ကျောင်းသားအနည်းငယ်သာရောက်သေးသော အခန်းထဲ၌ Kim Ji Woong တို့အုပ်စုအသံများဖြင့်သာ ကျွပ်ကျွပ်ညံနေခဲ့သည်။အလယ်၌ Kim Ji Woong ကိုဝိုင်းကာ ဘဲမကြီးနား ဘဲသားပေါက်လေးတွေကပ်သလိုမျိုး စုနေကြပါ၏။
သူ့ခုံက ပြတင်းပေါက်ဘက် နောက်ဆုံးခုံဖြစ်ပြီး Ricky Shen နေရာကတော့ အလယ်တန်းတတိယမြောက်ခုံဖြစ်သည်။ထိုနေရာ၌ ထူးထူးဆန်းဆန်း နွားနို့ဗူးလေးတစ်ဗူးရောက်နေခဲ့သည်။မည်သူ့လက်ချက်မှန်းဆိုတာ မှန်းနေစရာတော့မလိုတော့ပါဘူး.....ဘာလို့ဆို အဲ့ဒီ့လူက ထိုဗူးလေးပျောက်သွားမှာစိုးနေသလိုမျိုး အဲ့ဒီ့နေရာကိုပဲ တရေးတယူစိုက်ကြည့်နေလို့လေ။
"ဟဲ့ဟျောင် Ji Woong မင်းဘာဖြစ်လို့လဲ? တစ်ယောက်ထဲ Ricky Shen ကို ဒုက္ခပေးဖို့ကြိတ်စီစဉ်နေတာလား!! ငါတို့ကိုလဲ ပြောပြပါအုန်းကွာ"
"စဉ်းစားနေတုန်း"
"အဲ့တာဆို သူ့ ခုံပေါ်က အအေးငါယူသောက်လိုက်မယ်နော် သူငယ်ချင်း ဟီး"
ဘေးနားကနေ Ye Chan ကလှစ်ခနဲ နွားနို့ဗူးနား ရောက်သွားတာမို့ Ji Woong တားရန် အသံကိုတောင် မထိန်းချုပ်မိပဲ အော်ပစ်လိုက်တော့သည်။
"...Beak Ye Chan!! မင်းအဲ့ဗူးကိုထိတာနဲ့ မင်းလက်တွေနောက်၇ရက်လောက်ထိ ဘာမှကိုင်လို့မရတော့အောင် ငါလုပ်ပစ်မယ်!!!"
ထိုစကားကိုကြားသောအခါ သူလန့်၍ ထတောင်ခုန်မိမတတ်ဖြစ်သွားသည်။အခုနက သောက်ချင်မိသော စိတ်ကလေးမှာလဲချက်ချင်းပင် ပျောက်ကွယ်သွားရပါသည်။
တခြားသူတွေတော့မသိပင်မဲ့ Ye Chanကငယ်ငယ်ကတည်းကပေါင်းလာတာမို့ ဒီကောင့်အကြောင်းသိပ်သိတာပေါ့!
Kim Ji Woonဆိုတာကလေ သူပြောရင်ပြောတဲ့အတိုင်းဖြစ်အောင်လုပ်တတ်တဲ့ကောင်။
သူငယ်ငယ်တုန်းကလဲ ရေကူးမသင်ချင်လို့ဆိုတဲ့အကြောင်းပြချက်တစ်ခုလေးနဲ့ ကိုယ့်လက်ကိုယ်ကျိူးအောင်ပြန်လုပ်ခဲ့တဲ့ကောင်။
ကြီးလာတော့လဲ biker မလုပ်ခိုင်းလို့ဆိုပြီး အိမ်မှာရှိသမျှကားတွေ ကို ရိုက်ခွဲဖျက်စီးခဲ့တဲ့ကောင်။
အဲ့ဒီ့လိုကောင်က လေ.. တစ်ကယ့်ဆိုက်ကိုကောင်ပါဆိုနေ!!!!သူ မကြောက်ပဲနေမလား!!
ESTÁS LEYENDO
Fallin'Harder
Fanfic• Ricky fell first but Ji fell harder • Kim Ji Woong+Ricky Shen //WoongRi// written by blue_berryke
