غفران قلب مظلوم

البارت السابع والعشرين ♥️🖇️

نبدأ 🙊

* وبعد مرور نصف ساعه *
رفع يامن نظره من على الأرض وهو يتطلع فى ليل وباقى العائله وهم يجرون فى اتجاهه بوجو يبدوا عليها القلق نهض يامن وهو يقف أمام ليل الذى اقترب منه وهو يقول بنبرة تحمل القلق :- حصل ايه
يامن وهو يشير إلى الغرفه التى دخلت فيها وعد منذ قليل ويقول :- و.وعد بتولد جوا
رعد بتعجب :- هو مش لسه اسبوع على الولاده
مازن بفرحه :- مش مهم المهم انها بتولد .. هيييييييه انا مبسوط اوى
عدى بغيظ :- انت ياحيوان مش وقته العبط بتاعك دلوقتى
مازن بغيظ من اخوه :- عيل بارد
زينب وهى تقترب من يامن وتقول :- هى جوا من امتى
نظرت عهد بعيون مرعوبه الى يامن وقالت :- الدكتور قال ايه
ليلة بحزن :- طيب هى كويسه
سهير وهى تنظر له بحزن :- ليه متصلتش بينا
طارق بقلق :- رد يايامن
رهف وهى تنظر ليامن بخوف :- فى ايه يايامن قلقتنا
رعد بتعجب :- يامن انت كويس
نظر لهم ليل بضيق وقال بنبرة تحمل سخرية :- بسسس ايه ما طبيعى مش هيرد ايه كمية الأسئلة دى هو فى امتحان
رعد بضيق :- احنا بنطمن
دار برأسه ليامن وقال بنظر مهدئا :- يامن اهدا وتنفس بهدوء تمام قولى الدكتوره قالت ايه
يامن وهو يحاول اخذ نفس عميق :- قالت إنها ولاده ودخلت على جوا مع وعد
رعد بسخرية :- لا والله كتر خيرها قالت حاجه مش عارفينها
رهف بغيظ :- رعد أصبر انت شوية
عهد وهى تنظر لليل :- انا قلقانه على وعد
ليل وهو ينظر لها نظرات مطمئنة :- اهدى ياحبيبتى هتكون كويسه
نظر يامن إلى غرفة العمليات وهو يسير فى اتجاهها بخوف، لا يعلم أن كان يستطيع أن يكون اب فهذه الكلمه ليست بالأمر الهين يشعر بخوف لا بل برعب من هذه المسئولية الكبيره ، فـ هو لم يتخطى ماحدث معه من والده حتى الآن ، فكيف سيكون هو الأب،،،، أخذ نفس قوى يدخله داخل رئتيه حتى يستطيع الهدوء وعدم التفكير فى تلك الأشياء التى ليست فى وقتها شعر بيد توضع على كتفه تضغط عليه بحنان استدار وهو ينظر لأخوه الكبير بتوتر ملحوظ وقال بنبرة مرعوبه :- انا خايف ياليل
ابتسم ليل وهو يهز رأسه بتأكيد وقال بنبرة لين ومريحة لقلب يامن :- متخفش هى هتكون بخير متخفش .. وكمان هتكون قد المسؤلية دى كمان ... ومفيش حد من الموجودين دول هيكون احسن منك فيها عشان كدا حاول من اللحظه دى تنسى الماضى بمشاكله وتبدأ حياة جديده بفرحه جديده
نظر إليه يامن بدمعه تلمع داخل عينه وقال :- م.مش عارف إذا هكون قدها أو لا
هز ليل رأسه بنظرات تحوى الثقه وقال :- انا واثق من ده المهم انك تحاول تعيش من تانى يايامن انت فاهم
ابتسم يامن وهو يهز رأسه وينظر للباب الذى يفتح ويخرج منه الدكتورة وهى تقترب منهم وتنظر لهم بابتسامه دبت الراحه فى قلوب الجميع وهى تقف أمام يامن وتقول :- مبروك ولد زى القمر
رعد بفرح وهو يضع يده على كتف يامن :- بجد
يامن بنظرات قلقا :- وعد .. وعد هى كويسه
ابتسمت الدكتوره وهى تهز راسها بتأكيد :- هى كويسه متقلقش وبعد شويه هينقلوها اوضه تانيه
زينب بفرح :- الحمد الله يارب .. شكرا ليكى
الدكتوره وهى تغادر :- على ايه ده شغلى عن اذنكم
اقترب ليل وهو يعانق يامن بفرحه ويقول :- مبروك ألف مبروك ياحبيب اخوك
يامن بدموع فرحه :- ا.الله يبارك فيك