سلاماً يا موطني يا منبع الحضارات
سلاماً يا من صنفت في قلوب شعبك
بالعجيبة الثامنة ستبقى شامخاً منعماً
رغم جميع المصاعب والضروف
هذا البارت هدية الكم بمناسبة جمال وروعه أبداع
أفتتاح بطولة خليج 25
#تجارة_مع_الله
#بارت_الرابع_والثلاثون
#بقلم_Yassah_Yassah
ما حاولت تلتفت تفتقد حنيني
مو جنت كلشي الك لميتك
من الهواء وضميتك بريتي
ذاگ الانطيته الك مو وقتي عافيتي
جنت بوجودك قوي ومكتملة شخصيتي
ومن راح خوفك گلت راحت أهميتي
جا هاي تاليتي ؟
تبتعد عني بسبب حرصي وأنانيتي
تتخله عني بوقت تعبانه نفسيتي
كلشي أمتلكته الك و أولها حريتي
🌿🌿🌿🌿🌿🌿🌿🌿🌿🌿🌿
براء : گاعده بالگاع ودموعي عشره عشره بنتي جاي تموت گدام عيني ما أتحمل بعد طاقتي خلصت أمتحاني جاي يصعب يوم بعد يوم يارب أخذ روحي ولا تخليني أشوفها ميته
من گد القهر الجاي أحس ما گمت اركز شنو يحجون
عماتي گعدن يمي بالگاع يبجن على حالي
رائد ما تقرب مني ولا حجه كلمه وحده وياي
ماخذ الزاويه واگف عين على ريحانه وعين عليه
وأسامه واگف يمه سانده
أخر شي الدكتور گال توقف گلبها
أني سمعته هيج گال گمت من مكاني وبقيت أنگز
لا لا لا دكتوووور فدوة أبوس أيدك لا تحجيهااا هاي بنتي هااي تعب سنيني لا تحجيهااا دكتورر
رائد من سمع كلام الدكتور ما تحمل يوگف بعد
گعد بالگاع گعده
بقى الدكتور يضغط على گلبها يحاول وياها
ماكو نتيجه أجه الدكتور الثاني ضغط مره مرتين ماكو نبض عاد جابو جهاز الصاعقه أسمعه يگله نصي أقل درجه نصا الممرض وأنطاه للدكتور
ضربها أول ضربه ماكو هنا اني كمت أزحف زحوف بالگاع حتى رجل الدكتور بستها بس أريده يرجعلي بنتي رجع ضربها ضربه ثانيه رجعت نبضات كلبها تشتغل بس ضعيفه كلش بعد الدكتور الجهاز منها وگال الحمدلله رجع النبض
أني بسرعه سجدت سجدة شكر
ساجدة وأعيط ما أدري من القهر ما أدري من الفرح
بعدني ساجدة تقرب مني رائد رفعني من الگاع باوعت عليه جان يبجيرشمرت نفسي بحظنه واني ما بقى عياط ما عيطته ما بقى بجي ما بجيته
_ كافي يبعد روحي كافي الحمدلله هاي عدت بسلامه
_گلبي راح يوگف ما أتحمل بعد ما أتحمل
_ يبعد گلبي گلبج كافي گولي الحمدلله
بقيت حاضنته وأصيح الحمدلله الحمدلله
يارب أشكر رحمتك وعطفك يارب أشكر كرمك وياي يا الله أنت الكريم وأنا البخيل يا الله
أنا العبد وأنت المعبود أنت الخالق وأنا المخلوق أنت الرحمن الرحيم أنت الرحمن الرحيم يا الله يا الله
أستغفرك على كل ذنب أذنبته وكل خطيئه أخطئتها يا الله
