محمد: نفهمك عزيزي بس منين راح تجيب فلوس المهر وتجهيزات العرس كلها
سامر: وشبينة نحن ، راح أنطيك كل فلوسي الي عندي حلال عليك كم ياسين عندي
علاء: شوف هذا الخبل انت شبيك بابا تخبلت ؟!
سامر: شبيك محمد الولد يريد يتزوج وانا ما احتاجهم اعزهم علي يعني!! لا والله
علاء: راح اشيلك بجلاق يالأخبن نسيت عندك عملية صعبة وتحتاج فلوس هواي
سامر: ما نسيت هذا ،بس انا حاليا ما أحتاجهم ، لحد السنة الجاية يجمعهم ياسين ويرجعهن اسوي عملية هسه هو محتاجهم اكثر مني
محمد: شنو رأيك ياسين انت موافق على حجية راح تاخذهم
علاء: إنتظروا لحظة!
ياسين: شبيك علاء
علاء: نحن الثلاثة نجمع كل الي عدنا وننطيكيا ، نحن أخوتك وهذي مسؤوليتنا
محمد: انا موافق
سامر: انا هم
محمد: انت اطلع منها وراك عملية اصعب من عرس ياسين
سامر: انتم عائلتي وأخوتي وكلشي املكة منكم وألكم عود منا لعمليتي نجمع مرة ثانية
ياسين: شباب تأثرت
علاء: بشرفك لا تصير سخيف
ياسين: هسه بس اتزوج واتغير تشتاقون لسخافتي سأتغير وستندمون، الله وأصير عاقل وهيج
علاء: هسة انت تغير والله كريم
ياسين: لا صدك ما اعرف شنو أكول انتم صدك إخوتي جلاب سرسرية الله يطيح حظكم حرجتوني
سامر: ياسين يا شبيك ولك تبجي على شي تافة
ياسين: هذا مو شي تافة هذا عوض ربي بيكم
دموعه تعادل فلوس الدنيا كلها، حضنا وقررنا نزوج ياسين
محمد: بجيتني يالمطي
ياسين: الله يحفظني وابجيكم
ما حسينا غير على علاء جابة بجلاق خلا يتمدد بالكاع
علاء: مو مال احترام مو متأثرين
ياسين: اردها الك بسيطة
الذنب الخامس...!
Start from the beginning
