قناص بغداد ( مهمة وطن )

المُـهمة الـرابـعـة

نكتت روحي ونهضت

-كـحِيلـة: محد عار غيرهم يرحون فدوه لكل گطرة دم طاحت من النشمي نعال برجلين جهالي ماخليهم ، بويه النشمي عنده صياد وعنده الجازي وعنده المزن يفنون جهالك وبيتك وأحد وأحد النشمي أخذ عداله زلم ونسوان وماتبرد ناري راح شوفون الدنيا تظلم عليكم راح أخلي فضايحكم ما تلمها ديرة صبركم عليّ حلفت ماتنصب فاتحة للنشمي وعصابتي ماتنزع لحد ما اتحَنه بدم ولدك تدري صياد شراح يسوي راح ياخذ دم ولدك ويحطه على تابوت أبو وعهد ودين بركبتي الا اهلهل هلاهل بتشيع ولدك وانه كحِيلة بت شمخي حچايتي سيف برگبتي

-شـمخي: اهدي يكحلة يضلون خوانچ لا تنسين الدم اليجمعكم

-كـحِيلـة: ولدك موش خواني يخسون يصيرون خوان كحِيلة النشمي انة كلكم ما اشتريكم بفلس كلكم عندي ماتسون لحظة اعيشنها ويا النشمي
البيني وبينكم خزعل غير هذا الحچي كلكم تدفعون الثمن غالي اغلى من رواحكم

-شـمخي: ميخالف وحگچ بس رجعي وياي خايف عليچ يبنيتي لا يأذونچ غاد مايگدرون بس هنا وحيدتچ أنتِ وفروخچ اخافن عليكم رجعي هناك وانه اساعدچ تاخذين بثارچ

صفنت وفكريت بيني وبين روحي صح هنا ماگدر اخذ الثأر اروح هناك واخذه منهم مربع

-كـحِيلـة: اروحن وياك لچن عندي شرط

-شـمخي: اعتبري تم

-كـحِيلـة: تحرم علي دوسة الغصر گبل ما اخذ بثأر النشمي ابنيلي ورا الغصر بيت صغير الي والجهالي

-شـمخي: ميخالف يجرالچ زهبي روحچ أنتِ وفروخچ ومشينا

عفته ودشيت شفت فروخي جاعدين والرجيف ماخذهم هميت ليهم

-كـحِيلـة: شمالكم يمه شنهي عليش هذا الرجيف

-الـمـزن: يمه الباب نفك علينا يمه راح يجتلونچ مثل أبوي وين نروح بعد نضل وحدنا

شاطت رويحتي عليهم حضنتهم ليه

-كـحِيلـة: محد يچتلني لا تخافون ثأر أبوكم بعده ما نوخذ ومانموت اذا ما ناخذ الثأر

تحچه صياد وهو عيونه حمرا من گد البواچي اعاين غبضة ايده من گد ما غابض مبين بياضها

-صـيـاد: نعيش بس حتى ناخذ بثأر أبوي مو يمه

-الـجـازي: صح ناخذ لثأر أبوي ونچتلهم كلهم

خفت عليهم من نفسهم ومن نظراتهم لچن احسن يكبر الحغد بكلوبهم ويكبر ثارهم لجل يحسون بلچمة النشمي

كفيت الاريدنه وطلعت غفل الباب شديته بخيط وعلكته برگبه صياد

ابوي ومن شافهم عيونه دمعت وكال هوسة

-شـمخي: من كالوا زماط أبد ما گال شعليه النشمي والحيل اركد ولكم النشمي والحيل اركد