد
نظر إليها يامن بسرعه وهو يقول :- انا هنزل اقول للكل عن ازنك
وعد وهى تنظر إليه بصدمه :- يااامن
VOUS LISEZ
غفران قلب مظلوم
Mystère / Thrillerلم يعرف الحزن يوماً بوجودهم .. لم تهمّه يوماً مصاعب الحياة الكثيرة وآلامها فسدٌّ منيع شكّلوه بأجسادهم وكلماتهم وحبهم حال بينه وبين الألم والوجع .. عاش سعيداً هانئاً مُفتخراً بهم .. وعاشوا معه وحوله يقطفون ثمار السعادة ليُقدموها له بقلب أخوي مُحب حان...
