اليتيمه و خيالها

الجزء الثاني 2

البارت الثاني 2
اليتيمه و خيالها

-

انا المراةِ
التي غرقت
بها المراكب
كلها
و خذلتها
وحين لم يبقِ
لها
من الأشرعِة
غير
جناحيها
تعلمِت كيفَ
تتحول من
إمراة الى
نورس.

-

- ليلى: ريماس عمج يريدج
- ريماس: اي خاله صار رايحه

اجيت لعمو اركان دكيت الباب
- ريماس: عمو داز عليه
- اركان: تفضلي بويه تعالي
- ريماس: اي عمو
- اركان: بويه ريماس رايد اكلج شي و اريدج تفهمين الاحجي و خلي بالج وياي
- ريماس: اي عمو كول
- اركان: بويه ريماس اني جبتج هنا و صرتي مسؤوليتي و بركبتي و اني ما دايملج
- ريماس: شلون؟

- اركان: بويه تقبلين تتزوجين غيث حته تضلين هنا طول عمرج حته باجر عكبه من اموت مأمن عليج يم واحد يم ولدي و حته يصير عندج احد بهاي الدنيا
- ريماس: عمو الزواج شي جبير ما اكدر
- اركان: بويه صيري مرته بس كدام العالم
- ريماس: شنو؟
- اركان: تزوجي بس كدام العالم و من حجي الناس و غيث يبويه بعد ما يريد زواج
- ريماس: اي هو ما يريد ليش تريد تزوجني اله
- اركان: بويه كتلج مو زواج بس خليج اله كدام العالم
- ريماس: عمو ولله ما جاي افتهمك جاي تكلي تزوجي غيث و جاي تكلي مو زواج
- اركان: بويه تتزوجون بس بالبيت نفس ما انتم هسه مثل الإخوان

- ريماس: احتقد افتهمتك عمو بس ما اكدر هيجي غيث ما يقبل يتزوج و اني ما اريد اتزوج هسه بعدني صغيره ولله
- اركان: بويه غيث اني احاجي اذا بقه ع هاي حالته يدمر نفسه

ريماس: سكتت ما حجيت و شويه و طلعت دخلت للغرفه سديت الباب و كعدت احجي ويه نفسي و ابجي اني شجاي يصير وياي شنو يريد يزوجوني اي صحيح اهلي عافوني هو مو كال اني اتحمل مسؤوليتج ليش هسه يريد يزوجني معقوله مل مني بعد ما يتحملني ليش ديصير وياي هيجي اذا اعوفهم وين اروح منو يحمل اعيش عنده و ما اصيل ثگل ع احد وين اروح وين اكعد ليش اني مو مثل البنات الي عاشو ويه اهلهم اهلي ليش عافوني لوحدي شوكت يجي اليوم الي اموت بي و اشوف اهلي شوكت راح يخلص هذا الديصير كله؟؟؟؟!

- اركان: غيث
- رسول: بويه غيث فوك كاعد بغرفته
- اركان: صيحه عدي احجي وياه
- رسول: تأمر

رسول: صعدت دكيت الباب

- غيث: منو تفضل
- رسول: غيث ابوي جوه يريدك
- غيث: جاي
- رسول: انزل بسرعه الضاهر الحجي عنده حجي وياك و عصبي
- غيث: ماشي

- غيث: بويه رايدني
- اركان: تعال
- غيث: هاا بويه
- اركان: غيث عندي حجي وياك و خلي بالك وياي و اسمعني زين و افتهمني
- غيث: اي وياك
- اركان: بويه ادري بيك ما تريد زواج بعد
و ادري بيك شلت هلفكره من بالك بس يا بويه لشوكت بويه احنه ما دايميلك باجر عكبه الله ياخذ امانته
- غيث: عمرك طويل يابه بس اني زواج ما اريد
- اركان: بويه ادري بيك بس عدنه هاي ريماس بت عمك صغيره و حليوه و من ثوبنه بويه صارله اشهر ويانه لا شفنه منه شي لا سمعنه منه كلمه بويه هيه مالهه احد و اني اخذته من اهلهه و صارت بركبتي غيث وليدي اخذهه و صير انت اهلهه