تجارة مع الله

بارت السابع والثلاثون

#تجارة_مع_الله

#بارت_السابع_والثلاثون

#بقلمYassah_Yassah

مشكلتي الفرح ما عرف بابه منين
وبثوب الحزن من زغري متمشكل
ناورني الدمع بــ أول مدب على الگاع
وناغمني الحزن وي رنت الجنجل
ضميت الصداقه الساعة الكلفات
واحرزت الوفه لن جودها موشل

🌿🌿🌿🌿🌿🌿🌿🌿🌿🌿🌿🌿

سمينا بسم الله وبدينا حياتنا وكل شي تمام
و حلو حبه حنانه لهفته فجأه ابتعد مني وصار
واحد ثاني كام مني ودفر الخانه مال الكنتور
فزيت مفزوعه

رجع يدفر بالميز سريع ويعيط اباوع عليه تحول ابد مو طبيعي عيونه نطت اعصابه برزت
يدفر بالخانات ويصيح بكل صوته
ااخخخخ الله اخخخخخ اخخخخخ

لفيت نفسي بالغطا ولميت نفسي ميته رعب ما اعرف
ليش هيج تغير شنو صار ما أدري أباوع عليه گله يرجف وعيونه ناطه حمر رجعت ليورة خفت من منظره

رائد : لبسي الخره لا تبقين گبالي بهذا المنظر

حجه هيج وطلع من الغرفه
اريد اگوم البس ملابسي ما اگدر رجليه ماتت جسمي يرعش ياربي دخيلك ساعدني شبيه هذا هيج تخبل هسه جان مثل النسمه شجى تحول

مديت ايدي على ملابسي شلتهم من الگاع ولبستهم
اسمعه يصيح وحده بالصاله بصوت عالي
واسمع صوت تكسر ما اعرف شنو جاي يكسر
وما عندي الجرائه أگوم اشوفه بقيت على گعدتي ولافه نفسي بالغطا

شويه وسمعته يتقئ معناها صعد عنده الضغط
هو من يصعد ضغطه يتقئ ويطگ خشمه دم

عزا العزاني شنو شاف وهيج صار بحاله
اگوم اشوفه لو ابقى خاف اگوم ويضربني بعدني افگر اجه للغرفه شعره ينگط مي مغسله طلع خاولي من الكنتور ورجع طلع بالصاله بدون ما يباوع عليه هنا إني انتهيت من صدگ بجيت على حظي وين ما اذبها سودة مصخمه

اولها هيج الله يعلم شراح اشوف بـ الايام الجايه
بقى قرابة النصف ساعه كاعد بالصاله وريحة دخان الجگاير ملت البيت الله يعلم شگد دخن شويه واندگ الجرس راح فتح الباب دقيقه ورجع دخل للغرفه جايب صينيه العشا خلاها على الميز و گعد يمي
بقيت الف بنفسي بالغطا خايفه منه

رائد : ليش ترجفين

_ما ما مابيه شي

جان الكلام گوه يطلع مني
هو من شاف وضعي وشافني حتى حجي ما اگدر احجي عدل گعدته وجرني عليه حظني وباس راسي
گمت أبجي اكثر

_ هسس كافي روحي انتِ لا تبجين كافي حبيبتي ليش ترجفين

_بس اريد اغسل

_يله گومي  غسلي وتعاي تعشي

گمت للحمام دخلت وسديت الباب بقيت ابجي جوى
لحد ما هو دگ الباب يلا طلعت لگيته شايل الصينيه وجايبها بالصاله اشرلي أجي يمه
رحت گعدت يمه سوالي لفه وصبالي عصير هو ابد ما أكل خلصها بس يدخن وحدة وره وحده يمكن شرب باكيت كامل يدخن ويباوع عليه ما نزل عينه مني
حتى ما اگدر ابلع الگمه من وره نظراته گوه حاجيته