သိုင်းနတ်ဘုရားအသူရာ(ချူဖုန်း) အတွဲ(၁)သိုင္းနတ္ဘုရားအသူရာ(ခ်ဴဖုန္း) အတြဲ(၁)

106 - 110

သို့သော်ငြားလည်း ချူဖုန်းက ထိုနည်းလမ်းများ
ကို  အသုံးပြုနိုင်စွမ်း ရှိသည်နှင့် ကိုယ်ပိုင်ကမ္ဘာ့
စိတ်ဝိညာဉ်အခန်းကို ဖန်တီးရန်အတွက် သူက
သူ၏စိတ်ဝိညာဉ်ကမ္ဘာသို့ ဝင်ရောက်လိုက်လေ
တော့သည်။

အံ့အားသင့်မှုနှင့်အတူ  သူ  တွေ့ရှိလိုက်ရသည်
ကား သူ၏ ကိုယ်ပိုင်စိတ်ဝိညာဉ်ကမ္ဘာအတွင်း၌
ကမ္ဘာ့စိတ်ဝိညာဉ်အခန်း တစ်ခု  တည်ဆောက်
ထားပြီး ဖြစ်သည်ကိုပင်။

''ဒါက ဘာလဲဟ..''
ထိုအခိုက်အတန့်၌ ချူဖုန်းက သူ၏စိတ်ဝိညာဉ်
ကမ္ဘာအတွင်း၌ ရောက်ရှိနေပြီးဖြစ်သည်။

၄င်းမှာ  အကန့်အသတ်မရှိ ကျယ်ပြောလှသည့်
ကမ္ဘာတစ်ခုဖြစ်ပြီး  သူက  အာကာသအတွင်းရှိ
ကြယ်များ အကြား၌  ရောက်ရှိနေသကဲ့သို့ပင်။
သို့သော်ငြားလည်း သူ့အနီးတွင်ရစ်ဝဲလျက်ရှိနေ
သည့်အလင်းများမှာ ကြယ်များ မဟုတ်ကြချေ။
၄င်းတို့မှာ လွင့်မျောနေသော အခိုးအငွေ့ အမျှင်
တန်းများ ဖြစ်ပေသည်။

ချူဖုန်းမှာ  လေထဲတွင် လမ်းလျှောက်နိုင်နေပြီး
ထိုကမ္ဘာအတွင်း၌  မည်သည့်နေရာသို့  ဖြစ်စေ
သူ  ဆန္ဒရှိသည့်အတိုင်း  လျှောက်သွားနိုင်လေ
သည်။ သူက ထောင့်ပေါင်းစုံသို့ ရောက်ရှိနိုင်ပြီး
အရာအားလုံးမှာ သူ၏ ဆုပ်ကိုင်ထားမှုအတွင်း
၌ပင် ရှိနေသည်။

သူ့ရှေ့မှောက်ရှိ ချူဖုန်းနှင့် မဝေးလှသော နေရာ
တွင်  ကြီးမားသော နန်းတော်ကြီးတစ်ခု  ထွက်
ပေါ်လာသည်။ ၄င်းမှာ ရွှန်းစိုသောအရောင်များ
နှင့်  တဖျပ်ဖျပ်တောက်ပနေသော  အလင်းများ
နှင့်အတူ  သလင်းကျောက်များဖြင့် ပြုလုပ်ထား
သကဲ့သို့ အလွန်တရာ လှပနေ၏။

ပုံပန်းသဏ္ဍာန်မှာလည်း အလွန်ထူးဆန်းပေ၏။
၄င်းမှာ ရှင်းပြ၍မရနိုင်သော်လည်း သူ၏ စိတ်ဝိ
ညာဉ်ကမ္ဘာ အတွင်း၌  အလွန်ဆန်းကြယ်သော
မြင်ကွင်းတစ်ခုအဖြစ် တည်ရှိနေသည်။  ၄င်းက
အပေါ်သို့ ဆန့်တက်သွားပြီး  အဆုံးကိုမမြင်နိုင်
ဘဲရှိလျက်  အခြားကမ္ဘာသို့  ဝင်ရောက်သွားသ
ကဲ့သို့ပင်။

၄င်းနန်းတော်မှာ  ကမ္ဘာ့စိတ်ဝိညာဉ် အခန်း ဖြစ်
မည်ဟု  ချူဖုန်း ယုံကြည်မိပေသည်။  သို့သော်
ငြားလည်း  အကန့်အသတ်မရှိသော ကမ္ဘာ့စိတ်
ဝိညာဉ်အခန်း တစ်ခုက  သူ၏  ကိုယ်ပိုင်စိတ်ဝိ
ညာဉ်ကမ္ဘာထဲ၌ မည်သို့ ထွက်ပေါ်လာသည်ကို
သူ နားမလည်နိုင်ပါချေ။