باليوم الرابع انفتح الباب شفت امي واكفة تخلي كلاص مي مثل العادة ، حركت جسمي الها بثكل لزمت رجليها وخليت خدي عليها
- فدوة كليلي ليش تسوين بيه هيج ؟ شنو سويت الكم انا ؟ منو انا ؟منو هم؟ وين عائلتي الحقيقية؟
كالت وهي تبعدني عنها
- راح اكول الك الحقيقة علمود تعرف وليش هذا الكره الي بينه تجاهك!
جانت لعائلتك الحقيقية ثار دم وي عائلتنا ، كاموا وكتلوا حماي والي كتله هو ابوك الحقيقي ، جانوا اصدقاء بس بسبب خلاف صار وياهم على شوية فلوس ، ضربة ابوك بمسدس وكتله ! ولان عائلتك الها نفوذ جبير بالدولة ، ما اتحاكم ولا انسجن ، واستمر عايش بحرية وطليق بدون عقاب !
ما گدرنا نعاقبة نحن بوكتها لان نحن عائلة ضعيفة ما نملك شي ، وما نكدر نواجههم ! بعد سنة ونص من السكوت الي كان يحوم على العائلة عرفنا انو صار عدهم طفل ! جانوا ينتظرون هالطفل من سنين ، ما كدرنا نتحمل سعادتهم ونحن نعاني حزن فقد حماي بسببهم
هنا قرر زوجي ياخذ بثار اخوه الي انكتل ظلم بدوم ميهتم شنو حيصير ويا!!
دزينا تهديد لعائلتك حتى يعرفون انوا نحن ما نطعن بالظهر انما ناخذ حگنا منهم ، بس امك اتفقت ويانا ناخذك انت بدل لا نكتل زوجها نحن هم ما نكدر نجيب أطفال بسبب ضعف بجسمي
قررنا نخطفك ونسميك على اسم حماي بس بعد 3 ايام من جبناك وشفنا الشبة الكبير بينك وبين ملامح ابوك ما كدر زوجي يسميك بأسم اخوة وانت تشبة الي كتله!!
وهم ما كدرنا نتقبلك وقررنا نرجعك الهم ومن رحنا لبيتهم ، ما كدرنا نلاگي الهم اي اثر!! لان انتقلوا من البيت والمدينة كلها ، وكأنوا امك جانت تدري كلش زين ما راح نتقبلك ونرجعك الهم ونستمر بقرارنا بالثار منهم!
تخلو عنك وشردوا بروحهم وانت عافوك بين ايدنا! ما كدرنا نكتلك بأي وسيلة لان جنت صغير كلش قررنا نربيك ونخليك تكبر بينا بس ماكدرنا ننسى انت ابنهم، ابن الي كتل واحد من افراد عائلتنا
- بـــأي ذنب!!!!!! ليش انا اتحمل ذنبة
- لأنك ابنة ، استفزتنا ملامح وجهك كلما كبرت صرت تشبة ابوك ! اهملناك لان انت متهمنا وما كدر زوجي يتحمل وجودك وشوفة وجهك فصار يكتلك حتى يشعل بصدرة لهيب الحقد والغضب والثأر حتى يكدر يكتلك بكل سهولة لما تكبر وهذا اجه الوقت الي نتخلص منك بي انت عدونا وأهلك أعدائنا
تتحدث بينما انا أشعر بأحشائي تتداخل مع بعضها البعض وتنزف واموت وأتلاشى.
التساؤل الذي بدأ يحرق روحي كيف تستطيع الأم التخلي عن أبنها؟ جزء من روحها ودمها!؟ ألم يكن بأمكانها الهروب لبلدٍ اخر منذ البداية بدلاً من اعطائي لهم؟
ثالث الذنوب..!
Start from the beginning
