ကောင်းကင်ကြီးကကြည်လင်လို့ ရာသီဥတုကလည်း သာယာနေလေရဲ့။
ဒီနေ့က မက်သရူးရဲ့ ပထမဆုံးအလုပ်ဆင်းတဲ့ရက်ပေါ့။
မက်သရူးတစ်ယောက် ဘွဲ့ရပြီးပြီးချင်း
ကုမ္မဏီကြီးတစ်ခုမှာ အလုပ်သင်ဆင်းရသည်မို့ ဝမ်းသာနေလေသည်။
ကုမ္မဏီယူနီဖောင်းကို သပ်သပ်ရပ်ရပ်ဝတ်ကာ အားမာန်အပြည့်နဲ့ခြေလှမ်းတွေက
ကုမ္မဏီဆီသို့ လှမ်းလျက် ။
ကုမ္မဏီထဲရောက်တော့ သွားရမည့်အထပ်ကို မသိသေးသည်မို့ ဧည့်ကြိုကောင်တာတွင် အရင်ဝင်မေးရ၏။" တဆိတ်လောက်ဗျ Design ဌာနကဘယ်အထပ်မှာလဲမသိဘူး "
" ချိန်းထားတာရှိလို့လားရှင့် "
ဧည့်ကြိုဝန်ထမ်းကောင်မလေးကမေးတော့
" မဟုတ်ပါဘူးဗျ ဒီနေ့မှအလုပ်သင်စဆင်းရမှာမို့ပါ "
" ဪ ဟုတ်ကဲ့ Design ဌာနက ၈ လွှာမှာပါရှင့် "
" ဟုတ်ကဲ့ကျေးဇူးပါဗျ "
မက်သရူးတစ်ယောက်နှုတ်ဆက်ကာ ဓာတ်လှေကားရှိရာဆီလျှောက်လာတော့သည်။
ဓာတ်လှေကားရောက်သည်နှင့် စိတ်လှုပ်ရှားမှုများနှင့်အတူ ၈ လွှာသို့တက်ခဲ့လေသည်။
ဓာတ်လှေကားတံခါးဖွင့်သည်နှင့် မြင်နေရသည့် ဌာနကြောင့် ပို၍ပင် စိတ်လှုပ်ရှားလာလေသည်။" မင်္ဂလာပါဗျ ကျွန်တော်က ဒီမှာ အလုပ်သင်ဆင်းမယ့် ဆော့မက်သရူးပါ "
" အာ မက်သရူးရေ လာ လာ ကျွန်တော်ကစောင့်နေတာဗျ "
အဖွဲ့မှူးဖြစ်ဟန်တူသော လူက သူပြောတာကြားလို့ထင်သည် လာရောက်နှုတ်ဆက်ကစကားစလေ၏။
" ကျွန်တော်မိတ်ဆက်ပေးပါမယ်။
အားလုံးပဲ ဒါက ဒီနေ့ကစပြီး ကျွန်တော်တို့ ဒီဇိုင်းဌာနမှာအလုပ်သင်ဆင်းမယ့် သူပါ "ထိုသူမိတ်ဆက်ပေးတော့ မက်သရူးကပင် မဆိုင်းမတွ နှုတ်ဆက်လိုက်သည်။
" မင်္ဂလာပါဗျ ။ ကျွန်တော် နာမည် ဆော့မက်သရူးပါ။ ဒီနေ့ကစပြီး ဒီဇိုင်းဌာနမှာ အလုပ်သင်ဆင်းမယ့်သူပါ။
ရင်းရင်းနှီးနှီး မက်သရူးလို့ ခေါ်လို့ရပါတယ်ဗျ။ လိုအပ်တာရှိရင် သင်ပြပြီး ဂရုစိုက်ပေးပါဦး "
YOU ARE READING
Boys Planet's Fanfic Project One Short Collection
Fanfictionယောက်ျားလေးဂြိုလ်ရဲ့ OTP Ship အစုံ One Short collection ပါဗျာ (ဤဇာတ်လမ်းတွင်ပါဝင်သောအကြောင်းအရာအားလုံးသည်စိတ်ကူးယဉ်သက်သက်သာဖြစ်သည်။)