အားလုံးထဲမှာ အပြောင်းလဲဆုံးက Baekhyun လို့ဆိုရပေမည်။Baekhyun ကတစ်နေ့တစ်ခြားစကားတွေပိုပိုတတ်လာပြီး ဦးနှောက်ရဲ့အလုပ်လုပ်ပုံကလည်း အတော်လေးမြန်နေသည်။တဖြည်းဖြည်း ဥာဏ်ရည်ပြည့်လာတာနှင့်အမျှ ဂျစ်တူးလေးဖြစ်လာပြီး လူလည်ကလည်းကျတတ်သလို ရစ်လည်းရစ်တတ်သေးသည်။Park အိမ်တော်မှာဆိုရင် အဒေါ်ကြီးတို့လင်မယားက Baekhyun ရဲ့သားကောင်တွေပင်။Baekhyun ကအဒေါ်ကြီးတို့လင်မယားကို အမြဲလိုလိုစနောက်တတ်ပြီး ဂျီလည်းကျတတ်သေးသည်။စကားကိုလည်း ကလေးဥာဏ်လေးဖြင့်မလိမ့်တပတ်ပြောတတ်သေးသည်။အဒေါ်ကြီးတို့ပြီးရင် Baekhyun ရဲ့ဒဏ်ကိုအများဆုံးခံရတာက Minjun ပင်။Baekhyun ကသူ့ကိုမခင်ချင်တော့ Minjun က Baekhyun ဖြစ်ချင်သမျှကို အလိုလိုက်အကြိုက်ဆောင်ပြီးပေါင်းသင်းပေးရသည်။ဒါတောင် Baekhyun ကခပ်ချေချေပင်။
Park အိမ်တော်မှာ Baekhyun ပြားပြားဝပ်တာဆိုလို့ Park သားအဖသာရှိသည်။ဒုဥက္ကဌ Park ဟာအရင်ကတည်းက သူ့ဘာသာဖာသိဖာသာနေတာဆိုတော့ Baekhyun ကရှိန်သည်။ယောက္ခမဖြစ်သူက Baekhyun ကိုအခေါ်အပြောရှိပေမယ့်လည်း အကျွမ်းတဝင်မနေတာမို့ Baekhyun ကလည်း ယောက္ခမဖြစ်သူရဲ့အရိပ်အကဲကြည့်ပြီးနေတတ်ပါသည်။သူ့ကိုကို Chanyeol ကိုကျတော့ အရမ်းတွေရင်းနှီးကျွမ်းဝင်မှုရှိပါသော်လည်း ဘယ်သောအခါမှဂျီမကျဘဲ သူ့ကိုကိုစကားတစ်ခွန်းဆိုတစ်ခွန်းပင်။လူလည်လေး Baekhyun ကသူ့ကိုကိုရဲ့အရှေ့မှာတော့ တကယ်ကို မခုတ်တတ်တဲ့ကြောင်လေးလို လိမ္မာလွန်းပါသည်။လိမ္မာလွန်းတဲ့ Baekhyun ကို သူ့ကိုကိုကလည်း အသည်းတယားယားဖြင့် မြတ်မြတ်နိုးနိုးချစ်သည်။Baekhyun ကသူ့နဲ့မသိတဲ့တခြားသူစိမ်းတွေအပေါ်ဆို အတော်လေးချေတတ်ပါသည်။အနည်းငယ်ရင်းနှီးသွားရင်တော့လည်း အဲ့လူတွေ Baekhyun ရဲ့ဂျစ်တူးဒဏ်ကိုခံနိုင်ဖို့သာ ပြင်ထားကြရပေမည်။
:
"ဥက္ကဌ ဒါက လက်မှတ်ထိုးရမယ့်စာရွက်စာတမ်းတွေပါ"
"အင်း၊ ဒါနဲ့ ဘူချွန်းဘက်က project စနေပြီမလား"
"ဟုတ်ကဲ့၊ သုံးရက်လောက်ရှိသွားပါပြီ"
Chanyeol ခေါင်းတညိမ့်ညိမ့်ဖြင့် အတွင်းရေးမှူးမလေး လက်ထဲက ဖိုင်တွဲတွေကိုယူလိုက်သည်။
ČTEŠ
Warm Love (Completed)
Fanfikce"ကို..ကို" "အင်း ကိုကိုလေ၊ Hyunလေးရဲ့ ကိုကို" "ကို..ကို" "အင္း ကိုကိုေလ၊ Hyunေလးရဲ႕ ကိုကို"
Warm Love-15
Začít od začátku
