#رواية_وما_معنى_الحب؟!
الحلقة الرابعه
رواية وما معنى الحب
"جهز العده والرجاله يلا عشان نعلم عليها قبل ما نشرحها"
قالها حمدى وضحك بسخريه فرد عليه الأخر قائلًا: اعتبر كل حاجه جاهزه يا ريس
نظر لشاشة هاتفه فوجد اتصال من أخر فقال حمدي: اقفل يا معلم عشان رمزي بيتصل كلم إنت باقي الرجاله وأنا هقوله
فتح الخط فرد رمزي قائلًا: الحقني يا حمدي زياد اتمسك وهو بيحاول يخطف بنت
أوقف سيارته فجأه ليرتفع صوت صفير الفرامل وقال: يا نهار إسود إحنا كدا ممكن نروح في داهيه
-المشكله إنه أصلًا هيعترف علينا واحد واحد من أول قلم
حمدي بصوت غاضب: والحيوان دا إيه الي خلاه يشتغل من دماغه! اتجمعوا حالًا عشان نشوف حل في الورطه دي
أغلق هاتفه وضـ.رب لوحة القيادة عدة مرات، نظر لتلك الغائبة عن وعيها يُطالعها بنظرات مدلهمة! وقف لحظات يفكر فيما سيفعله ثم قاد سيارته وانطلق بعد أن رتب خطته..
_________________________
وصلت منى لإستلام الشيفت الليلي، فهي ممرضة بارعة حنونه، تشعر بآلام المرضى ويشهد لها كل من تعامل معها، كانت تحمل بيدها تذاكر المريض تدون عملها وترتب أدويته حين قاطعتها هدى قائلة: إستلمتِ حالة الحاج عادل برده
ابتسمت منى: أعمل ايه بقا كل ما يعرف إن أنا موجوده يطلب من مس أمل أمسك حالته... ربنا يعافيه
هدى: بس أعتقد هو خلاص هيخرج ولا لسه قاعد معانا شويه
منى: يومين كدا هنعمله شويه تحاليل وهيخرج
نظرت لهدى وأرظفت: صحيح إنتِ كنتِ بتكلميني في حاجه الصبح
توترت هدى وعقبت: سيبك دا موضوع تافه كدا مش وقته خالص
كانت تراقبهما تلك الفتاة التي ترتدي بونيه على رأسها ويخرج منه خصلات شعرها السوداء الامعه، ترسم عينيها بمكياج العين بحرفيه، وترتدي زي التمريض نظرت لمنى بغل وحقد واقتربت منهم قائلة بسخريه: هو إنتوا إلي معايا الليله دي! واضح إنها ليله باينه من أولها
نظرت لها منى بتجهم وتجاهلت كلامها، وتابعتعملها وأخذت تكتب التذاكر....
هدى بتجهم: منار بقولك إيه طلعينا من دماغك خلي الشيفت دا يعدي على خير
نظرت لمنى التي لم ترد عليها وقالت:
منار: اي يا ست منى مبترديش عليا ليه! مش عجباكِ ولا إيه!
تجاهلتها منى ونظرت لهدى قائله: دا ميعاد الدوا هروح أجهزه
نظرت هدى لمنار بسخريه وقالت: خديني معاكِ أصل الجو هنا بقا خنقة أوي!
YOU ARE READING
رواية وما معنى الحب؟ بقلمي آيه السيد شاكر
神秘 / 驚悚هل للحب معنى؟! هل تسائلت ما هو الحب؟! ذاك الشعور الذي يتوغل لثنايا قلبك بغتة دون إرادة. مرة تجد قلبك تعلق بإنسان فتقول "أحببته" ومرة لا تتقبل آخر فتقول "لم أحبه". سألته: -وما معنى الحب؟ فقال: -الحب هو ابتلاء يستدعي الصبر.
