اليتيمه و خيالها

الجزء الخامس عشر 15

البارت الخامس عشر 15
اليتيمه و خيالها

_

وين تريد توصل يا زمن وياي
اطخلك راس تحلم و أخضع شحدي
ما احتاج كصبه من أعزف على الناي
بيـــه أحزان تطـلع حته بالـبردي
وافوت بـزود جرحي معاند أكبر سيف
واني بكيفي أنتهي و بكيفي من أبدي
يجرحني الزمـن و أسـتصغره بملكاي
و أستخطيه و اكـول صغير مو كدي

_

ريماس: رتبنه الغرفه و نزلنه حضرنه الغده و تغدينه و اجه غيث تغده ويانه و حيدر و كرار و نور خلصوها علي بسامير بس يشمرون حجي ههههه بعدين نضفنه المطبخ اني ونور و صعدنه بدلت و عافتني و نزلت انمطلت ضليت اكلب بالموبايل شويه و دخل هوو ضل يباوع صفح حط غراضه ع الميز و اخذ ملابس و منشفه و طلع ما اهتميت حته ما حاجيته بعدين رجع كال ...

- غيث: طفي السبلت
- ريماس: لا دنيا حاره
- غيث: وين الحروره كومي طفي
- ريماس: الله يساعدك
- غيث: هلا بعد وكت دكومي
- ريماس: مو صوجك (طفيت السبلت و رجعت انمطلت)
- غيث: ملابسج ذني لا تنزلين بيهن جوه
- ريماس: وانت شعليك
- غيث: شني شعليه انزلي بيهن و شوفي رجلج اكسرهن
- ريماس: ما دخلك بيه

- غيث: (بحركه سريعه سحبته لحضني و عيوني بعيونها) باعي لج مالت شعليك و مادخلك ما اريد اسمعهن مره ثاني افتهمتي (هزت راسها معنى اي) ما راح تنعاد موو (رجعت هزت راسها) رئستًا حضنته حيل بس حيل جنت مشتاقلهه لان تغيرت عليه هواي و ما احسها تحبني بس من خطبت ليش قبل وين جنتي خرب سحبتهه و حضنته حيل كلتله تعبان ما انطت اي ردت فعل بقت جامده غفيت بحضنها كعدت بـ 3ونص تقريباً فتحت عيوني بعدني بحضنهه باوعتله لكيته ع نفس الحطه حته راسه ما محركته بس منتهيه بجي و بدون صوت بس دموع ينزلن من شافتني كعدت سدت عيونها اخخخ احس الدنيا ضلمت بوجهي لهدرجه جبرته و كسرته اشوفه طير و كسرو جناحه انمطلت بصفهه و كلتله ...

- غيث: اخرب الخطبه؟(جنت منتضرها تكول اي حته ولله اخربهه)
- ريماس:(فتحت عيونه حيل و صاحت) لااا
- غيث: ليش
- ريماس: مثل ما خطبت حتزوج و خلص
- غيث: تمام چا شكو تبجين
- ريماس: ابجي ع روحي مو عليك
- غيث: ريماس لسانج حيل طولان (عگد حواجبه)
- ريماس: كصه بقت ع لسان ما كصيته كصه

غيث: عفتهه و نزلت

ريماس: من سحبني و ضل يحجي و يباوع بعيوني بعدين كال تعبان و نام بجيت حسيت بس بوكت راحته ينام بحضني ليش هيجي شسويت بحياتي و صار هيج بيه

بعدين كلت اختبار رب العالمين و تحمدت ربي و شكرته من حسيته نام كلش غفه حضنته حييل رغم كسره الي بس احب دفو حضنه احس بالامان و القوه لمن احضنه

اكثر من مره قبل جنت من احتاجه اخلي ينام و احضنه لان قوتي منه شويه و كعد كال اخرب الخطوبه رفضت لان ما اريده يخرببهه بسببي و سعادته تروح هو يحبهه حرام عليه اخربهه بسبب انانيتي بعديت نزل ضلت ابجي و صارت بالـ 4 نزلت وره