اليتيمه و خيالها

الجزء الاول 1

قصه بنت عراقيه عاشت حيات صعبه

اول شي صوت للقصه 🙂😂💚.

البارت الاول 1
اليتيمه و خيالها
-

هلي
افا تبدل حجيكم ليشش؟
معقوله العمر اثر
هلي خلو الحجي مدثر
انا شبيدي العمر ركضه
هلي لو بيدي ما اكبر
-

السلام عليكم
اول شي اعرفكم عن نفسي
اني ريماس عمري 18 يتيمه و متزوجه جانوا عندي 3 اخوان و اني و امي و ابويه بس توفوا و عندي 3 اعمام صادق و كريم و علي و 2 اخوال حازم و محمد و الباقي راح تعرفونا بالقصه .

القصه تبدأ من عام 2020/9/4

ريماس: اهلي جانوا طلعين بشغله راحو كلهم بابه(احمد) و مامه(سرى) و حسون و علاوي و حمود راحو خمستهم ردت اروح وياهم مامه كالت لا مامه ضلي يم بيت عمج و احنه العصر راجعين( ما قبلوا اروح وياهم ).

- ريماس: ايمان خابري مامه شوفيهم ترا اتأخرو
- ايمان: يمعوده انتي شجلبتي هسه شويه و يجيون
- ريماس: ترا كالو العصر نجي و صار اليل
- ايمان: دكافي يمعوده هسه يجون

ريماس: ضليت بحيره و خايفه اهلي تأخروا بس اني بقيت يم بيت عمو كريم و ايمان بنت عمو ما قبلت تتصل ع مامه ف ضليت بقلق لحد ....

ساعه ١١:٢٥م اتصل عباس ابن عمو كريم ع عمو

- كريم: الوو
- عباس: بابه الحكلنا عمو سوه حادث
- كريم:(بصوت عالي) شبي عمك
انسد الخط

- ريماس: بابه عمو بابه شبي .....

عمو عافنا و طلع وضلينه اني و مرت عمو و البنات ضلينه نبجي نصرخ و اصيح مامه حـتجي ترجع هيه كالتلي اجي و ضليت اصرخ بلا وعي بعدين اجه سالم ابن عمو علي اخذنه للمستشفى اني و مرت عمو و ايمان بنت عمو كريم و رحنه

وصلنه للمستشفى و تلاكو ويانه عمو و الولد و يبجون و عمو كريم حضني و ضل يبجي اني بس ابجي طول الطريق لحد ما وصلنه اني ابجي و ما اعرف شي لحد ما طلعوهم من المستشفى كلهم بابه و مامه و اخواني تلاثتهم بهلحضه خسرت العالم كله اني ما عندي غيرهم و خسرهم كلهم مره وحده

3 ايام الفاتحه واني ما مصدكه خسرتهم ليش مامه ما قبلت تاخذني وياهم؟ ليش ما خلتني اكون وياهم باخر لحضات؟ ما عافوني واني صغيره؟ لا همه بعدهم راح يرجعون !. هوايه الحجي الجان يفتر براسي و ما جنت مصدكه بموتهم

يوم لـ 4 من وافاتهم صرت ثكيله ع الكل ...
لا اعمامي و لا اخوالي ولا احد الجان طايقني
واني لا بقالي لا اب ولا ام ولا اخ

يوم السابع الناس منو يشوفني يبجي واني روحي ما ادري بيهه تايهه و معرف شديصير و ما مقتنعه اهلي تركوني