تجارة مع الله

أحداث حصرية

-- خلِ تولي هاي بتج بس تصرخ

-- زين روحي يم مسرة جاي تكتب گولي ألها تنطيج دفتر وألوان

-- خلِ تولي هاي ما تحبني

-- تعاي يمي هنا أتمددي

-- لا ما أريد أنام أختي مريضة لازم نروح للمستشفى

-- خابري أبوج وروحي أنتِ وياه

-- خلِ يولي هسة يگلي جاي وما يجي يجذب عليه يومية

-- ولججج موووودة گومي من وجهي

-- ما أگوم أختي مريضة
شلت شوية من المي الجاي أسوي بي كمادات وغسلت وجهي بي من ورى الضيم إللي واگع عليه

رجعت قست حرارتها نازلة شوية گمت للـتليفون دگيت عليه ما رد رجعت دخلت للغرفه ريحانة تلعب بـ المكعبات شافتني دخلت ضحكت وگامت وهي تستند على الميز
تمشت عليه بحركات بسيطة أنطتني المكعبة أخذتها منها وبست إيدها

رجعت لزمتها ومشيتها للحمام سبحتها ورجعتها للغرفة
تمددت على جربايتها وتباوع على الكارتون

رحت جبت حوري يمها وغطيتها نامت سودة علية يمكن عندها التهاب وهيج صخنت فجأة
رجعت طلعت المسرة لگيتها تحظر بـ جدولها
طلبت منها تحظر ملابس المدرسة وياها
وطلعت منها

يا الله هاي البنيه شگد هادئة وحبابة وتسمع الكلام
رجعت للصالة أباوع على بنت أبوها گاعدة على القنفة ومكتفة إيديها على صدرها وتخنزر

براء -- خير يا طير ليش ضايج الحلو

مودة -- هذا بابا جذاب أني ما أحبه
ضحكت ورحت يمها الله يعلم بـ شنو مواعدها وغلس عليها وهاي گاعده تنتظره اليوم تسويلة عزه هنا

-- مو عيب هيج تگولين على أبوج جذاب مو حرام عليج

-- بس هو حرام عليه يجذب الله يذبه بـ النار

-- شنو گالج بله وجذب عليج

-- گال أجيب الديج مال بيت أبو راضي وما جابة

-- شتسوين بديج بيت أبو راضي

-- العب وياه

-- وأنتِ ما لگيتي غير شيء تلعبين بي

-- أني أحبه ونوناية يومية تطلعة بـ الباب وما تخليني العب بي أني گلت البابا يبوگه إلي

-- يا ما شآء الله حلو وبابا شگالج

-- گال من ينامون أجيبة
دخيلك ياربي سوفل البنيه بعد بس البوگ وتكمل السبحة

-- گومي حبيبتي ننام أني وياج وباچر نشتري واحد جديد خلي يولي مالتهم وسخ

-- گطمي سيف العباس
مدت أصابيعها طابگتهن تريدني أگطع السيف
بعد رائد بعد شمعلمها

-- ما يصير هيج نسوي ماما